ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⴰⵡⵙⴰⵙ ⵏ ⴱⵕⵕⴰ ⴳ ⵜⴳⵍⴷⵉⵜ ⵜⴰⵄⵕⴰⴱⵜ ⵏ ⵙⵙⴰⵄⵓⴷⵉⵢⵢⴰ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 16 ⵢⵓⵏⵢⵓ 2022, ⴱⴰⴱ ⵏ ⵜⵎⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⴼⴰⵢⵚⴰⵍ ⴱⵏ ⴼⴰⵕⵃⴰⵏ ⴱⵏ ⵄⴰⴱⴷⵓⵍⵍⴰⵀ ⴰⵍ ⵙⴰⵄⵓⴷ, ⴰⵎⴰⵡⵙⴰⵙ ⵏ ⴱⵕⵕⴰ ⴳ ⵜⴳⵍⴷⵉⵜ ⵜⴰⵄⵕⴰⴱⵜ ⵏ ⵙⵙⴰⵄⵓⴷⵉⵢⵢⴰ.
ⵙⵓⵜⴳⵏ ⵙⵉⵏ ⵉⵎⵙⵜⴳⴳⴰⵔⵏ ⵜⵉⵕⵡⵉ ⵏ ⵜⵣⴷⴰⵢⵉⵏ ⵙⵎⵓⵏⵏⵉⵏ ⵊⴰⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⴳⵍⴷⵉⵜ ⵜⴰⵄⵕⴰⴱⵜ ⵏ ⵙⵙⴰⵄⵓⴷⵉⵢⵢⴰ ⴳⴰⵏⵉⵏ ⵜⵉⵎⵣⵔⴰⵢⵉⵏ ⴳ ⴽⵓ ⵉⵙⵡⵉⵔⵏ.
ⵉⵏⵏⴰ ⵎⴰⵙⵙ ⴰⵎⴰⵡⵙⴰⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⴼⴰⵢⵚⴰⵍ ⴱⵏ ⴼⴰⵕⵃⴰⵏ ⴱⵏ ⵄⴰⴱⴷⵓⵍⵍⴰⵀ ⴰⵍ ⵙⴰⵄⵓⴷ ⵎⴰⵙ ⴳⴰⵏⵜ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⵜⵉⵙⵜⵔⴰⵜⵉⵊⵉⵢⵉⵏ ⴷⵔⴰⵏⵉⵏ ⴱⴷⴷⵏⵉⵏ ⴼ ⵜⵣⴷⴰⵢⵉⵏ ⵏ ⵜⴳⵯⵎⴰⵜ ⵉⵍⵍⴰⵏ ⵊⴰⵔ ⵉⵅⴰⵜⴰⵔⵏ ⵏ ⵙⵏⴰⵜ ⵜⵎⵉⵣⴰⵔ. ⵢⵉⵏⵉ ⵓⵍⴰ ⵎⴰⵙ ⵟⵟⴰⴼⵏⵜ ⵙⵏⴰⵜ ⵜⵎⵉⵣⴰⵔ ⵉⵎⴰⵍ ⵉⵉⵛⴰⵔⵏ, ⵜⵉⵍⵉ ⵜⵡⵡⵓⵔⵉ ⵉ ⵓⵙⵎⵖⵔ ⵏ ⵜⵣⴷⴰⵢⵉⵏ ⵜⵉⵙⵏⵔⴰⵏⵉⵏ ⴳ ⴽⵓ ⵉⴳⵔⴰⵏ ⴷ ⵓⵙⵎⵔⵙⵍ ⵏⵏⵙⵏⵜ, ⵉⵙⴰⵡⵍ ⵏⵉⵜ ⴼ ⵜⵉⵍⴰⵍⵜ ⵏ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ.
ⴳ ⵓⵎⵏⵉⴷ ⵏⵏⵙ, ⵉⵙⴰⵡⵍ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉⵏ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵜⵣⴷⴰⵢⵉⵏ ⵥⵉⵍⵏⵉⵏ ⵊⴰⵔ ⵕⵕⴱⴰⵟ ⴷ ⵕⵕⵉⵢⴰⴹ ⴷ ⵓⵥⵓⵥⴷ ⵉⵛⵛⴰⵔⵏ ⵉ ⵓⵙⵎⵖⵔ ⵏⵏⵙⵏⵜ. ⴳ ⵓⵙⵡⵉⵔ ⴰⴱⵕⵍⴰⵎⴰⵏⵉ, ⵉⵙⵓⵜⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵎⵢⴰⵡⴰⵙ ⵉⵍⵍⴰⵏ ⵊⴰⵔ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ, ⵉⵙⴰⵡⵍ ⴼ ⵜⵉⵔⴰⵜ ⵉⴷⵓⵙⵏ ⵉ ⵓⵙⴷⵓⵙ ⵏⵏⵙⵏⵜ ⵙ ⵜⴷⵉⵏⴰⵎⵉⵜ ⵏ ⵜⵔⵓⴱⴱⴰ ⵏ ⵜⴷⴷⵓⴽⴽⵯⵍⴰ ⴷ ⵓⵎⵢⴰⵡⴰⴹ ⵉⵙⵓⵍⵏ ⴷ ⵓⵎⵙⴰⵡⴰⵍ ⴷ ⵓⵎⴹⴰⴽⴰⵕ ⵊⴰⵔ ⵉⴱⵕⵍⴰⵎⴰⵏⵉⵢⵉⵏ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ, ⴷ ⵓⵣⴷⴷⵓⵢ ⴳ ⵉⵏⵎⵓⵇⵇⴰⵔⵏ ⵉⴱⵕⵍⴰⵎⴰⵏⵉⵢⵏ ⵉⵏⵎⵏⴰⴹⵏ ⴷ ⵉⴳⵔⴰⵖⵍⴰⵏⵏ.
ⵉⵃⴰⴹⵔ ⴳ ⵓⵙⵏⵓⴱⴳ ⵓⵎⵙⵇⵇⴰⴷ ⵏ ⵜⴳⵍⴷⵉⵜ ⵜⴰⵄⵕⴰⴱⵜ ⵏ ⵏ ⵙⵙⴰⵄⵓⴷⵉⵢⵢⴰ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵎⴰⵙⵙ ⵄⴰⴱⴷⵓⵍⵍⴰⵀ ⵍⵖⴰⵔⵉⵔⵉ, ⵎⴰⵙⵙ ⴰⵎⵙⵇⵇⴰⴷ ⵙⴰⵎⵉ ⵚⵚⵓⵍⵃ ⴰⵎⴰⵡⴰⵙ ⵏ ⵓⵎⴰⵡⵙⴰⵙ ⵏ ⵓⵡⴰⵏⴽ ⵉ ⵜⵖⴰⵡⵙⵉⵡⵉⵏ ⵏ ⵉⵡⴰⵏⴽⵏ ⵉⴼⵔⵉⵇⵉⵢⵏ, ⵎⴰⵙⵙ ⵄⴰⴱⴷⵓ ⵕⵕⴰⵃⵎⴰⵏ ⴷⴷⴰⵡⵓⴷ ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⵙⵉⵔⴰ ⵏ ⵓⵎⴰⵡⵙⴰⵙ ⵏ ⴱⵕⵕⴰ ⵏ ⵜⴳⵍⴷⵉⵜ ⵜⴰⵄⵕⴰⴱⵜ ⵏ ⵙⵙⴰⵄⵓⴷⵉⵢⵢⴰ.