ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⵙⵏⴼⴰⵔⵏ ⵏ ⵓⵙⵍⴳⵏ ⴼ ⵜⴷⵔⵉⵎⵜ ⴷ ⵜⵡⵡⵓⵔⵉ ⵜⴰⴳⴷⵓⴷⴰⵏⵜ ⴷ ⴽⵕⴰⴹⵜ ⵜⵙⵓⵎⵔⵉⵏ ⵏ ⵉⵙⵍⴳⵏⵏ

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 25 ⵢⵓⵍⵢⵓⵣ 2022, ⴰⵙⵏⴼⴰⵔ ⵏ ⵓⵙⵍⴳⵏ ⴼ ⵓⵣⵣⴳⵉⵔ ⵏ ⵓⵙⵍⴳⵏ ⵏ ⵓⴼⵓⴽⴽⵓ ⵉⵣⴷⵉⵏ ⴷ ⵓⵙⵍⴳⵏ ⵏ ⵜⴷⵔⵉⵎⵜ 2020, ⴷ ⵢⴰⵏ ⵢⴰⴹⵏⵉⵏ ⴼ ⵜⵡⵡⵓⵔⵉ ⵜⴰⴳⴷⵓⴷⴰⵏⵜ. ⵢⵉⵍⵉ ⵓⵍⴰ ⵓⵙⵜⴰⵢ ⵏ ⴽⵕⴰⴹⵜ ⵜⵙⵓⵎⵔⵉⵏ ⵏ ⵉⵙⵍⴳⵏⵏ. ⴳ ⵙⵏⴰⵜ ⵜⵖⵉⵎⵉⵜⵉⵏ ⵏ ⵓⵣⵣⵔⴰⴼ ⵍⵍⵉ ⵉⵙⵙⵉⵅⴼ ⵎⴰⵙ ⵕⴰⵛⵉⴷ ⵜⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵙ ⵜⵉⵍⵉⵜ ⵏ ⵎⴰⵙⵙ ⵏⵉⵣⴰⵕ ⵍⴱⴰⵕⴰⴽⴰ ⴰⵎⴰⵡⵙⴰⵙ ⵏ ⵓⵎⴰⵡⴰ ⴷ ⵡⴰⵎⴰⵏ, ⴷ ⵎⴰⵙⵙ ⴼⴰⵡⵣⵉ ⵍⵇⵊⵄ ⴰⵎⴰⵡⵙⴰⵙ ⵏ ⵜⵎⵙⴰⵙⵜⵍⵜ, ⴷ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ ⴰⵎⴰⵡⵙⴰⵙ ⵏ ⵜⵣⴷⴰⵢⵉⵏ ⴰⴽⴷ ⵓⴱⵕⵍⴰⵎⴰⵏ ⴷ ⵡⴰⵎⵓⵏ ⴰⵖⵔⵎⴰⵏ ⴰⵎⵙⵙⵉⵡⵍ ⴰⵎⴰⴷⴷⵓⴷ ⵙ ⵉⵙⵎ ⵏ ⵜⵏⴱⴰⴹⵜ, ⴷ ⵎⴰⵙⵙ ⵖⵉⵜⴰ ⵎⵣⵣⵓⵔ ⵜⴰⵎⴰⵡⵙⴰⵙⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ.

ⵜⵥⵍⵉ ⵜⵖⵉⵎⵉⵜⵉ ⵜⴰⵎⵣⵡⴰⵔⵓⵜ ⵉ ⵉⵙⵖⵣⵏ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⴼⵓⴽⴽⵓ  ⵓⵟⵟⵓⵏ 20.22 ⵉⵣⴷⵉⵏ ⴷ ⵓⵣⵣⴳⵉⵔ ⵏ ⵓⵙⵍⴳⵏ ⵏ ⵜⴷⵔⵉⵎⵜ ⵏ ⵓⵙⴳⴳⵯⴰⵙ 2020. ⵉⴱⴷⴷ ⵓⴹⵕⵉⵚ ⴰⴷ ⴰⵣⵔⴼⴰⵏ ⴼ ⵓⵙⵔⵙⵓ ⵏ ⵓⵏⵛⴽ ⴰⵎⴳⴳⴰⵔⵓ ⵏ ⵉⴽⵛⵓⵎⵏ ⴷ ⵜⵎⴽⵕⴰⴹ ⵜⵜⵓⵙⴽⴰⵔⵏⵉⵏ ⵙ ⵓⵙⴳⴳⵯⴰⵙ ⵏ 2020, ⵖⵎⴽ ⴰⵏⵏ ⴷ ⵓⵙⵔⵙ ⵏ ⵓⵙⵉⵟⵏ ⵏ ⵜⵉⵢⵢⴰⴼⵓⵜ ⵏ ⵓⵙⴳⴳⵯⴰⵙ ⴰⴷ, ⵙ ⵎⴰⴷ ⵉⵥⵍⵉⵏ ⴷ ⵜⵎⵙⴰⵙⵜⵍⵜ ⵜⴰⵎⴰⵜⴰⵢⵜ ⴷ ⵜⵎⵙⴰⵙⵜⵍⵉⵏ ⵏ ⵉⵙⵉⵟⵏⵏⵏ ⵉⵎⵥⵍⴰⵢⵏ ⴷ ⵜⵏⵓⴼⴰ ⵏ ⵓⵡⴰⵏⴽ ⵜⵜⴰⵙⵡⵓⴷⴷⵓⵏⵉⵏ ⵙ ⵜⵖⴰⵔⴰⵙⵜ ⵜⴰⵏⵙⵉⵎⴰⵏⵜ.

ⴳ ⵜⵖⵉⵎⵉⵜ ⴰⴷ, ⵉⵍⵍⴰ ⵓⵍⴰ ⵓⵙⵖⵣⵏ ⵙ ⵓⵎⴽⵕⴰⴹ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 30.22 ⴼ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⴹⴰⵀⵉⵕ ⴰⵛⴰⵔⵉⴼ 1.58.008 ⵏ 4 ⵛⵄⴱⴰⵏ 1377 (24 ⴱⵕⴰⵢⵕ 1958) ⵉⴳⴰⵏ ⴰⵏⴳⵔⴰⵡ ⴰⴷⵙⵍⴰⵏ ⴰⵎⴰⵜⴰⵢ ⵏ ⵜⵡⵡⵓⵔⵉ ⵜⴰⴳⴷⵓⴷⴰⵏⵜ, ⴰⵡⵜⵜⴰⵙ ⴰⴷ ⵢⵉⵍⵉ ⵓⵙⴷⵓⵙ ⵏ ⵉⵣⵔⴼⴰⵏ ⵏ ⵉⵎⵙⵡⵓⵔⵉⵢⵉⵏ ⵙ ⵎⴰⴷ ⵢⵉⵡⵉⵏ ⴰⵎⵙⴰⵙⴰ ⵊⴰⵔ ⵜⵓⴷⵔⵜ ⵜⴰⵣⵣⵓⵍⴰⵏⵜ ⴷ ⵜⵓⴷⵔⵜ ⵜⵓⵙⵍⵉⴳⵜ, ⵙ ⵎⴰⴷ ⵜⵉⵡⵉ ⵜⵎⵙⴰⵢⴰⵜ ⵉⵛⵛⴰⵔⵏ ⴳ ⵜⵓⵡⵊⴰ ⵜⴰⵎⵖⵔⵉⴱⵉⵜ, ⵖⵎⴽ ⴰⵏⵏ ⴷ ⵓⵙⴽⵔ ⵏ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵓⵟⵟⵓⵏ 183 ⵍⵍⵉ ⵉⵙⵖⵣⵏ ⵓⴳⵔⴰⵡ ⴰⵎⴰⵜⴰⵢ ⵏ ⵜⵎⴰⴷⴷⴰⵙⵜ ⵏ ⵜⵡⵡⵓⵔⵉ ⵜⴰⴳⵔⴰⵖⵍⴰⵏⵜ ⴳ ⵜⵙⵓⵜⵍⵜ ⵏⵏⵙ ⵜⵉⵙ 88. ⵢⵉⵡⵉ ⴷ ⵓⵙⵏⴼⵍ ⴰⴷ ⵢⴰⵏ ⵓⵎⵏⵏⵉ ⴰⵡⵍⴰⵡⴰⵍ ⴳ ⵍⵍⴰⵏⵜ ⵜⵓⵎⴰⵢⵉⵏ ⵜⵉⵎⴰⵢⵏⵓⵜⵉⵜⵏ.

ⴳ ⵜⵖⵉⵎⵉⵜ ⵜⵉⵙ ⵙⵏⴰⵜ, ⵉⵍⵍⴰ ⵓⵙⵖⵏ ⵏ ⵜⵙⵓⵎⵔⵉⵏ ⵏ ⵉⵙⵍⴳⵏⵏ, ⴳⵉⵙⵏ ⵜⴰⵙⵓⵎⵔⵜ ⵏ ⵓⵙⵍⴳⵏ ⴰⴷ ⵢⵉⵍⵉ ⵓⵎⵏⵏⵉ ⵡⵉⵙ 137 ⴳ ⵓⵙⵍⴳⵏ 36.15 ⵉⵣⴷⵉⵏ ⴷ ⵡⴰⵎⴰⵏ, ⴰⵡⵜⵜⴰⵙ ⴰⵙⴷⵓⵙ ⵏ ⵜⴼⴰⴷⵉⵡⵉⵏ ⵣⴷⵉⵏⵉⵏ ⵜ ⴼⵜⴰⵜⵉⵜ ⵜⴰⴳⴷⵓⴷⴰⵏⵜ ⴷ ⵓⴼⵔⴰⴳ ⵏ ⵉⵏⵎⵓⵔⴰⵏ ⵙⴳ ⵉⵎⵉⵣⵉⵢⵏ ⵣⴷⵉⵏⵉⵏ ⴷ ⵓⵔⵣⵣⵓ ⵅⴼ ⵡⴰⵎⴰⵏ ⴷ ⵓⵙⵎⵔⵙ ⵏⵏⵙ. ⵔⴰⴷ ⵢⴰⵡⵙ ⵓⵙⵍⴳⵏ ⴰⴷ ⵖ ⵜⵉⵍⵉⵜ ⵏ ⵜⴼⴰⴷⵉⵡⵉⵏ ⴷ ⵓⵙⴰⵏⵉⵏ ⵣⴷⵉⵏⵉⵏ ⵙ ⵓⵙⵎⵔⵙ ⵏ ⵡⴰⵎⴰⵏ ⴷ ⵓⴹⵎⵏ ⵏ ⵓⴼⵔⴰⴳ ⵏ ⵉⵎⵉⵣⵉⵢⵏ ⵍⵍⴰⵏⵉⵏ.

ⴳ ⵜⵖⵉⵎⵉⵜ ⴰⴷ, ⵉⵍⵍⴰ ⵓⵙⵖⵣⵏ ⵏ ⵜⵙⵓⵎⵔⵜ ⵏ ⵓⵙⵍⴳⵏ ⴼ ⵓⵙⴽⵔ ⴷ ⵓⵙⵏⵎⴰⵍⴰ ⵏ ⵜⵎⵔⵙⵍⵜ ⵉⵛⵛⴰⵔⵏ ⵏ ⵓⵙⵎⵖⵔ ⵏ ⵜⵡⵡⵓⵔⵉⵡⵉⵏ ⵜⵉⵏⴰⵎⴰⵓⵏⵉⵏ ⵉ ⵚⴰⵃⴰ ⵏ ⵉⵎⵙⵡⵓⵔⵉⵢⵏ ⵏ ⵜⵎⵙⵙⵓⴳⵓⵔⵉⵏ ⵜⵉⴳⴷⵓⴷⴰⵏⵉⵏ, ⴰⵡⵜⵜⴰⵙ ⴰⵙⴽⵔ ⴷ ⵜⴳⵎⵉ ⴷ ⵓⵙⵡⵓⴷⴷⵓ ⵏ ⵉⵙⵏⴼⴰⵔⵏ ⵣⴷⵉⵏⵉⵏ ⴷ ⵜⵡⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⴷ ⵜⴷⵍⵙⴰⵏⵉⵏ ⴷ ⵜⵉⵏ ⵜⵓⵏⵏⵓⵏⵜ ⵉ ⵚⴰⵃⴰ ⵏ ⵉⵎⵍⵜⴰⵖⵔⵏ ⴳ ⵜⵎⵔⵙⵎⵍⵜ ⴰⴷ.

ⵜⵜⵓⵙⵎⴰⴷ ⵜⵖⵉⵎⵉⵜ ⵜⵉⵙ ⵙⵏⴰⵜ ⵙ ⵓⵙⵖⵣⵏ ⵏ ⵜⵙⵓⵎⵔⵜ ⵏ ⵓⵙⵍⴳⵏ ⵉⵣⴷⵉⵏ ⴷ ⵓⴼⵓⴽⴽ ⵏ ⵓⵏⴳⵔⴰⵡ ⵏ ⵜⵏⵓⴼⴰ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵉⵙⴰⵡⴰⵍ ⴼ ⵜⴼⴰⴷⵉⵡⵉⵏ ⴷ ⵜⵎⴰⵎⴽⵉⵏ ⵏ ⵓⴼⵓⴽⴽⵓ ⵉⵙⵎⴷⵏ ⵏ ⵓⵏⴳⵔⴰⵡ ⵏ ⵜⵏⵓⴼⴰ ⵏ ⵉⴳⵎⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵙ ⵖⵎⴽⴰ ⴰⴷ ⵔⴰⴷ ⵜⴱⴷⴷ ⵜⵉⴽⴽⵉ ⵏ ⵜⵡⵉⵙⵉ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴷ ⵓⵙⵔⵓⴼ ⵏ ⵜⵏⵓⴼⴰ ⵍⵍⴰⵏⵉⵏ ⴳ ⵓⵏⴳⵔⴰⵡ ⴰⴷ.