ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⴰⵣⵎⵎⴻⵎ ⵏ ⵜⵎⵙⵙⴽⵯⵜⵉⵜ ⵏ ⵓⵏⵔⴰⵎⴰⵙ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⴱⵕⵍⴰⵎⴰⵏ ⴰⴳⵔⴰⵖⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ
ⵉⵣⵎⵎⵉⵎ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵎⴰⵙⵙ ⴰⵃⵎⴰⴷ ⴱⵏ ⵎⵓⵃⴰⵎⵎⴰⴷ ⵍⵊⵔⵡⴰⵏ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵎⴰⴹⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ, ⴰⵙⵉⵎⵡⴰⵙ 15 ⵢⵓⵍⵢⵓⵣ 2022 ⴳ ⵜⵖⵔⵎⵜ ⵏ ⴷⴷⴰⵅⵍⴰ, ⵜⴰⵎⵙⵙⴽⵯⵜⵉⵜ ⵓⵏⵔⴰⵎⴰⵙ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⵛⵛⴰⵔⵏ ⴳ ⵉⴳⵔⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ.
ⵜⵉⵡⵉ ⴷ ⵜⵎⵙⵙⴽⵯⵜⵉⵜ ⴰⴷ ⵎⴰⵙ ⵔⴰⴷ ⵙⵡⵓⵔⵉⵏⵜ ⵚⴹⵉⵚⵜ ⵜⵙⵇⵇⵉⵎⵉⵏ ⵏ ⵓⴱⵕⵍⴰⵎⴰⵏ ⴰⴳⵔⴰⵖⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴷ: ⵜⴰⵙⵇⵇⵉⵎⵜ ⵏ ⵓⵙⴷⵓⵙ ⵏ ⵓⴼⵔⴰ, ⵜⴰⵙⵇⵇⵉⵎⵜ ⵏ ⵜⵎⵖⴰⵔⵜ ⴷ ⵉⵄⵔⵔⵉⵎⵏ, ⵜⴰⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ, ⵜⴰⵙⵇⵇⵉⵎⵜ ⵏ ⵜⴳⵎⵉ ⵜⴰⵙⵓⵍⴰⵏⵜ, ⵜⴰⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⵣⵔⴼⴰⵏⵉⵏ ⴷ ⵜⵙⵇⵇⵉⵎⵜ ⵏ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ.
ⵉⵍⵍⴰ ⵓⵎⵙⴰⵙ ⴰⴷ ⵢⵉⵍⵉ ⵢⴰⵏ ⵓⴳⵏⵙⴰⵙ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⴱⵕⵍⴰⵎⴰⵏ ⴰⴳⵔⴰⵖⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ, ⴷ ⵜⵙⵓⵎⵔⵜ ⵏ ⵉⵎⵔⵙⵉⵡⵏ ⵏ ⵜⵖⵉⵎⵉⵜⵉⵏ ⵜⵉⴳⴷⵓⴷⴰⵏⵉⵏ ⵏ ⵓⴱⵕⵍⴰⵎⴰⵏ ⴰⴳⵔⴰⵖⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ ⵙ ⵓⵡⵇⵇⵔ ⵏ ⵜⵎⵥⵍⴰⵢⵉⵏ ⴷ ⵜⵎⵙⴽⴰⵔ ⵍⵍⴰⵏⵉⵏ ⴳ ⵓⵙⵍⴳⵏ ⴰⴳⵯⵏⵙⴰⵏ ⵏ ⵓⴱⵕⵍⴰⵎⴰⵏ ⴰⴳⵔⴰⵖⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ.
ⵔⴰⴷ ⵉⵜⵜⵓⴰⵣⵏ ⵓⵍⴰ ⵓⴱⵕⵍⴰⵎⴰⵏ ⴰⴳⵔⴰⵖⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ ⵉ ⵓⵙⵇⵇⵉⵎ ⵏ ⵉⵎⵓⵔⴰ ⵉⵏⵇⵇⵉⵙⵏ ⵏ ⵜⵖⵉⵎⵉⵜ ⵏⵏⵙ, ⵜⵖⵔ ⵜⵏⴼⵍⵓⵙⵜ ⵏⵏⵙ ⵜⴰⵎⴰⵜⴰⵢⵜ ⵉ ⵓⵏⴼⵍⵓⵙ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴷ ⵉⵃⴰⴹⵕ ⴳ ⵓⴳⵔⴰⵡ ⴰⴳⵯⵏⵙⴰ ⵏ ⵉⵏⴼⵍⴰⵙ ⵉⵎⴰⵜⴰⵢⵏ ⵏ ⵉⴱⵕⵍⴰⵎⴰⵏⵏ ⵉⵏⴰⵎⵓⵔⵏ ⵙⴳ ⵓⵎⴰⴹⴰⵍ ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⴷ ⵓⵔⵣⵣⵓ ⵏ ⵜⴱⵔⵉⴷⵉⵏ ⵏ ⵓⵙⵎⵖⵔ ⵏ ⵓⵎⵢⴰⵡⴰ ⵉⵛⵛⴰⵔⵏ.
ⵜⵙⴰⵡⵍ ⵜⵎⵙⵙⴽⵯⵜⵉⴷ ⴰⴷ ⵓⵍⴰ ⴼ ⵉⵎⵛⴰⵡⴰⵕⵏ ⴷ ⵇⵇⴰⵏⵉⵏ ⴼ ⵓⵣⵣⴷⵓⵢ ⴷ ⵓⵙⵏⵎⴰⵍⴰ ⵏ ⵜⵡⵡⵓⵔⵉⵡⵉⵏ ⵛⵛⴰⵔⵏⵉⵏ. ⵔⴰⴷ ⵢⵉⵍⵉ ⵓⵣⵣⴳⵉⵔ ⵏ ⵜⵎⵙⵙⴽⵯⵜⵉⵜ ⴰⴷ ⵙⴳ ⵡⴰⴽⵓⴷ ⵏ ⵓⵣⵎⵎⴻⵎ ⵏⵏⵙ.