ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴽⴰⴱⴰⵕ ⵏ ⴽⴰⵏⴰⴹⴰ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ 12 ⵎⴰⵢ 2022 ⵎⴰⵙⵙ ⵕⵓⴱⵉⵕⵟ ⵓⵍⵉⴼⴰⵏⵜ ⴰⵙⵉⴽⵔⵉⵜⵉⵔ ⴰⴱⵕⵍⴰⵎⴰⵏⵉ ⵏ ⵜⵎⴰⵡⵙⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⵛⴰⵏⴰⴹⴰ ⴷ ⵓⴽⴰⴱⴰⵕ ⵏⵏⵙ ⴳ ⵉⵍⵍⴰ ⵎⴰⵙⵙ ⵎⴰⵔⴽ ⴷⴰⵍⵜⵓⵏ ⴷ ⵎⴰⵙⵙⴰ ⵏⵉⵍ ⵙⵜⵉⵡⴰⵔⵜ ⵜⴰⵎⵙⵇⵇⴰⴷⵜ ⵏ ⴽⴰⵏⴰⴹⴰ ⴳ ⵍⵎⵖⵔⵉⴱ.
ⵙⵓⵜⴳⵏ ⵙⵉⵏ ⵉⵎⵙⵜⴳⴳⴰⵔⵏ ⴰⵙⵡⵉⵔ ⵉⵥⵉⵍⵏ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⴽⴰⵏⴰⴹⴰ , ⵍⵍⵉⵖ ⵎⵇⵇⵓⵔⵏⵉⵏ ⵜⵉⴳⴰⵔⵉⵡⵉⵏ ⴰⴷ ⵙ ⵜⵎⵢⴰⵇⵇⴰⵏⵉⵏ ⵏ ⵓⵎⵢⴰⵡⴰⵙ ⴷ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵓⵎⵛⴰⵡⴰⵕ ⴷ ⵓⵣⴷⴷⵓⵢ ⵅⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ ⴰⵎ ⴰⵣⵡⴰⴳ ⴷ ⵜⵏⴼⵔⵓⵜ ⴷ ⵓⵙⴱⴷⴷⵓ ⵏ ⵓⴱⵔⵙⵙⵉⵡⴷ ⴷ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴷ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵓⴼⵔⴰⴳ ⵏ ⵡⴰⵡⵏⴰⴹ ⴷ ⵜⴷⵎⵙⴰ ⵜⴰⵣⴳⵣⴰⵡⵜ ⴷ ⵓⵙⵏⴼⵍ ⴰⴷⵎⵙⴰⵏ ⴷ ⵓⵙⵙⴰⵔⵓ ⴷ ⵜⵎⴰⵍⵍⴰⵢⵜ. ⵙⴷⴷⵉⴷⵉⵏ ⴼ ⵡⴰⵜⵉⴳ ⵏ ⵜⵎⵔⵙⵍⵜ ⵜⴰⴱⵕⵍⴰⵎⴰⵏⵉⵜ ⴳ ⵉⵙⵡⵉⵔⵏ ⴰⴷ.
ⵍⵍⴰⵏ ⵉⵎⴹⴰⴽⴰⵕⵏ ⵓⵍⴰ ⴼ ⵜⵉⵔⵎⵉⵜ ⵜⴰⴱⵕⵍⴰⵎⴰⵏⵉⵜ ⵊⴰⵔ ⵙⵏⴰⵜ ⵜⵎⵉⵣⴰⵔⴳ ⴽⵓ ⵉⵙⵡⵉⵔⵏ ⴷ ⵓⵙⵡⵓⴷⴷⵓ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19, ⴷ ⵓⵎⵢⴰⵡⴰⵙ ⵊⴰⵔ ⵏⵏⵙⵏ ⴼ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⵉⵕⵡⵉ ⵜⴰⵥⵕⴼⴰⵏⵜ ⴷ ⵓⵙⴼⵙⵉ ⵏ ⵜⵎⵙⴰⵙⵜⵍⵜ ⴷ ⵜⵓⵍⴽⵉⵎⵉⵏ ⴷ ⵜⵓⵜⵔⴰⵡⵉⵏ, ⵙⴰⵡⵍⵏ ⵙⵉⵏ ⵉⵎⵙⵜⴳⴳⴰⵔⵏ ⴼ ⵓⵙⵎⵖⵔ ⵏ ⵓⵎⵢⴰⵡⴰⵙ ⴰⴷ ⵙ ⵜⵔⵓⴱⴱⴰ ⵏ ⵜⴷⴷⵓⴽⴽⵍⴰ ⴷ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ ⵍⴽⵉⴱⵉⴽ ⴷ ⵜⴰⵎⵓⵏⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⴰⵏⵎⵏⴰⴹⵜ ⴷ ⵜⴳⵔⴰⵖⵍⴰⵏⵜ.
ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵏ ⵓⵔⵣⵣⵓ ⴷ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵅⴼ ⵜⵎⵙⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵎⵣⵡⵓⵔⴰ.