ⵜⵙⴰⵡⵍ ⵜⵎⵙⵎⵓⵏⵜ ⵜⴰⵏⵎⵏⴰⴹⵜ ⵜⴰⴼⵔⵉⵇⵉⵜ ⵉⴹⴼⵕⵏ ⵉ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⴼ ⵓⵖⵉⵍⵓⴼ ⵏⵏⵙ ⵎⵏⵉⴷ ⵏ ⵓⴱⵔⵙⵙⵉⵡⴷ ⴷ ⵓⵎⵥⵍⴰⵢ ⴳ ⵉⴼⵔⵉⵇⵢⴰ, ⵜⵙⴷⴷⵉⴷ ⴰⵙⵖⵡⵏ ⵏⵏⵙ ⵉⵙⵎⵏ ⵉ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵉⵡⴰⵏⴽ ⵏ ⵜⵙⴳⴰ ⴷ ⵜⵏⴼⵔⵓⵜ ⵏ ⵉⵎⴰⴷⴰⵏⵏ ⵏⵏⵙ

ⵜⵙⵖⵣⵏ ⵜⵎⵙⵎⵓⵏⵜ ⵜⴰⵏⵎⵏⴰⴹⵜ ⵜⴰⴼⵔⵉⵇⵉⵜ ⵉⴹⴼⵕⵏ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ, ⴰⵙⵙ ⵏ 24 ⵢⵓⵏⵢⵓ 2022, ⴰⵙⵖⵍⴼ ⵏ ⵓⴽⴰⴱⴰⵕ ⴰⵎⵖⵔⵉⴱⵉ ⵉⵙⴰⵡⴰⵍ ⴼ ⵓⵙⵀⵔⵛ ⵏ ⵓⴱⵔⵙⵙⵉⵡⴷ ⴷ ⵓⵎⵥⴰⵍⴰⵢ ⴳ ⵓⵡⴰⵏⴽⵏ ⵏ ⵉⴼⵔⵉⵇⵢⴰ, ⵜⵙⴷⴷⵉⴷ ⴼ ⵓⵙⵖⵡⵏ ⵏⵏⵙ ⵙ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵉⵡⴰⵏⴽⵏ ⵏⵜⵙⴳⴰ ⴷ ⵜⵏⴼⵔⵓⵜ ⵏ ⵉⵎⴰⴷⴰⵏⵏ ⵏⵏⵙ.

ⵜⵜⵓⵙⵎⴰⴷ ⵜⵙⵓⵜⵍⵜ ⵜⵉⵙ 28 ⵏ ⵜⵎⵙⵎⵓⵏⵜ ⵜⴰⵏⵎⵏⴰⴹⵜ ⵜⴰⴼⵔⵉⵇⵉⵜ ⵉⴹⴼⵕⵏ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⵉⵜⵜⵓⵙⴽⴰⵔⵏ ⴳ ⵕⵕⴰⵟ ⵓⵙⵙⴰⵏ ⵏ 23 ⴷ 24 ⵢⵓⵏⵢⵓ 2022 ⵙ ⵓⵙⵓⵜⴳ  ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴷ ⵓⵙⵏⵎⴰⵍⴰ ⵉⵥⵉⵍⵏ ⵏ ⵜⵙⵓⵜⵍⵜ ⴰⴷ ⵍⵍⵉ ⵉⵙⵏⵓⴱⴳ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ.

ⴳ ⵜⴳⵓⵔⵉ ⵏⵏⵙ, ⵉⵙⴰⵡⴰⵍ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⵎⵓⵔⵙ ⵏ ⵜⵙⵓⵜⵍ ⴰⴷ ⵉⵙⵡⴰⵍⵏ ⴼ ⴽⵉⴳⴰⵏ ⵏ ⵉⵙⵏⵜⵍⵏ ⴰⵎ ⵜⴰⴷⵉⵎⵓⵇⵔⴰⵟⵉⵜ ⴷ ⵜⵙⴳⴰ ⵏ ⵓⵙⵖⵏⵣⵉ ⵉⵍⴻⵍⵍⵉ ⴰⴼⵔⵉⵇⵉ ⴷ ⵜⴷⵔⴰⵡⵜ ⵏ ⵜⵎⵖⴰⵔⵉⵏ ⴳ ⵜⵓⴷⵔⵜ ⵜⴰⵙⵔⵜⴰⵏⵜ ⴷ ⵜⴷⵎⵙⴰⵏⵜ ⴷ ⵜⵏⴰⵎⵓⵏⵜ, ⴷ ⵜⴷⵔⴰⵡⵜ ⵉⵕⵡⴰⵏ ⵏ ⵉⴱⵕⵍⴰⵎⴰⵏⵉⵢⵏ ⴳ ⵜⵎⵙⴰⵔⵉⵏ ⵏ ⵡⴰⵡⵏⴷ ⴷ ⵓⵙⵏⴼⵍ ⵏ ⵓⵏⵣⵡⵉ ⴷ ⵓⵙⵓⵔⵙ ⴰⵙⵔⵜⴰⵏ ⴷ ⵓⵏⴰⵎⵓⵏ ⴷ ⵓⴷⵓⵙⴰⵏ ⴳ ⵉⵡⴰⵏⴽⵏ ⵏ ⵜⵙⴳⴰ ⵜⴰⴼⵕⴰⴽⵓⴼⵓⵏⵉⵜ ⴳ ⵉⴼⵔⵉⵇⵢⴰ.

ⵉⵙⴷⴷⵉⴷ ⵓⵏⵙⵙⵉⵅⴼ ⵓⵍⴰ ⴼ ⵉⵎⴰⵍ ⵉⵛⵛⴰⵔⵏ ⵏ ⵜⵙⴳⴰ ⵜⴰⴼⵕⴰⵏⴽⵓⴼⵓⵏⵉⵜ ⴳ ⵉⴼⵔⵉⵇⵢⴰ, ⵉⵇⵇⴰⵏ ⴷ ⵓⵙⵕⵚⵓ ⵏ ⵡⴰⵜⵉⴳⵏ ⵏ ⵜⴷⵉⵎⵓⵇⵕⴰⵟⵉⵜ ⴷ ⵓⴼⵔⴰ  ⴷ ⵓⵔⴳⴳⵉⴳ  ⴷ ⵓⵙⵓⵔⵙ ⵏ ⵜⵎⵖⴰⵔⵜ ⵜⴰⴼⵔⵉⵇⵉⵜ ⴷ ⵡⴰⵡⵏⴷ ⵉⵖⵓⵙⵏ ⵉⵙⵓⵍⵏ ⴷ ⵜⵎⵙⵓⵜⴰⵍ ⵜⵉⴷⵓⵙⴰⵏⵉⵏ ⴷⵓⴰⵏⵉⵏ ⴷ ⵜⴷⵎⵙⴰ ⵜⴰⴼⵔⵉⵇⵉⵜ ⵉⵣⵀⵔⵏ ⴳ ⵓⵙⴰⵜⵉ ⵏ ⵜⵙⴳⴰ ⵏ ⵓⵙⵏⴼⵍ ⵉⵍⴻⵍⵍⵉ ⴳ ⵉⴼⵔⵉⵇⵢⴰ.

ⵉⵖⵔ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴰⴷ ⵢⵉⵍⵉ ⵢⴰⵏ ⵡⴰⵡⴰⵍ ⵍⵍⵉ ⵔⴰⴷ ⵉⵙⴽⵔ ⴰⴷⵔⵉⵣ ⵏⵏⵙ ⴳ ⵓⵎⴰⴹⴰⵍ ⵏ ⵉⵎⴰⵍ, ⵙ ⵓⵎⵙⴰⵙⴰ ⴷ ⵜⵎⵙⴰⵔⵉⵏ ⵏ ⵓⵎⵏⵥⴰⵡ ⵏ ⵉⴼⵔⵉⵇⵢⴰ, ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵔⴰⴷ ⵜⵉⵍⵉ ⵜⵙⵓⵜⵍⵜ ⴷ ⵢⵓⵛⴽⴰⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵕⴰⵏⴽⵓⴼⵓⵏⵉⵜ ⴳ ⴽⵉⴳⴰⵍⵉ ⴳ ⵓⵙⴳⴳⵯⴰⵙ ⴰⴷ, ⵢⵉⵏⵉ ⵎⴰⵙ ⵔⴰⴷ ⴱⴷⴷⴰ ⵜⴳ ⵉⴼⵔⵉⵇⵢⴰ ⵜⴰⵔⵙⵍⵜ ⵜⴰⵙⵉⵍⴰⵏⵜ ⵏ ⵓⵚⴽⵓ ⴰⴼⵔⵉⵇⵉ.