ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ: ⵜⴰⵣⵣⵉⴳⵣⵜ ⵉⵍⵍⴰⵏ ⴳ ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵜⴰⵎⴰⵜⴰⵔⵜ ⵏ ⵜⵉⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵉ ⵓⵙⵖⵎⵔ ⵏ ⵜⴳⵍⴷⵉⵜ
ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ ⵎⴰⵙⵙ ⴼⵉⴷⵉⵍ ⵙⴱⵉⵏⵓⵣⴰ ⵙⴰⵏⴷⵓⴼⴰⵍ ⵎⴰⵙ ⴷ ⴰⵔⵣⴰⴼ ⵍⵍⵉ ⵙⴽⵔⵏ ⵉⴳⵎⴰⵎⵏ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵉ ⵜⵖⵔⵎⵉⵏ ⵏ ⵍⵄⵢⵓⵏ ⴷ ⵡⴰⵎⵓⵔ ⵏ ⵡⴰⴽⵓⵛ ⴷ ⵕⵕⴱⴰⵟ ⴷ ⵜⴳⵎⵎⵉ ⵜⵓⵎⵍⵍⵉⵍⵜ, ⵉⵎⵍⴰ ⵜⴰⵣⵣⵉⴳⵣⵜ ⵉⵍⵍⴰⵏ ⴳ ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⵢⵍⵍⵉ ⵉⵎⵎⴰⵍⴰⵏ ⵜⵉⵔⴰⵜ ⵉⴼⴰⵡⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵉ ⵓⵙⵎⵖⵔ ⵏ ⵜⵖⵍⴷⵉⵜ..
ⵉⵍⵍⴰ ⵓⵙⴷⴷⴻⴷ ⴰⴷ ⴳ ⵓⵏⵎⵓⵇⵇⴰⵔ ⵍⵍⵉ ⵉⵙⵎⵓⵏⵏ, ⴰⴽⵕⴰⵙ 27 ⵢⵓⵍⵢⵓⵣ, ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ ⴷ ⵓⴽⴰⴱⴰⵕ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵉⴷⵔⵓⵏ ⴳ ⵓⴳⵔⴰⵡ ⴰⵎⴰⵜⴰⵢ ⵏ ⴱⵉⵔⵍⴰⵏⴷⵉⵏⵓ ⴳ ⴱⵓⴳⵓⵜⵜⴰ ⴳ ⴽⵓⵍⵓⵎⴱⵢⴰ, ⴰⴽⴰⴱⴰⵕ ⴳ ⵉⵍⵍⴰ ⵓⵎⴰⵔⵉ ⵎⵓⵃⴰⵎⵎⴰⴷ ⵜⵡⵉⵎⵉ ⴱⵏⵊⵍⵍⵓⵏ ⴷ ⴼⴰⵜⵉⵏ ⵍⵖⴰⵍⵉ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵄⴰⴱⴷⵍⵇⴰⴷⵔ ⵙⴰⵍⴰⵎⴰ ⵙⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ.
ⴳ ⵓⵏⵎⵓⵇⵇⴰⵔ ⴰⴷ, ⵉⵙⴷⴷⵉⴷ ⵎⴰⵙⵙ ⴼⵉⴷⵉⵍ ⵙⴱⵉⵏⵓⵣⴰ ⵎⴰⵙ ⴷ ⴰⵔⵣⴰⴼ ⵉⴳⴳⵓⵔⴰⵏ ⵏ ⵉⴳⵎⴰⵎⵏ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ ⵢⵉⵡⵙ ⴰⵙⵏ ⴰⴷ ⵥⵔⵉⵏ ⵜⴰⵏⴼⵔⵓⵜ ⴷ ⵓⵔⴳⴳⵉⴳ ⴷ ⵉⵙⴰⵡⴰⵓⵔⵏ ⵏ ⵜⴳⵎⵉ ⵍⵍⴰⵏⵉⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ. ⵙⵍⴰⵡⴰⵏ ⴰⴽⴽⵯ ⵉⵙⴰⵡⵓⵔⵏ ⵏ ⵜⴳⵎⵉ ⵍⵍⵉ ⵉⵥⵕⴰ ⵓⴽⴰⴱⴰⵕ ⴳ ⵍⵄⵢⵓⵏ ⵜⴰⵎⵖⵔⵉⴱⵉⵜ, ⵉⵙⴷⴷⵉⴷ ⵎⴰⵙ ⴷ ⵉⵙⴰⵡⵓⵔⵏ ⴰⴷ ⴷ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵜⴳⵎⵉ ⵏ ⵜⵙⴳⴳⵉⵡⵉⵏ ⵏⵏⵙ ⴳ ⵜⵏⵣⵔⵓⴼⵜ ⴳⴰⵏ ⵢⴰⵏ ⵡⴰⵏⴰⵡ ⵉ ⵜⵎⵉⵣⴰⵔ ⵏ ⵉⴼⴼⵓⵙ ⴷ ⵜⵉⵏ ⵍⴰⵏⴷⵉⵣ ⴰⴽⴽⵯ, ⵉⵙⵙⴽⵯⵜⵉ ⴷ ⵓⵍⴰ ⵜⵉⵢⵢⴰⴼⵓⵜⵉⵏ ⵏ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⴰⴷⵎⵙⴰⵏ ⴰⵎⵣⵡⴰⵔⵓ: ⵍⵎⵖⵔⵉⴱ-ⵉⵡⴰⵏⴽⵏ ⵏ ⵍⴰⵏⴷⵉⵣ, ⵍⵍⵉⵖ ⵉⵍⵍⴰ ⵓⵙⴷⴷⴻⴷ ⴼ ⵡⴰⵜⵉⴳ ⵏ ⵓⵙⵏⴼⵍ ⴰⴷⵎⵙⴰⵏ ⵉⵍⵍⴰⵏ ⵊⴰⵔ ⵏⵏⵙⵏ, ⵉⴳ ⵍⵎⵖⵔⵉⴱ ⵓⵍⴰ ⵜⵉⴼⵍⵉⵡⵜ ⵙ ⵉⴼⵔⵉⵇⵢⴰ ⴷ ⵓⵎⴷⵔⵓ ⴳ ⵜⵍⵍⴰ ⵜⵎⵢⵉⵎⴰⵏⵜ ⵉ ⵓⵙⴽⵔ ⵏ ⵜⵎⴷⵔⴰⵡⵜ ⵉⴳⴰⵏ ⴰⵏⴰⵡ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ.
ⵅⴼ ⵜⵎⵙⴰⵔⵜ ⵜⴰⵏⴰⵎⵓⵔⵜ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ ⴼ ⵡⴰⴷⴷⴰⴷ ⵏ ⵓⵙⵏⴰⵍ ⵏ ⵜⵢⴰⵏⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴰⴷⴷⴰⴷ ⵉⴱⴷⴷⵏ ⴼ ⵓⵙⵓⵜⴳ ⵏⵏⵙ ⴷ ⵜⵣⴷⴰⵢⵜ ⵏⵏⵙ ⴰⴽⴷ ⵍⵎⵖⵔⵉⴱ, ⴷ ⵡⴰⴷⴷⴰⴷ ⵉⴱⴷⴷⵏ ⴼ ⵓⴼⵔⴰⴽ ⴷ ⵉⵔⵣⴰⴼⵏ ⴳⴳⵓⵜⵏⵉⵏ ⵉ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ, ⵖ ⵉⵣⵔⴰ ⵜⵉⴷⵜ ⴷ ⵜⵉⵍⴰⵡⵜ ⵏ ⵓⵙⵔⵙ ⴷ ⵜⵎⵏⵜⵉⵎⵉⵏ ⵜⵉⵙⵔⵜⴰⵏⵉⵏ ⴷ ⵜⵎⵣⵔⴰⵢⵉⵏ ⵏ ⵜⵎⴰⵖⵜ ⴰⴷ ⵉⵜⵜⵓⵙⴽⴰⵔⵏ, ⵉⵙⴷⴷⵉⴷ ⵎⴰⵙ ⴷ ⴰⵙⴽⵔ ⵏ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ ⴳ ⴱⵕⵕⴰ ⵏ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⴳ ⵜⵖⵔⵎⵜ ⵏ ⵍⵄⵢⵓⵏ ⵜⴰⵎⵖⵔⵉⴱⵉⵜ ⵉⵎⵙⴰⵙⴰ ⴷ ⵜⵙⵜⴰⵖⵜ ⵍⵍⵉ ⵙ ⵉⴼⴼⵖ ⵓⴱⵕⵍⴰⵎⴰⵏ ⴰⴷ ⴳ 2018, ⵜⵖⵜⴰⵙⵜ ⵉⵙⵏⴰⵍⵏ ⵜⴰⵙⵏⵜⴰⵢⵜ ⵜⴰⵎⵖⵔⵉⴱⵉⵜ ⵏ ⵓⵏⴱⴰⴹ ⴰⵏⵉⵎⴰⵏ ⴳ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⴷⴷⵓ ⵏ ⵜⵅⵅⵓⵜⵔⴰ ⵜⴰⵏⴰⵎⵓⵔⵜ ⴷ ⵜⵏⴰⴽⴰⵍⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ.
ⴳ ⵓⵎⵏⵉⴷ ⵏⵏⵙ, ⵉⵙⴰⵡⴰⵍ ⵓⴽⴰⴱⴰⵕ ⴰⵎⵖⵔⵉⴱⵉ ⴼ ⵓⵙⵓⵜⴳ ⴰⵅⴰⵜⴰⵔ ⵉ ⵓⵔⵣⴰⴼ ⴰⵎⵣⵔⴰⵢ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ 03 ⴰⵔ 08 ⴳ ⵡⴰⵢⵢⵓⵔ ⴰⴷ, ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵉⵙⴽⵔ ⵓⴱⵕⵍⴰⵎⴰⵏ ⴰⴷ ⴰⴳⵔⴰⵡ ⵏⵏⵙ ⴰⵎⴰⵜⴰⵢ ⴳ ⵜⵖⵔⵎⵜ ⵏ ⵍⵄⵢⵓⵏ, ⴰⵢⵍⵍⵉ ⵉⵟⵟⴰⴼⵏ ⵜⵉⵎⵉⵜⴰⵔ ⵏ ⵓⵙⵓⵜⴳ ⵉⵟⵟⴰⴼ ⵍⵎⵖⵔⵉⴱ ⴳ ⵜⵙⴳⴰ ⵏ ⵎⴰⵔⵉⴽⴰⵏ ⵏ ⵉⴼⴼⵓⵙ, ⵙⴷⴷⵉⴷⵏ ⵓⵍⴰ ⴼ ⵓⵙⵓⵜⴳ ⵏ ⵡⴰⴷⴷⴰⴷⵏ ⵥⵉⵍⵏⵉⵏ ⵍⵍⵉ ⴱⴷⵔⵏ ⵉⴱⵕⵍⴰⵎⴰⵏⵉⵢⵉⵏ ⵏ ⵍⴰⵏⴷⵉⵣ ⵎⵏⵉⴷ ⵏ ⵍⵎⵖⵔⵉⴱ ⴷ ⵜⵎⵙⴰⵔⵉⵏ ⵏⵏⵙ ⵜⵉⵣⵔⴼⴰⵏⵉⵏ, ⵜⵉⵍⵉ ⵖ ⵢⵉⵅⴼ ⵏⵏⵙⵏⵜ ⵜⴰⵎⵙⴰⵔⵜ ⵏ ⵜⵢⴰⵏⵜ ⵏⵏⵙ ⵜⴰⵏⴰⴽⴰⵍⵜ.
ⵉⵙⴷⴷⵉⴷ ⵓⴽⴰⴱⴰⵕ ⴰⵍⵖⵔⵉⴱⵉ ⵎⴰⵙ ⴷ ⴰⵔⵣⴰⴼ ⴰⴷ ⵖⵓⵔⵙ ⵜⴰⵎⴰⵙⴰⵢⵜ ⵎⵇⵇⵓⵔⵏ ⵉⵣⴷⵉⵏ ⴷ ⵓⵛⵛⵉⵍ ⵏ ⵓⴼⵔⴰⴳ ⵏ ⵓⴱⵔⵉⴷ ⵉⵥⵉⵍⵏ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵉⵙⵎⵓⵏⵏ ⴰⴱⵕⵍⴰⵎⴰⵏ ⴰⵎⵖⵔⵉⴱⵉ ⴷ ⵡⵉⵏ ⵍⴰⵏⴷⵉⵣ, ⴷ ⵓⵙⵎⵖⵔ ⵏ ⵓⵎⵢⴰⵡⴰⵙ ⴰⴷ ⵙ ⵉⵙⵖⴰⵡⴰⵙⵏ ⵉⵙⴽⴰⵔⵏ ⵉⵏⴰⵔⵓⵣⵏ ⵏ ⵙⵉⵏ ⵉⵎⴰⴷⴰⵏⵏ ⵖ ⵜⵍⵍⴰ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵜⴷⵍⵙⴰⵏⵜ, ⵙⴷⴷⵉⴷⵏ ⵓⵍⴰ ⵎⴰⵙ ⵜⵎⵙⴰⵙⴰ ⵜⵉⵔⴰⵜ ⴰⴷ ⵜⴰⴱⵕⵍⴰⵎⴰⵏⵉⵜ ⴷ ⵓⵙⵜⴰⵢ ⴰⵙⵜⵔⴰⵜⵉⵊⵉ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵙⵏⴰⵍ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ, ⴰⵙⵜⴰⵢ ⵍⵍⵉ ⵉⴼⵔⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.
ⵜⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵜⵎⵙⵇⵇⴰⴷⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⴽⵓⵍⵓⵎⴱⵢⴰ ⵎⴰⵙⵙⴰ ⴼⴰⵔⵉⴷⴰ ⵍⴰⵡⴷⴰⵢⴰ, ⵢⵉⵍⵉ ⴳⵉⵙ ⵓⵙⵎⵖⵔ ⵏ ⵓⵎⵛⵛⵉⵡⵕ ⴰⴱⵕⵍⴰⵎⴰⵏⵉ ⵎⴰⵙⵙ ⵄⴰⴱⴷⵍⵇⴰⴷⵔ ⵙⴰⵍⴰⵎⴰ ⵙ ⵜⵎⴰⴷⴰⵢⵜ ⵏ ⵓⵙⵓⵜⴳ ⵙⴳ ⵜⴰⵎⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ, ⵉ ⵜⵓⴳⴳⴰⵙ ⵏⵏⵙ ⴷ ⵜⵓⴳⴳⴰⵙ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴷ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵓⵎⵏⵉⴷ ⵏ ⵓⵙⵎⵖⵔ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴰⴽⴷ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ ⴷ ⵜⵎⵉⵣⴰⵔ ⵏ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⴷ ⵍⴽⴰⵔⴰⵢⵉⴱ.