ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵙⵇⵇⴰⴷ ⵏ ⴰⵍⵎⴰⵏⵢⴰ...ⵜⴰⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⴳ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵉ ⵓⵙⵎⴰⴷ ⴷ ⵓⵣⴷⴰⵢ ⴰⵙⵓⵍⴰⵏ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵜⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 21 ⵛⵓⵜⴰⵏⴱⵉⵔ 2022, ⵎⴰⵙⵙ ⵔⵓⴱⵉⵕⵟ ⴷⵓⵍⴳⵔ ⴰⵎⵙⵇⵇⴰⴷ ⵏ ⵜⴳⴷⵓⴷⴰⵏⵜ ⵏ ⴰⵍⵎⴰⵏⵢⴰ ⴳ ⵕⵕⴱⴰⵟ, ⵎⴹⴰⴽⴰⵕⵏ ⴼ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⴷ ⵓⴷⵔⴰⵡ ⵏⵏⵙⵏⵜ ⴰⵎⵣⵔⴰⵢ ⵙⵍⴰⵡⴰⵏ ⴰⴽⴽⵯ ⴳ ⵓⵙⵡⵉⵔ ⴰⴱⵕⵍⴰⵎⴰⵏⵉ.
ⴳ ⵓⵏⵎⵓⵇⵇⴰⵔ ⴰⴷ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵎⵙⵇⵇⴰⴷ ⵏ ⴰⵍⵎⴰⵏⵢⴰ ⴼ ⵓⵎⵣⵔⵓⵢ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵙⵉⵏⵔⴰⵏⵉⵏ ⴷ ⵜⴳⵜⵉⵔⴰⵏⵉⵏ, ⵙⴰⵡⵍⵏ ⴼ ⵡⴰⵜⵉⴳ ⵏ ⵓⵙⵎⵖⵔ ⵏⵏⵙⵏⵜ ⵙ ⵓⵙⵏⴼⵍ ⵏ ⵉⵔⵣⴰⴼⵏ ⴳ ⵓⵙⵡⵉⵔ ⵏ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵍⴱⵓⵏⴷⵙⵜⴰⴳ, ⴷ ⵓⵎⵢⴰⵡⴰⴹ ⵉⵕⵡⴰⵏ ⴷ ⵉⵙⵓⵍⵏ ⵏⴳⵔ ⵜⵔⵓⴱⴱⴰ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜⴷ ⵓⵣⴷⴰⵢ ⴳ ⵉⵏⵎⵓⵇⵇⴰⵔⵏ ⵉⴱⵕⵍⴰⵎⴰⵏⵉⵢⵏ ⵉⵏⵎⵏⴰⴹⵏ ⴷ ⵉⴳⵔⴰⵖⵍⴰⵏⵏ.
ⵢⵉⵍⵉ ⵓⵍⴰ ⵓⵙⵓⵜⴳ ⵏ ⵓⴷⵖⴰⵔ ⴷ ⵜⵉⵍⴰⵍⵜ ⵏ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⴷ ⵓⵏⵙⴱⴰⴱ ⴷ ⵓⵎⴳⵓⵔⴰⵏ ⴷ ⵓⴷⵍⵙⴰⵏ, ⴷ ⵓⵚⴽⵓ ⵏ ⵜⵎⴷⵔⴰⵡⵜ ⵜⴰⴳⵜⵉⵔⴰⵏⵜ ⵉⴱⴷⴷⵏ ⴼ ⵓⵡⵇⵇⵔ ⵉⵜⵜⵓⵙⵏⴼⴰⵍⵏ ⴷ ⵓⵎⵙⴰⵡⴰⵍⴰ ⵙⵔⵜⴰⵏ ⴰⴱⵕⵍⴰⵎⴰⵏⵉ ⵉⴷⵔⴰⵏ ⴷ ⵓⵎⵢⴰⵡⴰⵙ ⵉⵙⵓⵍⵏ.
ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰⵏ ⵓⵙⵎⵏⵉⴷ ⵏ ⵜⵎⵥⵍⵉⵜ ⵏ ⵓⵏⴳⵔⴰⵡ ⴰⴱⵕⵍⴰⵎⴰⵏⵉ ⴳ ⵙⵏⴰⵜ ⵜⵎⵉⵣⴰⵔ ⴷ ⵜⵉⵍⴰⵍ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴳ ⵓⵙⵡⵉⵔ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ, ⵃⵎⴰ ⴰⴷ ⵜⴳ ⵜⴰⴷ ⵉⵕⵡⴰⵏ ⴳ ⵜⵎⵙⴰⵔ ⵜⵉⵏⴰⵎⵓⵔⵉⵏ ⴷ ⵜⵎⵏⴰⴹⵉⵏ ⴷ ⵜⴳⵔⴰⵖⵍⴰⵏⵉⵏ ⵍⵍⴰⵏⵉⵏ ⴳ ⵜⵎⵣⵡⵓⵔⴰ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ.