ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵎⴰⵔⵉⵜ ⵏ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 22 ⵛⵓⵜⴰⵏⴱⵉⵔ 2022 ⴳ ⵕⵕⴱⴰⵟ ⵎⴰⵙⵙⴰ Valérie RABAULT , ⵜⴰⵎⴰⵔⵉⵜ ⵏ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ ⴷ ⵓⴽⴰⴱⴰⵕ ⵏⵏⵙ, ⴳ ⵓⵙⴰⵜⵉ ⵏ ⵓⵔⵣⴰⴼ ⵏⵏⵙ ⵉ ⵍⵎⵖⵔⵉⴱ ⵃⵎⴰ ⴰⴷ ⵜⴷⵔⵓ ⴳ ⵓⵕⵥⵥⵓⵎ ⵏ ⵓⵖⴰⵡⴰⵙ ⵏ ⵜⴳⵯⵎⴰⵜ ⵜⴰⵎⵔⵙⵍⴰⵏⵜ, ⴰⵙⵙ ⵏ ⵓⵙⵉⵎⵡⴰⵙ 23 ⵛⵓⵜⴰⵏⴱⵉⵔ, ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵍⵎⵖⵔⵉⴱ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⴰⴱⵉⵍⵊⵉⴽⵉ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⴰⵜⵛⵉⴽⵉ.

ⵢⵓⵎⴰ ⵓⴽⴰⴱⴰⵕ ⴰⴷ: ⵎⴰⵙⵙⴰ Mireille CLAPOT ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ, ⴰⴱⵕⵍⴰⵎⴰⵏⵉ ⴽⴰⵔⵉⵎ ⴱⵏ ⵛⵛⵉⵅ, ⵎⴰⵙⵙ Jean-Luc LALA ⴰⵎⵏⵀⴰⵍ ⵏ ⵜⵖⴰⵡⵙⵉⵡⵉⵏ ⵏ ⵓⵕⵓⴱⴱⴰ ⴷ ⵜⴳⵔⴰⵖⵍⴰⵏⵉⵏ ⴷ ⵓⵎⵣⴰⵖ, ⵎⴰⵙⵙ Jean-Baptiste LECLERE ⴰⵏⵙⵙⵉⵅⴼ ⵏ ⵜⵣⵓⵏⵉ  ⵏ ⵓⵎⵢⴰⵡⴰⵙ ⴷ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ, ⵎⴰⵙⵙ Pierre-Nicolas Guedson ⴰⵎⴰⵙⴰⵢ ⵏ ⵓⵙⵏⴼⴰⵔ ⵙⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ.

ⴳ ⵜⵣⵡⵉⵔ, ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵜⴰⵎⴰⵔⵉⵜ ⵏ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⴷ ⵓⴽⴰⴱⴰⵕ ⵏⵏⵙ, ⵉⵙⵓⵜⴳ ⵜⴰⵢⵢⴰⴼⵓⵜ ⵉⵜⵜⵓⵙⴽⴰⵔⵏ ⴳⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵙⵉⵏⵔⴰⵏⵉⵏ ⴷ ⵜⴳⵜⵉⵔⴰⵏⵉⵏ, ⵉⵙⴰⵡⵍ ⴼ ⵡⴰⵜⵉⴳ ⵏ ⵉⵙⴰⵢⵔⵓⵔⵏ ⵉⵎⵔⵙⵍⴰⵏⵏ ⵉ ⵓⵎⵛⴰⵡⴰⵕ ⴼ ⵜⵏⴰⵥⴰⵕⵉⵏ ⵍⵍⴰⵏⵉⵏ, ⵉⵙⵎⵏⵉⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵜⵉⵔⵎⵉⵜ ⵜⴰⴷⵉⵎⵓⵇⵔⴰⵟⵉⵜ ⴷ ⵓⵏⴳⵔⴰⵡ ⴰⴱⵕⵍⴰⵎⵏⵉ ⴰⵎⵖⵔⵉⴱⵉ ⴷ ⵜⵎⵙⴽⴰⵔ ⴷ ⵉⵙⵏⴼⴰⵔⵏ ⴷ ⵉⵙⴰⵡⵓⵔⵏ ⵏ ⵜⴳⵍⴷⵉⵜ ⵙ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.

ⴳ ⵓⵎⵏⵉⴷ ⵏⵏⵙ, ⵜⵙⴰⵡⵍ ⵎⴰⵙⵙⴰ Valérie RABAULT ⴷ ⵓⴽⴰⴱⴰⵕ, ⴼ ⵜⵓⵎⵔⵜ ⵙ ⵓⵏⵎⵓⵇⵇⴰⵔ ⴷ ⵓⵔⵣⴰⴼ ⵉⵙⵙⵓⴷⵓⵙⵏ ⵜⵉⵣⴷⴰⵢⵉⵏ ⵏ ⵜⴷⴷⵓⴽⴽⵯⵍⴰ ⵊⴰⵔ ⵍⵎⵖⵔⵉⴱ ⴷ ⴼⵕⴰⵏⵚⴰ, ⵜⵉⵏⵉ ⵎⴰⵙ ⵔⴰⴷ ⴰⵡⵙⵏ ⵉⵖⴰⵡⴰⵙⵏ ⴷ ⵜⵎⵢⴰⵇⵇⴰⵏⵉⵏ ⴷ ⵉⵙⵏⴼⴰⵔⵏ ⵛⵛⴰⵔⵏⵉⵏ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⴳ ⵓⵙⴽⵔ ⵏ ⵓⵎⵢⴰⵡⴰⴹ ⴷ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ ⴳ ⵓⵙⴰⵜⵉ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⵏⵉⵜ. ⵜⵙⴷⴷⵉⴷ ⴼ ⵓⵙⵓⵙⵎ ⵏⵏⵙ ⵉ ⵜⵎⵙⴽⴰⵔ ⴷ ⵉⵙⴰⵡⵓⵔⵏ ⵏ ⵜⴳⵍⴷⵉⵜ.

ⵍⵍⴰⵏ ⵉⵎⴹⴰⴽⴰⵕⵏ ⴰⴷ ⴼ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵉⵏ ⵜⵉⵙⵉⵏⵔⴰⵏⵉⵏ ⴷ ⵜⴳⵜⵉⵔⴰⵏⵉⵏ ⴷ ⵓⵙⴷⵓⵙ ⵏⵏⵙⵏⵜ, ⵖⵎⴽ ⴰⵏⵏ ⵓⵍⴰ ⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ ⴰⵎ ⴰⵣⵡⴰⴳ ⴷ ⵓⵙⵏⴼⵍ ⴰⴷⵍⵙⴰⵏ. ⵙⴷⴷⵉⴷⵏ ⵙⵉⵏ ⵉⵎⵙⵜⴳⴳⴰⵔⵏ ⴼ ⵜⵉⵍⴰⵍⵜ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵓⵙⴷⵓⵙ ⵏ ⵓⵎⵙⴰⵡⴰⵍ ⴷ ⵓⵎⵛⴰⵡⴰⵕ ⴷ ⵓⵙⵉⵙⴼⵉⵡ ⵏ ⵡⴰⴷⴷⴰⴷⵏ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⴼⵔⴰⴳ ⵏ ⵜⵣⴷⴰⵢⵉⵏ ⴷ ⵓⵙⴷⵓⵙ ⵏⵏⵙⵜ, ⴰⵢⵍⵍⵉ ⵉⴳⴰⵏ ⴰⵡⵜⵜⴰⵙ ⵏ ⵉⵙⵏⴼⴰⵔⵏ ⴷ ⵉⵖⴰⵡⴰⵙⵏ ⵏ ⵓⵎⵢⴰⵡⴰⵙ ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ-ⴰⴼⵕⴰⵏⵚⴰⵡⵉ.

ⵉⵍⵍⴰ ⵓⵎⴹⴰⴽⴰⵕ ⵓⵍⴰ ⴼ ⵜⴳⵯⵎⴰⵜ ⵜⴰⵎⵔⵙⵍⴰⵏⵜ ⵜⴰⵎⴰⵢⵏⵓⵜ ⵉⵍⵍⴰⵏ ⵊⴰⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ, ⵍⵍⵉ ⵉⵙⵎⵓⵏⵏ ⴰⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⵛⵉⴽ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⴱⵉⵍⵊⵉⴽ ⴷ ⵓⵙⵏⴰⵍ ⵏ ⴽⴽⵓⵥⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵏ ⴽⴽⵓⵥ ⵉⵡⴰⵏⴽⵏ ⴳ ⵜⴰⵎⵓⵏⵜ ⵜⵏ ⵓⵔⵓⴱⴱⴰ: ⵉⵟⴰⵍⵢⴰ, ⵍⵢⵓⵏⴰⵏ, ⵍⴱⵓⵔⵜⵓⵖⴰⵍ, ⵀⴰⵏⵖⴰⵔⵢⴰ.

ⵜⵡⴰⵜⵜⵙ ⵜⴳⵯⵎⴰⵜ ⴰⴷ, ⵉⵍⵍⴰⵏ ⴳ ⵙⵉⵏ ⵉⵙⴳⴳⵯⴰⵙⵏ, ⴰⵙⵎⵓⵙⵙⵓ ⵏ 70 ⵏ ⵓⵎⵓⵣⴰⵢ ⴰⵎⴰⴹⵍⴰⵏ ⵙⴳ ⵙⴰ ⵉⴱⵕⵍⴰⵎⴰⵏⵏ ⴼ ⵜⵎⵙⴽⴰⵔ ⵜⵉⵣⵣⵔⴰⴼⵉⵏ ⵜⵉⵎⵏⵏⴰⵡⵉⵏ, ⴷ ⵓⵙⵓⵜⴳ ⵏ ⵜⵎⵙⴽⴰⵔ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵎⵥⵍⴰⵢ ⵏⵏⵙ ⵜⵉⴷⵙⵜⴰⵔⵉⵏ ⵙ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵎⵙⴽⴰⵔ ⴷ ⵓⵙⵓⵊⴷ ⵏ ⵜⵣⵔⴰⵡⵉⵏ ⵏ ⵓⵎⵣⴰⵣⴰⵍ ⵅⴼ ⵜⵉⵎⵙⴽⴰⵔ ⵜⵉⴱⵕⵍⴰⵎⴰⵏⵉⵢⵉⵏ ⴳ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ  ⴷ ⵓⵙⵎⵓⵜⵜⴳ ⴷ ⵓⵙⵎⴰⵜⵜⵉ ⵏ ⵜⵙⵓⴳⴰⵔ.

ⵔⴰⴷ ⵢⴰⵡⵙ ⵓⵙⵏⴼⴰⵔ ⴰⴷ ⴳ ⵓⵙⵓⵊⴷ ⵏ ⵉⵎⴰⵏⴰⵔⵏ ⴷ ⵜⵣⵔⴰⵡⵉⵏ ⴷ ⵉⵖⵡⴰⵙⵏ ⵏ ⵜⵡⵡⵓⵔⵉ ⵏ ⵉⵙⴰⵡⵓⵔⵏ ⵏ ⵓⵙⵎⵓⵜⴳ ⴷ ⵓⵎⵛⴰⵡⴰⵕ  ⴷ ⵓⵙⴱⴼⵍ ⴳ ⵓⵙⴰⵜⵉ ⵏ ⵜⵔⵓⴱⴱⴰ ⵎⵥⵥⵉⵏⵉⵏ , ⴷ ⵉⵔⵣⴰⴼⵏ ⵏ ⵜⵙⵎⵉⴳⴰⵍ ⵏ ⵜⵖⵓⵔⵉ ⵊⴰⵔ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⵎⵙⵡⵓⵔⵉⵢⵉⵏ ⵏⵏⵙ ⴷ ⵉⵏⴳⴳⵯⴰ ⵏⵏⵙⵏ ⴳ ⵜⵎⵔⵙⴰⵍ ⴰⵏⵏ ⵜⵉⵣⵣⵔⴰⴼⵉⵏ ⴳ ⵜⴰⵎⵓⵏⵜ ⵏ ⵓⵕⵓⴱⴱⴰ ⴼ ⵉⵙⵓⴳⴰⵎ ⵜⵜⴰⵡⴱⴷⴰⵔⵏⵉⵏ ⴳ ⵜⴻⵜⴳⴰⵔⵜ ⵏ ⵜⴳⵯⵎⴰⵜ, ⴷ ⵓⵙⴷⵓⵙ ⵏ ⵓⵎⵢⴰⵡⴰⴹ ⵉⵙⵓⵍⵏ  ⴷ ⵓⵎⵛⴰⵡⴰⵕ ⴷ ⵓⵎⵢⴰⵡⴰⵙ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ.

ⵉⵡⴰⵜⵜⵙ ⵓⵙⵏⴼⴰⵔ ⵏ ⵜⴳⵯⵎⴰⵜ ⴰⵙⵏⴰⵍ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ, ⴰⵙⴷⵓⵙ ⵏ ⵜⵎⴷⵔⴰⵡⵜ ⵊⴰⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ, ⵉⵍⵍⴰ ⴰⴽⴷ ⵜⵉⵙⵏⵜⴰⵢⵉⵏ ⵢⴰⴹⵏⵉⵏ ⴰⵎ ⴰⵖⴰⵡⴰⵙ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴰⴽⴷ ⴰⴱⵕⵍⴰⵎⴰⵏ ⴰⵎⵖⵔⵉⴱⵉ ⵙ ⵓⵙⵥⵕⴼ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ, ⵉⵡⴰⵜⵜⵙ ⵓⵍⴰ ⵜⵉⵍⵉⵜ ⵏ ⵜⵎⵖⴰⵔⵉⵏ ⴳ ⵜⵣⵣⵓⵍⵓⵏ ⵏ ⵜⵎⴰⵙⴰⵢⵜ ⵜⴰⴳⵯⵏⵙⴰⵙⵜ ⴷ ⵜⵎⵣⵣⴳⴰⵔⵜ.

ⵜⴳⴰ ⵜⴳⵯⵎⴰⵜ ⵜⴰⵎⵔⵙⵍⴰⵏⵜ ⵜⴰⵎⴰⵢⵏⵓⵜ ⵜⴰⵣⵣⵉⴳⵣⵜ ⵏ ⵜⴳⵯⵎⴰⵜ ⵉⵙⵎⵓⵏⵏ ⴰⵙⵇⵇⵉⵎ ⵏ ⵉⵎⵓⵔⴰ ⴷ ⵉⵙⵇⵇⵉⵎⵏ ⵉⴱⵕⵍⴰⵎⴰⵏⵉⵢⵏ ⵏ ⵓⵕⵓⴱⴱⴰ ⴳ 2016 ⴷ 2018. ⴰⵢⵍⵍⵉ ⵉⵎⵎⴰⵍⴰⵏ ⴰⵎⵣⵔⵓⵢ ⵉⴷⵔⴰⵏ ⴷ ⵉⴷⵓⵙⵏ ⵏ ⵜⵣⴷⴰⵢⵉⵏ ⵊⴰⵔ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ.