ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵎⵓⵏⵉ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴼ ⵜⵉⴹⴰⴼ ⵜⴰⵎⴰⵜⵜⵓⵢⵜ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⴷ ⵓⵙⵉⵟⵏ

ⵜⴷⵔⵓ ⵎⴰⵙⵙⴰ ⵍⴰⵟⵉⴼⴰ ⵍⴱⵍⵉⵃ, ⵜⴰⵏⵙⵙⵉⵅⴼⵜ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ, ⴷ ⵎⴰⵙⵙ ⵎⵓⵃⴰⵎⵎⴰⴷ ⵛⴰⵡⴽⵉ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⴷⵎⵙⴰⵏⵜ, ⴰⵙⵉⵏⴰⵙ 4 ⴽⵟⵓⴱⵕ 2022 ⴳ ⵜⵙⵎⵓⵏⵉ ⵜⴰⵅⴰⵜⴰⵔⵜ ⴼ ⵜⵉⴹⴰⴼ ⵜⴰⵎⴰⵜⵜⵓⵢⵜ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⴷ ⵓⵙⵉⵟⵏ: ⵜⵓⵍⴰⵍⵜ ⴳ ⵓⵙⴷⵓⵙ ⵏ ⵉⴷⵔⵉⵣⵏ ⵏ ⵓⵙⵇⵇⵉⵇ ⴰⵥⵕⴼⴰⵏ ⴷ ⵓⵙⵇⵙⵉ, ⵍⵍⵉ ⵜⵙⵏⵎⴰⵍⴰ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⵙ ⵜⴷⵔⴰⵡⵜ ⴷ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵉⵏⴳⵎⴰⵎⵏ ⵉⵎⴰⵜⵜⵓⵢⵏ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⴷ ⵓⵙⵉⵟⵏ ⵙ ⵓⴼⵉⵣⵢⵓⴽⵓⵏⴼⵉⵕⵓⵏⵚ.

ⴳ ⵜⴳⵓⵔⵉ ⵏⵏⵙ, ⵜⵏⵏⵏⴰ ⵎⴰⵙⵙⴰ ⵍⴰⵟⵉⴼⴰ ⵍⴱⵍⵉⵃ ⵎⴰⵙ ⵉⵙⴽⵔ ⵓⵙⵇⵇⵉⵎ ⵏ ⵉⵎⵓⵔⴰ ⵙⵏⴰⵜ ⵜⵙⵇⵇⵉⵎⵉⵏ ⴼ ⵢⵉⴳⵔ ⴰⵥⵕⴼⴰⵏ: ⵜⴰⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⴷⵎⵙⴰⵏⵜ  ⵉⵜⵜⵉⵍⵉⵏ ⴼ ⵓⵎⴹⴰⵕ ⴷ ⵓⵙⵖⵣⵏ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⴰⵥⵕⴼⴰⵏ, ⴷ ⵜⵙⵇⵇⵉⵎⵜ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ.

ⵜⵙⴷⴷⵉⴷ ⵎⴰⵙ ⵉⵙⵡⵓⵔⵉ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵔⵙⴰⵍ ⵜⵉⴷⵙⵜⴰⵔⵉⵏ ⴷ ⵓⵣⴷⴰⵢ ⵏ ⵜⵎⴰⵙⴰⵢⵜ ⵙ ⵓⵙⵉⵟⵏ, ⵜⵉⵏⵉ ⵎⴰⵙ ⵜⴳⴰ ⵜⵙⵇⵇⵉⵎⵜ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⵉⵎⵉⵙⵙ ⵉⵙⵎⵔⵙ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⵙⴽⵔ ⵏ ⵜⵔⵙⵍⵜ ⵜⴰⴷⵙⵜⴰⵔⵜ ⵏ ⵓⵣⴷⴰⵢ ⵊⴰⵔ ⵜⵎⴰⵙⴰⵢⵜ ⴷ ⵓⵙⵉⵟⵏ.

ⵜⵉⵏⵉ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵎⴰⵙ ⴷ ⵜⴰⵣⴷⴰⵢⵜ ⵏ ⵓⴱⵕⵍⴰⵎⴰⵏ ⴷ ⵜⵙⵏⴱⴹⴰⵢⵜ ⵏ ⵓⵙⵉⵟⵏ ⵉⵍⵍⴰⵏ ⴼ ⵜⵉⴹⴰⴼ ⵜⴰⵥⵕⴼⴰⵏⵜ, ⵜⵍⵍⴰ ⵙ ⵓⵎⵏⵏⵉ 148 ⵏ ⵓⴷⵓⵙⵜⵓⵔ ⵏ 2011 ⵉⵜⵜⵉⵏⵉⵏ ⵎⴰⵙⴰ ⵜⴰⴽⴽⴰ ⵜⵙⵏⴱⴹⴰⵢⵜ ⵏ ⵓⵙⵉⵟⵏ ⵜⵉⵡⵉⵙⵉ ⵏⵏⵙ ⵉ ⵓⴱⵕⵍⴰⵎⴰⵏ ⴳ ⵉⴳⵔⴰⵏ ⵣⴷⵉⵏⵉⵏ ⴷ ⵜⵉⴹⴰⴼ ⵜⴰⵎⴰⵜⴰⵢⵜ, ⵜⵔⴰⵔ ⴼ ⵉⵙⵇⵙⵉⵜⵏ ⵣⴷⵉⵏⵉⵏ ⴷ ⵜⵎⵥⵍⴰⵢ ⵏ ⵓⴱⵕⵍⴰⵎⴰⵏ ⴳ ⵓⵣⵣⵔⴰⴼ ⴷ ⵜⵉⴹⴰⴼ ⴷ ⵓⵙⵓⵜⴳ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ.

ⴳ ⵜⵙⵎⵓⵏⵉ ⴰⴷ, ⵉⵍⵍⴰ ⵓⵎⴹⴰⴽⴰⵕ ⵏ ⵜⵎⵙⴰⵔⵉⵏ ⴼ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⴷ ⵓⵙⵇⵇⵉⵇ ⴷ ⵓⵙⵇⵙⵉⴷ ⵜⵣⴷⴰⵢⵜ ⵊⴰⵔ ⵉⵏⴳⵎⴰⵎⴰⵏ ⵉⵎⴰⵜⵜⵓⵢⵏ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⴷ ⵓⵙⵉⵟⵏ ⴷ ⵉⴱⵕⵍⴰⵎⴰⵏⵏ ⴷ ⵉⵙⵡⵓⴷⴷⵓⵜⵏ ⵉⵎⵔⵙⵍⴰⵏⵏ ⴳ ⵓⴱⵕⵍⴰⵎⴰⵏ ⴳ ⵓⵙⵎⵔⵙ ⵏ ⵜⵡⵡⵓⵔⵉⵡⵉⵏ ⵏ ⵓⵙⵇⵇⵉⵇ ⵍⵍⵉ ⵙⴽⴰⵔⵏ ⵉⵏⴳⵎⴰⵎⵏ ⵏ ⵜⵉⴹⴰⴼ, ⵖ ⵍⵍⴰⵏⵜ ⵜⵉⵍⴰⵍ ⵏ ⵜⵙⵇⵇⵉⵎⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵉⵎⴰⵙⵙⵏ ⵏ ⵉⵏⴳⵎⴰⵎⵏ ⵉⵎⴰⵜⵜⵓⵢⵏ ⵏ ⵜⵉⴹⴰⴼ ⵜⴰⵥⵕⴼⴰⵏⵜ ⴷ ⵓⵙⵉⵟⵏ.

ⵉⵍⵍⴰ ⵓⵍⴰ ⵓⵎⴹⴰⴽⴰⵕ ⵏ ⵉⵎⴰⵢⵏⵓⵜⵏ ⵏ ⵓⵏⵇⵇⵉⵙ ⴰⴱⵕⵍⴰⵎⴰⵏⵉ ⴰⴳⵔⴰⵖⵍⴰⵏ ⵡⵉⵙ ⵙⵉⵏ ⵙ ⵓⵣⵡⵍ: ⵜⵉⴹⴰⴼ ⵜⴰⴱⵕⵍⴰⵎⴰⵏⵉⵜ: ⵜⴰⵏⴱⴰⴷⵜ ⵏ ⵓⴱⵕⵍⴰⵏ ⵉ ⵓⵙⵇⵙ ⵏ ⵜⵏⴱⴰⴹⵟ ⵉⵍⵍⴰⵏ ⴳ 2017, ⴷ ⵓⵏⵇⵇⵉⵙ ⵏ ⵓⵙⵓⵜⴳ  ⴰⴳⵔⴰⵖⵍⴰⵏ ⵏ ⵓⵙⴳⴳⵯⴰⵙ ⵏ 2020 ⴼ ⵜⵣⵣⵉⴳⵣⵜ ⵏ ⵜⵎⴰⴷⴷⴰⵙⵜ ⵉⵍⵉⵏⵜⵓⵙⴰⵢ ⵉⵍⵍⴰⵏ ⴳ 2021.