ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵎⵓⵏⵉ ⵏ ⵓⵥⵟⵟⴰ ⵏ ⵜⵎⵖⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴳ ⴽⵉⴳⴰⵍⵉ
ⵜⴷⵔⵓ ⵎⴰⵙⵙⴰ ⵍⴰⵟⵉⴼⴰ ⵍⴱⵍⵉⵃ ⵙⴳ ⵜⴰⵢⵢⴰⵡⵜ ⵜⴰⵎⵖⵔⵉⴱⵉⵜ ⵖⵔ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⴳ ⵜⵙⵎⵓⵏⵉ ⵏ ⵓⵥⵟⵟⴰ ⵏ ⵜⵎⵖⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴳ ⴽⵉⴳⴰⵍⵉ ⴰⵙⵙ ⵏ 6 ⵢⵓⵍⵢⵓⵣ ⵙ ⵜⵉⵍⵉⵜ ⵏ ⵜⴳⵏⵙⴰⵙⵉⵏ ⵏ ⵉⴱⵕⵍⴰⵎⴰⵏⵏ ⵉⴳⵎⴰⵎⴰ ⴳ ⵜⵎⵙⵎⵓⵏⵜ.
ⴳ ⵜⵣⵡⵉⵔⵉ, ⵜⴼⴽⴰ ⵎⴰⵙⵙⴰ Maryse Gaudreault ⵜⴰⵏⵙⵙⵉⵅⴼⵜ ⵏ ⵓⵥⵟⵟⴰ ⴰⵙⵎⵏⵉⴷ ⵅⴼ ⵜⵉⵍⴰⵍ ⵍⵍⴰⵏⵉⵏ ⴳⵔ ⵉⴱⵔⵉⵔ 2022 ⴰⵔ ⵢⵓⵍⵢⵓⵣ 2022 ⵅⴼ ⵜⵎⵙⴰⵔⵉⵏ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ ⵙ ⵓⵙⴽⵔ ⵏ ⵜⵔⴰⴱⴱⵓⵜ ⵏ ⵜⵡⵡⵓⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵔⵓⵙ ⵏ ⵜⵙⵔⵜⵉⵜ ⵏ ⵜⵡⵡⵓⵔⵉ ⵉ ⵓⵙⴱⴷⴷⵉ ⵏ ⵜⵔⴰⵄⵉⵜ ⴳ ⵉⴱⵕⵍⴰⵎⴰⵏⴰⵏⵏ ⵉⴼⵕⴰⵏⴽⵓⴼⵓⵏⵉⵢⵏ.
ⵢⵉⵍⵉ ⵓⵍⴰ ⵓⵙⵎⵏⵉⴷ ⵏ ⵓⵏⵇⵇⵉⵙ ⴼ ⵓⵙⵜⴰⵢ ⵏ ⵉⴱⵔⵉⴷⵏ ⵏ ⵓⵙⵙⵍⵎⴷ ⵏ ⵜⵎⵖⴰⵔⵉⵏ ⴷ ⵓⵎⴹⴰⴽⴰⵕ ⵏ ⵓⵙⵏⴼⴰⵔ ⵏ ⵙⵏⴰⵜ ⵜⵖⵜⴰⵙⵉⵏ ⴼ ⵉⵣⵔⴼⴰⵏ ⵉⴷⵎⵙⴰⵏⵏ ⵏ ⵜⵎⵖⴰⵔⵜ ⴷ ⵓⴷⵔⵉⵣ ⵏ ⵓⵙⵏⴼⵍ ⵏ ⵓⵏⵣⵡⵉ ⴼ ⵜⵎⵖⴰⵔⵉⵏ ⴷ ⵜⴼⵔⵅⵉⵏ, ⴷ ⵓⴹⴼⵕ ⵏ ⵓⵣⵣⴳⵉⵔ ⵏ ⵉⵙⵖⴰⵡⵏⵏ ⵉⴳⵔⴰⵖⵍⴰⵏⵏ ⴳ ⵢⵉⴳⵔ ⵏ ⵢⵉⵙⴽⵉⵍ ⵊⴰⵔ ⵉⵡⵜⵎⴰⵏ ⴷ ⵉⵣⵔⴼⴰⵏ ⵏ ⵜⵎⵖⴰⵔⵜ.
ⵜⵙⴰⵡⵍ ⵎⴰⵙⵙ ⵍⴰⵟⵉⴼⴰ ⵍⴱⵍⵉⵃ ⴼ ⵜⵙⵏⵜⴰⵢⵉⵏ ⵜⵉⵣⵣⵔⴰⴼⵉⵏ ⴷ ⵜⵣⵔⴼⴰⵏⵉⵏ ⴷ ⵜⵉⵏ ⵓⵙⴼⵔⴽ ⵍⵍⵉ ⵜⵙⴽⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⵎⴰ ⴰⵙⵍⴳⵏ 103.13 ⵉ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ ⵍⵍⵉ ⵉⵙⵖⵣⵏ ⵓⴱⵕⵍⴰⵎⴰⵏ ⴳ 2018, ⵖⵎⴽ ⴰⵏⵏ ⵓⵍⴰ ⵉⵙⴰⵡⵓⵔⵏ ⵏ ⵜⵏⴱⴰⴹⵟ ⵉ ⵓⵙⵖⵓⴷⵓ ⵏ ⵉⵙⵍⴳⵏⵏ ⵍⵍⴰⵏⵉⵏ ⴼ ⵜⵎⵖⴰⵔⵜ, ⵜⵙⵓⵜⴳ ⵓⵍⴰ ⵜⴰⵙⵏⵜⴰⵢⵜ ⵏ ⵓⵥⵟⵟⴰ ⵃⵎⴰ ⴰⴷ ⵜⵉⵍⵉ ⵢⴰⵜ ⵜⴻⵜⴳⴰⵔⵜ ⵖ ⵍⵍⴰⵏ ⵉⵣⵣⵔⴰⴼⵏ ⴷ ⵜⵙⵏⵜⴰⵢⵉⵏ ⵣⴷⵉⵏⵉⵏ ⴷ ⵜⵔⴰⵄⵉⵜ.
ⵉⵙⵏⵓⴱⴳ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵙⵎⵓⵏⵉ ⵜⴰⵎⵣⵡⴰⵔⵓⵜ ⵏ ⵜⵎⵖⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⵓⵙⵙⴰⵏ ⵏ 30 ⴷ 31 ⴳ ⵡⴰⵎⵓⵔ ⵏ ⵡⴰⴽⵓⵛ, ⵍⵍⵉⵖ ⵉⴼⵔⴽ ⵙ ⵡⴰⵜⵉⴳ ⵏ ⵓⵙⵎⵖⵔ ⵏ ⵜⵎⵖⴰⵔⵜ ⴷ ⵓⵙⴷⵓⵙ ⵏ ⵜⴷⵔⴰⵡⵜ ⵏⵏⵙ ⴳ ⵜⵓⴷⵔⵜ ⵜⴰⵙⵔⵜⴰⵏⵜ ⴷ ⵜⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵜⴷⵍⵙⴰⵏⵜ ⴳ ⵉⵙⵡⵉⵔⵏ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ.