ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵏⴼⵍⵓⵙ ⴰⵎⴰⵜⴰⵢ ⵏ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵓⵙⵍⵉⵎⵏ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 14 ⵢⵓⵏⵢⵓ 2022 ⵎⴰⵙⵙ ⵃⵓⵙⵉⵏ ⵉⴱⵕⴰⵀⵉⵎ ⵟⴰⵀⴰ ⴰⵏⴼⵍⵓⵙ ⴰⵎⴰⵜⴰⵢ ⵏ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵓⵙⵍⵉⵎ ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵜⵎⴰⵣⵉⵔⵜ ⵏⵏⵖ.
ⵙ ⵜⵎⵍⴷⴰ, ⵉⵙⴷⴷⵉⴷ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴼ ⵜⵉⵍⴰⵍⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵉⴳⴰⵏ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵍⵇⵓⴷⵙ ⵉⴹⴼⵕⵏ ⵉ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵓⵙⵍⵉⵎ, ⴳ ⵓⵏⵄⴰⵕ ⵏ ⵜⵎⵙⴰⵔⵜ ⵏ ⴼⴰⵍⵉⵚⵟⵉⵏ ⴷ ⵍⵇⵓⴷⵙ ⴰⵛⴰⵔⵉⴼ. ⵢⵉⵏⵉ ⵎⴰⵙ ⵜⵉⵡⵉ ⵜⴳⵎⵎⵉ ⵏ ⵉⴷⵔⵉⵎⵏ ⵏ ⵍⵇⵓⴷⵙ ⴰⵅⵎⵎⴻⵎ ⵏ ⴱⴰⴱ ⵏ ⵡⴰⴷⴷⵓⵔ, ⴷⴰ ⵜⵜⴰⵡⵙ ⴳ ⴽⵉⴳⴰⵏ ⵏ ⵉⵙⵏⴼⴰⵔⵏ ⵚⴰⵃⴰⵏⵉⵏ ⵉ ⵉⵎⵣⴷⴰⵖⵏ ⵏ ⵜⵖⵔⵎⵜ ⴰⴷ ⵜⴰⵎⵙⴼⵓⵣⵣⵔⵜ.
ⵢⵉⵏⵉ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵎⴰⵙ ⵉⴷⵔⵓ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵜⴰⵎⴰⵏⵓⵜ ⵏ ⵉⵡⴰⵏⴽⵏ ⵉⵏⴳⵎⴰⵎⴰⵏ ⴳ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵓⵙⵍⵉⵎ, ⵢⴰⵡⵙ ⴳ ⵓⵙⵕⵚⵓ ⵏ ⵡⴰⵜⵉⴳⵏ ⵏ ⵜⵡⵉⵙⵉ ⴷ ⵜⴰⵎⵓⵏⵜ ⵊⴰⵔ ⵉⵡⴰⵏⴽⵏ ⵓⵙⵍⵉⵎⵏ ⴳ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵏ ⵓⵎⴰⴹⴰⵍ ⵓⵙⵍⵉⵎ.
ⵢⵉⵏⵉ ⵎⴰⵙⵙ ⵃⵓⵙⵉⵏ ⵉⴱⵕⴰⵀⵉⵎ ⵟⴰⵀⴰ ⴰⵏⴼⵍⵓⵙ ⴰⵎⴰⵜⴰⵢ ⵏ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵓⵙⵍⵉⵎ ⴰⵙⵓⵜⴳ ⵏ ⵜⵉⵍⴰⵍⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵓⵙⵕⵚⵓ ⵏ ⵜⵡⵡⵓⵔⵉ ⵜⵓⵙⵍⵉⵎⵜ ⵉⵛⵛⴰⵔⵏ, ⵜⵜⵓⵙⴽⴰⵔ ⵜⵎⴰⴷⴷⴰⵙⵜ ⴰⴳ ⴳ ⵕⵕⴱⴰⵟ ⴳ 1969.
ⵉⵙⴰⵡⵍ ⵎⴰⵙ ⵃⵓⵙⵉⵏ ⵉⴱⵕⴰⵀⵉⵎ ⵟⴰⵀⴰ ⵓⵍⴰ ⴼ ⵜⵏⴰⵥⴰⵕⵉⵏ ⵍⵍⴰⵏⵉⵏ ⴷⴰⵜ ⵏ ⵓⵎⴰⴹⴰⵍ ⵓⵙⵍⵉⵎ ⴳ ⵓⵣⵎⵣ ⴰⴷ, ⴷ ⵓⴼⵓⴽⴽⵓ ⵏ ⵉⵎⴰⵖⵏ ⵙ ⵓⴼⵔⴰ ⴷ ⵓⵙⵕⵚⵓ ⵏ ⵡⴰⵜⵉⴳⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ ⴷ ⵜⵉⵍⵉⵜ ⵏ ⵜⵏⴼⵔⵓⵜ ⵏ ⵓⵜⵜⵛⵓ ⴷ ⵓⵙⵙⴼⵔⴽ ⵏ ⵉⵄⵔⵔⵉⵎⵏ ⴷ ⵓⵙⵙⴰⵔⵓ ⴳ ⵓⵙⵙⵍⵎⴷ.