ⴰⴷⵔⴰⵡ ⴳ ⵓⴳⵔⴰⵡ ⴰⵎⴰⴹⵍⴰⵏ ⵡⵉⵙ ⵜⴰⵎ ⵏ ⵉⵄⵔⵔⵉⵎⵏ ⵉⴱⵕⵍⴰⵎⴰⵏⵉⵢⵏ

ⵉⴷⵔⵓ ⵓⴽⴰⴱⴰⵔ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴳ ⵓⴳⵔⴰⵡ ⴰⴳⵔⴰⵖⵍⴰⵏ ⵡⵉⵙ ⵜⴰⵎ ⵏ ⵉⵄⵔⵔⵉⵎⵏ ⵉⴱⵕⵍⴰⵎⴰⵏⵉⵢⵏ ⵍⵍⵉ ⵜⵙⵏⵎⴰⵍⴰ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵎⵉⵚⵕⴰ, ⴷⴷⵓ ⵜⵎⴰⵜⴰⵔⵜ: “ⵉⵄⵔⵔⵉⵎⵏ ⵉⴱⵕⵍⴰⵎⴰⵏⵉⵢⵏ, ⵜⴰⵡⵡⵓⵔⵉ ⵉ ⵓ,ⵣⵡⵉ”. ⵓⵙⵙⴰⵏ ⵏ 15 ⴷ 16 ⵢⵓⵏⵢⵓ 2022 ⴳ ⵛⴰⵕⴰⵎ ⵛⵛⵉⵅ ⴳ ⵎⵉⵚⵕⴰ.

ⵢⵓⵎⴰ ⵓⴽⴰⴱⴰⵕ ⴰⴷ:

- ⵎⴰ.ⵜⴰⵎⴰⵔⵉⵜ ⵢⴰⵙⵎⵖⵉⵏ ⵍⵎⵖⵓⵔ, ⵜⴰⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ.

- ⵎⴰ.ⵜⴰⵎⴰⵔⵉⵜ ⵃⴰⵢⴰⵜ ⵍⵄⵔⴰⵢⵛ, ⵜⴰⵔⴰⴱⴱⵓⵜ ⵜⴰⵙⵔⵎⵓⵏⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ.

- ⵎ.ⴰⵎⵛⵛⵉⵡⵕ ⴽⴰⵎⴰⵍ ⴰⵢⵜ ⵎⵉⴽ, ⵜⴰⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ.

ⴳ ⵓⵏⵎⵓⵇⵇⴰⵔ ⴰⴷ, ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⴼ ⵓⵙⵏⴼⵍ ⵏ ⵓⵏⵣⵡⵉ ⴷ ⵉⴷⵔⵉⵣⵏ ⵏⵏⵙ ⴼ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵉ ⵓⵙⴱⴷⴷⵉ ⵏ ⵓⵙⵏⴼⵍ ⵏ ⵓⵏⵣⵡⵉ, ⴷ ⵓⵙⵏⴰⵍ ⵏ ⵉⵡⴰⵏⴽⵏ ⵣⵣⵉⴳⵣⵏⵉⵏ ⴳ ⵓⵙⴱⴷⴷⵉ ⵏ ⵉⵙⵏⴼⵍⵏ ⵏ ⵓⵏⵣⵡⵉ.

ⴳ ⵜⴳⵓⵔⵉ ⵏⵏⵙ, ⵜⵙⴰⵡⴰⵍ ⵜⵎⴰⵔⵉⵜ ⵢⴰⵙⵎⵉⵏ ⵍⵎⵖⵓⵔ ⴼ ⵓⵍⵜⴰⵖ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵓⴱⵔⵉⴷ ⵉ ⵜⵣⵔⴼⵜ ⵏ ⵓⵏⵣⵡⵉ, ⴰⵢⵍⵍⵉ ⵉⵎⵙⴰⵙⴰⵏ ⴷ ⵜⵎⵢⴰⴷⴰⵙⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴼ ⵉⵙⵏⴼⵍⵏ ⵏ ⵓⵏⵣⵡⵉ ⵣⴷⵉⵏⵉⵏ ⴷ ⵜⵏⴰⵥⴰⵕⵉⵏ ⵏ ⵉⵎⴰⵍ.

ⵜⵙⴰⵡⵍ ⵜⵎⴰⵔⵉⵜ ⵃⴰⵢⴰⵜ ⵍⵄⵔⴰⵢⵛ ⴼ ⵜⵡⵉⵣⵉ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵙ ⵓⵣⵣⵔⴰⴼ ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⵉ ⵚⴰⵃⴰ ⵏ ⵡⴰⵡⵏⴰⴹ, ⵜⵙⴰⵡⵍ ⴼ ⵉⵙⵍⴳⵏⵏ ⵉⵏⴰⵎⵓⵔⵏ ⵍⵍⴰⵏⵉⵏ ⴳ ⵓⵎⵏⵉⴷ ⴰⴷ, ⵜⵖⵔ ⵉ ⵉⴱⵕⵍⴰⵎⴰⵏⵉⵢⵏ ⵉⵄⵔⵔⵉⵎⵏ ⵃⵎⴰ ⴰⴷ ⵙⴽⵔ ⵜⴰⵡⵡⵓⵔⵉ ⵉ ⵓⵏⵣⵡⵉ ⵎⵏⵉⴷ ⵏ ⵜⵏⴱⴰⴹⵉⵏ ⴷ ⵜⵎⵔⵙⴰⵍ.

ⴳ ⵓⵎⵏⵉⴷ ⵏⵏⵙ, ⵉⵙⴰⵡⵍ ⵓⵎⵛⵛⵉⵡⵕ ⴽⴰⵎⴰⵍ ⴰⵢⵜ ⵎⵉⴽ ⴼ ⵉⵙⵡⵓⴷⴷⵓⵜⵏ ⵏ ⵓⴱⵕⵍⴰⵎⴰⵏ ⴰⵖⵔⵉⴱⵉ ⵉ ⵓⵙⴱⴷⴷⵉ ⵏ ⵜⵎⵓⴽⵔⵉⵙⵉⵏ ⵣⴷⵉⵏⵉⵏ ⵉⵙⵏⴼⵍⵏ ⵏ ⵓⵏⵣⵡⵉ ⵉⴱⴷⴷⵏ ⴼ ⵜⵏⴰⵥⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵓⵣⵣⴳⵉⵔ ⵏ ⵓⵖⴰⵡⴰⵙ ⵏ “ⵓⴱⵕⵍⴰⵎⴰⵏ ⴰⵢⴽⵓⵍⵓⵊⵉ”.

ⵉⴳⴰ ⵓⴳⵔⴰⵡ ⴰⴷ ⵜⴰⵎⵍⴷⴰ ⵉ ⵉⵄⵔⵔⵉⵎⵏ ⵉⴱⵕⵍⴰⵎⴰⵏⵉⵢⵏ ⵉ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵙⵜⵔⴰⵜⵉⵊⵉⵏ ⵛⵛⴰⵔⵏⵉⵏ ⵉ ⵓⵙⵎⵖⵔ ⵏ ⵜⵙⵓⴳⴰⵙ ⵏ ⵉⵄⵔⵔⵉⵎⵏ.