ⵉⵎⵙⴰⵙⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔ ⴳ ⴱⵉⵍⵊⵉⴽ ⴼ ⵜⵉⴽⴽⵉ ⵏ ⵓⵏⴼⵓⵙ ⴰⵎⴰⵢⵏⵓ ⵉ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ

ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⴰⵙⵉⵎⵡⴰⵙ 23 ⵛⵓⵜⴰⴱⵉⵔ 2022, ⴷ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⴱⵉⵍⵊⵉⴽ ⵎⴰⵙⵙⴰ Eliane TILLIEUX ⵍⵍⵉ ⵉⴷⵔⵓⵏ ⴳ ⵜⴼⴼⵓⴳⵍⴰ ⵏ ⵓⵕⵥⵥⵓⵎ ⵏ ⵜⴳⵯⵎⴰⵜ ⵜⴰⵎⵔⵙⵍⴰⵏⵜ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⴽⵔⴰ ⵏ ⵉⴱⵕⵍⴰⵎⴰⵏⵏ ⵏ ⵓⵕⵓⴱⴱⴰ.

ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵏ ⵓⵙⵓⵜⴳ ⵏ ⵜⵣⴷⴰⵢⵉⵏ ⵜⵉⵎⵣⵔⴰⵢⵉⵏ ⵥⵉⵍⵏⵉⵏ ⵙⵎⵓⵏⵏⵉⵏ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵉⵏ ⴱⵉⵍⵊⵉⴽⴰ, ⵙⵓⵜⴳⵏ ⵓⵍⴰ ⵜⴰⴷⵓⵙⵉ ⵏ ⵜⵣⴷⴰⵢⵉⵏ ⵏ ⵜⴷⴷⵓⴽⴽⵯⵍⴰ ⴷ ⵓⵎⵢⴰⵡⴰⵙ ⵍⵍⴰⵏⵉⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ.

ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⴱⵉⵍⵊⵉⴽⴰ ⵎⴰⵙ ⵉⵜⵜⴰⵡⵙ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵜⵎⵙⴽⴰⵔ ⵜⵉⴱⵕⵍⴰⵎⴰⵏⵉⵢⵉⵏ ⴳ ⵓⵙⵎⵖⵔ ⵏ ⵜⵡⵡⵓⵔⵉ ⵏ ⵜⵎⵔⵙⴰⵍ ⵜⵉⴱⵕⵍⴰⵎⴰⵏⵉⵢⵉⵏ, ⵜⵙⵎⵏⵉⴷ ⴳ ⵓⵎⵏⵉⴷ ⴰⴷ ⵜⵉⵔⵎⵉⵜ ⵏ ⵓⵙⵇⵇⵉⵎ ⴰⴱⵉⵍⵊⵉⴽⵉ ⴳ ⵓⵙⵎⵔⵙ ⵏ ⵎⵏⵏⴰⵡⵜ ⵜⵓⵜⵍⴰⵢⵉⵏ ⵙ ⵓⵙⵎⵔⵙ ⵏ ⵎⵏⵏⴰⵡⵜ ⵜⵓⵜⵍⴰⵢⵉⵏ, ⴷ ⵜⵓⴳⴳⵯⴰⵙ ⵍⵍⴰⵏⵉⵏ ⴳ ⵓⵎⵏⵉⴷ ⵏ ⵓⵙⴷⵓⵙ ⵏ ⵜⵉⵍⵉⵜ ⵏ ⵜⵎⵖⴰⵔⵜ ⴳ ⵡⴰⵎⵎⴰⵙⵏ ⵏ ⵜⵖⵜⴰⵙⵜ ⴳ ⵜⵎⵔⵙⴰⵍ ⵜⵜⴰⵡⵙⵜⴰⵢⵏⵉⵏ, ⴷ ⵜⵎⵥⵍⴰⵢ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴳ ⴱⵉⵍⵊⵉⴽ.

ⴳ ⵓⵎⵏⵉⴷ ⵏⵏⵙ, ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⴷ ⵉⵜⵜⵓⵛⵛⴰⵔⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵉⵏ ⴱⵉⵍⵊⵉⴽⴰ , ⵉⵙⴷⴷⵉⴷ ⴼ ⵜⵡⵡⵓⵔⵉ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵙⵎⵀⵎ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ ⴳ ⵜⵡⵡⵓⵔⵉⵡⵉⵏ ⵏⵏⵙ, ⵉⵔⴰ ⵓⵍⴰ ⴰⴷ ⵉⵙⵙⵏ ⵜⵉⵔⵎⵉⵜ ⵜⴰⴱⵕⵍⴰⵎⴰⵏⵉⵜ ⵏ ⴱⵉⵍⵊⵉⴽⴰ ⴳ ⵓⵙⵎⵖⵔ ⵏ ⵜⵎⵏⵏⴰⵡⵜ ⵜⴰⵙⵏⵉⵍⵙⵜ. ⵖⵎⴽ ⴰⵏⵏ ⴷ ⵓⵙⴷⵓⵙ ⵏ ⵜⵡⵉⵙⵉ ⵏ ⵜⵎⵖⴰⵔⵜ ⵜⴰⵎⵖⵔⵉⴱⵉⵜ ⴳ ⵎⴰⵕⵕⴰ ⵏ ⵉⴳⵔⴰⵏ ⵎⴽ ⵉⵍⵍⴰⵏ ⴳ ⵉⵏⴰⵡ ⴰⴳⵍⴷⴰⵏ ⴰⵎⴰⵜⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵙ ⵜⵎⵍⴷⴰ ⵏ ⵜⴼⴼⵓⴳⵍⴰ ⵏ ⵓⴷⴰⴱⵓ ⵏ ⵓⵙⴳⴳⵯⴰⵙ ⴰⴷ.

ⵉⵍⵍⴰ ⵓⵎⴹⴰⴽⴰⵕ ⵓⵍⴰ ⴼ ⵜⵎⵙⴰⵔⵉⵏ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵓⵙⵖⵓⴷⵓ ⵏⵏⵙ ⴷ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵜⵎⵣⵎⴰⵢ ⵏⵏⵙⵏⵜ ⴷ ⵡⴰⵜⵉⴳ ⵏ ⵓⵙⵏⴼⴰⵔ ⵏ ⵜⴳⵯⵎⴰⵜ ⵜⴰⵎⵔⵙⵍⴰⵏⵜ , ⴷ ⵓⵎⵙⴰⵙⴰ ⴼ ⵜⵉⴽⴽⵉ ⵏ ⵓⵏⴼⵓⵙ ⴰⵎⴰⵢⵏⵓ ⵉ ⵓⵎⵢⴰⵡⴰⵙ ⵊⴰⵔ ⵉⵙⵇⵇⵉⵎⵏ  ⵏ ⵉⵎⵓⵔⴰ ⴳ ⵍⵎⵖⵔⵉⴱ ⴷ ⴱⵉⵍⵊⵉⴽⴰ.

ⴰⵙⵉⵎⴰⵡⴰⵙ 23 ⵛⵓⵜⴰⵏⴱⵉⵔ 2022, ⵉⵍⵍⴰ ⵓⵕⵥⵥⵓⵎ ⵏ ⵓⵖⴰⵡⴰⵙ ⵏ ⵜⴳⵯⵎⴰⵜ ⵜⴰⵎⵔⵙⴰⵍⵏⵜ ⵉⵙⵎⵓⵏ ⵍⵎⵖⵔⵉⴱ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⵛⵉⴽ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⴱⵉⵍⵊⵉⴽ ⵙ ⵓⵙⵏⴰⵍ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵏ ⴽⵓⵥ ⵉⵡⴰⵏⴽⵏ: ⵉⵟⴰⵍⵢⴰ, ⵍⵢⵓⵏⴰⵏ, ⵍⴱⵓⵔⵜⵓⵖⴰⵍ, ⵀⴰⵏⵖⴰⵕⵢⴰ ⵙ ⵓⵙⵙⵥⵕⴼ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ.