ⴰⵎⴹⴰⴽⴰⵕ ⵏ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵏⴳⴳⵯⵓⵜ ⵏⵏⵙ ⵜⴰⵕⵓⵎⴰⵏⵉⵜ
ⵜⵎⴹⴰⴽⴰⵕ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙⴰ ⴱⵉⵕⵓ ⵕⵓⵥⴰⵍⵢⴰ ⵍⴱⵓⵢⴰ ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵙⵔⵜⵉⵜ ⵏ ⴱⵕⵕⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵕⵓⵎⴰⵏⵢⴰ, ⴰⵙⵙ ⵏ 5 ⵎⴰⵢ 2022. ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵙⵏⴰⵜ ⵜⵙⵇⵇⵉⵎⵉⵏ.
ⵜⵉⵏⵉ ⵎⴰⵙⵙ ⴱⵓⵄⵉⴷⴰ ⵎⴰⵙ ⵥⵉⵍⵏⵜ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⵓⵎⵣⵔⵓⵢ ⴷ ⵜⵉⵍⵉⵜ, ⴷ ⵔⴰⴷ ⵉⴳ ⵓⵏⵎⵓⵇⵇⴰⵔ ⴰⴷ ⵜⴰⵣⵡⵉⵔⵉ ⵉ ⵉⵏⵓⵇⵇⴰⵔⵏ ⵢⴰⴹⵏⵉⵏ ⴳ ⵕⵕⴱⴰⵟ ⴷ ⴱⵓⵅⴰⵔⵉⵙⵜ. ⵜⵉⵏⵉ ⵓⵍⴰ ⵎⴰⵙ ⵉⵍⴽⵎ ⵓⴽⵜⵜⵓⵢ ⵡⵓⵙ 60 ⵏ ⵓⵙⴳⴳⵯⴰⵙ ⴼ ⵜⵣⴷⴰⵢⵉⵏ ⵜⵉⴷⵉⴱⵍⵓⵎⴰⵙⵉⵢⵉⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵕⵓⵎⴰⵏⵢⴰ, ⵜⵉⵣⴷⴰⵢⵉⵏ ⵍⵍⴰⵏⵉⵏ ⵙ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵓⵣⵎⵎⴻⵎ ⵏ ⵜⵎⵢⴰⵇⵇⴰⵏⵉⵏ ⵜⵉⴷⵎⵙⴰⵏⵉⵏ ⴷ ⵜⴷⵍⵙⴰⵏⵉⵏ ⴷ ⵜⵎⴰⵙⵙⴰⵏⵉⵏ. ⵎⵎⴰⵖⵏⵜ ⵙⵏⴰⵜ ⵜⵎⵉⵣⴰⵔ ⵉ ⵓⵙⴷⵓⵙ ⵏⵏⵙⵏ ⵉ ⵚⴰⵃⴰ ⵉ ⵙⵉⵏ ⵉⵎⴰⴷⴰⵏⵏ ⴷ ⵜⴷⴷⵓⴽⴽⵯⵍⴰ ⵊⴰⵔ ⵏⵏⵙⵏ.
ⵜⵙⴰⵡⵍ ⵎⴰⵙⵙ ⴱⵓⵄⵉⴷⴰ ⵏ ⵜⵉⵕⵡ ⵏ ⵜⵣⴷⴰⵢⵉⵏ ⵜⵉⴷⵉⴱⵍⵓⵎⴰⵙⵉⵢⵉⵏ ⴷ ⵜⵙⵔⵜⴰⵏⵉⵏ ⵊⴰⵔ ⵍⵎⵖⵔⵉⴱ ⴷ ⵕⵓⵎⴰⵏⵢⴰ, ⵜⵖⵔ ⵉ ⵓⵙⵎⵖⵔ ⵏ ⵜⵣⴷⴰⵢⵉⵏ ⵏ ⵓⵙⵖⵏⵣⵉ ⴷ ⵜⴷⵎⵙⴰ ⵍⵍⵉ ⵙⵓⵍ ⴷⵔⵓⵙⵏⵉⵏ. ⵜⵖⵔ ⵓⵍⴰ ⵉ ⵜⵙⵇⵇⵉⵎⵉⵏ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵙⵏⴰⵜ ⵜⵎⵉⵣⴰⵔ ⵉ ⴽⵉⴳⴰⵏ ⵏ ⵜⵓⴳⴳⵯⴰⵙ ⵉ ⵓⵙⵎⵖⵔ ⵏ ⵜⵡⵡⵓⵔⵉ ⵉⵛⵛⴰⵔⵏ ⵊⴰⵔ ⵜⵏⴱⴰⴹⵉⵏ ⵏ ⵙⵏⴰⵜ ⵜⵎⵉⵣⴰⵔ ⴷ ⵓⵙⴷⵓⵙ ⵏ ⵓⵎⵢⴰⵇⴰⴹ ⵊⴰⵔ ⵉⴷ ⴱⴰⴱ ⵏ ⵜⵡⵡⵓⵔⵉ ⵖⵎⴽ ⴰⵏⵏ ⴷ ⵓⵎⵢⴰⵡⴰ ⴰⴷⵍⵙⴰⵏ ⵊⴰⵔ ⵉⵎⵙⵜⴳⴳⴰⵔⵏ ⵏ ⵉⵎⴰⴷⴰⵏⵏ ⵉⵎⴷⴷⵓⴽⴽⵯⴰⵍ.
ⵜⵉⵏⵉ ⵎⴰⵙⵙ ⴱⵓⵄⵉⴷⴰ ⵎⴰⵙ ⵔⴰⴷ ⵉⵎⵖⵔ ⵓⵎⵢⴰⵡⴰⵙ ⵊⴰⵔ ⵍⵎⵖⵔⵉⴱ ⴷ ⵕⵓⵎⴰⵏⵢⴰ ⵙ ⵓⵔⴳⴳⵉⴳ ⴰⵙⵔⵜⴰⵏ ⵉⵍⵍⴰⵏ ⴳ ⵙⵏⴰⵜ ⵜⵎⵉⵣⴰⵔ ⵍⵍⵉ ⵉⵎⵓⵏⵏ ⴷ ⵜⴷⵉⵎⵓⵇⵔⴰⵟⵉⵜⵏ ⵖⵎⴽ ⵍⵍⵉ ⴷⴰⵔⵙⵏ ⴰⴳⵏⴰⵔ ⴰⵏⴼⴳⴰⵏ ⴷ ⵓⴳⴰⵎⴰⵏ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⴽⵔ ⵏ ⵜⴳⵎⵉ ⵉⵙⵓⵍⵏ ⴷ ⵓⵚⴽⵓ ⵏ ⵓⵎⴰⴹⴰⵍ ⵉⴱⴷⴷⵏ ⴼ ⵓⵡⵇⵇⵔ ⵉⵜⵜⵓⵙⵏⴼⴰⵍⵏ ⴷ ⵓⵎⵢⴰⵡⴰⵙ ⵊⴰⵔ ⵉⵎⴰⴷⴰⵏⵏ ⴷ ⵜⵎⵜⵜⵉⵡⵉⵏ.
ⴳ ⵓⵎⵏⵉⴷ ⵏ ⵜⵢⴰⵏⵜ ⵜⴰⵏⴰⴽⴰⵍⵜ, ⵜⵙⵓⵜⴳ ⵎⴰⵙⵙⴰ ⴱⵓⵄⵉⴷⴰ ⴰⴷⴷⴰⴷⵏ ⵏ ⵕⵓⵎⴰⵏⵢⴰ ⵅⴼ ⵜⵎⵓⴽⵔⵉⵙⵜ ⵉⵜⵜⵓⵙⴽⴰⵔⵏ ⴼ ⵜⵎⵖⵔⵉⴱⵉⵜ ⵏ ⵚⵚⵃⵕⴰ.
ⵜⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙⴰ ⵏⴰⴷⵢⴰ ⵍⵇⵏⵚⵓⵔⵉ ⵜⴰⴳⵎⴰⵎⵜ ⵏ ⵜⵙⵇⵇⵉⵎⵜ ⵏ ⴱⵕⵕⴰ.