ⴰⵎⴹⴰⴽⴰⵕ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵎⵙⵇⵇⴰⴷ ⵏ ⵍⵢⴰⴱⴰⵏ ⴷ ⵓⵔⵣⵣⵓ ⵏ ⵓⵣⴷⴰⵢ ⴷ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ

ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵙⵉⵏⴰⵙ 13 ⵛⵓⵜⴰⵏⴱⵉⵔ 2022 ⵎⴰⵙⵙ Hideaki KURAMITSU ⴰⵎⵙⵇⵇⴰⴷ ⵏ ⵍⵢⴰⴱⴰⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ.

ⴳ ⵜⵣⵡⵉⵔⵉ, ⵉⵙⴱⵔⵔⴽ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵎⵙⵇⵇⴰⴷ ⵏ ⵍⵢⴰⴱⴰⵏ, ⵉⵙⴰⵡⵍ ⴰⵙ ⴼ ⵓⵙⵓⵜⴳ ⵏⵏⵙ ⵙ ⵓⵏⵎⵓⵇⵇⴰⵔ ⴰⴷ, ⵉⴳⴰⵏ ⵡⵉⵏ ⵓⵎⴹⴰⴽⴰⵕ ⴷ ⵓⵎⵢⴰⵡⴰⴹ ⵅⴼ ⵉⵎⴰⵍ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵊⴰⵔ ⵍⵎⵖⵔⵉⴱ ⴷ ⵍⵢⴰⴱⴰⵏ, ⴷ ⵜⴱⵔⵉⴷⵉⵏ ⵏ ⵓⵣⴷⴰⵢ ⴷ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ ⵙ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ.

ⴳ ⵓⵎⵏⵉⴷ ⵏⵏⵙ, ⵉⵙⵏⵉⵎⵎⵔ ⵎⴰⵙⵙ Hideaki KURAMITSU ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⵙⵏⵓⴱⴳ ⵉⵥⵉⵍⵏ, ⵉⵙⴰⵡⵍ ⴼ ⵓⵙⵓⵜⴳ ⵏⵏⵙ ⴷ ⵓⵙⵙⵔⵖⴷ ⵏⵏⵙ ⵉ ⵍⵎⵖⵔⵉⴱ ⴼ ⵜⵎⵙⴽⴰⵔ ⵏⵏⵙ ⴳ ⴽⵓ ⵉⵙⵡⵉⵔⵏ, ⵖⵎⴽ ⴰⵏⵏ ⴷ ⵓⵙⵓⵜⴳ ⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴷ ⵓⵙⵡⵓⴷⴷⵓ ⵓⵏⵥⵉⵥ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19 ⴷ ⵉⴷⵔⵉⵣⵏ ⵏⵏⵙ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵓⵙⴰⵏⵏ.

ⵉⴳⴰ ⵓⵙⵏⵓⴱⴳ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵍ ⵏ ⵉⵎⵓⵔⴰ ⵏ ⵓⵎⵙⵇⵇⴰⴷ ⵏ ⵍⵢⴰⴱⴰⵏ ⵎⴰⵙⵙ Hideaki KURAMITSU, ⴳ ⵓⵙⴰⵜⵉ ⵏ ⵓⵔⵣⴰⴼ ⵏⵏⵙ ⵉ ⵓⵙⵇⵇⵉⵎ, ⵜⴰⵎⵍⴷⴰ ⵏ ⵓⵔⵣⵣⵓ ⴷ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵅⴼ ⵜⵉⵎⵙⴰⵔⵉⵏ ⵍⵍⴰⵏⵉⵏ ⴳ ⵓⵖⴰⵡⴰⵙ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴰⵎ ⵜⴰⵏⴼⵔⵓⵜ ⴷ ⵓⵔⴳⴳⵉⴳ ⴷ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ  ⴷ ⵜⵉⵍⴰⵍⵜ ⵏ ⵉⴱⵕⵍⴰⵎⵏⵏ ⴳ ⵉⵙⵡⵉⵔⵏ ⵉⵏⴰⵎⵓⵔⵏ ⴷ ⵉⵎⵏⵥⴰⵡⵏ ⴷ ⵉⴳⵔⴰⵖⵍⴰⵏⵏ ⴳ ⵓⵙⵎⴽⵍ ⵏ ⵜⵎⵙⴰⵔⵉⵏ ⴰⴷ.