ⴰⵏⵎⵓⵇⵇⴰⵔ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵉⵎⵣⵡⴰⴳ ⴷ ⵜⴰⵡⵊⵉⵡⵉⵏ ⵏⵏⵙⵏ, ⴰⵙⵓⵜⴳ ⵏ ⵜⵎⵢⴰⴷⴰⵙⵜ ⵏ ⵍⵎⵖⵔⵉⴱ ⴳ ⵓ ⵢⵉⴳⵔ ⵏ ⵓⵣⵡⴰⴳ ⴷ ⵓⵙⴷⴷⵉⴷ ⴼ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ.

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ 13 ⵎⴰⵢ 2022 ⵎⴰⵙⵙ ⵉⴷⴳⴰⵔ ⴽⵓⵔⵣⵓ ⵙⵓⵙⴰ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵉⵎⵣⵡⴰⴳ ⴷ ⵜⴰⵡⵊⵉⵡⵉⵏ ⵏⵏⵙⵏ.

ⴳ ⵜⵣⵡⵉⵔⵉ, ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⴰⴷ ⴷ ⵓⴽⴰⴱⴰⵕ ⵏⵏⵙ , ⵉⵙⵓⵜⴳ ⴰⵏⵎⵓⵇⵇⴰⵔ ⴰⴷ ⵉⵥⵍⵉⵏ ⴷ ⵓⵎⴹⴰⴽⴰⵕ ⴼ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵉⵎⵣⵡⴰⴳ ⴷ ⵜⴰⵡⵊⵉⵡⵉⵏ ⵏⵏⵙⵏ ⵙ ⵓⵣⵣⵔⴰⴼ ⴷ ⵜⵉⴹⴰⴼ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⵉ ⵓⵙⵎⵖⵔ ⵏ ⵉⵣⵔⴼⴰⵏ ⵏ ⵉⵎⵙⵡⵓⵔⵉⵢⵏ ⵉⵎⵣⵡⴰⴳ ⴷ ⵓⴼⵔⴰⴳ ⵏⵏⵙⵏ.

ⴳ ⵓⵎⵏⵉⴷ ⵏⵏⵙ, ⵉⵙⵏⵉⵎⵎⵔ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵉⵣⵡⴰⴳ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⵙⴱⵔⵔⴽ, ⵉⵙⵓⵜⴳ ⵜⵉⵎⵙⴽⴰⵔ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⴽⵓ ⵉⵙⵡⵉⵔⵏ, ⵉⴱⴷⴷ ⴼ ⵜⵉⵔⵎⵉⵜ ⵏ ⵍⵎⵖⵔⵉⴱ ⴳ ⵓⵙⵎⴽⵍ ⵏ ⵜⵎⵙⴰⵔⵉⵏ ⵏ ⵉⵎⵣⵡⴰⴳⵏ ⴷ ⵓⴼⵔⴰⴳ ⵏ ⵉⵣⵔⴼⴰⵏ ⵏⵏⵙⵏ ⴷ ⵡⵉⵏ ⵜⴰⵡⵊⵉⵡⵉⵏ ⵏⵏⵙⵏ ⴳ ⵜⴷⵎⵙⴰ ⴷ ⵓⵙⵙⵍⵎⴷ  ⴷ ⵜⴷⵓⵙⵉ. ⵉⵙⴰⵡⵍ ⵓⵍⴰ ⴼ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴳ ⵉⴳⵔⴰⵏ ⵏ ⵓⵣⵣⵔⴰⴼ ⴷ ⵓⵎⵙⴰⵙⴰ ⵏ ⵉⵙⵍⴳⵏⵏ ⵉⵏⴰⵎⵓⵔⵏ ⴷ ⵜⵉⴷⴰⴼ ⵏ ⵜⵡⵡⵓⵔⵉ ⵜⵓⵏⴱⵉⴹⵜ, ⴷ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵉⵎⵣⵡⴰⴳ ⵏ ⵉⵎⵖⵔⵉⴱⵉⵢⵏ ⴳ ⴽⵓ ⵜⵉⵎⵉⵣⴰⵔ.

ⴳ ⵓⵎⴹⴰⴽⴰⵕ ⴰⴷ, ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵔⵎⵉⵜ ⵏ ⵍⵎⵖⵔⵉⴱ ⴳ ⵢⵉⴳⵔ  ⵏ ⵓⵣⵡⴰⴳ, ⵉⴱⴷⴷ ⴼ ⵓⵎⵎⵉⵥⵏ ⵍⵍⴰⵏⵉⵏ ⴳ ⵉⵙⵡⵉⵔⵏ ⵏ ⵓⵙⵍⴳⵏ ⴷ ⵓⴷⵡⴰⵙ ⴷ ⵓⵙⵙⵍⵎⴷ ⵍⵍⵉ ⵜⵜⵓⵙⴽⴰⵔⵏⵉⵏ ⵉ ⵚⴰⵃⴰ ⵏ ⵉⵎⵣⵡⴰⴳⵏ, ⵉⵙⵙⴽⵜⵉⴷ ⵎⴰⴷ ⵉⵜⵜⵓⵙⴽⴰⵔⵏ ⴳ ⵓⵎⵏⵉⴷ ⵏ ⵓⵙⵡⵓⴷⴷⵓ ⵏ ⵓⴱⴰⵢⵢⵓⵕ ⴽⵓⴼⵉⴷ 19 ⵍⵍⵉⵖ ⴰⵙⵏ ⵉⵜⵜⵓⴼⴽⴰ ⵓⴳⵣⵣⴰⵢ ⵜⴰⵔ ⴰⵙⵏⵓⵃⵢⵓ. ⵉⵙⴰⵡⵍ ⵓⵏⵙⵙⵇⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵉⵣⵔⴼⴰⵏ ⵍⵍⵉ ⵜⴼⵔⴰⴳⵏⵉⵏ ⵉⵎⵣⵡⴰⴳ ⴷ ⵜⴰⵡⵊⵉⵡⵉⵏ ⵏⵏⵙⵏ ⵙⵍⴰⵡⴰⵏ ⴰⴽⴽⵯ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵙⴰⵏⵏ ⴷ ⵡⵉⵏ ⵓⵙⵙⵍⵎⴷ. ⵢⵉⵏⵉ ⵎⴰⵙ ⵉⴹⴼⵕ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⴷⵉⵏⴰⵎⵉⵜ ⴰⴷ ⵙ ⵓⵣⵣⵔⴰⴼ ⴷ ⵜⵉⴹⴰⴼ.

ⵉⴳⴰ ⵓⵙⵏⵓⴱⴳ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵏ ⵎⴰⵙⵙ ⵉⴷⴳⴰⵔ ⴽⵓⵔⵣⵓ ⵙⵓⵙⴰ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵓⴼⵔⴰⴳ ⵏⵉⵣⵔⴼⴰⵏ ⵏ ⵉⵎⵣⵡⴰⴳ ⴷ ⵜⴰⵡⵊⵉⵡⵉⵏ ⵏⵏⵙⵏ ⵜⴰⵎⵍⴰⴷ ⵏ ⵓⵙⵏⴼⵍ ⵏ ⵜⴰⵏⵏⴰⵢⵉⵏ ⵅⴼ ⵜⵎⵙⴰⵔⵉⵏ ⵏ ⵓⵣⵡⴰⴳ ⴷ ⵉⵎⴰⵙⵙⵏ ⵏ ⵓⵣⴷⴷⵓⵢ ⴷ ⵓⵎⵢⴰⵡⴰⴹ ⴷ ⵓⵎⵛⴰⵡⴰⵕ ⴰⴱⵕⵍⴰⵎⴰⵏⵉ ⵉ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵉⵎⵣⵡⴰⴳ.