ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵖⵉⵎⵉⵜ ⵜⴰⵎⴰⵜⴰⵢⵜ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ
ⵙ ⵉⵙⵎ ⵏ ⵕⴱⴱⵉ
ⵎⴰⵙⵙ ⵏⵏⵄⵎⴰ ⵎⵉⵢⵢⴰⵕⴰ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ
ⵎⴰⵙⵙ ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ
ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⴳⵎⴰⵎⵏ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ
ⵎⴰⵙⵙ ⴰⵎⴰⵔⵉ ⴰⵎⴰⵜⴰⵢ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ
ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⴳⵎⴰⵎⴰⵏ ⵏ ⵜⴰⵢⵢⴰⵡⵉⵏ ⵜⵉⵏⴰⵎⵓⵔⵉⵏ ⴳ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵏⵎⵏⴰⴹⵉⵏ ⴳ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ
ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ
ⵉⴳ ⵉⵢⵉ ⵜⵓⵎⵔ ⴰⴷ ⵉⵙⵏⵓⴱⴳ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⵉⴳⵎⴰⵎⵏ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ, ⴳ ⵓⵔⵣⴰⴼ ⴰⴷ ⴰⴷ ⴰⵎⵣⵔⵢ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵉⵍⴰⵍⴰ ⵏⵏⵙ ⴷ ⵉⵏⵎⵓⵇⵇⴰⵔⵏ ⵏⵏⵙ ⴷ ⵉⵔⵣⴰⴼⵏ ⵏⵏⵙ.
ⵜⵎⵇⵇⵓⵔ ⵜⵓⵎⵔⵜ ⵉⵏⵓ ⵍⵍⵉⵖ ⵜⵍⵍⴰⵎ ⴳ ⵜⵖⵔⵎⵜ ⵏ ⵍⵄⵢⵓⵏ ⴳ ⵜⵎⵏⴰⴹⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ, ⴳ ⵓⴳⵣⵣⵓⵎ ⴰⴷ ⴳ ⵜⵙⴳⴳⵉⵡⵉⵏ ⵏ ⵡⴰⵎⵓⵔ ⵏⵏⵖ ⵉⵄⵣⵣⴰⵏ.
ⵜⴳⴰ ⵜⴰⵎⵍⴷⴰ ⴰⴷ ⵜⵙⵙⵏⵎ ⴰⴷⵔⵓ ⴰⴷⵍⵙⴰⵏ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ, ⵜⵥⵕⵎ ⵓⴷⵎⴰⵡⵏ ⵏ ⵜⴳⵎⵉ ⴷ ⵜⴷⵉⵏⴰⵎⵉⵜ ⵉⵍⵍⴰⵏ ⴳ ⵜⵙⴳⴰ ⵙ ⵜⵏⴰⵔⴰ ⵉⵕⵡⴰⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵉⵏⵚⵕ ⵕⴱⴱⵉ...
ⵎⴰⵙⵙ ⴰⵏⵙⵙⵉⵅⴼ
ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ
ⵉⴳⴰ ⵓⵏⵏⵓⵕⵥⵎ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴼ ⵜⵙⴳⴰ ⵏ ⵍⴰⵏⴷⵉⵣ, ⴰⵅⵎⵎⴻⵎ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵎⵢⴰⵡⴰⵙ ⵉⴼⴼⵓⵙ ⵉⴼⴼⵓⵙ, ⴷ ⵓⵏⵏⵓⵕⵥⵎ ⵏ ⵉⵙⵓⵔⴰ ⵏ ⵓⵎⵙⴰⵡⴰⵍ ⴰⴽⴷ ⵉⵙⴰⵢⵔⵓⵔⵏ ⵉⵊⵢⵓⵖⵔⴰⴼⵉⵢⵏ ⵍⵍⵉ ⴷ ⵏⴷⵔⵓ ⵉⵏⴰⵔⵓⵣⵏ ⵏ ⵉⵎⴰⵍ, ⵏⴻⵏⵏⵓⵔⵣ ⴰⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵜⵓⵎⴰⵣⵉⵢⵉⵏ ⴷ ⵓⵙⵎⵓⵏ ⵏ ⵡⴰⴷⴷⴰⴷⵏ ⵉ ⵓⵎⵣⴰⵖ ⵏ ⵜⵎⵙⴰⵔⵉⵏ ⵜⵉⵣⵔⴼⴰⵏⵉⵏ ⵏⵉⵎⴰⴷⴰⵏⵏ ⵏⵏⵖ.
ⵜⵉⵡⵙ ⵜⵉⵍⵉⵜ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⵙ ⵙⵉⵏ ⵉⵙⵇⵇⵉⵎⵏ ⵏⵏⵙ ⴳ ⴰⴳⵎⴰⵎ ⵉⵎⵥⵕⵉ ⴳ ⵜⴳⵔⴰⵡⵜ ⵏⵏⵓⵏ ⵙⴳ 1996 ⴳ ⵜⴷⵉⵏⴰⵎⵉⵜ ⵉⵥⵉⵍⵏ ⵏ ⵓⵎⵢⴰⵡⴰⴹ ⴰⴽⴷ ⵉⴳⵏⵙⴰⵙⵏ ⵏ ⵉⵎⴰⴷⴰⵏⵏ ⵏ ⵜⵙⴳⴰ ⵏⵏⵓⵏ. ⵥⴹⴰⵕⵏ ⵉⴽⴰⴱⴰⵕⵏ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴰⴷ ⴼⵜⵓⵏ ⵙ ⵜⵙⴳⴰ ⵏⵏⵓⵏ ⴷⵔⵓⵏ ⴳ ⵜⵙⵎⵓⵏⴰⵢ ⵏⵏⵓⵏ ⵥⵕⵉⵏ ⵉⵅⵎⵎⵉⵎⵏ ⵉⵡⵓⵙⵙⴰⵏⵏ ⵏ ⵉⵎⴰⴷⴰⵏⵏ ⵏⵏⵓⵏ.
ⵙ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⵉⵕⵡⴰ, ⵉⵥⴹⴰⵕ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴰⴷ ⵉⵟⵟⴼ ⴰⵙⵓⵔⵙ ⵏ ⵓⵎⴷⵔⴰⵡ ⴰⵎⵣⵡⴰⵔⵓ ⴷⴰⵔ ⵜⵎⴰⴷⴷⴰⵙⵜ ⵏⵏⵓⵏ ⵜⴰⵏⵎⵏⴰⴹⵜ, ⵉⴳ ⴰⵎⵙⵙⵉⵡⵍ ⵉⵥⵉⵍⵏ ⴳ ⵉⴼⵔⵉⵇⵢⴰ ⴷ ⵓⵎⴰⴹⴰⵍ ⴰⵄⵕⴰⴱ.
ⵉⵙⵡⵓⵔⵉ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵓⵍⴰ ⴳ ⵓⵙⵎⵖⵔ ⵏ ⵓⵎⵢⴰⵡⴰⴹ ⵊⴰⵔ ⵜⵉⵙⴳⴳⵉⵡⵉⵏ ⵏ ⵍⴰⵟⵍⴰⵚⵉ ⵙ ⵜⵙⵏⵜⴰⵢⵉⵏ ⵥⵉⵍⵏⵉⵏ, ⵉⵎⵎⴰⵖ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⴰⵎⵏⵉ ⵉⴼⴼⵓⵙ-ⵉⴼⴼⵓⵙ, ⵃⵎⴰ ⴰⴷ ⵢⵉⵍⵉ ⵓⵣⴷⴰⵢ ⵊⴰⵔ ⵉⵎⴰⴷⴰⵏⵏ ⵏ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⴷ ⵍⴽⴰⵔⴰⵢⵉⴱ ⴷ ⵉⴼⵔⵉⵇⵢⴰ ⵙ ⵎⴰⴷ ⵉⵙⵎⵖⵔⵏ ⴰⵎⵢⴰⵡⴰⵙ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ, ⵉⵙⵏⴰⵍ ⵓⵍⴰ ⵉⴱⵔⴷⴰⵏ ⵏ ⵜⵡⵉⵙⵉ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⵎⴳⵔⵓ ⵉ ⵉⵎⴰⵍⴰ ⵉⵥⵉⵍⵏ ⵉ ⵉⵎⴰⴷⴰⵏⵏ ⵙ ⵙⵏⴰⵜ ⵜⵙⴳⴳⵉⵡⵉⵏ.
ⵎⴰⵙⵙ ⴰⵏⵙⵙⵉⵅⴼ
ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ
ⵜⴳⴰ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ ⵜⴰⴷ ⵉⴳⴰⵏ ⵜⴰⵅⴰⵜⴰⵔⵜ ⵉ ⵓⵎⴰⴷⴰⵏ ⴰⵎⵖⵔⵉⴱⵉ , ⵓⵔ ⵉⵏⴰⴽⵕ ⵜⴰⵎⵖⵔⵉⴱⵉⵜ ⵏⵏⵙ ⴰⴱⵍⴰ ⵢⴰⵜ ⵜⵉⵍⵉⵜ ⵏ ⵎⴰⵔⵓⵔ ⵓⵔ ⵉⴳⵉⵏ ⴰⵡⴰⵏⴽ ⴷⴰⵔ ⵜⵎⵜⵜⴰ ⵎⵓⵏⵏⵉⵏ ⵓⵍⴰ ⴷⴰⵔ ⵜⵎⴰⴷⴷⴰⵙⵜ ⵏ ⵉⵡⴰⵏⴽⵏ ⵏ ⵎⴰⵔⵉⴽⴰⵏ ⵓⵍⴰ ⴷⴰⵔ ⵜⵎⴰⴷⴷⴰⵙⵜ ⵜⴰⵏⵎⵏⴰⴹⵜ ⴳ ⵎⴰⵔⵉⴽⴰⵏ.
ⵜⵙⵎⵏⵉⴷ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷⴰⵜ ⵏ ⵓⵏⴳⵔⴰⵡ ⴰⴳⵔⴰⵖⵍⴰⵏ ⵙ ⵜⵙⵏⵜⴰⵢⵜ ⵉⵖⵥⴰⵏⵏ ⵉⴳⴰⵏ ⵜⵉⵏ ⵓⵏⴱⴰⴹ ⴰⵏⵉⵎⴰⵏ ⵍⵍⵉ ⵢⵉⵡⵉⵏ ⴰⵙⵏⴰⵍ ⴰⴳⵔⴰⵖⵍⴰⵏ ⴷ ⵓⵙⴳⴰⵡⴰⵏ ⴷ ⵓⵏⵎⵏⴰⴹ ⵉⴳⴳⵓⵜⵏ, ⵙⵍⴰⵡⴰⵏ ⴰⴽⴽⵯ ⴳ ⵉⵙⴳⴳⵯⴰⵙⵏ ⵉⵎⴳⴳⵓⵔⴰ ⵙ ⵓⵕⵥⵥⵓⵎ ⵏ ⵜⵙⵇⵓⵏⵙⵓⵜⵉⵏ ⴳ ⵜⵎⵏⴰⴹⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙⴳ ⴽⵉⴳⴰⵏ ⵏ ⵉⵡⴰⵏⴽⵏ ⵅⴰⵜⵔⵏⵉⵏ ⴳ ⵓⵙⵡⵉⵔ ⴰⴳⵔⴰⵖⵍⴰⵏ.
ⵔⴰⴷ ⵜⴳ ⵜⵙⵓⵎⵔⵜ ⴰⴷ ⵉ ⵉⵎⵣⴷⴰⵖⵏ ⵏ ⵜⵎⵏⴰⴹⵜ ⵏ ⵚⵚⵃⵕⴰ ⵜⴰⵎⵍⴷⴰ ⵏ ⵓⵙⵡⵓⴷⴷⵓ ⵏ ⵜⵖⴰⵡⵙⵉⵡⵉⵏ ⵏⵏⵙⵏ ⵙ ⵉⵅⴼⴰⵏ ⵏⵏⵙⵏ ⵙ ⵜⴳⵔⴰⵡⵉⵏ ⵜⵜⴰⵡⵙⴰⵜⴰⵢⵏⵉⵏ ⴳ ⵓⵙⵡⵉⵔ ⴰⴷⵖⴰⵔⴰⵏ, ⵔⴰⴷ ⴳⵉⵏⵜ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ ⵜⵉⵎⵣⵡⵓⵔⴰ ⵙⴳ ⵉⵡⴰⵏⴽⵏ ⵉⵎⵣⵡⵓⵔⴰ ⵟⵟⴰⴼⵏⵉⵏ ⴰⵏⴳⵔⴰⵡ ⵏ ⵓⵏⴱⴰⴹ ⴰⵏⵉⵎⴰⵏ.
ⴳ ⵜⴳⵉⵔⴰ, ⵙⵙⵉⵜⵎⵖ ⴰⵎⵓⵔⵙ ⵉ ⵜⵡⵡⵓⵔⵉⵡⵙⵉⵏ ⴷ ⵜⵙⵎⵓⵏⴰⵢ ⵏⵏⵓⵏ, ⴷ ⵜⵣⵣⵉⴳⵣⵜ ⴷ ⵥⵥⵀⵕⵜ ⵉ ⵉⵎⴰⴷⴰⵏⵏ ⵏ ⵜⵙⴳⴰ ⵏⵏⵓⵏ ⵜⴰⵎⴷⴷⴰⴽⴽⵯⵍⵜ.