ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵎⴹⴰⴽⴰⵕⵏ ⵏ ⵉⵏⵙⵙⵉⵅⴼⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⴱⵕⵍⴰⵎⴰⵏ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ 9 ⵎⴰⵢ 2022, ⵎⴰⵙⵙ ⵊⵉⵏⵏⴰⵔⵓ ⵎⵉⴳⵍⵢⵓⵔ ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ ⵉⵍⵍⴰⵏ ⴳ ⵓⵔⵣⴰⴼ ⵉ ⵜⵎⴰⵣⵉⵔⵜ ⵏⵏⵖ.
ⵉⵙⴷⴷⵉⴷ ⵎⴰⵙⵙ ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵓⵏⴰⵎⵎⴰⵙ ⴼ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴷ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵜⵉⵎⵉⵣⴰⵔ ⵏ ⵜⵙⴳⴰ ⴰⴷ ⴳ ⵜⵏⴷⴼⵔⵓⵜ ⴷ ⵜⵥⴹⴰⵕⵜ ⵜⴰⵎⴰⵢⵏⵓⵜ ⴷ ⵡⴰⵎⴰⵏ ⴷ ⵓⵏⵣⵡⵉ.
ⵢⵉⵏⵉ ⵎⴰⵙ ⴰ ⵜⵜⴰⵡⵙ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵓⵙⵉⴷⴼ ⵊⴰⵔ ⵜⵉⵎⵉⵣⴰⵔ ⵏ ⵓⵏⴰⵎⵎⴰⵙ ⵙ ⵓⴷⵖⴰⵔ ⵏⵏⵙ ⴰⵊⵢⵓ ⴰⵙⵜⵔⴰⵜⵉⵊⵉ ⵜⴰⵡⵙ ⵓⵍⴰ ⴳ ⵓⵙⴽⵔ ⵏ ⵓⵙⴰⵢⵔⵓⵔ ⴳ ⵜⵍⵍⴰ ⵜⵏⴼⵔⵓⵜ ⴷ ⵓⵔⴳⴳⵉⴳ ⴷ ⵜⴳⵎⵉ.
ⴳ ⵓⵎⵏⵉⴷ ⵏⵏⵙ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵡⴰⵜⵉⴳ ⵏ ⵉⴱⵕⵍⴰⵎⴰⵏⵏ ⵏ ⵓⵏⴰⵎⵎⴰⵙ ⴳ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵣⴷⵉⵏⵉⵏ ⴷ ⵜⵏⴼⵔⵓⵜ ⴷ ⵓⵜⵛⵓ ⴷ ⵓⵔⴳⴳⵉⴳ ⴷ ⵜⴷⵎⵙⴰ ⵜⴰⵣⴳⵣⴰⵡⵜ ⴷ ⵓⵣⵡⴰⴳ.
ⵉⵖⵔ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵉ ⵓⵙⴷⵓⵙ ⵏ ⵓⵎⵛⴰⵡⴰⵕ ⴰⴽⴷ ⵉⴱⵕⵍⴰⵎⴰⵏⵏ ⵏ ⵙⵙⴰⵃⵉⵍ ⴷ ⵚⵚⵃⵕⴰ ⴷ ⵓⵣⴷⴷⵓⵢ ⴰⴽⴷ ⵉⵡⴰⵏⴽⵏ ⵏ ⵉⴼⴼⵓⵙ, ⵢⵓⵊⴰⴷ ⵓⵙⵇⵇⵉⵎ ⵏ ⵉⵎⵓⵔⴰ ⴰⴷ ⵉⴷⵔⵓ ⴳ ⵜⵙⵏⵜⴰⵢⵉⵏ ⵏ ⵓⴱⵕⵍⴰⵎⴰⵏ ⵏ ⵓⵏⴰⵎⵎⴰⵙ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵜⵡⵉⵣⵉ.
ⵉⴳⴰ ⵓⴱⵕⵍⴰⵎⴰⵏ ⵏ ⵓⵏⴰⵎⵎⴰⵙ ⵜⴰⵎⴰⴷⴷⴰⵙⵜ ⵜⴰⴳⵔⴰⵖⵍⵍⴰⵏⵜ ⵉⵜⵜⵓⵙⴽⴰⵔⵏ ⴳ 2005 ⵙⴳ ⵉⴱⵕⵍⴰⵎⴰⵏⵏ ⵏ ⵜⵙⴳⴰ ⴰⴷ, ⵜⵡⴰⵜⵜⵙ ⴰⵎⵢⴰⵡⴰⵙ ⴰⵙⵔⵜⴰⵏ ⴷ ⵓⴷⵎⵙⴰⵏ ⴷ ⵓⵏⴰⵎⵓⵏ ⴷ ⵜⵡⴰⴼⵉⵜ ⵏ ⵉⴼⵙⵙⴰⵢⵏ ⵉ ⵜⵏⴰⵣⴰⵕⵉⵏ ⵍⵍⴰⵏⵉⵏ ⴷⴰⵜ ⵏ ⵜⵎⵉⵣⴰⵔ ⵏ ⵓⵏⴰⵎⵎⴰⵙ ⴷ ⵓⵙⴽⵔ ⵏ ⵓⴷⵖⴰⵔ ⵏ ⵓⴼⵔⴰ ⴷ ⵓⵎⵙⴰⵡⴰⵍ ⴷ ⵥⵥⵀⵕⵜ.