ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴽⴰⴱⴰⵕ ⵙⴳ ⵜⵎⵙⵎⵓⵏⵜ ⵜⴰⴳⵔⴰⵖⵍⴰⵏⵜ ⵏ ⵜⵉⵏⵎⴰⵍ ⴷ ⵉⵙⵉⵏⴰⴳⵏ ⵏ ⵜⵎⵙⵙⵓⴳⵓⵔⵜ

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵎⵡⴰⵙ 29 ⵢⵓⵍⵢⵓⵣ 2022 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴰⴱⴰⵟ ⴰⴽⴰⴱⴰⵕ ⵙⴳ ⵜⵎⵙⵎⵓⵏⵜ ⵜⴰⴳⵔⴰⵖⵍⴰⵏⵜ ⵏ ⵜⵉⵏⵎⴰⵍ ⴷ ⵉⵙⵉⵏⴰⴳⵏ ⵏ ⵜⵎⵙⵙⵓⴳⵓⵔⵜ, ⵉⵍⵍⴰⵏ ⴳ ⵓⵔⵣⴰⴼ ⵉ ⵍⵎⵖⵔⵉⴱ ⵖ ⵉⵍⵍⴰ ⵓⴳⵔⴰⵡ ⴰⵙⴳⵯⵙⴰⵏ ⵏ ⵜⵎⵙⵎⵓⵏⵜ ⵉⵜⵜⵓⵙⵏⵎⴰⵍⴰⵏ ⴷⴷⵓ ⵉⵡⵉⵣ ⴰⵎⴰⵜⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.

ⵜⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙⴰ ⴰⵙⵎⴰ ⵖⵍⴰⵍⵓ ⵜⴰⵏⵙⵙⵉⵅⴼⵜ ⵏ ⵜⴳⵔⴰⵡⵜ ⵏ ⵜⵖⵔⵎⵜ ⵏ ⵕⵕⴱⴰⵟ ⴷ ⵎⴰⵙⵙ ⵎⵓⵃⴰⵎⵎⴰⴷ ⵖⴰⵛⵉ ⴰⵏⵙⵙⵉⵅⴼ ⵏ ⵜⵙⴷⴰⵡⵉⵜ ⵎⵓⵃⴰⵎⵎⴰⴷ ⵡⵉⵙ ⵙⵎⵎⵓⵙ ⴳ ⵕⵕⴱⴰⵟ, ⴷ ⵎⴰⵙⵙⴰ ⵏⴰⵊⴰⵜ ⵣⵔⵓⵇ, ⵜⴰⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⴳⵔⴰⵖⵍⴰⵏⵜ ⵏ ⵜⵉⵏⵎⴰⵍ ⴷ ⵉⵙⵉⵏⴰⴳⵏ ⵏ ⵜⵎⵙⵙⵓⴳⵓⵔⵜ.

ⴳ ⵓⵙⵏⵓⴱⴳ ⴰⴷ, ⵉⵙⵎⵏⵉⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵜⵉⵔⵎⵉⵜ ⵜⴰⵎⵔⵉⴱⵉⵜ ⴳ ⵜⵎⴰⵣⵉⵔⵜ ⵏⵏⵖ ⴷ ⵓⵎⵎⵉⵥⵏ ⴳ ⵓⵎⵏⵉⴷ ⵏ ⵜⴷⵉⵎⵓⵇⵔⴰⵟⵉⵜ ⴷ ⵓⵡⴰⵏⴽ ⵏ ⵓⵣⵔⴼ ⴷ ⵓⵙⵍⴳⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴷⵔⴼⴰⵢ. ⵉⵙⴰⵡⵍ ⴳ ⵓⵎⵏⵉⴷ ⴰⴷ ⵓⵍⴰ ⴼ ⵜⵎⵥⵍⴰⵢ ⵏ ⵓⴱⵕⵍⴰⵎⴰⵏ ⵙⵍⴰⵡⴰⵏ ⴰⴽⴽⵯ ⴰⵙⵇⵇⵉⵎ ⵏ ⵉⵎⵓⵔⴰ ⴳ ⵓⵎⴰⵍⵓ ⵏ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵏ 2011 ⴳ ⵓⵣⵣⵔⴰⴼ ⴷ ⵜⵉⴹⴰⴼ ⵏ ⵜⵏⴱⴰⴹⵜ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ.

ⵎⴽⵍⵍⵉ ⵉⵙⵉⵙⴼⵉⵡ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴽⵉⴳⴰⵏ ⵏ ⵜⵎⵙⴰⵔ ⴼ ⵙⴰⵡⵍⵏ ⵉⴳⵎⴰⵎⵏ ⵏ ⵜⵎⵙⵎⵓⵏⵜ ⴰⵎ ⵉⵙⴽⵉⵍ ⴷ ⵜⴳⵏⵙⴰⵙⵜ ⵏ ⵜⵎⵖⴰⵔⵜ ⴳ ⵜⴳⵔⴰⵡⵉⵏ ⵜⵜⴰⵡⵙⵜⴰⵢⵏⵉⵏ, ⴷ ⵜⵉⵍⴰⵍⴰⵜ ⵏ ⵡⴰⵎⵓⵏ ⴰⵖⵔⵎⴰⵏ ⴳ ⵓⵣⵣⵔⴰⴼ ⴷ ⵓⵙⵡⵓⴷⴷⵓ ⵏ ⵜⵖⴰⵡⵙⴰ ⵜⴰⵎⴰⵜⴰⵢⵜ ⴷ ⵜⵙⵔⵜⵉⵜ ⵜⴰⵎⴰⵢⵏⵓⵜ ⵏ ⵜⴳⵍⴷⵉⵜ ⴳ ⵢⵉⴳⵔ ⵏ ⵓⵣⵡⴰⴳ...

ⵉⴷⵔⵓ ⴳ ⵓⴳⵔⴰⵡ ⵏ ⵜⵎⵙⵎⵓⵏⵜ ⵜⴰⴳⵔⴰⵖⵍⴰⵏⵜ ⵏ ⵜⵉⵏⵎⴰⵍ ⴷ ⵉⵙⴰⵏⴳⵏ ⵏ ⵜⵎⵙⵙⵓⴳⵓⵔⵜ ⵎⴰⴷ ⵉⴳⴰⵏ 65 ⵏ ⵓⵡⴰⵏⴽ ⵙⴳ ⵓⵎⴰⴹⴰⵍ, ⵉⵎⵉⵏ ⴳⵉⵙ ⵉⵙⵍⵎⴰⴷⵏ ⵉⵎⵙⴷⴰⵡⵏ ⴷ ⵉⴳⵏⵙⴰⵙⵏ ⵏ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴳ ⵉⴼⵔⵉⵇⵢⴰ ⴷ ⵉⵎⵙⵡⵓⵔⵉⵢⵏ ⴳ ⵜⵎⴰⴷⴷⴰⵙⵜ ⵏ ⵜⵎⵜⵜⴰ ⵎⵓⵏⵏⵉⵏ.

ⵢⵉⵍⵉ ⵓⵙⵜⴰⵢ ⵏ ⵎⴰⵙⵙⴰ ⵏⴰⵊⴰⵜ ⵣⵔⵓⵇ ⴰⵙⵙ ⵏ ⵓⵙⵉⵏⴰⵙ 26 ⵢⵓⵍⵢⵓⵣ 2022 ⴷ ⵜⴰⵏⵙⵙⵉⵅⴼⵜ ⵜⴰⵎⴰⵢⵏⵓⵜ ⵏ ⵜⵎⵙⵎⵓⵏⵜ ⴰⴷ.