ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵏⵙⵙⵉⵅⴼⵜ ⵏ ⵓⴱⵕⵍⴰⵎⴰⵏ ⵏ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⴷ ⵍⴽⴰⵔⴰⵢⵉⴱ

ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 13 ⵢⵓⵏⵢⵓ 2022, ⴷ ⵎⴰⵙⵙⴰ  Silvia del Rosario Giacoppo  ⵜⴰⵏⵙⵙⵉⵅⴼⵜ ⵏ ⵓⴱⵕⵍⴰⵎⴰⵏ ⵏ ⵎⴰⵔⵉⴰⴽⵏ ⵜⴰⵍⴰⵜⵉⵏⵉⵜ ⴷ ⵍⴽⴰⵔⴰⵢⵉⴱ ⵉⵍⵍⴰⵏ ⵏⴳ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵜⵎⴰⵣⵉⵔⵜ ⵏⵏⵖ.

ⵙ ⵜⵎⵍⴷⴰ, ⵙⵓⵜⴳⵏ ⵙⵉⵏ ⵉⵎⵙⵜⴳⴳⴰⵔⵏ ⴰⵎⵢⴰⵡⴰⵙ ⴰⴱⵕⵍⴰⵎⵏⵉ ⵉⵍⵍⴰⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⵏ ⵙⵏⴰⵜ ⵜⵎⵉⵣⴰⵔ, ⵎⵙⴰⵙⴰⵏ ⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵜⵎⴷⵔⴰⵡⵜ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ.

ⵉⵙⴷⴷⵉⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙ ⵉⵙⴷⵓⵙ ⴽⵎⵖⵔⵉⴱ ⵜⵉⵣⴷⴰⵢⵉⵏ ⴰⴽⴷ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ ⴷ ⵜⵉⵏ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⴷ ⵍⴽⴰⵔⴰⵢⵉⴱ ⴷⴷⵓ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.

ⴳ ⵓⵎⵏⵉⴷ ⵏⵏⵙ, ⵜⵙⵎⵏⵉⴷ ⵎⴰⵙⵙⴰ Silvia del Rosario Giacoppo  ⵉⴳⵔⴰⵏ ⵏ ⵓⵎⵢⴰⵡⴰⵙ ⵍⵍⴰⵏⵉⵏ ⴳ ⵜⵎⴷⵔⴰⵡⵜ ⴰⴽⴷ ⵜⵉⵎⵉⵣⴰⵔ ⵏ ⵜⵙⴳⴰ ⴰⴷ, ⴰⵎ ⵜⴰⴷⵎⵙⴰ ⴷ ⵓⵙⵖⵏⵣⵉ ⴷ ⵜⴼⵍⵍⴰⵃⵜ ⴷ ⵜⴷⵍⵙⴰ ⴷ ⵡⵉⵢⵢⴰⴹ. ⵜⴼⴽ ⵓⵍⴰ ⴰⵙⵎⴰⵇⵇⵍ ⴼ ⵓⴱⵕⵍⴰⵎⴰⵏ ⵏ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⴷ ⵍⴽⴰⵔⴰⵢⵉⴱ.

ⵢⵓⵎⴰ ⵓⴱⵕⵍⴰⵎⴰⵏ ⴰⴷ ⵎⴰⴷ ⵉⴳⴰⵏ 20 ⵏ ⵓⴱⵕⵎⵍⴰⵎⴰⵏ ⵏ ⵉⵡⴰⵏⴽⵏ ⵏ ⵜⵙⴳⴰ, ⵖⵓⵔⵙⵏ ⵜⵉⵎⵢⴰⵇⵇⴰⵏⵉⵏ ⴰⴽⴷ ⵜⵉⴳⵔⴰⵡⵉⵏ ⴷ ⵜⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ. ⵢⵉⵍⵉ ⴳⵉⵙ ⵓⵍⴰ ⴰⴱⵕⵍⴰⵎⴰⵏ ⴰⵎⵖⵔⵉⴱⵉ ⴷ ⵉⵎⵥⵕⵉ.