ⵉⵙⴰⵡⵍ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴼ ⵜⵉⵔⵎⵉⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ⴷ ⵓⵎⵣⴰⵖ ⵏ ⵜⴷⵉⵎⵓⵇⵔⴰⵟⵉⵜ ⴳ ⵇⵓⴱⵕⵓⵚ

ⵉⴷⵔⵓ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵓⴳⵔⴰⴰⵡ ⴰⴳⵔⴰⵖⵍⴰⵏ ⴼ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ ⵉⵏⴰⵎⵓⵔⵏ ⴳ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ⴷ ⵓⵎⵣⴰⵖ ⵏ ⵜⴷⵉⵎⵓⵇⵔⴰⵟⵉⵜ, ⵍⵍⵉ ⵜⵙⵏⵎⴰⵍⴰ ⵜⵎⵙⵎⵓⵏⵜ ⵜⴰⴱⵕⵍⴰⵎⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ ⵙ ⵓⵎⵢⴰⵡⴰⵙ ⴷ ⵓⵙⵇⵇⵉⵎ ⵏ ⵇⵓⴱⵕⵓⵚ ⵓⵙⵙⴰⵏ 27-28 ⵎⴰⵢ 2022 ⴳ ⵏⵉⵇⵓⵙⵢⴰ.

ⵢⵓⵎⴰ ⵓⴽⴰⴱⴰⵕ ⴰⴷ:

- ⵎⴰⵙⵙ ⵅⴰⵍⵉⴷ ⵃⴰⵜⵉⵎⵉ, ⵜⴰⵔⴰⴱⴱⵓⵜ ⵏ ⵜⵥⵖⵕⵜ ⴷ ⵜⵎⴰⵜⵔⴰⵔⵜ.

- ⵎⴰⵙⵙⴰ ⵛⴰⵢⵎⴰ ⵣⵎⵣⴰⵎⵉ, ⵜⴰⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ.

- ⵎⴰⵙⵙ ⵄⴰⴱⴷⵍⴽⵔⵉⵎ ⵍⵀⵎⵙ, ⵜⴰⵔⴰⴱⴱⵓⵜ ⵏ ⵜⵥⵖⵕⵜ ⴷ ⵜⵎⴰⵜⵔⴰⵔⵜ.

ⴳ ⵓⵖⴰⵡⴰⵙ ⵏ ⵓⴳⵔⴰⵡ: ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴳ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⵜⵉⵙⵔⵜⴰⵢ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ⴷ ⵓⵙⴷⵓⵙ ⵏ ⵡⴰⵜⵉⴳⵏ ⵏ ⵜⵎⴰⴼⴰⵡⵜ ⴷ ⵜⵣⴷⴳⵉ ⴷ ⵓⵙⵇⵙⵉ, ⵜⵉⵡⵉⵙⵉ ⵏ ⵜⵎⵔⵙⴰⵍ ⵏ ⵓⵙⵏⵖⵎⵙ ⴳ ⵓⵔⵣⵣⵓ ⵅⴼ ⵓⵙⴳⵓⴼⵙⵓ ⴷ ⵓⴷⴼⵕ ⴰⵣⵔⴼⴰⵏ ⵏ ⵉⴷ ⴱⴰⴱ ⵏⵏⵙ.

ⵉⵙⵎⵏⵉⴷ ⵓⵎⴰⵔⵉ ⵎⴰⵙⵙ ⵅⴰⵍⵉⴷ ⵃⴰⵜⵉⵎⵉ, ⴰⵙⵙ ⵏ 27 ⵎⴰⵢ 2022, ⵜⴰⴳⵓⵔⵉ ⵙ ⵢⵉⵙⵎ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ  ⴼ ⵜⵢⴰⴼⵓⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵙ ⵜⵏⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⵓⵙⴱⴷⴷⵉ ⵏ ⵓⵙⴳⵓⴼⵙⵓ. ⵉⵙⴰⵡⵍ ⴼ ⵓⵍⵜⴰⵖ ⵏ ⵍⵎⵖⵔⵉⴱ ⴳ ⵉⵙⵏⴼⴰⵔⵏ ⵏ ⵓⵙⴷⵓⵙ ⵏ ⵜⵎⴰⴼⴰⵡⵜ ⴷ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ⵙ ⵓⵍⵜⴰⵖ ⵏ ⵉⴳⵔⴰⵏ ⵓⵏⴱⵉⴹⵏ ⴷ ⴽⵓ ⵉⵎⵙⴽⴰⵔⵏ, ⵍⵍⵉⵖ ⵉⵙⵖⵣⵏ ⵍⵎⵖⵔⵉⴱ ⵜⴰⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵎⵓⵏⵏⵉⵏ ⵏ ⵓⵙⴱⴷⵉ ⵏ ⵓⵙⴳⵓⴼⵙⵓ ⴳ 2007, ⵉⵙⵎⴰⵢⵏⵓ ⵓⵎⴰ ⵉⵙⵍⴳⴱⴱ ⴷ ⵜⵎⵔⴰⵙⴰⵍ ⵙ ⵓⵎⵙⴰⵙⴷ ⵉⵙⵓⵖⴰⵍ ⵉⴳⵔⴰⵖⵍⴰⵏⵏ.

ⵢⵉⵏⵉ ⵎⴰⵙⵙ ⵅⴰⵍⵉⴷ ⵃⴰⵜⵉⵎⵉ ⵎⴰⵙ ⵉⵎⵎⴰⵖ ⵍⵎⵖⵔⵉⴱ ⴼ ⵓⵙⵎⵓⵏ ⵏ ⵉⵣⵔⴼⴰⵏ ⵏ ⴽⵓ ⵉⵎⵙⴽⴰⵔⵏ ⴷ ⵓⵣⴷⴰⵢ ⵏⵏⵙⵏ, ⵙ ⵜⵙⵜⵔⴰⵜⵉⵊⵉⵜ ⵜⴰⵏⴰⵎⵓⵔⵜ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⵜⵉⵍⵉ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⴼ ⵓⴹⴼⵕ ⵏ ⵜⵙⵔⴰⵜⵉⵊⵉⵜ ⴰⴷ ⵉⵡⴰⵜⵜⵙ ⴰⵙⵖⵓⵙ ⵏ ⵜⵓⴷⵔⵜ ⵜⴰⵎⴰⵜⴰⵢⵜ, ⴷ ⵓⵣⵓⵣⵣⵔ ⵏ ⵡⴰⵜⵉⴳⵏ ⵏ ⵜⵎⴰⴼⴰⵡⵜ ⴷ ⵜⵣⴷⴳⵉ ⴷ ⵓⵙⴷⵓⵙ ⵏ ⵜⵎⵢⵉⵎⴰⵏⵜ ⵊⴰⵔ ⵜⵎⵔⵙⴰⵍ ⴷ ⵉⵏⵎⵓⵔⴰⵏ.

ⵢⵉⵏⵉ ⵓⵍⴰ ⵎⴰⵙ ⵉⴳⴰ ⵓⴳⵔⴰⵡ ⴰⴷ ⵜⴰⵎⵍⴷⴰ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⵏ ⵓⵙⵎⵖⵔ ⵏ ⵜⵡⵡⵓⵔⵉ ⵎⴳⴰⵍ ⵏ ⵓⵙⴳⵓⴼⵙⵓ, ⴷ ⵓⴷⵔⴰⵡ ⵏ ⵜⵉⵔⵎⵉⵜⵉⵏ ⴷ ⵜⵎⵙⴽⴰⵔ ⵥⵉⵍⵏⵉⵏ ⴳ ⵓⵎⵏⵉⴷ ⴰⴷ.

ⵉⵙⴽⵔ ⵓⴽⴰⴱⴰⵕ ⴰⴱⵕⵍⴰⵎⵏⵉ ⴰⵎⵖⵔⵉⴱⵉ ⵓⵍⴰ ⴰⵏⵎⵓⵇⵇⴰⵔ ⴰⴽ ⴰⴽⴰⴱⴰⵕ ⵏ ⵉⴱⵕⵍⴰⵎⴰⵏⵏ ⵏ ⵇⵓⴱⵕⵓⵚ ⴷ ⵍⵢⵓⵏⴰⵏ, ⵙ ⵜⵉⵍⵉⵜ ⵏ ⵜⵎⴰⵔⵉⵜ ⵏ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ ⵎⴰⵙⵙ ⵉⵔⵉⵏ ⴽⵔⴰⵎⴱⵉⴷⵙ ⵜⴰⴳⵎⴰⵎⵜ ⵏ ⵓⵙⵇⵇⵉⵎ ⵏ ⵉⵎⵓⵔ ⴰⴳ ⵇⵓⴱⵕⵓⵚ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴷ ⵓⵎⵛⴰⵡⴰⵕ ⵅⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ.