ⴰⵣⵎⵎⴻⵎ ⵏ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⵊⴰⵔ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴷ ⵓⵏⵎⵓⵇⵇⴰⵔ ⵏ ⴼⵓⴱⵔⵉⵍ
ⵜⴻⵜⵜⵓⵣⵎⵎⴰⵎ ⴰⵙⵙ ⵏ ⵓⴽⵡⴰⵙ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⵊⴰⵔ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴷ ⴼⵓⴱⵔⵉⵍ, ⵜⵡⴰⵜⵜⵙ ⴰⵙⴷⵓⵙ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵉ ⵓⵙⴽⵔ ⵏ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵙⵓⵍⴰⵏⵜ, ⵙ ⵜⵎⵍⴷⴰ ⵏ ⵜⵙⵓⵜⵍⵜ ⵜⵉⵙ 26 ⵏ ⵓⵏⵎⵓⵇⵇⴰⵔ ⴰⴷ.
ⵉⵣⵎⵎⵉⵎ ⵜⴰⵎⵢⴰⵇⵇⴰⵏⵜ ⴰⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴷ ⵎⴰⵙⵙ ⵏⵏⵄⵎⴰ ⵎⵉⵢⵢⴰⵕⴰ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⴷ ⵎⴰⵙⵙ ⵉⵔⵏⵉⵙⵜⵓ ⴽⴰⵙⵟⵕⵓ ⴰⵏⵙⵙⵉⵅⴼ ⵏ ⵓⵏⵎⵓⵇⵇⴰⵔ ⴷ ⵎⴰⵙⵙ ⵔⵉⴱⴰⵙ ⴰⵎⴰⵔⴰ ⵏⵏⵙ ⴰⵎⵣⵣⴳⴰⵔ. ⵜⵡⴰⵜⵜⵙ ⴰⵙⴷⵓⵙ ⵏ ⵓⵎⵢⴰⵡⴰⵙ ⴳ ⵢⵉⴳⵔ ⵏ ⵓⵣⵣⵔⴰⴼ ⴷ ⵓⵙⵉⵍⵖ ⴷ ⵜⵎⵙⵙⵓⴳⵓⵔⵜ ⵏ ⵜⴷⵍⵙⴰ ⴷ ⵓⵙⵏⴼⵍ ⵏ ⵉⵏⵖⵎⵉⵙⵏ ⵣⴷⵉⵏⵉⵏ ⴷ ⵓⵖⴰⵡⴰⵙ ⴰⵣⵣⵔⴰⴼ ⴷ ⵓⴱⵕⵍⴰⵎⴰⵏⵉ.
ⵙ ⵜⵎⵢⴰⵇⵇⴰⵏⵜ ⴰⴷ, ⵔⴰⴷ ⵢⵉⵍⵉ ⵓⵎⵢⴰⵡⴰⵙ ⴼ ⵓⴷⵔⵓ ⵜⵉⵔⵎⵉⵜⵉⵏ ⵜⵉⴱⵕⵍⴰⵎⴰⵏⵉⵢⵉⵏ, ⴷ ⵓⵙⴷⵓⵙ ⵏ ⵉⵙⴰⵢⵔⵓⵔⵏ ⵏ ⵓⵎⵙⴰⵡⴰⵍ ⵅⴼ ⵜⵎⵙⴰⵔⵉⵏ ⵣⴷⵉⵏⵉⵏ ⴷ ⵜⴳⵎⵉ ⵜⴰⵙⵓⵍⴰⵏⵜ ⴷ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵙ ⵓⵙⴽⵔ ⵏ ⵓⵖⴰⵡⴰⵙ ⵏ ⵜⵎⵜⵜⴰ ⵎⵓⵏⵏⵉⵏ ⵉ ⵜⴳⵎⵉ ⵜⴰⵙⵓⵍⴰⵏⵜ ⵏ 2030.
ⵙ ⵜⵎⵢⴰⵇⵇⴰⵏⵜ, ⵔⴰⴷ ⵙⵡⵓⵔⵉⵏⵜ ⵜⵎⵔⵙⴰⵍ ⴼ ⵉⴳⵔⴰⵏ ⵣⴷⵉⵏⵉⵏ ⴷ ⵓⵣⵡⴰⴳ ⴷ ⵉⵣⵔⴼⴰⵏ ⵏ ⵜⵎⵖⴰⵔⵜ ⴷ ⵓⵙⵖⵏⵣⵉ ⴰⵍⵉⴽⵟⵕⵓⵏⵉ ⴷ ⵓⵙⵏⴰⵍ ⵏ ⵓⴼⴰⵔⵙ ⵉⵙⵓⵍⵏ ⵉ ⵜⵜⴰⵡⵉⵏ ⵙ ⵡⴰⵎⴰⵏ ⵖⵓⵙⵏⵉⵏ ⴷ ⵜⴼⵍⵍⴰⵃⵜ ⵜⴰⵢⴽⵓⵍⵓⵊⵉⵜ ⴷ ⵓⵙⵎⵔⵙ ⵏ ⵡⴰⵎⴰⵏ.
ⵖⵎⴽ ⵍⵍⵉ ⵔⴰⴷ ⵢⵉⵍⵉ ⵓⵎⵢⴰⵡⴰⵙ ⴼ ⵉⵏⴳⵔⴰⵡⵏ ⵏ ⵜⵉⵔⵎⵜ ⴷ ⵜⵏⵏⵓⴱⴹⴰ ⴷ ⵜⵙⵏⵜⴰⵢⵉⵏ ⵏ ⵓⵏⵣⵡⵉ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵡⴰⵡⵏⴰⴹ ⴷ ⵉⵙⵓⴳⴰⵎ ⵏ ⵓⴳⴰⵎⴰ.
ⵉⵙⵏⵓⴱⴳ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⵜⴰⵙⵓⵜⵍⵜ ⵜⵉⵙ 26 ⵏ ⵓⵏⵎⵓⵇⵇⴰⵔ ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⴳ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴷ ⵍⴽⴰⵔⴰⵢⵉⴱ ⴷ ⵍⵎⵉⴽⵙⵉⴽ (ⴼⵓⴱⵔⵉⵍ), ⵜⵍⵍⴰ ⴼ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ.
ⵜⴳⴰ ⵜⵙⵓⵜⵍⵜ ⴰⴷ ⵜⴰⵎⵍⴷⴰ ⵏ ⵓⵎⴹⴰⴽⴰⵕ ⵊⴰⵔ ⵉⵎⵙⵜⴳⴳⴰⵔⵏ ⵏ ⴼⵓⴱⵔⵉⵍ ⴷ ⵡⵉⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴷ ⵉⵎⵙⵜⴳⴳⴰⵔⵏ ⵓⵏⴱⵉⴹⵏ, ⵢⵉⵍⵉ ⵓⵙⵎⵏⵉⴷ ⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵉⴳⵔⴰⵏ ⵏ ⵓⵣⵡⴰⴳ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ.
ⵉⵙⵙⵉⵅⴼ ⵜⵉⵖⵉⵎⵉⵜ ⵏ ⵓⵏⵏⵓⵕⵥⵎ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵙⴰⵍⴼⴰⴹⵓⵕ ⴰⵏⵙⵙⵉⵅⴼ ⵏ ⴼⵓⴱⵔⵉⵍ, ⵜⵜⵓⴼⴽⴰ ⴳⵉⵙ ⵜⵙⵎⵖⵓⵔⵜ ⵏ ⵉⵙⴽⵉⴱⵓⵍⴰⵙ ⵉ ⵓⴼⵔⴰ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⵜⴳⴰ ⵜⴰⵙⵎⵖⵓⵔⵜ ⵜⴰⵅⴰⵜⴰⵔⵜ ⵍⵍⵉ ⵜⴰⴽⴽⴰ ⵜⴳⵔⴰⵡⵜ ⴰⴷ.
ⵉⴽⵛⵎ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⵙ ⵓⵏⵎⵓⵇⵇⴰⵔ ⵏ ⴼⵓⴱⵔⵉⵍ ⵙⴳ 2014, ⵉⵜⵜⵓⵙⴽⴰⵔ ⴳ 1994. ⵉⵡⴰⵜⵜⵙ ⴰⵙⵏⴰⵍ ⴷ ⵓⵣⴷⴰⵢ ⵏ ⵉⵣⵣⵔⴰⴼⵏ ⵊⴰⵔ ⵉⵡⴰⵏⴽⵏ ⵉⴳⵎⴰⵎⵏ ⴷ ⵓⵎⵛⴰⵡⴰⵕ ⵊⴰⵔ ⵉⵏⵙⵙⵉⵅⴼⵏ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵓⵙⵎⴽⵍ ⵏ ⵜⵎⵓⴽⵔⵉⵙⵉⵏ ⵍⵍⴰⵏⵉⵏ ⴳ ⵜⵙⴳⴰ.