ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵏⵙⵙⵉⵅⴼⵜ ⵏ ⴱⵕⵕⴰ ⴷ ⵓⵣⵡⴰⴳ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⵉⵟⴰⵍⵢⴰ

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⴰⵙⵉⵏⴰⵙ 19 ⵢⵓⵍⵢⵓⵣ 2022 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⵎⴰⵙⵙⴰ Stefania Gabriella Anastasia CRAXIⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵣⵡⴰⴳ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⵉⵟⴰⵍⴰⵢⴰ, ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵍⵎⵖⵔⵉⴱ ⵙⴳ 18 ⴰⵔ 20 ⵢⵓⵍⵢⵓⵣ.

ⴱⵉⴷⴷⵏ ⵙⵉⵏ ⵉⵎⵙⵜⴳⴳⴰⵔⵏ ⴼ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵊⴰⵔ ⵍⵎⵖⵔⵉⴱ ⴷ ⵉⵟⴰⵍⵢⴰ, ⵉⵣⵣⵉⴳⵣⵏ ⵜⵉⴳⴰⵔⵉⵡⵉⵏ ⴰⴷ ⵙ ⵉⵖⴰⵡⴰⵙⵏ ⵏ ⵓⵎⵢⴰⵡⴰⵙ ⴷ ⵜⴳⵯⵎⴰⵜ ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ, ⴷ ⵓⵙⴷⵓⵙ ⵏ ⵜⵉⵍⴰⴰⵍⵜ ⵏ ⵜⵔⵓⴱⴱⴰ ⵏ ⵜⴷⴷⵓⴽⴽⵯⵍⴰ ⴷ ⵓⵣⴷⴷⵓⵢ ⴷ ⵓⵎⵢⴰⵡⴰⴹ ⴰⴱⵕⵍⴰⵎⴰⵏⵉ ⴷ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵓⵙⵡⵉⵏⴳⵎ ⴳ ⵉⵙⴰⵢⵔⵓⵔⵏ  ⵓⵎⵙⴰⵡⴰⵍ ⵉⵙⵓⵍⵏ ⴰⵎ ⴰⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⴷ ⵓⵙⵉⵙⴼⵉⵡ ⵏ ⵜⴰⵏⵏⴰⵢⵢⵉⵏ ⴷ ⵡⴰⴷⴷⴰⴷⵏ ⵙ ⵓⵡⵇⵇⵔ ⵏ ⵜⵍⵍⵓⴳⵏⴰ ⵜⴰⴳⵔⴰⵖⵍⴰⵏⵜ ⴷ ⵜⵅⵅⵓⵜⵔⴰ ⴷ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵉⵡⴰⵏⴽⵏ. ⴷ ⵓⵙⴷⵙⵓ ⵏ ⵓⵎⵛⴰⵡⴰⵕ ⵉⵙⵓⵍⵏ ⵅⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ ⴰⵎ ⴰⵣⵡⴰⴳ ⴷ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴷ ⵓⵖⵉⵍⵓⴼ ⴷ ⵜⵏⴰⵥⴰⵕⵉⵏ ⵍⵍⴰⵏⵉⵏ ⴷⴰⵜ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴰⵎ ⴰⴷⵡⴰⵙ ⴷ ⵉⵙⵏⴼⵍ ⵏ ⵓⵏⵣⵡⵉ ⴷ ⵜⵏⴼⵔⵓⵜ ⵏ ⵓⵜⵛⵓ ⴷ ⵡⴰⵎⴰⵏ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵉⵜⵉⵏ ⴷ ⵓⵙⵎⵓⵜⵜⵉ ⴰⵎⵓⵟⵟⵓⵏ.

ⵜⵙⵓⵜⴳ ⵎⴰⵙⵙⴰ Stefania Gabriella Anastasia CRAXI  ⵜⵉⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵊⴰⵔ ⵍⵎⵖⵔⵉⴱ ⴷ ⵉⵟⴰⵍⵢⴰ, ⵜⵙⵓⵜⴳ ⵓⵍⴰ ⵜⵉⵙⵏⵜⴰⵢⵉⵏ ⵍⵍⵉ ⵉⵙⴽⴰⵔ ⵍⵎⵖⵔⵉⴱ ⴳ ⵓⴱⴰⵔⴰⵣ ⴰⴳⵔⴰⵖⵍⴰⵏ ⴷ ⵓⵏⴰⵎⵓⵔ ⴳ ⵎⴰⴷ ⵉⵥⵍⵉⵏ ⴷ ⴽⵉⴳⴰⵏ ⵏ ⵜⵏⴰⵥⴰⵕⵉⵏ ⴷ ⵜⴰⵙⵙⴰⵙⵉⵏ. ⵜⵙⵙⴽⵯⵜⵉ ⴷ ⵓⵍⴰ ⵜⵉⵕⵡⵉ ⵏ ⵜⵣⴷⴰⵢⵉⵏ ⴰⴷ ⴳ ⴽⵓ ⵉⵙⵡⵉⵔⵏ ⴱⴷⴷⵏⵉⵏ ⴼ ⵜⴷⴷⵓⴽⴽⵯⵍⴰ ⴷ ⵓⵡⵇⵇⵔ ⵉⵜⵜⵓⵙⵏⴼⴰⵍⵏ, ⵜⵉⵏⵉ ⵎⴰⵙ ⵜⵏⵏⵓⵔⵣ ⵕⵓⵎⴰ ⴰⵙⵏⴰⵍ ⵏ ⵜⵣⴷⴰⵢⵉⵏ ⵏⵏⵙ ⴰⴽⴷ ⵕⵕⴱⴰⵟ ⴳ ⵢⵉⴳⵔ ⵏ ⵓⵎⵢⴰⵡⴰⵙ ⴰⴷⵙⵍⴰⵏ ⴷ ⵓⵙⴷⴰⵡⴰⵏ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ.

ⴳ ⵓⵎⵏⵉⴷ ⵏⵏⵙ, ⵉⵙⵓⵜⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵡⵉⵔ ⵉⵥⵉⵍⵏ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⵉⵟⴰⵍⵢⴰ, ⵍⵍⵉⵖ ⵜⵍⵍⴰ ⵕⵓⵎⴰ ⴷ ⵜⵍⵍⵓⴳⵏⴰ ⵜⴰⴳⵔⴰⵖⵍⴰⵏⵜ ⴷ ⵓⵎⵣⴰⵖ ⵏ ⵜⵏⵓⴼⴰ ⵜⵓⴷⴷⵉⵔⵉⵏ ⵏ ⵕⵕⴱⴰⵟ ⴳ ⵓⴳⵏⵙ ⴷ ⴱⵕⵕⴰ ⵏ ⵓⵕⵓⴱⴱⴰ ⴳ ⴽⵓ ⵉⵏⵎⵓⵇⵇⴰⵔⵏ ⵉⴳⵔⴰⵖⴰⵍⴰⵏⵏ. ⵉⵙⴷⴷⵉⴷ ⴼ ⵜⵉⵍⴰⵍⵜ ⵜⴰⵙⵜⵔⴰⵜⵉⵊⵉⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵙⴷⵓⵙ ⵏ ⵜⵏⴼⵔⵓⵜ ⴷ ⵓⵔⴳⴳⵉⴳ ⴰⵏⵎⵏⴰⴹ ⴷ ⵓⴳⵔⴰⵖⵍⴰⵏ, ⵉⵙⴰⵡⵍ ⵓⵍⴰ ⴼ ⵡⴰⵜⵉⴳ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⵏⵉⵜ ⵉ ⵓⵙⴷⵔⵓ  ⵏ ⵜⵣⴷⴰⵢⵉⵏ ⴷ ⴽⵉⴳⴰⵏ ⵏ ⵓⵣⴷⴷⵓⵢ. ⵉⵙⴰⵡⵍ ⵓⵍⴰ ⴼ ⵜⵓⴳⵜ ⵏ ⵉⵏⵎⵓⵇⵇⴰⵔⵏ ⵜⵜⵓⵙⴽⴰⵔⵏⵉⵏ ⵜⵉⴳⴰⵔⵉⵡⵉⵏ ⴰⴷ ⴰⴽⴷ ⵉⴱⵕⵍⴰⵎⴰⵏⵉⵢⵉⵏ ⵏ ⵉⵟⵍⵢⴰ ⴷ ⵓⵎⴹⴰⴽⴰⵕ ⵏ ⵜⵎⵙⴰⵔⵉⵏ ⵛⵛⴰⵔⵉⵏ ⴷ ⵓⵙⴽⵔ ⵏ ⵉⵙⴰⵢⵔⵓⵔⵏ ⵉⵎⴰⵢⵏⵓⵜⵏ ⵏ ⵓⵙⵡⵉⵏⴳⵎ ⴷ ⵓⵎⴹⴰⴽⴰⵕ ⴷ ⵓⵣⴷⴰⵢ ⴰⴱⵕⵍⴰⵎⴰⵏⵉ.

ⴳ ⵡⴰⵢⵢⵓⵔ ⵏ ⵢⵓⵏⵢⵓ ⵉⵣⵔⵉⵏ, ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵙⴳ ⵉⵟⴰⵍⵢⴰ ⵙⴳ ⵜⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⵉ ⵓⵙⵏⴰⵍ ⵏ ⵜⵙⵏⵜⴰⵢⵜ ⵏ ⵓⵏⴱⴰⴹ ⴰⵏⵉⵎⴰⵏ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ, ⵖⵎⴽ ⴰⵏⵏ ⵓⵍⴰ ⴷ ⵉⵎⵛⴰⵡⴰⵕⵏ ⵊⴰⵔ ⵙⵏⴰⵜ ⵜⵙⵇⵇⵉⵎⵉⵏ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵍⵎⵖⵔⵉⴱ ⴷ ⵉⵟⴰⵍⵢⴰ, ⴳⴰⵏ ⵉⵏⵎⵓⵇⵇⴰⵔⵏ ⵙⴰⵡⵍⵏⵉⵏ ⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ.