ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⴽⴰⴱⴰⵕ ⵏ ⵓⴱⵕⵍⴰⵎⴰⵏ ⵏ ⵜⵛⵉⴽ
ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵎⵡⴰⵙ 23 ⵛⵓⵜⴰⵏⴱⵉⵔ 2022 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⴷ ⵓⴽⴰⴱⴰⵕ ⵏ ⵓⴱⵕⵍⴰⵎⴰⵏ ⵏ ⵜⵛⵉⴽ ⵍⵍⵉ ⵉⴷⵓⵔⵏ ⴳ ⵓⵕⵥⵥⵓⵎ ⵏ ⵓⵖⴰⵡⴰⵙ ⵏ ⵜⴳⵯⵎⴰⵜ ⵜⴰⵎⵔⵙⵍⴰⵏⵜ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⴰⴱⵉⵍⵊⵉⴽⵉ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⵛⵉⴽ.
ⵢⵓⵎⴰ ⵓⴽⴰⴱⴰⵕⴰ ⴷ ⵎⴰⵙⵙ ⵊⴰⵔⵓⵙⵍⴰⴼ ⴱⵣⵓⵛ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ, ⵎⴰⵙⵙ ⴱⵉⵜⵔ ⴼⵉⴼⴽⴰ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵙⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⵓⵕⵓⴱⴱⴰ, ⵎⴰⵙⵙⴰ ⴽⵍⴰⵔⴰ ⵉⴱⵕⴰⵀⵉⵎ ⵜⴰⵏⵙⵙⵉⵅⴼⵜ ⵏ ⵓⵙⵏⴼⴰⵔ ⵏ ⵜⴳⵯⵎⴰⵜ ⵙⴳ ⵓⴱⵕⵍⴰⵎⴰⵏ ⵏ ⵜⵛⵉⴽ.
ⵉⵍⵍⴰ ⵓⵎⴹⴰⴽⴰⵕ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ, ⵉⵖⵔ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⵙⵎⵓⵏ ⵏ ⵡⴰⴷⴷⴰⴷⵏ ⴳ ⵉⵏⵎⵓⵇⵇⴰⵔⵏ ⵉⴱⵕⵍⴰⵎⴰⵏⵉⵢⵏ ⵉⵙⵉⵏⵔⴰⵏⵏ ⴷ ⵉⴳⵜⵉⵔⴰⵏⵏ, ⵉⵙⵓⵜⴳ ⴰⵜⵉⴳ ⴷ ⵜⵉⵍⴰⵍⵜ ⵏ ⵜⵔⵓⴱⴱⴰ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⵏⵉⵜ ⴳ ⵓⵙⴽⵔ ⵏ ⵓⵎⵢⴰⵡⴰⴹ ⴷ ⵓⵎⵙⴰⵡⴰⵍ ⴷ ⵓⵣⴷⴰⵢ ⵉⵙⵓⵍⵏ.
ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵉⵎⵓⴽⵏⵏ ⵍⵍⴰⵏⵉⵏ ⴳ ⵜⵎⴰⵣⵉⵔⵜ ⵏⵏⵖ ⵜⵉⴳⴰⵔⵉⵡⵏ ⴰⴷ ⵙⵍⴰⵡⴰⵏ ⴰⴽⴽⵯ ⵡⵉⴷ ⵏ ⵓⵙⵕⵚⵓ ⵏ ⵜⴷⵉⵎⵓⵇⵔⴰⵟⵉⵜ ⴷ ⵓⵙⵎⵖⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵙⵓⵜⴳ ⵙ ⵜⵎⵍⴷⴰ ⴰⴷⴷⴰⴷ ⵉⵥⵉⵍⵏ ⵏ ⵜⵛⵉⴽ ⵎⵏⵉⴷ ⵏ ⵜⵎⵙⴰⵔⵜ ⵏ ⵜⵢⴰⵏⵜ ⵏⵏⵖ ⵜⴰⵏⴰⴽⴰⵍⵜ.
ⵉⴷⵔⵓ ⵓⴽⴰⴱⴰⵕ ⵏ ⵓⴱⵕⵍⴰⵎⴰⵏ ⵏ ⵜⵛⵉⴽ ⴰⵙⵙ ⴰⴷ ⵏⵉⵜ ⴳ ⵓⵕⵥⵥⵓⵎ ⵏ ⵓⵖⴰⵡⴰⵙ ⵏ ⵜⴳⵯⵎⴰⵜ ⵜⴰⵎⵔⵙⴰⵍⵏⵜ ⵉⵙⵎⵓⵏ ⵍⵎⵖⵔⵉⴱ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⵛⵉⴽ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⴱⵉⵍⵊⵉⴽ ⵙ ⵓⵙⵏⴰⵍ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵏ ⴽⵓⵥ ⵉⵡⴰⵏⴽⵏ: ⵉⵟⴰⵍⵢⴰ, ⵍⵢⵓⵏⴰⵏ, ⵍⴱⵓⵔⵜⵓⵖⴰⵍ, ⵀⴰⵏⵖⴰⵕⵢⴰ ⵙ ⵓⵙⵙⵥⵕⴼ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ.