ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵙⵇⵇⴰⴷ ⵏ ⵓⵙⵜⵕⴰⵍⵢⴰ ⴳ ⵕⵕⴱⴰⵟ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 14 ⵛⵓⵜⴰⵏⴱⵉⵔ 2022 ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⵎⴰⵙⵙ ⵎⴰⵢⴽⵍ ⴳⵔⴰⵢⵎ ⴱⵔⵓⵙ ⴽⴰⵜⵙ ⴰⵎⵙⵇⵇⴰⴷ ⵏ ⵓⵙⵜⵓⵕⴰⵍⵢⴰ ⴳ ⵕⵕⴱⴰⵟ.
ⴳ ⵜⵣⵡⵉⵔⵉ, ⵉⵙⵏⵉⵎⵎⵔ ⵓⵎⵙⵇⵇⴰⴷ ⵎⴰⵙⵙ ⵎⴰⵢⴽⵍ ⴳⵔⴰⵢⵎ ⴱⵔⵓⵙ ⴽⴰⵜⵙ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⵙⵏⵓⴳⴱ ⵉⵥⵉⵍⵏ, ⵉⵙⵓⵜⴳ ⵜⵉⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⵍⵍⵉ ⵉⴱⴷⴷⵏ ⴼ ⵓⵡⵇⵇⵔ ⵉⵜⵜⵓⵙⵏⴰⴼⴰⵍⵏ, ⵢⵉⵏⵉ ⵎⴰⵙ ⵜⵏⵏⵓⵔⵣ ⵜⵎⴰⵣⵉⵔⵜ ⵏⵏⵙ ⴰⵙⴷⵓⵙ ⵏ ⵜⵣⴷⴰⵢⵉⵏ ⴰⴷ ⴳ ⵉⵙⵡⵉⵔⵏ ⵉⵏⵙⴱⴰⴱⵏ ⴷ ⵉⴷⵎⵙⴰⵏⵏ ⴷ ⵓⵙⵏⴰⵍ ⵏ ⵓⵙⵙⴰⵔⵓ, ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴳ ⵉⴳⵔⴰⵏ ⵉⵎⵣⵡⵓⵔⴰ ⵛⵛⴰⵔⵏⵉⵏ ⴰⵎ ⵜⴰⴼⵍⵍⴰⵃⵜ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ. ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵜⵕⴰⵍⵢⴰ ⴼ ⵡⴰⵜⵉⴳ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ ⵃⵎⴰ ⴰⴷ ⵉⵜⵜⵓⴼⴽⵉ ⵓⵏⴼⵓⵙ ⴰⵎⴰⵢⵏⵓ ⵉ ⵜⵣⴷⴰⵢⵉⵏ ⴰⴷ ⴷ ⵓⵙⴷⵓⵙ ⵏ ⵓⵎⵢⴰⵡⴰⴹ ⴷ ⵓⵎⵙⴰⵡⴰⵍ ⵉⵙⵓⵍⵏ, ⵉⵙⵙⴽⵜⵉ ⴷ ⵜⵉⵍⴰⵍⵜ ⵍⵍⵉ ⵙⴽⴰⵔⵏ ⵉⵎⵣⵡⴰⴳ ⴳ ⵙⵏⴰⵜ ⵜⵎⵉⵣⴰⵔ.
ⴳ ⵓⵎⵏⵉⴷ ⵏⵏⵙ, ⵉⵙⵓⵜⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵊⴰⴰⵔ ⵍⵎⵖⵔⵉⴱ ⴷ ⵓⵙⵜⵕⴰⵍⵢⴰ ⵎⵇⵇⴰⵔ ⵜⵉⴳⴳⵓⴳⵜ ⵉⵍⵍⴰⵏ, ⵉⵙⴰⵡⵍ ⴼ ⵡⴰⵜⵉⴳ ⵏ ⵓⵙⵏⴼⴼⵍ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ ⵃⵎⴰ ⴰⴷ ⵢⵉⵍⵉ ⵓⵎⵢⴰⴷⴰⵙ, ⵉⵙⴰⵡⵍ ⴼ ⵜⵉⵔⴰⵜ ⵉⴷⵓⵙⵏ ⵃⵎⴰ ⴰⴷ ⵜⵉⵍⵉ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴰⵙⵉⵏⵔⴰⵏ, ⵙⵍⴰⵡⴰⵏ ⴰⴽⴽⵯ ⴳ ⵉⵎⵔⵙⵉⵡⵏ ⴱⴰⵀⵔⴰ ⵙⵜⴰⵡⵀⵎⵎⴰⵏⵉⵏ. ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵉⴳⴰ ⵍⵎⵖⵔⵉⴱ ⴰⵛⴰⵎⵓⵛ ⵏ ⵓⴼⵔⴰ ⴷ ⵓⵔⴳⴳⵉⴳ, ⴰⵢⵍⵍⵉ ⵉⴳⴰⵏ ⵜⴰⵎⵏⴰⴳⴰⵔⵜ ⵜⴰⵙⵔⵜⴰⵏⵜ ⵊⴰⵔ ⵕⵕⴱⴰⵟ ⴷ ⴽⴰⵏⴱⵕⴰ.
ⴳ ⵓⵏⵎⵓⵇⵇⴰⵔ ⴰⴷ, ⵉⵙⴰⵡⵍ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵔⴰ ⴷ ⵓⵎⵙⵇⵇⴰⴷ ⵏ ⵓⵙⵜⵕⴰⵍⵢⴰ ⴳ ⵕⵕⴱⴰⵟ ⴼ ⵡⴰⵜⵉⴳ ⵏ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵓⵙⵎⵔⵙⵍ ⵏⵏⵙⵏ ⵉ ⵓⵙⴷⵓⵙ ⵏ ⵓⵎⵙⴰⵡⴰⵍ ⴷ ⵓⵎⵛⴰⵡⴰⵕ ⴷ ⵓⵣⴷⴰⵢ ⴰⴱⵕⵍⴰⵎⴰⵏⵉ ⴰⴳⵜⵉⵔⴰⵏ.