ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵎⴰⵡⵙⴰⵙ ⵏ ⵓⵡⴰⵏⴽ ⴰⴱⵕⵉⵟⴰⵏⵉ ⵉ ⵉⴼⴼⵓⵙ ⴷ ⵜⵉⵥⵥⵓⵎⵜ ⵏ ⴰⵙⵢⴰ ⴷ ⵉⵥⵥⵍⵎⴹ ⵏ ⵉⴼⵔⵉⵇⵢⴰ ⴷ ⵜⵎⵎⵜⴰ ⵎⵓⵏⵏⵉⵏ ⴷ ⵍⴽⵓⵎⴰⵏⵡⵉⵍⵜ

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 27 ⵢⵓⵍⵢⵓⵣ 2022 ⵍⵍⵓⵔⴷ ⴰⵃⵎⴰⴷ ⵟⴰⵕⵉⵇ ⴰⵎⴰⵡⵙⴰⵙ ⵏ ⵓⵡⴰⵏⴽ ⴰⴱⵕⵉⵟⴰⵏⵉ ⵉ ⵉⴼⴼⵓⵙ ⴷ ⵜⵉⵥⵥⵓⵎⵜ ⵏ ⴰⵙⵢⴰ ⴷ ⵉⵥⵥⵍⴹ ⵏ ⵉⴼⵔⵉⵇⵢⴰ ⴷ ⵜⵎⵜⵜⴰ ⵎⵓⵏⵏⵉⵏ ⴷ ⵍⴽⵓⵎⴰⵏⵡⵉⵍⵜ, ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵍⵎⵖⵔⵉⴱ ⵙⴳ 25 ⴰⵔ 27 ⵢⵓⵍⵢⵓⵣ  ⵉ ⵓⵙⴷⵓⵙ ⵏ ⵜⵎⴷⵔⴰⵡⵜ ⵊⴰⵔ ⵍⵎⵖⵔⵉⴱ ⴷ ⴱⵕⵉⵟⴰⵏⴰⵢⴰ.

ⴰⵎⴹⴰⴽⴰⵕ ⴰⴷ ⵉⵃⴰⴹⵕ ⴳⵉⵙ ⵓⵎⵙⵇⵇⴰⴷ ⵏ ⴱⵕⵉⵟⴰⵏⵢⴰ ⴳ ⵕⵕⴱⴰⵟ ⵎⴰⵙⵙ ⵙⵉⵎⵓⵏ ⵎⴰⵔⵜⴰⵏ, ⵢⵉⵍⵉ ⴼ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⵟⵟⴰⴼⵏⵉⵏ ⵉⵥⵓⵕⴰⵏ ⵉⵎⵣⵔⴰⵢⵏ ⴷ ⵉⴷⵍⵙⴰⵏⵏ, ⵖⵎⴽ ⴰⵏⵏ ⴷ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵏ ⵙⵏⴰⵜ ⵜⵎⵉⵣⴰⵔ.

ⴳ ⵓⵏⵎⵓⵇⵇⴰⵔ ⴰⴷ, ⵉⵙⵓⵜⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵙ ⵓⵙⵡⵉⵔ ⵏ ⵜⵣⴷⴰⵢⵉⵏ ⵥⵉⵍⵏⵉⵏ ⵍⵍⴰⵏⵉⵏ ⵊⴰⵔ ⵙⵏⴰⵜ ⵜⴳⵍⴷⵉⵜⵉⵏ  ⴷ ⵓⵎⵢⴰⵡⴰⵙ ⵉⵥⵉⵍⵏ ⵉⵍⵍⴰⵏ ⵊⴰⵔ ⵙⵉⵏ ⵉⴱⵕⵍⴰⵎⴰⵏⵏ ⵏⵏⵙ, ⵉⵙⵓⵜⴳ ⵜⴰⴷⵔⴰⵡⵜ ⵉⵙⵎⵓⵏ ⴰⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵔⵙⵍⵜ ⵏ ⵡⵉⵙⵜⵎⵉⵏⵙⵜⵔ ⵉ ⵜⴷⵉⵎⵓⵇⵔⴰⵟⵉⵜ, ⴰⵢⵍⵍⵉ ⵢⵉⵡⵙⵏ ⴳ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⵊⴰⵔ ⵙⵏⴰⵜ ⵜⵎⵔⵙⴰⵍ ⴳ ⵉⴳⵔⴰⵏ ⵉⴱⵕⵍⴰⵎⴰⵏⵉⵢⵏ ⴳⴰⵏⵉⵏ ⵉⵎⵏⵏⴰⵡⵏ.

ⵜⵎⵍⴷⴰ, ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵜⵉⵎⵥⵍⴰⵢ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵣⵣⵉⴳⵣⵜ ⵏ ⵜⵎⵙⴽⵔⵜ ⵜⴰⴱⵕⵍⴰⵎⴰⵏⵉⵜ ⴳ ⵜⵎⴰⵣⵉⵔⵜ ⵏⵏⵖ, ⵉⵙⴰⵡⵍ ⴼ ⵜⵉⵔⴰⵜ  ⵉⴷⵓⵙⵏ  ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴽⴷ ⴰⴱⵕⵍⴰⵎⴰⵏ ⴰⴱⵕⵉⵟⴰⵏⵉ. ⵉⵖⵔ ⵉ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⴳⴷⵓⴷⴰⵏ ⴳ ⴱⵕⵉⵟⴰⵏⵉⵢⴰ ⵉ ⵢⴰⵏ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵜⵎⴰⵣⵉⵔⵜ ⵏⵏⵖ ⵉ ⵓⵔⵣⵣⵓ ⵏ ⵉⴱⵔⴷⴰⵏ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⵙⵉⵏⴰⵔⴰⵏ.

ⴳ ⵓⵎⵏⵉⴷ ⵏⵏⵙ, ⵉⵙⵓⵜⴳ ⵍⵍⵓⵔ ⴰⵃⵎⴰⴷ ⵟⴰⵕⵉⵇ ⵜⴰⵣⵣⵉⴳⵣⵜ ⵏ ⵓⵎⵢⴰⵡⴰⵙ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⴱⵕⵉⵟⴰⵏⵢⴰ ⴳ ⵉⵙⵡⵉⵔⵏ, ⵙⵍⴰⵏ ⴰⴽⴽⵯ ⴳ ⵓⵙⵏⴼⵍ ⴰⴷⵎⵙⴰⵏ ⴷ ⵜⵥⴹⴰⵕⵜ ⵜⴰⵎⴰⵢⵏⵓⵜ ⴷ ⵜⴷⵎⵙⴰ ⵜⴰⵣⴳⵣⴰⵡⵜ ⴷ ⵜⴷⵓⵙⵉ ⴷ ⵓⵙⵙⵍⵎⴷ ⴷ ⵓⵙⵙⴰⵔ, ⵢⵉⵏⵉ: “ⵜⵉⵣⴷⴰⵢⵉⵏ ⵏⵏⵖ ⴷⵓⵙⵏⵜ ⵢⵉⵍⵉ ⵓⵙⵡⵉⵔ ⵉⵥⵉⵍⵏ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⵏⵏⵖ”.

ⵖⵎⴽ ⵍⵍⵉ ⵉⵙⵓⵜⴳ ⵓⵎⴰⵡⵙⴰⵙ ⴰⴱⵕⵉⵟⴰⵏⵉ ⵍⵍⵓⵔⴷ ⴰⵃⵎⴰⴷ ⵟⴰⵕⵉⵇ ⵜⴰⵏⵏⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴳ ⵓⵙⵎⵖⵔ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ ⴷ ⵓⵙⴷⵓⵙ ⵏ ⵜⵏⴳⴰⴷⴷⴰⵢⵜⵊⴰⵔ ⵓⵔⴳⴰⵣ ⴷ ⵜⵎⵖⴰⵔⵜ. ⵖⵎⴽ ⵍⵍⵉ ⵜ ⵜⵙⵙⵓⵙⵎ ⵜⵉⵔⵎⵉⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⴷ ⵜⵉⵍⴰⵍ ⵍⵍⵉ ⵉⵙⴽⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵉⴹⴰⴼ ⵏ ⵜⵡⵡⵓⵔⵉ ⵜⵓⵏⴱⵉⴹⵜ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ.