ⵉⵙⵏⵓⴱⴳ ⵎⴰⵙⵙ ⵃⴰⵙⴰⴱ ⴱⵏ ⵄⵓⵎⴰⵕ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⴱⵉⵍⵊⵉⴽⵉ

ⵉⵙⵏⵓⴱⴳ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ 2 ⵛⵓⵜⴰⵏⴱⵉⵔ 2022 ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⴰⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⴱⵍⵊⵉⴽⵉ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ David Leisterh ⵉⵙⴽⵔⵏ ⴰⵔⵣⴰⴼ ⵏ ⵜⵡⵡⵓⵔⵉ ⵉ ⵜⵎⴰⵣⵉⵔⵜ ⵏⵏⵖ.

ⴳ ⵓⵏⵎⵓⵇⵇⴰⵔ ⴰⴷ ⵉⵙⴷⴷⵉⴷ ⵓⵏⵙⵙⵉⵅⴼ ⴷ ⵉⴳⵎⴰⵎⵏ  ⵏ ⵓⴽⴰⴱⴰⵕ ⴰⴱⵉⵍⵊⵉⴽⵉ ⴼ ⵜⴷⵓⵙⵉ ⵏ ⵜⵣⴷⴰⵢⵉⵏ ⵜⵉⵎⵣⵔⴰⵢⵉⵏ ⵉⵙⵎⴰⵏⵏ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⵍⴷⵉⵜ ⵏ ⴱⵉⵍⵊⵉⴽ , ⵖⵎⴽ ⴰⵏⵏ ⴷ ⵜⵉⵍⴰⵍⵜ ⵜⴰⴷⵙⵍⴰⵏⵜ ⵏ ⵍⵎⵖⵔⵉⴱ ⵉⴳⴰⵏ ⴰⵛⴰⵎⵓⵛ ⵏ ⵜⴳⵎⵉ ⴷ ⵓⵔⴳⴳⵉⴳ ⴷ ⵜⵣⴷⴰⵢⵜ ⵊⴰⵔ ⵓⵕⵓⴱⴱⴰ ⵙ ⵉⴼⵔⵉⵇⵢⴰ.

ⵉⵙⴰⵡⵍ ⵓⴽⴰⴱⴰⵕ ⴰⴱⵉⵍⵊⵉⴽⵉ ⵓⵍⴰ ⴼ ⵡⴰⵜⵉⴳ ⵏ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⵊⴰⵔ ⵍⵎⵖⵔⵉⴱ ⴷ ⴱⵉⵍⵊⵉⴽⴰ ⵖⵎⴽ ⴰⵏⵏⴷ ⵓⵕⵓⴱⴱⴰ, ⵉⵏⵉⵏ ⵎⴰⵙ ⵜⵎⵎⴰⵖ ⴱⵉⴽⵊⵉⴽⴰ ⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵜⴷⴷⵓⴽⴽⵯⵍⴰ ⴷ ⵓⵎⵢⴰⵡⴰⵙ ⴰⴽⴷ ⵜⴰⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵓⵙⵎⵖⵔ ⵏⵏⵙⵏⵜ, ⵙⵓⵜⴳⵏ ⴰⴷⵖⴰⵔ ⵉⵥⵉⵍⵏ ⵏ ⵉⵎⵖⵔⵉⴱⵉⵢⵏ ⵍⵍⴰⵏⵉⵏ ⴳ ⴱⵉⵍⵉⵊⵉⴽⴰ ⴷ ⵜⵡⵡⵓⵔⵉ ⵏⵏⵙ ⵉⵥⵥⵉⵏ ⵏ ⵡⴰⵎⵓⵏ ⵏⵏⵙ.

ⴳ ⵓⵎⵏⵉⴷ ⵏⵏⵙ, ⵉⵙⴱⵔⵔⴽ ⵎⴰⵙⵙ ⴰⵎⴰⵔⵉ ⵃⴰⵙⴰⵏ ⴱⵏ ⵄⵓⵎⴰⵕ ⴰⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⴱⵉⵍⵊⵉⴽⵉ, ⵉⵙⴰⵡⵍ ⴼ ⵡⴰⵜⵉⴳ ⵏ ⵓⵙⵏⴼⵍ ⵏ ⵓⵔⵣⴰⴼ ⵊⴰⵔ ⵉⴱⵕⵍⴰⵎⴰⵏⵉⵢⵏ ⵏ ⵙⵏⴰⵜ ⵜⵎⵉⵣⴰⵔ, ⴰⵢⵍⵍⵉ ⵔⴰⴷ ⵉⴼⴽ ⴰⵎⵏⴰⴷ ⴰⵎⴰⵢⵏⵓ ⵉ ⵓⵎⵢⴰⵡⴰⵙ ⵊⴰⵔ ⵏⵏⵙⵏⵜ. ⵢⵉⵏⵉ ⵎⴰⵙ ⵉⵜⵜⵓⵙⵙⴰⵏ ⵍⵎⵖⵔⵉⴱ ⵙⴳ ⵣⵉⴽⴽ ⵙ ⵓⵏⵏⵓⵕⵥⵎ ⴷ ⵡⴰⵜⵉⴳⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ, ⵉⵙⵎⵏⵉⴷ ⵓⵍⴰ ⵉⵎⵓⴽⵏⵏ ⴷ ⵉⵙⴰⵡⵓⵔⵏ ⵍⵍⴰⵏⵉⵏ ⴳ ⵜⵎⴰⵣⵉⵔⵜ ⵏⵏⵖ ⵙ ⵜⵏⴰⵔⴰ ⵜⵓⵏⵥⵉⵣⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.

ⴳ ⵓⵎⵏⴰⵚ ⴰⴷ, ⵉⵙⵙⵉⵙⴷⵉⵡ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ ⵜⴰⵣⵣⵉⴳⵣⵜ ⵜⴰⴷⵉⵎⵓⵇⵔⴰⵟⵉⵜ ⴳ ⵜⴳⵍⴷⵉⵜ ⴷ ⵜⵓⴳⴳⵯⴰⵙ ⵏ ⵓⵙⵎⵖⵔ ⵏ ⵓⵙⵓⵔⵙ ⵏ ⵜⵎⴰⵖⴰⵔⵜ ⴷ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴷ ⵓⵣⵔⴰⵢ ⴱ ⵉⴷⵔⵉⵣⵏ ⵏ ⴽⵓⴼⵉⴷ 19, ⵉⵙⴰⵡⵍ ⴼ ⵜⵣⵡⵉⵔⵉ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵉⴳⵔⴰⵏ ⵏ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ  ⴷ ⵜⴷⵎⵙⴰ ⵜⴰⵣⴳⵣⴰⵡⵜ ⴷ ⵓⵙⵡⵓⴷⴷⵓ ⵏ ⵡⵎⴰⵏ  ⴷ ⵜⵙⵔⵜⵉⵜ ⵏ ⵓⵣⵡⴰⴳ ⴷ ⵓⵙⵎⵖⵔ ⵏ ⵜⵎⵙⵙⵏⵜⴰⵢⵉⵏ ⴷ ⵜⵡⵡⵓⵔⵉ ⴷ ⵜⵣⵣⵉⴳⵣⵜ ⵏ ⵜⴷⵎⵙⴰ ⴷ ⵜⵎⴳⵓⵔⵉ ⴷ ⵜⴼⵎⵎⴰⵃⵜ, ⵢⵉⵏⵉ ⵎⴰⵙ ⵉⵟⵟⴰⴼ ⵍⵎⵖⵔⵉⴱ ⴽⵉⴳⴰⵏ ⵏ ⵜⵥⴹⴰⵕⵉⵏ ⴷ ⵡⴰⵏⵏⴰⵣⵏ ⵏ ⵓⵙⵙⴰⵔⵓ.

ⵢⵓⵎⴰ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⴱⵉⵍⵊⵉⴽⵉ:

ⵎⴰⵙⵙ David Leisterh

ⵎⴰⵙⵙ  Van Goidsenhoven Gaetan

ⵎⴰⵙⵙⴰ  Clémentine Barzin

ⵎⴰⵙⵙ  Weystman David