ⴰⵙⵎⴰⴷ ⵏ ⵓⴳⵔⴰⵡ ⴰⴱⵕⵍⴰⵎⴰⵏⵉ ⴼ “ ⵓⵙⵏⴰⵍ ⴰⴱⵕⵍⴰⵎⴰⵏⵉ ⵏ ⵓⵏⴳⵉⵙⵏ ⵏ ⵓⴱⵔⵙⵙⵉⵡⴷ”

ⵉⵜⵜⵓⵙⵎⴰⴷ ⵓⴳⵔⴰⵡ ⴰⴱⵕⵍⴰⵎⴰⵏⵉ ⵉⵍⵍⴰⵏ ⴼ “ ⵓⵙⵏⴰⵍ ⴰⴱⵕⵍⴰⵎⴰⵏⵉ ⵏ ⵓⵏⴳⵉⵙⵏ ⵏ ⵓⴱⵔⵙⵙⵉⵡⴷ”, ⵍⵍⵉ ⵉⵙⵏⵎⴰⵍⴰ ⵓⵙⵉⵔⴰ ⵏ ⵓⵖⴰⵡⴰⵙ ⵏ ⵜⵎⵜⵜⴰ ⵎⵓⵏⵏⵉⵏ ⵉ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⵙ ⵜⴷⵔⴰⵡⵜ ⴷ ⵓⴱⵕⵍⴰⵎⴰⵏ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ ⴷ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ ⴷ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵔⵉⵇⵉⵜ ⴷ ⵓⵙⵇⵇⵉⵎ ⵏ ⵛⵛⵓⵕⴰ ⴳ ⵇⴰⵟⴰⵕ. ⵓⵙⵙⴰⵏ ⵏ 7 ⴷ 8 ⵢⵓⵏⵢⵓ 2022 ⴳ ⵕⵓⵎⴰ.

ⵢⵓⵎⴰ ⵓⴽⴰⴱⴰⵕ:

• ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⴰⵎⵣⵡⴰⵔⵓ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ.
• ⵎⴰⵙⵙ ⵄⴰⴱⴷ ⵍⵄⴰⵣⵉⵣ ⵍⴰⵛⵀⴰⴱ, ⴰⴳⵎⴰⵎ ⴳ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ.

ⵍⵍⴰⵏⵜ ⴽⴽⵓⵥⵜ ⵜⵖⵉⵎⵉⵜⵉⵏ ⴳ ⵓⵖⴰⵡⴰⵙ ⵏ ⵓⴳⵔⴰⵡ ⴰⴷ:

1-      ⵜⵉⵍⴰⵍ ⵏ ⵉⴱⵕⵍⴰⵎⴰⵏⵉⵢⵉⵏ ⴳ ⵜⵉⴽⴽⵉ ⵏ ⵜⵎⵔⴰⵔⵓⵜⵉⵏ ⴷ ⵓⵙⴰⵏⵉⵏ ⴳ ⵢⵉⴳⵔ ⵏ ⵡⴰⵙⵙⴰⵢ ⴷ ⵜⴰⵕⵥⵉⵡⵉⵏ ⵣⴷⵉⵏⵉⵏ ⴷ ⵉⵣⵔⴼⴰⵏ ⵏ ⵜⵓⴷⵔⵜ ⴷ ⵓⵣⴷⴷⵓⵖ ⴷ ⵓⵙⴳⵎⵉ  ⴷ ⵓⵙⵏⵉⵊⵊⵉ ⴷ ⵜⵍⴻⵍⵍⵉ ⵉ ⵓⵏⴳⵉⵙⵏ ⵏ ⵓⴱⵔⵙⵙⵉⵡⴷ.

2-      ⵜⵉⵍⴰⵍ ⵏ ⵜⵎⴰⴷⴷⴰⵙⵉⵏ ⵏ ⵡⴰⵎⵓⵏ ⴰⵖⵔⵎⴰⵏ ⴳ ⵓⵙⵎⴰⴷ ⵏ ⵜⵢⴳⴳⵯⴰⵙ ⵏ ⵉⵡⴰⵏⴽⵏ ⴷ ⵉⴱⵕⵍⴰⵎⴰⵏⵏ ⴳ ⵓⵙⵏⴰⵍ ⵏ ⵓⵏⴳⵉⵙⵏ ⵏ ⵓⴱⵔⵙⵙⵉⵡⴷ ⴷ ⵡⴰⴷⴰⴼ ⵙ ⵜⵣⵔⴼⵜ.

3-      ⴰⴼⵔⴰⴳ ⴷ ⵓⵙⵏⴰⵍ ⵉⵏⴰⵎⵓⵔⵏ ⵉ ⵓⵏⴳⵉⵙⵏ ⵏ ⵓⴱⵔⵙⵙⵉⵡⴷ ⴳ ⵜⵙⵜⵔⴰⵜⵉⵊⵉⵢⵉⵏ ⴷ ⵉⵣⵣⵔⴰⴼⵏ ⵏ ⵉⵡⴰⵏⴽⵏ ⵉ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ.

4-    ⵜⵉⵎⵙⴽⴰⵔ ⵥⵉⵍⵏⵉⵏ ⴷ ⵜⵎⵙⵉⵔⵉⵏ ⴳ ⵢⵉⴳⵔ ⵏ ⵓⵙⵏⴰⵍ ⵏ ⵉⴳⵏⵙⴰⵙⵏ ⵓⴱⵔⵙⵉⵡⴷ ⴳ ⵓⵙⵡⵉⵔ ⴰⵏⵎⴰⵏⴰⴹ ⴷ ⵓⵏⴰⵎⵓⵔ, ⴷ ⵓⵙⵏⴼⵍ ⵏ ⵜⵎⵓⵛⴰ ⵅⴼ ⵜⵎⵙⴽⴰⵔ ⵥⵉⵍⵏⵉⵏ.

ⵃⴰⴹⵕⵏ ⴳ ⵓⴳⵔⴰⵡ ⴰⴷ ⵉⵏⵙⵙⵉⵅⴼⵏ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵜⵉⴼⵔⵉⵇⵉⵢⵉⵏ ⴷ ⵜⴰⵄⵕⴰⴱⵉⵏ ⴷ ⵜⵉⵏ ⵓⵕⵓⴱⴱⴰ, ⴷ ⵡⴰⵎⵎⴰⵙ ⵏ ⵜⵎⵜⵜⴰ ⵎⵓⵏⵏⵉⵏ ⵉ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴷ ⵉⵎⵙⴽⴰⵔⵏ ⴷ ⵉⵎⵓⵣⴰⵢⵏ. ⵜⵜⵓⴼⴽⵉⵏ ⴽⵉⴳⴰⵏ ⵏ ⵜⴳⵓⵔⵉⵇⵉⵏ ⴳ ⵜⵍⵍⴰ ⵜⵉⵏ ⵎⴰⵙⵙ ⵄⴰⴱⴷ ⵍⵄⴰⵣⵉⵣ ⵍⴰⵛⵀⴰⴱ ⵍⵍⵉ ⵉⵙⴰⵡⵍⵏ ⴼ:

• ⵜⵉⵍⴰⵍⴰⵜ ⵏ ⵉⴱⵕⵍⴰⵎⴰⵏⵉⵢⵏ ⴳ ⵓⵙⵏⴰⵍ ⵏ ⵓⵏⴳⵉⵙⵏ ⵏ ⵓⴱⵔⵙⵙⵉⵡⴷ
• ⴰⵙⵉⴳⵓⵜ ⵏ ⵜⵓⴳⴳⵯⴰⵙ ⴳ ⵉⵙⵡⵉⵔⵡⵏ ⴰⵏⴰⵎⵓⵔ ⴷ ⵓⵏⵎⵏⴰⴹ ⴷ ⵓⴳⵔⴰⵖⵍⴰⵏ ⵙ ⵜⵎⵙⴽⴰⵔ ⵥⵉⵍⵏⵉⵏ ⴳ ⵢⵉⴳⵔ ⵏ ⵓⵙⵏⴰⵍ ⵏ ⵓⵏⴳⵉⵙⵏ ⵏ ⵓⴱⵔⵙⵙⵉⵡⴷ
• ⵜⵓⵜⵔⴰ ⵉ ⵉⵡⴰⵏⴽⵏ ⴰⴹⵊⴰⵕⵏ ⴰⴷ ⴱⴱⵉⵏ ⴷ ⵉⵙⵡⵉⵏⴳⵉⵎⵏ ⵣⵔⵉⵏⵉⵏ ⴷ ⵓⵙⵏⴰⵍ ⵏ ⵜⵓⴳⴳⵯⴰⵙ ⵏ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴳ ⵜⵙⴳⴰ ⴳ ⵉⵥⵥⵍⵎⴷ ⵏ ⴳⵔⵡⵜ ⵏ ⵉⴼⵔⵉⵇⵢⴰ.

ⵉⵙⴽⵔ ⵓⴽⴰⴱⴰⵕ ⴰⵎⵖⵔⵉⴱⵉ ⵉⵏⵎⵓⵇⵇⴰⵔⵏ ⴰⴽⴷ ⵉⵏⵙⵙⵉⵅⴼⵏ ⵏ ⵉⴽⴰⴱⴰⵕⵏ ⵃⴰⴹⵕⵏⵉⵏ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵏ ⵉⴽⴰⴱⴰⵕⵏ ⴰⴷ.