ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵉⴽⵡⴰⴷⵓⵔ

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 13 ⵢⵓⵏⵢⵓ 2022 ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵓⵎⵎⴰⵜⵉⵉ ⴰⵏⴼⴳⴰⵏ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵜⴳⴷⵓⴷⴰⵏⵜ ⵏ ⵉⴽⵡⴰⴷⵓⵔ ⵎⴰⵙⵙ Juan Fernando Flores ⵉⵍⵍⴰⵏ ⴳ ⵓⵔⵣⴰⴼ ⵉ ⵜⵎⴰⵣⵉⵔⵜ ⵏⵏⵖ.

ⵉⵍⵍⴰ ⵓⵏⵎⵓⵇⵇⴰⵔ ⴼ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⴷ ⵓⵎⵢⴰⵡⴰⵙ ⴰⴱⵕⵍⴰⵎⵏⵉ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ ⴷ ⵓⵣⵡⴰⴳ ⴷ ⵓⴱⵔⵙⵙⵉⵡⴷ ⴷ ⵓⴱⴽⴽⴰⴹ ⴰⴳⵔⴰⵖⵍⴰⵏ ⴷ ⵓⵙⵖⵏⵣⵉ ⴳ ⵓⴼⴳⴰⵏ.

ⵉⵏⵏⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵎⴰⵙ ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵃⵎⴰ ⴰⴷ ⵉⵙⵙⵏ ⵓⴽⴰⴱⴰⵕ ⵏ ⵉⴽⵡⴰⴷⵓⵔ ⵜⵉⵎⵙⴽⴰⵔ ⵏ ⵜⵎⴰⵣⵉⵔⵜ ⵏⵏⵖ ⴳ ⵉⵙⴳⴳⵯⴰⵙⵏ ⴳⴳⵓⵔⴰⵏⵉⵏ, ⵉⵏⵏⵓⵔⵣ ⵓⵍⴰ ⴰⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ.

ⵅⴼ ⵜⵎⵙⴰⵔⵜ ⵏ ⵜⵢⴰⵏⵜ ⵜⴰⵏⴰⵎⵓⵔⵜ, ⵉⵙⴷⴷⵉⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵎⴰⵙ ⵜⴳⴰ ⵜⵙⵓⵎⵔⵜ ⵏ ⵓⵏⴱⴰⴹ ⴰⵏⵉⵎⴰⵏ ⵍⵍⵉ ⵉⴼⴽⴰ ⵍⵎⵖⵔⵉⴱ ⴳ 2007 ⴷ ⵜⴰⵔⵙⵍⵜ ⵏ ⵓⴼⵙⵙⴰⵢ ⴰⵙⵔⵜⴰⵏ ⵉⵖⵣⴰⵏⵏ ⵉⴳⴰⵏ ⵡⵉⵏ ⵜⵉⵍⴰⵡⵜ ⴷ ⵉⵙⵓⵍⵏ ⵉ ⵜⵎⴰⵖⵜ ⵉⵜⵜⵓⵙⴽⴰⵔⵏ ⵅⴼ ⵚⵚⵃⵕⴰ ⵜⴰⵎⵖⵔⵉⴱⵉⵜ. ⵢⵉⵏⵉ ⵎⴰⵙ ⵔⴰⴷ ⵢⴰⵡⵙ ⵓⵔⵣⴰⴼ ⵏ ⵓⴽⴰⴱⴰⵕ ⵏ ⵉⴽⵡⴰⴷⵓⵔ ⵏ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ ⴰⴷ ⵉⵥⵕ ⵜⵉⴳⵎⵉ ⴷ ⵓⵙⵙⴰⵔⵓ ⵍⵍⵉ ⴳⵉⵙⵏ ⵉⵍⵍⴰⵏ.

ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵜⵓⴳⴳⴰⵙ ⵍⵍⵉ ⵜⵙⴽⵔ ⵜⴳⵍⴷⵉⵜ ⴳ ⵢⵉⴳⵔ ⵏ ⵓⵣⵡⴰⴳ ⴷ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴷ ⵓⵙⵖⵏⵣⵉ ⴳ ⵓⴼⴳⴰⵏ ⴷ ⵉⵙⴷⵓⵀⴷⵓⵢⵏ ⴷ ⵉⵔⴱⴰⴱⵏ ⴷ ⵓⴱⴽⴽⴰⴹ ⴰⴳⵔⴰⵖⵍⴰⵏ, ⵢⵉⵏⵉ ⵎⴰⵙ ⴷ ⵉⵇⵇⴰⵏ ⵓⵎⵢⴰⵡⴰⵙ ⵊⴰⵔ ⵍⵎⵖⵔⵉⴱ ⴷ ⵉⴽⵡⴰⴷⵓⵔ ⵉ ⵓⴷⵔⴰⵡ ⵏ ⵜⵉⵔⵎⵉⵜⵉⵏ ⴷ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⴷ ⵓⵙⴽⵔ ⵏ ⵜⴳⵎⵉ ⵉⵛⵛⴰⵔⵏ ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ.

ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵉⴽⵡⴰⴷⵓⵔ ⴰⵏⴰⵔⵓⵣ ⵏⵏⵙ ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ. ⵉⵖⵔ ⵉ ⵓⵙⴷⵓⵙ ⵏ ⵜⴷⵉⴱⵎⵓⵎⴰⵙⵉⵜ ⵊⴰⵔ ⵏⵙⵏⵜ ⵜⵎⵉⵣⴰⵔ ⴷ ⵓⵙⵏⴼⵍ ⵏ ⵜⵢⴰⵣⴰⵏⵉⵏ ⵜⵉⴷⵓⴱⵍⵓⵎⴰⵙⵉⵢⵉⵏ.

ⵢⵉⵏⵉ ⵓⴽⴰⴱⴰⵕ ⴰⴷ ⵎⴰⵙ ⵔⴰⴷ ⵢⵉⵍⵉ ⵓⵙⵏⵎⴰⵍⴰ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵊⴰⵔ ⵍⵎⵖⵔⵉⴱ ⴷ ⵍⵉⴽⵡⴰⴷⵓⵔ. ⵙⵎⵏⵉⴷⵏ ⵓⵍⴰ ⵜⴰⵣⵣⵉⴳⵣⵜ ⵜⴰⴷⵉⵎⵓⵇⵔⴰⵟⵉⵜ ⴷ ⵜⴱⴰⵕⵍⴰⵎⵏⵉⵜ ⴳ ⵜⵎⴰⵣⵉⵔⵜ ⴰⴷ.