ⵜⴰⵙⵎⵓⵏⵉ ⵏ ⵉⵙⵉⵔⴰⵜⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ ⵙ ⵜⵏⵙⵙⵉⵅⴼⵜ ⵜⴰⵖⵔⵉⴱⵉⵜ
ⵔⴰⴷ ⵉⵙⵏⵓⴱⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 10 ⴽⵟⵓⴱⵕ 2022, ⵜⴰⵙⵎⵓⵏⵉ ⵏ ⵉⵙⵉⵔⴰⵜⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ ⵙ ⵜⴷⵔⴰⵡⵜ ⵏ ⵉⴱⵕⵍⴰⵎⴰⵏⵏ ⵏ ⵍⵎⵖⵔⵉⴱ ⴷ ⵓⵕⵓⴱⴱⴰ ⴷ ⵚⴱⴰⵏⵢⴰ ⴷ ⵎⵉⵚⵕ ⴷ ⵜⵓⵔⴽⵉⵢⴰ ⴷ ⵍⴱⵓⵔⵜⵓⵖⴰⵍ ⴷ ⵉⵟⴰⵍⵢⴰ.
ⵔⴰⴷ ⵢⵉⵍⵉ ⵓⵙⵙⴼⵍⴷ ⵉ ⵜⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵏⴰⵎⵓⵏⵜ ⵉ ⵓⵏⴰⵎⵎⴰⵙ, ⴷ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵅⴼ ⵉⵙⵓⵔⵙⵏ ⵏ ⵜⵙⴳⴰ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ ⴷ ⵉⵎⵏⴰⴷⵏ ⴷ ⵜⵏⴰⵥⴰⵕⵉⵏ ⴷⴰⵜ ⵏ ⵓⵎⵢⴰⵡⴰⵙ ⴰⵏⴰⵎⵎⴰⵙ ⴷ ⵜⵉⵍⴰⵍ ⵏ ⵜⵙⵇⵇⵉⵎⵉⵏ ⴷ ⵜⵔⴰⴱⴱⵓⵜ ⵏ ⵜⵡⵡⵓⵔⵉ, ⴷ ⵓⵎⴹⴰⴽⴰⵕⵏ ⵏ ⵉⵎⵔⵙⵉⵡⵏ ⵣⴷⵉⵏⵉⵏ ⴷ ⵓⵙⵡⵓⴷⴷⵓ ⵏ ⵜⵎⵙⵎⵓⵏⵜ.
ⵉⴳⴰ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙⴳ ⵉⵎⵙⴽⴰⵔ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵏ ⵓⵏⴰⵎⵎⴰ, ⵉⴳ ⵢⴰⴷ ⴰⵏⵙⵙⵉⵅⴼ ⵏⵏⵙ, ⵉⵙⵏⵓⴱⴳ ⵓⵍⴰ ⴽⵉⴳⴰⵏ ⵏ ⵜⵙⵓⵜⵍⴰ ⴷ ⵜⵙⵎⵓⵏⴰⵢ ⵏⵏⵙ.
ⵜⴳⴰ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ ⴰⵙⴰⵢⵔⵓⵔ ⵏ ⵓⵎⵙⴰⵡⴰⵍ ⴷ ⵓⵎⵢⴰⵡⴰⵙ ⴰⵏⴰⵎⵎⴰⵙ, ⴰⵔ ⵜⵙⴽⴰⵔ ⵢⴰⵜ ⵜⵙⵓⵜⵍⵜ ⴳ ⵓⵙⵉⴷⵔⵓⵙ ⴳ ⵓⵙⴳⴳⵯⴰⵙ, ⴳⵉⵙ ⵉⴳⵏⵙⴰⵙⵏ ⵙⴳ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ, ⴳⵉⵙ ⵎⴰⴷ ⵉⴳⴰⵏ 280 ⵏ ⵓⴳⵎⴰⵎ ⵙ ⵓⵏⴰⵎⵎⴰⵙ, ⵖⵎⴽ ⵍⵍⵉ ⵜⴳⴰ ⵜⴰⵎⵓⵏⵜ ⵜⴰⴱⵕⵍⴰⵎⵏⵉⵜ ⵜⴰⵄⵕⴰⴱⵜ ⴷ ⵍⵉⴱⵢⴰ ⴷ ⵜⵙⵇⵇⵉⵎⵜ ⵏ ⵜⵎⵏⴰⴹⵉⵏ ⵏ ⵓⵕⵓⴱⴱⴰ ⴷ ⵜⵙⵇⵇⵉⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴰⵏⴹⴰⴼⵏ ⵉⵙⵓⵍⴰⵏⵏ ⴳ ⵜⵡⵡⵓⵔⵉⵡⵉⵏ ⵏ ⵜⵎⵙⵎⵓⵏⵜ.
ⴰⵔ ⵉⵙⵓⵡⵓⴷⵓ ⵜⴰⵡⵡⵓⵔⵉ ⵏ ⵜⵎⵙⵎⵓⵏⵜ ⴰⵙⵉⵔⴰ ⵢⵓⵎⴰⵏ ⴽⴽⵓⵥ ⵉⴳⵎⴰⵎⴰⵏ ⵍⵍⴰⵏⵉⵏ ⵉ ⴽⴽⵓⵥ ⵉⵙⴳⴳⵯⴰⵙⵏ, ⵙⵉⵏ ⵙⴳ ⵜⴰⵙⴳⴰ ⵏ ⵉⴼⴼⵓⵙ ⵏ ⵓⵏⴰⵎⵎⴰⵙ ⴷ ⵙⵉⵏ ⵙⴳ ⵜⴰⵙⴳⴰ ⵏ ⵉⵥⵥⵍⵎⴹ. ⵢⵓⵎⴰ ⵓⵙⵉⵔⴰ ⴰⵎⵇⵔⴰⵏ ⴰⵙⵉⵔⴰ ⵏ ⵜⵎⵙⵎⵓⵏⵜ ⴷ ⵉⵏⵙⵉⵅⴼⵏ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⴷ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⵡⵡⵓⵔⵉ.