ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵎⴹⴰⴽⴰⵕⵏ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵎⴰⴹⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 13 ⵢⵓⵍⵢⵓⵣ 2022 ⴳ ⵕⵕⴱⴰⵟ, ⵎⴰⵙⵙ ⴰⵃⴰⵎⴷ ⴱⵏ ⵎⵓⵃⴰⵎⵎⴰⴷ ⵍⵊⵉⵔⵡⴰⵏ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵎⴰⴹⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ, ⵙ ⵜⵎⵍⴷⴰ ⵏ ⵓⵕⵥⵥⵓⵎ ⵏ ⵜⵙⵓⵜⵍⵜ ⵜⵉⵙ ⵎⵔⴰⵡⵜ ⵏ ⵓⴱⵕⵍⴰⵎⴰⵏ ⴰⴳⵔⴰⵖⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ ⵉⵍⵍⴰⵏ ⴳ ⵕⵕⴱⴰⵟ ⴷ ⴷⴷⴰⵅⵍⴰ ⵙⴳ 13 ⴰⵔ 15 ⵢⵓⵍⵢⵓⵣ 2022.
ⵉⵃⴰⴹⵕ ⴳ ⵉⵎⴹⴰⴽⴰⵔ ⴰⴷ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵢⵉⵍⵉ ⵓⵙⴷⴷⵉⴷ ⴼ ⵜⵉⵍⴰⵍ ⵏ ⵉⴱⵕⵍⴰⵎⴰⵏⵏ ⴷ ⵉⴱⵕⵍⴰⵎⴰⵏⵉⵢⵏ ⴳ ⵓⵣⵓⵣⵣⵔ ⵏ ⵜⴷⵍⵙⴰ ⵏ ⵓⵎⵙⵓⵔⵓⴼ ⴷ ⵜⵎⵢⵉⴷⵉⵔⵜ ⴷ ⵡⴰⵜⵉⴳⵏ ⵏ ⴼⴼⵓⴳⵏⴰ ⴷ ⵓⵙⵏⴰⵍ ⵏ ⵓⵎⵢⴰⴷⴰⵙ ⵊⴰⵔ ⵉⵎⴰⴷⴰⵏⵏ.
ⴳ ⵜⵣⵡⵉⵔⵉ ⵏ ⵓⵏⵎⵓⵇⵇⴰⵔ, ⵉⵙⵏⵉⵎⵎⵔ ⵎⴰⵙⵙ ⴰⵃⵎⴰⴷ ⴱⵏ ⵎⵓⵃⴰⵎⵎⴰⴷ ⵍⵊⵉⵔⵡⴰⵏ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⴳⵍⴷⵉⵜ ⵏ ⵍⵎⵖⵔⵉⴱ ⴼ ⵓⵍⵜⴰⵖ ⵉⵙⵓⵍⵏ ⴳ ⵓⵙⵏⴰⵍ ⵏ ⵜⵓⴳⴳⴰⵙ ⵏ ⵓⴼⵔⴰ ⴷ ⵜⵏⴼⵔⵓⵜ ⵜⵉⴳⵔⴰⵖⵍⴰⵏⵉⵏ. ⵉⵙⵎⵏⵉⴷ ⴰⵎⵏⴰⴷ ⵏ ⵓⵙⴽⵔ ⵏ ⵓⵙⵇⵇⵉⵎ ⴰⵎⴰⴷⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ ⴷ ⵉⵡⵜⵜⴰⵙⵏ ⵏⵏⵙ ⴷ ⵜⴱⵔⴰⵜ ⵏⵏⵙ ⴳ ⵓⵣⵓⵣⵣⵔ ⵏ ⵜⴷⵍⵙⴰ ⵏ ⵓⵎⵙⵓⵔⵓⴼ ⵍⵍⵉⵖ ⴰⴽⴽⵯ ⵜⴳⴳⵓⵜ ⵜⴽⵕⴹⵉ ⴷ ⵜⴻⵟⵟⵓⵕⴼⴰ, ⵉⵇⵇⴰⵏ ⴷ ⴼ ⵜⵎⴰⴷⴷⴰⵙⵉⵏ ⵡⴰⵔⵜⵓⵏⴱⵉⴹⵉⵏ ⴳ ⵓⵎⵏⵉⴷ ⵏ ⵓⵙⵉⵍⵖ ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵓⵎⵙⴰⵡⴰⵍ, ⵃⵎⴰ ⴰⴷ ⵢⵉⵍⵉ ⵓⵙⵏⴼⵍ ⵏ ⵜⵉⴷⵜ ⴳ ⵜⵉⵍⴰⵡⵜ. ⵖⵎⴽ ⵍⵍⵉ ⵉⵙⴰⵡⵍ ⴼ ⵜⵉⵍⴰⵍ ⵏ ⵓⴱⵕⵍⴰⵎⴰⵏ ⴰⴳⵔⴰⵖⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ.
ⴳ ⵓⵎⵏⵉⴷ ⵏⵏⵙ, ⵉⵙⵓⵜⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⵓⴳⴳⴰⵙ ⵏ ⵏ ⵓⵙⵇⵇⵉⵎ ⴷ ⵓⴱⵕⵍⴰⵎⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ, ⵉⵙⴷⴷⵉⴷ ⵎⴰⵙ ⵜⴳⴰ ⵜⵙⵓⵜⵍⵜ ⵜⵉⵙ ⵎⵔⴰⵡⵜ ⵜⴰⵎⵍⴷⴰ ⵏ ⵓⵙⵎⵏⵉⴷ ⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴷ ⵓⵙⴷⵓⵙ ⵏ ⵓⵎⵙⵓⵔⵓⴼ ⵏ ⵓⵙⴳⴷ ⴷ ⵓⵏⵄⴰⵕ ⴼ ⵜⵎⵙⴰⵔⵉⵏ ⵏ ⵓⴼⵔⴰ ⴷ ⵜⵏⴼⵔⵓⵜ ⴷ ⵜⵎⵢⵉⴷⵉⵔⵜ. ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵡⴰⵜⵉⴳ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴷ ⵓⵎⵢⴰⵡⴰⴹ ⵉⵙⵓⵍⵏ ⵊⴰⵔ ⵉⴱⵕⵍⴰⵎⴰⵏⵏ ⴷ ⵉⴱⵕⵍⴰⵎⴰⵏⵉⵢⵉⵏ ⵉ ⵓⵣⵓⵣⵣⵔ ⵏ ⵜⴷⵍⵙⴰ ⵏ ⵓⴼⵔⴰ ⴷ ⵓⵎⵙⵓⵔⵓⴼ ⴷ ⵜⵉⵍⵉⵜ ⵏ ⵓⵎⵢⴰⵡⴹ ⵊⴰⵔ ⵜⵎⵜⵜⵉⵡⵉⵏ ⴷ ⵉⵎⴰⴷⴰⵏⵏ.
ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵏ ⵓⵎⴹⴰⴽⴰⵕ ⵏ ⵜⵎⵙⴰⵔⵉⵏ ⵣⴷⵉⵏⵉⵏ ⴷ ⵓⴼⵔⴰ ⴷ ⵜⵏⴼⵔⵓⵜ ⵜⵉⴳⵔⴰⵖⵍⴰⵏⵉⵏ ⴰⵎⴰ ⴰⵙⵓⵔⵙ ⴰⴷⵓⵙⴰⵏ ⴷ ⵉⴷⵔⵉⵣⵏ ⵏ ⵉⵙⵓⵔⵙⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⵏ ⵖⵉⵍⴰⴷ.