ⴰⵙⵜⴰⵢ ⵏ ⵜⵎⴰⵔⵉⵜ ⵎⴰⵙⵙⴰ ⵍⴰⵢⵍⴰ ⴷⴰⵀⵉ ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⵏ ⵉⵄⵔⵔⵉⵎⵏ ⴳ ⵓⴱⵕⵍⴰⵎⴰⵏ ⴰⴼⵔⵉⵇⵉ

ⵜⴻⵜⵜⵓⵙⵜⴰⵢ ⵜⵎⴰⵔⵉⵜ ⵜⵣⵎⵖⵔⵉⴱⵉⵜ ⵎⴰⵙⵙⴰ ⴷⴰⵀⵉ, ⴰⵙⵉⴹⵢⴰⵙ 02 ⵢⵓⵍⵢⵓⵣ 2022, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⵏ ⵉⵄⵔⵔⵉⵎⵏ ⴳ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴳ ⵜⵙⵓⵜⵍⵜ ⵜⴰⵏⵎⵢⵓⵔⵜ ⵏ ⵜⵡⴰⵍⴰ ⵜⵉⵙ ⵙⵎⵎⵓⵙⵜ ⵏ ⵜⵎⵔⵙⵍⴰⵜ ⴰⴷ ⵉⵍⵍⴰⵏ ⵙⴳ 27 ⵢⵓⵏⵢⵓ ⴰⵔ 2 ⵢⵓⵍⵢⵓⵣ ⴳ ⵊⵓⵀⴰⵏⵙⴱⵓⵔⴳ.

ⵜⵙⵓⵜⴳ ⵜⵎⴰⵔⵉⵜ ⴷⴰⵀⵉ  ⵙⴳ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ ⵙⴳ ⵜⵙⴳⴰ ⵏ ⵍⵄⵢⵓⵏ, ⵜⴰⵎⵢⵉⵎⴰⵏⵜ ⵍⵍⵉ ⴰⵙ ⴼⴽⴰⵏ ⵉⵎⵓⵔⴰ ⵉⴼⵔⵉⵇⵉⵢⵏ ⴳ ⵜⵎⵔⵙⵍⵜ ⴰⴷ ⵜⴰⴼⵔⵉⵇⵉⵜ, ⵜⵉⵏⵉ ⵎⴰⵙ ⵔⴰⵏⵏ ⵜⴳ ⵜⵓⴳⴳⴰⵙ ⵏⵏⵙ ⴰⴷ ⵜⵙⴽⵔ ⵜⴰⵙⵎⵉⴳⵍⵜ ⴰⴷ ⵙ ⵜⵖⴰⵔⴰⵙⵜ ⵉⵥⵉⵍⵏ.

ⵜⵉⵏⵉ ⵎⴰⵙ ⵔⴰⴷ ⵜⵙⵡⵓⵔⵉ ⵉ ⵚⴰⵃⴰ ⵏ ⵉⵄⵔⵔⵉⵎⵏ ⴳ ⴽⵓ ⵉⵡⴰⵏⴽⵏ ⵉⴼⵔⵉⵇⵉⵢⵏ, ⵜⵎⵍ ⴰⵡⵍⴰⴼ ⵉⵥⵉⵍⵏ ⴼ ⵉⴼⵔⵉⵇⵢⴰ, ⵙ ⵓⵎⵙⴰⵙⴰ ⴷ ⵜⵉⵔⴰⵜ ⴷ ⵓⵏⴰⵔⵓⵣ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ.

ⵖ ⵜⵙⴳⴰ ⵢⴰⴹⵏⵉⵏ, ⵜⴻⵜⵜⵓⵙⵜⴰⵢ ⵎⴰⵙⵙⴰ ⵜⴰⵎⴰⵔⵉⵜ ⵅⴰⴷⵉⵊⴰ ⴰⵕⵓⵀⴰⵍ ⵙⴳ ⵜⵔⴰⴱⴱⵓⵜ ⵏ ⵡⴰⵍⴰⵢ ⴷ ⵢⵉⵙⴽⵉⵍ ⴷ ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵡⴰⵏⴰⵡ ⴰⵏⴰⵎⵓⵏ ⴳ ⵓⴱⵕⵍⴰⵎⴰⵏ ⴰⴼⵔⵉⵇⵉ.

ⵙⵜⵉⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ, ⴰⵙⵙ ⵏ ⵓⴽⵕⴰⵙ, ⴰⵣⵉⵎⴱⴰⴱⵡⵉ ⴼⵓⵔⵜⵉⵏ ⵣⵉⴼⴰⵏⵢⴰ ⵛⴰⵔⵓⵎⴱⵉⵔⴰ ⵙⴳ ⵓⴳⵔⴰⵡ ⴰⴼⵔⵉⵇⵉ ⵏ ⵉⴼⵔⵉⵇⵢⴰ ⵏ ⵉⴼⴼⵓⵙ ⴷ ⴰⵏⵙⵙⵉⵅⴼ ⵏ ⵓⴱⵕⵍⴰⴰⵎⵏ ⴰⴼⵔⵉⵇⵉ. ⴰⵢⵍⵍⵉ ⵉⵙⴱⴷⴷⵏ ⵜⵉⵎⵙⴰⵔⵉⵏ  ⵀⵔⵛⵏⵉⵏ ⵣⵔⵉⵏⵉⵏ ⴳ ⵢⵓⵏⵢⵓ 2021 ⵍⵍⵉⵖ ⵉⴱⵉⴷⴷ ⵓⵙⵜⴰⵢ ⵏ ⵓⵙⵉⵔⴰ ⵏ ⵓⴱⵕⵍⴰⵎⴰⵏ ⴰⴷ, ⵉⴽⴽ ⴼ ⵓⵙⵖⵣⵏ ⵏⵏⵙ.

ⵢⵓⵎⴰ ⵓⴽⴰⴱⴰⵕ ⴰⵎⵖⵔⵉⴱⵉ ⵉ ⵜⵙⵓⵜⵍⵜ ⴰⴷ:

-      ⵎⴰⵙⵙⴰ ⵍⴰⵢⵍⴰ ⴷⴰⵀⵉ, ⴰⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ.

-      ⵢⵓⵙⵓⴼ ⵉⴷⵉ, ⵜⴰⵔⴰⴱⴱⵓⵜ ⵜⴰⵙⵔⵎⵓⵏⵜ.

-      ⵅⴰⴷⵉⵊⴰ ⴰⵕⵓⵀⴰⵍ, ⴰⵍⴰⵢ ⴷ ⵜⵙⵔⵎⵓⵏⵜ.

-      ⵄⴰⴱⴷ ⵚⵚⴰⵎⴰⴷ ⵃⵉⴽⵔ, ⵜⴰⵣⵔⴼⵜ ⴷ ⵜⴳⵎⵉ.

-      ⵎⵓⵃⴰⵎⵎⴰⴷ ⴱⴰⵃⵏⵉⵏⵉ, ⵜⴰⵎⵓⵏⵜ ⵜⴰⵎⴰⵜⴰⵢⵜ ⵏ ⵉⵎⵙⵡⵓⵔⵉⵢⵏ ⴳ ⵍⵎⵖⵔⵉⴱ.