ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⴳ ⵓⵏⵎⵓⵇⵇⴰⵔ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴽⴷ ⴰⵎⵙⵇⵇⴰⴷ ⵏ ⵜⴳⴷⵓⴷⴰⵏⵜ ⵏ ⴰⴷⵔⵉⴱⵉⵊⵓⵏ: ⴰⵙⴷⵓⵙ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵓⵡⵇⵇⵔ ⵏ ⵜⵅⵅⵓⵜⵔⴰ ⴷ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ 22 ⵢⵓⵏⵢⵓ 2022 ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⵎⴰⵙⵙ ⵓⴽⵜⴰⵢ ⵙⵓⴷⵉⴼ ⵓⵖⵍⵓ ⵇⵓⵔⴱⴰⵏⵓⴼ ⴰⵎⵙⵇⵇⴰⴷ ⵏ ⵜⴳⴷⵓⴷⴰⵏⵜ ⵏ ⴰⴷⵔⵉⴱⵉⵊⵓⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ.
ⵙⴷⴷⵉⴷⵏ ⵙⵉⵏ ⵉⵎⵙⵜⴳⴳⴰⵔⵏ ⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵙ ⵓⵎⵢⴰⵡⴰⴹ ⴷ ⵓⵎⵢⴰⵡⴰⵙ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ, ⵙⴷⴷⵉⴷⵏ ⵓⵍⴰ ⴼ ⵜⵉⵕⵡⵉ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⵉⴱⴷⴷⵏ ⴼ ⵓⵡⵇⵇⵔ ⵉⵜⵜⵓⵙⵏⴼⴰⵍⵏ ⵏ ⵜⵅⵅⵓⵜⵔⴰ ⴷ ⵜⵢⴰⵏⵜ ⵜⴰⵏⴰⴽⴰⵍⵜ ⴷ ⵓⵙⵏⴰⵍ ⵉⵣⵣⵉⴳⵣⵏ ⴳ ⵉⵏⵎⵓⵇⵇⴰⵔⵏ ⵉⵏⵎⵏⴰⴹⵏ ⴷ ⵉⴳⵔⴰⵖⵍⴰⵏⵏ.
ⵉⵙⵓⵜⴳ ⵎⴰⵙⵙ ⵓⴽⵜⴰⵢ ⵙⵓⴷⵉⴼ ⵓⵖⵍⵓ ⵇⵓⵔⴱⴰⵏⵓⴼ ⴰⵎⵙⵇⵇⴰⴷ ⵏ ⴰⴷⵔⵉⴱⵉⵊⵓⵏ ⴳ ⵍⵎⵖⵔⵉⴱ ⴰⵙⵓⵜⴳ ⴰⴷ, ⵉⵙⴰⵡⵍ ⴼ ⵜⵣⴷⴰⵢⵉⵏ ⵏ ⵜⴷⴷⵓⴽⴽⵯⵍⴰ ⴷ ⵓⵎⵢⴰⵡⴰⵙ ⴷ ⵓⵡⵇⵇⵔ ⵉⵍⵍⴰⵏ ⵊⴰⵔ ⵏⵙⴰⵜ ⵜⵎⵉⵣⴰⵔ, ⵢⵉⵏⵉ ⵎⴰⵙ ⵜⵔⴰ ⵜⵎⴰⵣⵉⵔⵜ ⵏⵏⵙ ⴰⵙⴷⵓⵙ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵜⴷⵎⵙⴰⵏⵉⵏ ⴰⴽⴷ ⵕⵕⴱⴰⵟ ⴷ ⵓⵏⵏⵓⵕⵥⵎ ⴼ ⵉⵙⴰⵢⵔⵓⵔⵏ ⵢⴰⴷⵏⵉⵏ ⵏ ⵓⵎⵢⴰⵡⴰⵙ ⴷ ⵓⵣⴷⴷⵓⵢ. ⵉⵙⵏⵉⵎⵎⵔ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴼ ⵡⴰⴷⴷⴰⴷⵏ ⵏⵏⵙ ⵎⵏⵉⴷ ⵏ ⵜⵎⴰⵣⵉⵔⵜ ⵏⵏⵙ, ⴷ ⵓⵡⵇⵇⵔ ⵏ ⵜⵍⵍⵓⴳⵏⴰ ⵜⴰⴳⵔⴰⵖⵍⴰⵏⵜ ⴷ ⵜⵅⵅⵓⵜⵔⴰ ⵏ ⵉⵡⴰⵏⴽⵏ, ⵢⵉⵏⵉ ⵎⴰⵙ ⵜⵍⵍⴰ ⵜⵎⴰⵣⵉⵔⵜ ⵏⵏⵙ ⴷ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ.
ⴳ ⵓⵎⵏⵉⴷ ⵏⵏⵙ, ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵜⵉⵕⵡⵉ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⵍⵍⵉ ⴳⴰⵏⵉⵏ ⵜⵉⵎⵣⵔⴰⵢ, ⵉⵙⵓⵜⴳ ⴰⵎⵙⴰⵙⴰ ⵏ ⵜⴰⵏⵏⴰⵢⵉⵏ ⵅⴼ ⵜⵎⵙⴰⵔⵉⵏ ⵜⵉⵏⵎⵏⴰⴹⵉⵏ ⴷ ⵜⴳⵔⴰⵖⵍⴰⵏⵉⵏ ⴷ ⵓⵎⵛⴰⴱⴱⴰⴽ ⵙ ⵜⵢⴰⵏⵜ ⵜⴰⵏⴰⴽⴰⵍⵜ ⴷ ⵓⴼⵓⴽⴽⵓ ⵙ ⵜⵎⴰⵖⵉⵏ ⵙ ⵓⵖⴰⵔⴰⵙ ⵏ ⵓⴼⵔⴰ. ⴳ ⵓⵙⵡⵉⵔ ⴰⴱⵕⵍⴰⵎⴰⵏⵉ, ⵉⵙⵎⵏⵉⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵜⴰⵣⵣⵉⴳⵣⵜ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵜⵎⵔⴰⵡⵜ ⵉⴳⴳⵓⵔⴰⵏ ⴷ ⵜⵣⴷⴰⵢⵉⵏ ⵍⵍⴰⵏⵉⵏ ⴳ ⵉⵏⵎⵓⵇⵇⴰⵔⵏ ⵉⵏⵎⵏⴰⴹⵏ ⴷ ⵉⴳⵔⴰⵖⵍⴰⵏⵏ, ⵢⵉⵏⵉ ⵎⴰⵙ ⵔⴰⴷ ⵎⵖⵔⵏⵜ ⵙ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵓⵙⴷⵓⵙ ⵏ ⵜⵔⵓⴱⴱⴰ ⵏ ⵜⴷⴷⵓⴽⴽⵯⵍⴰ. ⵉⵖⵔ ⵉ ⵜⵏⴳⴳⵯⵓⵜ ⵏⵏⵙ ⵜⴰⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴰⴷⵔⵉⴱⵉⵊⵓⵏ ⵉ ⵓⵔⵣⴰⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵔⵣⵣⵓ ⵅⴼ ⵜⵎⵙⴰⵔⵉⵏ ⵜⵉⴱⵕⵍⴰⵎⵏⵉⵢⵉⵏ ⵛⵛⴰⵔⵏⵉⵏ.
ⵉⴳⴰ ⵓⵙⵏⵓⴱⴳ ⴰⴷ ⵓⵍⴰ ⵜⴰⵎⵍⴷⴰ ⵏ ⵓⵔⵣⵣⵓ ⴷ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵍⵍⴰⵏⵉⵏ ⴳ ⵓⵖⴰⵡⴰⵙ ⵏ ⵜⵎⵣⵡⵓⵔⴰ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⴷ ⵜⴳⵜⵉⵔⴰⵏⵉⵏ.