ⵉⵔⵣⴼ ⵓⴽⴰⴱⴰⵕ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴰⴼⵜⴰⵙ ⴰⵏⴰⵎⵎⴰⵙ ⵏ ⵟⴰⵏⵊⴰ

ⵉⵔⵣⴼ ⵓⴽⴰⴱⴰⵕ ⵙⴳ ⵓⴱⵕⵍⴰⵎⴰⵏ ⴰⴼⵔⵉⵇⵉ, ⴰⵙⵙ ⵏ ⵓⵙⴰⵎⴰⵙ, ⴰⴼⵜⴰⵙ ⴰⵏⴰⵎⴰⵎⵙ ⵏ ⵟⴰⵏⵊⴰ.

ⵉⵍⵍⴰ ⴼ ⵓⴽⴰⴱⴰⵕ  ⴰⴷ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴼⵓⵔⵜⵛⵢⵓⵏ ⵛⴰⵔⵎⴱⵉⵔⴰ ⵣⵉⴼⴰⵏⵢⴰ, ⴷ ⵉⵎⵓⵔⴰ ⵏⵏⵙ: ⵎⴰⵙⵙⴰ ⵎⴰⵙⵓⴷⴰ ⵎⵓⵃⴰⵎⵎⴰⴷ ⵍⵖⴹⴼ, ⵖⴰⵢⵓ ⴰⵛⵉⴱⵉⵔ ⵡⴰⵍⴷⵔⵊⵢⵓⵔⵊⵉⵙ, ⵎⵉⵏⴷⵉⵙ ⴳⵓⵏⴽⴰⵍⴼⵉⵙ ⴷⵓⵙ ⴱⴰⵙⵓⵙ ⵍⵓⵙⵢⴰ ⵎⴰⵔⵢⴰ, ⴰⵏⴳⵓ ⵏⴷⵓⵜⵓⵎ ⴼⵕⴰⵏⵚⵡⴰ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵜⴰⵏⵎⵏⴰⴹⵜ ⵏ ⵍⵇⴱⵍⵜ ⵏ ⵉⴼⵔⵉⵇⵢⴰ ⵎⵓⵏⴷⵓⵏ ⵎⵉⵛⵉⵍ ⵜⵉⵔⵉⵏⵙⵉ ⵀⴰⵖⵙ, ⴰⴳⵎⴰⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵎⵉⵚⵕ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵓⵎⵢⴰⵡⴰⵙ ⴷ ⵜⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵓⴼⵓⴽⴽⵓ ⵏ ⵉⵎⴰⵖⵏ ⴳ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵛⴰⵔⵉⴼ ⵎⵓⵚⵟⴰⴼⴰ ⵍⵊⴱⴰⵍⵉ.

ⵢⵉⵍⵉ ⴳ ⵓⴽⴰⴱⴰⵕ ⵓⵍⴰ ⵜⴰⵎⵏⵇⵇⴰⵙⵜ ⵏ ⵜⵙⵇⵇⵉⵎⵜ ⵏ ⵓⵎⵢⴰⵡⴰⵙ ⴷ ⵜⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉ  ⴷ ⵓⴼⵓⴽⴽⵓ ⵏ ⵜⵎⴰⵖⵉⵏ ⴽⵓⵎⴱⵉ ⵍⵓⵎⵉ ⴱⵉⴷⵓ, ⴷ ⵜⵎⴰⵔⵉⵜ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵣⴰⵎⴱⵢⴰ ⵎⵓⵍⵉⵏⴳⴰ ⴽⴰⵎⴱⴰⵎⴱⴰ ⵛⵉⵎ, ⴷ ⵜⵎⴰⵔⵉⵜ ⴼ ⵓⴱⵕⵍⴰⵎⴰⵏ ⵏ ⵜⴳⵍⴷⵉⵜ ⵉⵙⵡⴰⵜⵉⵏⵉ ⵎⵓⵙⵟⴰ ⵣⵉⵏⵟⵓⵎⴱⵉ ⵟⴰⵏⴷⵉ, ⴷ ⵉⵎⵙⵡⵓⵔⵉⵏ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ.

ⵉⴳⴰ ⵓⵔⵣⴰⴷ ⴰⴷ ⵜⴰⵎⵍⴷⴰ ⵏ ⵜⵓⵙⵙⵏⴰ ⵏ ⵉⵙⵏⴼⴰⵔⵏ ⵏ ⵍⵎⵖⵔⵉⴱ, ⴰⵎ ⵡⵉⵏ ⵓⴼⵜⴰⵙ ⴰⵏⴰⵎⵎⴰⵙ ⵏ ⵟⴰⵏⵊⴰ ⴷ ⵓⴷⵖⴰⵔ ⵏⵏⵙ ⴳ ⵓⵙⵖⵏⵣⵉ ⴰⴳⵔⴰⵖⵍⴰⵏ, ⴷ ⵡⴰⵜⵉⴳ ⵏ ⵜⵓⵚⴽⵉⵏ ⴰⴳ ⴳ ⵓⵙⵏⴰⵍ ⴷ ⵓⵙⵎⵖⵔ ⵏ ⵓⵙⵖⵏⵣⵉ ⴰⴳⵔⴰⵖⵍⴰⵏ.

ⴳ ⵓⵔⵣⴰⴼ ⴰⴷ, ⵥⵕⴰⵏ ⵉⴳⵎⴰⵎⵏ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ, ⵙ ⵜⵉⵍⵉⵜ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⴱⴰⴹ ⵏ ⵜⵙⴳⴰ ⵏ ⵍⴼⴰⵃⵚ ⴰⵏⵊⵔⴰ ⵄⴰⴱⴷⵍⵅⴰⵍⵇ ⵍⵎⴰⵔⵣⵓⵇⵉ ⴷ ⵓⵏⵎⵀⴰⵍⴰ ⴰⵎⴰⵜⴰⵢ ⵏ ⵜⵏⴱⴰⴹⵜ ⵏ ⵓⴼⵜⴰⵙ ⴰⵏⴰⵎⵎⴰⵙ ⵏ ⵟⴰⵏⵊⴰ ⵎⴰⵙⵙ ⵃⴰⵙⴰⵏ ⵄⴰⴱⵇⴰⵔⵉ ⴷ ⴽⵉⴳⴰⵏ ⵏ ⵉⵎⵙⵜⴳⴳⴰⵔⵏ, ⵥⵔⴰⵏ ⴰⴼⵜⴰⵙ ⴰⴷ ⵉⴳⴰⵏ ⴰⵛⴰⵎⵓⵛ ⴰⴳⵔⴰⵖⵍⴰⵏ ⴷ ⵡⴰⵏⴰⵡ ⵏ ⵓⵙⵉⴷⴼ ⴳ ⵓⵙⵖⵏⵣⵉ ⴰⴳⵔⴰⵖⵍⴰⵏ.

ⴳ ⵓⵔⵣⴰⴼ ⴰⴷ, ⵉⵙⵎⵏⵉⴷ ⵎⴰⵙⵙ ⵃⴰⵙⴰⵏ ⵄⴰⴱⵇⴰⵔⵉ ⵉⵙⵉⵙⴼⵉⵡⵏ ⴼ ⵓⴼⵜⴰⵙ ⴰⵏⴰⵎⵎⴰⵙ ⵏ ⵟⴰⵏⵊⴰ, ⵉⵙⴰⵡⵍ ⴼ ⵜⵉⵍⴰⵍⵜ ⵏ ⵓⵙⵏⴼⴰⵔ ⴰⴷ ⵍⵍⵉ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ, ⵉⵙⵎⵏⵉⴷ ⵜⵉⴼⵔⴽⵉⵡⵉⵏ ⵏ ⵓⵚⴽⵓ ⵏⵏⵙ ⴷ ⵓⵙⵎⵖⵔ ⵃⵎⴰ ⴰⴷ ⵉⴳ ⴰⴳⵔⴰⵖⵍⴰⵏ.

ⵢⵉⵏⵉ ⵓⵍⴰ ⵎⴰⵙ ⵉⴳⴰ ⴳ ⵉⵎⵣⵡⵓⵔⴰ ⵏ ⵉⴼⵜⴰⵙⵏ ⵏ ⵉⴼⵔⵉⵇⵢⴰ ⵙⴳ ⵙⵎⵎⵓⵙ ⵉⵙⴳⴳⵯⴰⵙⵏ, ⴷ ⵡⵉⵏ ⵓⵏⴰⵎⵎⴰⵙ ⵙⴳ ⵙⵉⵏ ⵉⵙⴳⴳⵯⴰⵙⵏ, ⵢⵉⵏⵉ ⵎⴰⵙ ⵉⴳⴰ ⴰⵏⴰⵎⵎⴰⵙ ⵉⵙⵜⴰⵡⵀⵎⵎⴰⵏ ⴳ ⵓⵙⵖⵏⵣⵉ ⴰⴳⵔⴰⵖⵍⴰⵏ.

ⴳ ⵜⵙⴳⵓⵔⵉ ⵏⵏⵙ ⵉ M24, ⵜⴰⴱⴰⴷⵓⵜ ⵉⴹⴼⵕⵏ ⵍⴰⵎⴰⴱ, ⵉⵙⴷⴷⵉⴷ ⵎⴰⵙⵙ ⴼⵓⵔⵜⵛⵢⵓⵏ ⵣⵉⴼⴰⵏⵢⴰ, ⵎⴰⵙ ⵉⵍⵍⴰ ⵓⵔⵣⴰⴼ ⴰⵎⴰⴷⴷⵓⴷ ⵏ ⵓⴽⴰⴱⴰⵕ ⵉ ⵍⵎⵖⵔⵉⴱ ⵙⴳ 24 ⴰⵔ 27 ⵛⵓⵜⴰⵏⴱⵉⵔ, ⵙ ⵜⵖⵓⵔⵉ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ, ⵉⵡⴰⵜⵜⵙ ⴰⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⴷ ⵜⵓⵙⵙⵏⴰ ⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵎⴰⵕⵕⴰ ⵏ ⵉⴳⵔⴰⵏ.

ⵉⵙⴷⴷⵉ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵎⴰⵙ ⵎⵎⵔⵏ ⵉⴳⵎⴰⵎⴰⵏ ⵏ ⵓⴽⴰⴱⴰⵕ ⵙ ⵜⵣⵣⵉⴳⵣⵜ ⵎⵇⵇⵓⵔⵏ ⵉⵍⵍⴰⵏ ⴳ ⵓⴼⵜⴰⵙ ⴰⵏⴰⵎⵎⴰⵙ ⵏ ⵟⴰⵏⵊⴰ, ⵍⵍⵉ ⵉⴳⴰⵏ ⴰⵅⴰⵜⴰⵔ ⴳ ⵉⴼⵔⵉⵇⵢⴰ ⴷ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ, ⵍⵍⵉ ⵉⵥⴹⴰⵕⵏ ⴰⴷ ⵉⵙⴽⵔ ⴰⵙⵎⴽⵍ ⵏ 9 ⵎⵍⵢⵓⵏ ⵏ ⵜⵡⵡⵓⵔⵉ ⴷ 7 ⵎⵍⵢⵓⵏ ⵏ ⵓⵏⵎⵓⴷⴷⵓ.

ⵢⵉⵏⵉ ⵓⵍⴰ ⵎⴰⵙ ⵉⴳⴰ ⵓⴼⵜⴰⵙ ⴰⵏⴰⵎⵎⴰⵙ ⵏ ⵟⴰⵏⵊⴰ ⵡⴰⴷ ⵉⴳⴰⵏ ⴰⵎⵣⵡⴰⵔⵓ ⴳ ⵓⵎⴰⴹⴰⵍ, ⵉⵖⵔ ⵉ ⵍⵎⵖⵔⵉⴱ ⵃⵎⴰ ⴰⴷ ⵢⵉⵍⵉ ⵓⴷⵔⴰⵡ ⵏ ⵜⵉⵔⵎⵉⵜ ⴰⴷ ⵏⵏⵙ ⴰⴽⴷ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ.

ⵉⵙⴷⴷⵉⴷ ⵓⵍⴰ ⵎⴰⵙ ⵜⵥⴹⴰⵕ ⵉⴼⵔⵉⵇⵢⴰ, ⵙ ⵜⵡⵡⵓⵔⵉ ⵏ ⵍⵎⵖⵔⵉⴱ, ⴰⴷ ⵜⴰⵎⵥ ⵜⴰⵙⵏⵜⴰⵢⵜ ⵏ ⵓⵙⵎⵖⵔ ⵏ ⵉⵅⴼ ⵏⵏⵙ, ⵢⵉⵏⵉ ⵎⴰⵙ ⵏⵙⵖⴰⵡⵙⴰ ⵙ ⵓⴷⵔⴰⵡ ⵏ ⵜⵉⵔⵎⵉⵜ ⴰⴷ ⴰⴽⴷ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ ⵉ ⵓⵙⵎⵖⵔ ⴷ ⵜⴳⵎⵉ ⵏ ⵓⵎⵏⵥⴰⵡ.

ⴳ ⵓⵎⵏⵉⴷ ⵏⵏⵙ, ⵜⵏⵏⴰ ⵎⴰⵙⵙⴰ ⵎⵙⵄⵓⴷⴰ ⵎⵓⵃⴰⵎⵎⴰⴷ ⵍⴰⵖⴹⴰⴷ, ⵜⴰⵎⴰⵔⵉⵜ ⵜⴰⵎⵣⵡⴰⵔⵓⵜ ⵏ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ, ⵎⴰⵙ ⵉⴳⴰ ⵓⵔⵣⴰⴼ ⴰⴷ ⵜⴰⵎⵍⴷⴰ ⵏ ⵜⵓⵙⵙⵏⴰ ⵏ ⵓⴼⵜⴰⵙ ⴰⵏⴰⵎⵎⴰⵙ ⵏ ⵟⴰⵏⵊⴰ ⴳ ⵓⵎⵏⵉⴷ ⵏ ⵓⵙⵙⴰⵔⵓⴷ ⵓⵙⵡⵓⵔⵉ ⴷ ⵓⵙⵎⵖⵔ ⵏ ⵉⵙⵏⴼⵍⵏ ⵉⵏⵙⴱⴰⴱⵏ ⴳ ⵉⵙⵡⵉⵔⵏ ⴰⵏⵎⵏⴰⴹ ⴷ ⵓⴳⵔⴰⵖⵍⴰⵏ.

ⵜⵉⵏⵉ ⵎⴰⵙ ⵜⵏ ⵙⵙⵓⵎⵙⵏⵜ ⵜⵡⵡⵓⵔⵉⵡⵉⵏ ⵜⵉⵅⴰⵜⴰⵔⵉⵏ ⵏ ⵜⴳⵍⴷⵉⵜ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ, ⴷ ⵜⵣⵉⴳⵣⵉⵏ ⴼⴰⵡⵉⵏ ⴳ ⵓⵙⵡⵔⵏ ⴰⴷⵎⵙⴰⵏ ⴷ ⵓⵏⴰⵎⵓⵏ ⴷ ⵓⵙⵔⵜⴰⵏ.

ⵜⵙⵓⵜⴳ ⵓⵍⴰ ⴰⵙⵏⵓⴳⴱ ⵉⵚⴰⵃⴰⵏ ⵉ ⵓⴽⴰⴱⴰⵕ ⵏ ⵓⴱⵔⵍⴰⵎⴰⵏ ⴰⴼⵔⵉⵇⵉ ⵙⴳ ⵜⵉⵏⴱⴰⴹⵉⵏ ⵜⵉⵎⵖⵔⵉⴱⵉⵢⵉⵏ, ⵜⵉⵏⵉ ⵎⴰⵙⵙⴰ ⵎⴰⵙⵄⵓⴷⴰ ⵎⵓⵃⴰⵎⵎⴰⴷ ⵍⴰⵖⴹⴼ ⵉⵏⴰⵔⵓⵣⵏ ⵉ ⵜⴳⵎⴷⵉⵜ ⵏ ⵍⵎⵖⵔⵉⴱ ⴳ ⵓⴼⵔⴰ ⴷ ⵓⵔⴳⴳⵉⴳ ⴷ ⵓⵙⵎⵖⵔ.

ⴳ ⵓⵎⵏⵉⴷ ⵏⵏⵙ, ⵜⵏⵏⴰ ⵎⴰⵙⵙ ⵜⴰⵎⴰⵔⵉⵜ ⵎⵉⵏⴷⵉⵙ ⴳⵓⵏⴽⴰⵍⴼⵉⵙ ⴷⵓⵙ ⴱⴰⵙⵓⵙ ⵎⵓⵙⵢⴰ ⵎⴰⵔⵢⴰ, ⵎⴰⵙ ⵉⴳⴰ ⵓⵔⵣⴰⴼ ⴰⴷ ⵜⴰⵎⵍⴷⴰ ⵏ ⵜⵓⵙⵙⵏⴰ ⵏ ⵜⵙⵏⵜⴰⵢⵉⵏ ⵍⵍⵉ ⵉⵙⴽⵔ ⵍⵎⵖⵔⵉⴱ ⵉ ⵚⴰⵃⴰ ⵏ ⵉⴼⵔⵉⵇⵢⴰ, ⴷ ⵜⵓⵙⵙⵏⴰ ⵏ ⵓⵙⵉⴷⴼ ⴰⴷⵎⵙⴰⵏ ⵏ ⵜⴳⵍⴷⵉⵜ ⴳ ⵉⴼⵔⵉⵇⵢⴰ, ⵜⵉⵏⵉ ⵎⴰⵙ ⵉⴳⴰ ⵓⴼⵜⴰⵙ ⴰⵏⴰⵎⵎⴰⵙ ⵏ ⵟⴰⵏⵊⴰ ⵜⴰⵎⴰⵜⴰⵔⵜ ⵏ ⵓⵙⵉⴷⴼ ⴰⴷ.

ⵖⵎⴽ ⵍⵍⵉ ⵜⵏⵏⴰ ⵎⴰⵙ ⵉⵥⴹⴰⵕ ⵍⵎⵖⵔⵉⴱ ⴰⴷ ⵉⵣⵣⵉⴳⵣ ⴳ ⵎⴰⵕⵕⴰ ⵏ ⵉⵙⵡⵉⵔⵏ ⵙ ⵓⵙⵎⴰⵇⵇⵍ ⵓⵏⵥⵉⵥ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ, ⵜⵉⵏⵉ ⵎⴰⵙ ⵉⵔⴰ ⵓⵙⵉⴷⴼ ⴰⴼⵔⵉⵇⵉ ⴰⵣⴷⴰⵢ ⵏ ⵜⵙⵔⵜⵜⴰⵢ ⵜⵉⴷⵎⵙⴰⵏⵉⵏ ⵙⵍⴰⵡⴰⵏ ⴰⴽⴽⵯ ⴳ ⵢⵉⴳⵔ ⴰⵎⴰⵜⴰⵢ.