ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵚⴱⴰⵏⵢⴰ
ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 10 ⴽⵟⵓⴱⵕ 2022 ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⴷ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵚⴱⴰⵏⵢⴰ ⵙ ⵜⵎⵍⴷⴰ ⵏ ⵓⴷⵔⴰⵡ ⵏⵏⵙ ⴳ ⵜⵙⵎⵓⵏⵉ ⵏ ⵓⵙⵉⵔⴰ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⴰⵎⵓⵏⵜ ⵉ ⵓⵏⴰⵎⵎⴰⵙ ⵍⵍⵉⵉⵙⵏⵓⴱⴳ ⵓⵙⵇⵇⵉⵎ ⵏ ⵉⵎⵓⵔⴰ.
ⵙ ⵜⵎⵍⴷⴰ, ⵙⵓⵜⴳⵏ ⵙⵉⵏ ⵉⵎⵙⵜⴰⵢⵏ ⵜⵉⵢⵢⴰⴼⵓⵜⵉⵏ ⵥⵉⵍⵏⵉⵏ ⵏ ⵜⵙⵎⵓⵏⵉ ⵍⵍⵉⵖ ⴷⵔⵓⵏ ⵉⴱⵕⵍⴰⵎⴰⵏⵏ ⵏ ⵓⵕⵓⴱⴱⴰ ⴷ ⵚⴱⴰⵏⵢⴰ ⴷ ⵎⵉⵚⵕ ⴷ ⵜⵓⵕⴽⵢⴰ ⴷ ⵍⴱⵓⵔⵜⵓⵖⴰⵍ ⴷ ⵉⵟⴰⵍⵢⴰ ⴷ ⵍⵎⵖⵔⵉⴱ. ⵙⴰⵡⵍⵏ ⴼ ⵜⵉⵔⴰⵜ ⵉⴷⵓⵙⵏ ⵉ ⵜⵉⴽⴽⵉ ⵏ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵉ ⵜⵡⵡⵓⵔⵉ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ ⵉⴳⴰⵏ ⴰⵙⴰⵢⵔⵓⵔ ⵏ ⵓⵎⵙⴰⵡⴰⵍ ⴷ ⵓⵎⵛⴰⵡⴰⵕ ⴰⴱⵕⵍⴰⵎⴰⵏⵉ ⵅⴼ ⵜⵎⵙⴰⵔⵉⵏ ⴷ ⵜⵏⴰⵥⴰⵕⵉⵏ ⵏ ⵜⵙⴳⴰ ⵏ ⵓⵏⴰⵎⵎⴰⵙ.
ⴳ ⵓⵙⵡⵉⵔ ⴰⵙⵉⵏⵔⴰⵏ, ⵙⴰⵡⵍⵏ ⵙⵉⵏ ⵉⵏⵙⵙⵉⵅⴼⵏ ⴼ ⵜⵉⵔⵡⵉ ⵏ ⵜⵣⴷⴰⵢⵉⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ, ⵙⴷⴷⵉⴷⵏ ⴼ ⵡⴰⵜⵉⴳ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⴷⴰⵙ ⴷ ⵓⵎⵢⴰⵡⴰⵙ , ⵙⵓⵜⴳⵏ ⴰⵜⵉⴳ ⵏ ⵓⵎⵓⵇⵇⴰⵔ ⴰⴱⵕⵍⴰⵎⵏⵉ ⵊⴰⵔ ⵍⵎⵖⵔⵉⴱ ⴷ ⵚⴱⴰⵏⵢⴰ ⴳ ⵜⵉⵍⵉⵜ ⵏ ⵓⵎⵢⴰⵡⴰⴹ ⴷ ⵓⵎⵙⴰⵡⴰⵍ ⴷ ⵓⵎⵛⴰⵡⴰⵕ ⵊⴰⵔ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ.