ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵏⵎⵀⴰⵍⵜ ⵏ ⵓⵙⵉⵏⴰⴳ ⴰⴷⵉⵎⵓⵇⵔⴰⵟⵉ ⴰⵏⴰⵎⵓⵔ: ⴰⵙⵓⵜⴳ ⵏ ⵜⵎⵙⴽⴰⵔ ⴷ ⵓⵎⵙⴰⵙⴰ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵜⵎⴷⵔⴰⵡⵜ ⵉ ⵓⵙⵎⵖⵔ ⵏ ⵜⵎⵙⴽⵔⵜ ⵜⴰⴷⵉⵎⵓⵇⵔⴰⵟⵉⵜ

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 20 ⵛⵓⵜⴰⵏⴱⵉⵔ 2022 ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⵎⴰⵙⵙⴰ ⵊⵉⵙ ⵜⵓⵔⴽ ⴱⵔⴰⵡⵏ ⵜⴰⵏⵎⵀⴰⵍⵜ ⵏ ⵓⵙⵉⵏⴰⴳ ⴰⴷⵉⵎⵓⵇⵔⴰⵟⵉ ⴰⵏⴰⵎⵓⵔ ⴳ ⵍⵎⵖⵔⵉⴱ, ⵎⴹⴰⴽⴰⵕⵏ ⴼ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵔⵙⴰⵍ ⴷ ⵓⵙⵓⵜⴳ ⵏ ⵜⵎⵙⴽⴰⵔ ⵍⵍⴰⵏⵉⵏ ⴷ ⵓⵎⵙⴰⵙⴰ ⴼ ⵓⵙⴷⵓⵙ ⵏ ⵓⵎⵢⵡⴰⵙ ⵊⴰⵔ ⵏⵏⵙⵏⵜ.

ⵉⴳⴰ ⵓⵏⵎⵓⵇⵇⴰⵔ ⵜⴰⵎⵍⴷⴰ ⵏ ⵓⵎⵙⴰⵡⴰⵍ ⴷ ⵓⵙⵏⴼⵍ ⵏ ⵜⴰⵏⵏⴰⵢⵉⵏ ⵅⴼ ⵉⴳⵔⴰⵏ ⵏ ⵜⵎⴷⵔⴰⵡⵜ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵙⵉⵏⴰⴳ ⴰⴷⵉⵎⵓⵇⵔⴰⵟⵉ ⴰⵏⴰⵎⵓⵔ, ⵖⵎⴽ ⴰⵏⵏⴷ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵔⵙⴰⵍ ⵙⴳ 1999, ⴷ ⵓⵣⵎⵎⴻⵎ ⵏ ⵜⵎⵙⵙⴽⵯⵜⵉⵜ ⵏ ⵓⵏⵔⴰⵎⴰⵙ ⴳ 26 ⴱⵕⴰⵢⵕ 2018 ⵉⵎⵎⴰⵍⴰⵏ ⴰⵎⵣⵔⵓⵢ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⵎⴰⵔⵉⴽⴰⵏ.

ⵎⵙⴰⵙⴰⵏ ⵙⵉⵏ ⵉⵎⵙⵜⴳⴳⴰⵔⵏ ⴼ ⵓⵙⴷⵓⵙ ⵏ ⵜⵎⴷⵔⴰⵡⵜ ⵙ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ ⴳ ⵉⴳⵔⴰⵏ ⵏ ⵓⴱⵕⵍⴰⵎⴰⵏ ⵉⵏⵏⵓⵕⵥⵎⵏ ⴷ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ ⵙ ⵜⵖⴰⵔⴰⵙⵜ ⵏ ⵜⵓⵍⴽⵉⵎⵉⵏ ⴷ ⵜⵓⵜⵔⴰⵡⵉⵏ ⴷ ⵜⴷⵔⴰⵡⵜ ⵏ ⵜⵎⵖⴰⵔⵜ ⴷ ⵜⵎⵙⴰⵔⵉⵏ ⵛⵛⴰⵔⵏⵉⵏ ⵉ ⵓⵙⴷⵓⵙ ⵏ ⵜⵎⵙⴽⵔⵜ ⵜⴰⴷⵉⵎⵓⵇⵔⴰⵟⵉⵜ ⴷ ⵓⵙⵎⵖⵔ ⵏⵏⵙ.

ⵉⴳⴰ ⵓⵙⵉⵏⴰⴳ ⴰⴷⵉⵎⵓⵇⵔⴰⵟⵉ ⴰⵏⴰⵎⵓⵔ ⵢⴰⵜ ⵜⵎⴰⴳⵔⴰⵡⵜ ⵓⵔ ⵉⵙⵉⴳⴳⵉⵍⵏ ⵚⴰⵃⴰ ⵉⵍⵍⴰⵏ ⴳ ⵡⴰⵛⵉⵏⵟⵓⵏ, ⵜⵍⵍⴰ ⵙⴳ 1983, ⵉ ⵓⵙⵏⴰⵍ ⵏ ⵜⴷⵉⵎⵓⵇⵔⴰⵟⵉⵜ ⴷ ⵓⵙⴷⵓⵙ ⵏⵏⵙ ⴳ ⵓⵎⴰⴹⴰⵍ, ⴰⵔ ⵜⵙⵡⵓⵔⵉ ⴳ 60 ⵏ ⵓⵡⴰⵏⴽ ⴳ ⵉⵍⵍⴰ ⵍⵎⵖⵔⵉⴱ ⴳ ⵜⵙⵙⵏⵜⵉ ⵜⵉⵍⴰⵍ ⵏⵏⵙ ⵙⴳ 1997.