ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵎⴰⵡⵙⴰⵙ ⵏ ⴱⵕⵕⴰ ⴷ ⵓⵙⵖⵏⵣ ⵏ ⴱⵕⵕⴰ ⵏ ⵍⵎⴰⵊⴰⵕ ⴳ ⴱⵓⴷⴰⴱⵉⵙⵜ
ⴳ ⵡⵉⵙ ⵙⵉⵏ ⵡⵓⵙⵙⴰⵏ ⵏ ⵓⵔⵣⴰⴼ ⵏⵏⵙ ⵉ ⴱⵓⴷⴰⴱⵉⵙⵜ, ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴷ ⵎⴰⵙⵙ ⴱⵉⵜⵔ ⵣⵉⵢⴰⵔⵜⵓ ⴰⵎⴰⵡⵙⴰⵙ ⵏ ⴱⵕⵕⴰ ⴷ ⵓⵙⵖⵏⵣⵉ ⵏ ⴱⵕⵕⴰ ⴰⵀⵓⵏⵖⴰⵕⵉ.
ⵙⵓⵜⴳⵏ ⵙⵉⵎ ⵉⵎⵙⵜⵜⴳⴰⵔⵏ ⵜⵉⵕⵡⵉ ⵏ ⵜⵣⴷⴰⵢⵉⵏ ⵊⴰⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵀⴰⵏⵖⴰⵕⵢⴰ. ⵉⵙⴷⴷⵉⴷ ⵓⵎⴰⵡⵙⴰⵙ ⴰⵎⴰⵊⴰⵕⵉ ⴼ ⵜⵣⵡⵉⵔⵉ ⵏ ⵍⵎⵖⵔⵉⴱ ⴳ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⵉⵎⵙⴰⵙⴰⵏ ⴷ ⵜⵎⴰⵙⴰⵢⵜ ⵏ ⴱⵓⴷⴰⴱⵉⵙⵜ ⴳ ⵜⵓⵥⵥⵓⵎⵜ ⵏ ⵓⵕⵓⴱⴱⴰ, ⵢⵉⵏⵉ ⵎⴰⵙⵙ ⵟⵟⴰⴼⵏⵜ ⵙⵏⴰⵜ ⵜⵎⵉⵣⴰⵔ ⵢⴰⵏ ⵡⴰⴷⴷⴰⴷ ⴳ ⵎⴰⴷ ⵉⵥⵍⵉⵏ ⴷ ⵜⵅⵅⵓⵜⵔⴰ ⴷ ⵜⵙⵉⵎⴰⵏⵜ ⵏⵏⵙⵏⵜ. ⵉⵙⴷⴷⵉⴷ ⴰⵙⵎⴰⵢⵏⵓ ⵏ ⵜⵎⴰⵣⵉⵔⵜ ⵏⵏⵙ ⵏ ⵓⵙⵏⴰⵍ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ.
ⴳ ⵓⵎⵏⵉⴷ ⵏⵏⵙ, ⵉⵙⵓⵜⴳ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴰⵙⵏⴰⵍ ⵏ ⵀⴰⵏⵖⴰⵕⵢⴰ ⵉ ⵍⵎⵖⵔⵉⴱ ⴷ ⵜⵎⵙⴰⵔⵜ ⵏⵏⵙ ⵜⴰⵏⴰⵎⵓⵔⵜ.
ⴳ ⵜⴳⵉⵔⴰ, ⵉⵙⵓⵜⴳ ⵓⵎⵙⵜⴳⴳⴰⵔ ⴰⵎⴰⵊⴰⵕⵉ ⵜⴰⵙⵔⵜⵉⵜ ⵉⵕⵡⴰⵏ ⵏ ⵓⴳⵣⵣⴰⵢ ⵍⵍⵉ ⵉⵙⴽⵔ ⵍⵎⵖⵔⵉⴱ ⴳ ⵓⵙⴱⴷⴷⵉ ⵏ ⵜⴰⵙⵙⴰⵙⵜ ⵜⴰⴷⵓⵙⴰⵏⵜ.
ⵉⵃⴹⵔ ⵓⵍⴰ ⵎⴰⵙⵙ ⵎⵓⵃⴰⵎⵎⴰⴷ ⵖⵉⵢⵢⴰⵜ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⴷ ⵎⴰⵙⵙ ⴽⴰⵔⵉⵎⴰ ⵍⵇⴱⴱⴰⵊ ⵜⴰⵎⵙⵇⵇⴰⴷⵜ ⵏ ⵍⵎⵖⵔⵉⴱ ⴳ ⵀⴰⵏⵖⴰⵕⵢⴰ.