ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴳ ⵜⵙⵎⵓⵏⵉ ⵏ ⵜⵙⴷⵇⵇⵉⵎⵜ ⵜⴰⵙⵔⵜⴰⵏⵜ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵕⵏⴽⵓⴼⵓⵏⵉⵜ

ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴳ ⵜⵙⵎⵓⵏⵉ ⵜⴰⵙⵔⵜⴰⵏⵜ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⵏⵉⵜ ⵜⴰⴼⵕⴰⵏⴽⵓⴼⵓⵏⵉⵜ ⵙ ⵜⵖⵔⵉ ⵏ ⵎⴰⵙⵙ ⴼⵕⴰⵏⵚⵡⴰ ⴱⴰⵔⴰⴷⵉ ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⴽⵉⴱⵉⴽ ⴷ ⵜⵏⵙⵙⵉⵅⴼⵜ  ⵏ ⵓⵙⵏⴰⵜⵓⵔ ⴰⴼⴰⵕⴰⵏⵚⵉ ⴼⵕⴰⵏⵚⵡⴰ ⴼⵔⴰⵙⵙ, ⵓⵙⵙⴰⵏ ⵏ 14 ⴷ 15 ⵎⴰⵢ 2022.

ⵢⵓⵎⴰ ⵓⴽⴰⴱⴰⵕⴰ ⴰⴷ: ⵎⴰⵙⵙ ⵎⵓⵃⴰⵎⵎⴰⴷ ⵖⵉⵢⵢⴰⵜ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙⵙⴰ ⴰⵎⴰⵍ ⵍⵄⵓⵎⴰⵕⵉ ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵏ ⵜⴰⵎⵓⵏⵜ ⵜⴰⵎⵖⵔⵉⴱⵉⵜ ⵏ ⵜⵡⵡⵓⵔⵉ. ⵉⴹⴼⵕ ⵜⴰⵡⵡⴰⵓⵔⵉ ⵏ ⵜⵙⵇⵇⵉⵎⵜ: ⵎⴰⵙⵙ ⵢⴰⵙⵉⵏ ⵍⵎⵔⵙ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙⴰ ⵏⴰⵀⵉⴷ ⴱⵏⵏⴰⵏⵉ ⵙⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ.

ⴳ ⵜⵙⵎⵓⵏⵉ ⴰⴷ, ⵉⵎⴹⴰⴽⴰⵕ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴰⴽⴷ ⵉⴱⵕⵍⴰⵎⴰⵏⵉⵢⵏ ⴼ ⵓⵖⴰⵡⴰⵙ ⵏ ⵜⵡⵡⵓⵔⵉ ⴳ ⵍⵍⴰⵏⵜ ⴽⵉⴳⴰⵏ ⵏ ⵜⵏⵇⵇⴰⴷ ⴰⵎ ⴰⵙⵓⵔⵙ ⴰⵙⵔⵜⴰⵏ ⴳ ⵜⵙⴳⴰ ⵜⴰⴼⵕⴰⵏⴽⵓⴼⵓⵏⵉⵜ, ⵜⵉⵍⴰⵍⵜ ⵏ ⵜⵓⵙⵙⵏⴰ, ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴷⵉⵎⵓⵇⵔⴰⵟⵉⵜ, ⴰⴼⵔⴰⴳ ⵏ ⵓⴼⵔⴰ, ⵜⵉⵍⴰⵍ ⵏ ⵉⴱⵕⵍⴰⵎⴰⵏⵏ, ⴰⵙⵎⵔⵙ ⵏ ⵜⵓⵜⵍⴰⵢⵜ ⵜⴰⴼⵕⴰⵏⵚⵉⵙⵜ ⴳ ⵜⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵓⵙⵎⴰⵢⵏⵓ ⵏ ⵓⵏⴳⵔⴰⵡ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵕⴰⵏⴽⵓⴼⵓⵏⵉⵜ.

ⵉⵙⵎⵏⵉⴷ ⵓⴽⴰⴱⴰⵕ ⴰⴷ ⵓⵍⴰ ⵉⵙⵙⵉⵙⴼⵉⵡⵏ ⴼ ⵓⵏⵇⵇⵉⵙ ⴼ ⵉⵙⵓⵔⵙⵏ ⵉⵙⵔⵜⴰⵏⵏ ⴳ ⵓⵙⴰⵢⵔⵓⵔ ⴰⴼⵕⵏⴽⵓⴼⵓⵏⵉ ⴷ ⵜⵣⴳⴰⵍⵉⵏ ⵍⵍⵉ ⴳⵉⵙ ⵍⵍⴰⵏⵉⵏ, ⵉⵙⴷⴷⵉⴷ ⴰⴷ ⵉⵍⵉⵏ ⵉⵏⵖⵎⵉⵙⵏ ⵙⴳ ⵉⵖⴱⵓⵍⴰ ⵏⵏⵙⵏ ⴷⵓⵙⵏⵉⵏ.

ⵉⵍⵍⴰ ⵓⵍⴰ ⵓⵙⵎⵏⵉⴷ ⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵢⵉⴳⵔ ⵏ ⵓⵣⵡⴰⴳ ⵉⴳⴰⵏ ⵡⵉⵏ ⵜⵏⴼⵔⵓⵜ, ⵙ ⵓⵣⴷⴷⵓⵢ ⴷ ⵉⵎⴷⵔⴰⵡⵏ ⵏⵏⵙ ⵖ ⵜⵍⵍⴰ ⵚⴱⴰⵏⵢⴰ ⵉⵙⵏⴼⵍⵏ ⴰⴷⴷⴰⴷ ⵏⵏⵙ ⵜⵉⴳⴰⵔⵉⵡⵉⵏ ⴰⴷ ⵅⴼ ⵜⵎⵙⴰⵔⵜ ⵏⵏⵖ ⵜⴰⵏⴰⵎⵓⵔⵜ ⵜⴰⵎⵣⵡⴰⵔⵓⵜ. ⵉⵍⵍⴰ ⵓⵍⴰ ⵓⵙⵎⵏⵉⴷ ⵏ ⵜⴷⵉⴱⵍⵓⵎⴰⵙⵉⵜ ⵏ ⵍⵎⵖⵔⵉⴱ ⵃⵎⴰ ⴰⴷ ⵢⵉⵍⵉ ⵓⴼⵙⵙⴰⵢ ⵏ ⵓⵎⵓⴽⵔⵉⵙ ⴰⴷ ⵖ ⵜⴽⵛⵎ ⴷⴷⵣⴰⵢⵔ ⵉⵙⵏⴰⵍⵏ ⵜⴰⴳⴷⵓⴷⴰⵏⵜ ⵏ ⵎⴰⵔⵓⵔ, ⵜⴳ ⵎⴳⴰⵍ ⵏ ⵍⵎⵖⵔⵉⴱ ⴳ ⵓⵙⵡⵉⵔ ⵏ ⵉⴼⵔⵉⵇⵢⴰ. ⵢⵉⵍⵉ ⵓⵎⴹⴽⴰⵕ ⵓⵍⴰ ⴼ ⵓⵙⴰⵔⵓ ⵏ ⵍⴳⴰⵣ ⵉⵍⵍⵏ ⵙⴳ ⵏⵉⵊⵉⵔⵢⴰ ⴰⵔ ⵍⵎⵔⵉⴱ ⴷ ⵓⵕⵓⴱⴱⴰ, ⵍⵍⵉ ⵔⴰⴷ ⵉⴳ ⵢⴰⵏ ⵉⵎⵉⵙⵙ ⵏ ⵜⴳⵎⵉ ⵜⴰⴷⵎⵙⴰⵏⵜ ⴳ ⵜⵙⴳⴰ ⵏ ⵉⵥⵥⵍⵎⴹ ⴷ ⴳⵔⵡⵜ ⵏ ⵉⴼⵔⵉⵇⵢⴰ.

ⵔⴰⴷ ⵢⵉⵍⵉ ⵓⵙⵖⵣⵏ ⵏ ⵓⵏⵇⵇⵉⵙ ⴳ ⵓⴳⵔⴰⵡ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵕⴰⵏⴽⵓⴼⵓⵏⵉⵜ ⵉⵍⵍⴰⵏ ⵙⴳ 5 ⴰⵔ 9 ⵢⵓⵍⵢⵓⵣ ⴳ ⴽⵉⴳⴰⵍⵉ.

ⵉⵙⵏⵎⴰⵍⴰ ⵓⴽⴰⴱⴰⵔ ⴰⵎⵖⵔⵉⴱⵉ ⵓⵍⴰ ⴰⵏⵎⵓⵇⵇⴰⵔ ⴷ ⵎⴰⵙⵙ ⴼⵕⴰⵏⵚⵡⴰ ⴱⴰⵔⴰⴷⵉ ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴽⵉⴱⵉⴽ, ⴳ ⵉⵍⵍⴰ ⵓⵙⵓⵜⴳ ⵏ ⵎⵢⴰⵡⴰⵙ ⴰⴱⵕⵍⴰⵎⴰⵏⵉ  ⴷ ⵓⵎⴹⴰⴽⴰⵕ ⵅⴼ ⵉⵙⵏⵜⵍⵏ ⵏ ⵜⵙⵓⵜⵍⵜ ⵜⵉⵙ ⵚⴹⵉⵙⵜ ⵏ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ ⵍⵎⵖⵔⵉⴱ ⵍⴽⵉⴱⵉⴽ ⴳ ⴽⴰⵏⴰⴹⴰ ⵍⵍⵉ ⵓⵔ ⵉⵜⵜⵓⵙⴽⴰⵔⵏ ⴳ ⵎⴰⴷ ⵉⵣⵔⵉⵏ ⵙ ⵓⴱⴰⵢⵢⵓⵕ ⵏ ⴽⵓⴼⵉⴷ 19.