ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵉⵏⵏⴰⵡⵜ ⴼ : “ⴰⵔⵣⵣⵓ ⴷ ⵜⵎⵙⴽⵔⵜ ⵜⴰⴷⵉⵎⵓⵇⵔⴰⵟⵉⵜ ⵏ ⵜⵎⵔⵙⴰⵍⵜ ⵜⵉⵣⵣⵔⴰⴼⵉⵏ ⴼ ⵛⵛⵉⵏⵡⴰ ⴷ ⵉⴼⵔⵉⵇⵢⴰ”

ⴷⵔⵓⵏ ⵉⵎⵓⵔⴰ ⵎⴰⵙⵙ ⵎⵓⵃⴰⵎⵎⴰⴷ ⵓⵣⵣⵉⵏ ⴷ ⵎⴰⵙⵙⴰ ⵣⴰⵢⵏⴰ ⵉⴷⵃⵍⵉ, ⴰⵙⵙ ⵏ 26 ⵉⴱⵔⵉⵔ 2022 ⴳ ⵜⵉⵏⴰⵡⵜ ⵏ ⵜⵎⵙⵎⵓⵏⵜ ⵜⴰⵎⴷⵏⴰⵏⵜ ⵜⴰⵏⴰⵎⵓⵔⵜ ⴳ ⵛⵛⵉⵏⵡⴰ ⴰⴽⴷ ⵉⴱⵕⵍⴰⵎⴰⵏ ⵏ ⵉⴼⵔⵉⵇⵢⴰ ⵜⴰⴼⵕⴰⵏⴽⵓⴼⵓⵏⵉⵜ ⵓⵙⵙⴰⵏ ⵏ 26 ⴷ 27 ⵉⴱⵔⵉⵔ ⴼ: “ⴰⵔⵣⵣⵓ ⴷ ⵜⵎⵙⴽⵔⵜ ⵜⴰⴷⵉⵎⵓⵇⵔⴰⵟⵉⵜ ⵏ ⵜⵎⵔⵙⴰⵍⵜ ⵜⵉⵣⵣⵔⴰⴼⵉⵏ ⴼ ⵛⵛⵉⵏⵡⴰ ⴷ ⵉⴼⵔⵉⵇⵢⴰ”.

ⵉⵙⴷⴷⵉⴷ ⵎⴰⵙⵙ ⵓⵣⵣⵉⵏ ⴳ ⵜⴳⵓⵔⵉ ⵏⵏⵙ ⵖ ⵜⵖⵉⵎⵉⵜⵉ ⵉⵥⵍⵉⵏ ⵙ ⵓⵡⵇⵇⵔ ⵏ ⵜⵉⵔⴰⵜ ⵏ ⵓⵎⴰⴷⴰⵏ ⴳ ⵓⵣⵣⵔⴰⴼ ⵎⴰⵙ ⵉⵙⴷⵓⵙ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵏ 2011 ⵜⴰⴷⵉⵎⵓⵇⵔⴰⵟⵉⵜ ⵜⴰⵎⴷⵔⴰⵡⵜ ⵍⵍⵉⵖ ⵉⴼⴽⴰ ⵉⵣⵔⴼⴰⵏ ⵉ ⵉⵏⵎⵓⵔⴰⵏ ⴷ ⵡⴰⵎⵓⵏ ⴰⵖⵔⵎⴰⵏ ⴳ ⵓⵙⵡⵓⴷⴷⵓ ⵏ ⵜⵖⴰⵡⵙⴰ ⵜⴰⵎⴰⵜⴰⵢⵜ, ⵙ ⵜⵡⵉⵙⵉ ⵏ ⵉⵏⵎⵓⵔⴰⵏ ⴳ ⵓⵣⵣⵔⴰⴼ ⴷ ⵓⵙⴱⵓⵖⵍⵓ ⵏ ⵓⵎⴹⴰⴽⴰⵕ ⴰⴳⴷⵓⴷⴰⵏ ⵅⴼ ⵜⵙⵔⵜⴰⵢ ⴷ ⵜⵙⵏⵜⴰⵢⵉⵏ ⵏ ⵓⵙⵡⵓⴷⴷⵓ ⴰⴷ.

ⵉⵙⴰⵡⵍ ⵓⵍⴰ ⴼ ⵓⵎⵓⵔⵙ ⵏ ⵜⵎⴰⵣⵉⵔⵜ ⵏⵏⵖ ⴳ ⵓⵙⴷⵙⵜⵔ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ ⴷ ⵜⵉⵍⵉⵜ ⵏⵏⵙ ⴳ ⵓⵣⵣⵔⴰⴼ ⵙ ⵓⵙⵖⵣⵏ ⵏ ⵉⵙⵍⴳⵏⵏ ⵉⵎⴰⴷⴷⴰⵙⵏ ⵏ ⵜⵓⵍⴽⵉⵎⵉⵏ ⴷ ⵜⵓⵜⵔⴰⵡⵉⵏ ⴳ ⵓⵣⵣⵔⴰⴼ ⴷ ⵓⵙⴽⵛⵎ ⵏ (ⵜⴷⵉⵎⵓⵇⵔⴰⵟⵉⵜ ⵜⴰⵎⴷⵔⴰⵡⵜ) ⴳ ⵓⵙⵍⴳⵏ ⴰⴳⵯⵏⵙⴰⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ.

ⵉⴱⴷⵔ ⵎⴰⵙⵙ ⵓⵣⵣⵉⵏ ⵜⵓⴳⴳⴰⵙ ⵜⵜⵓⵙⴽⴰⵔⵏⵉⵏ ⴳ ⵓⵙⵔⵅⵓ ⵏ ⵓⵙⵎⵏⵉⴷ ⵏ ⵜⵓⵍⴽⵉⵎⵉⵏ ⴷ ⵜⵓⵜⵔⴰⵡⵉⵏ ⴳ ⵢⵉⴳⵔ ⵏ ⵓⵣⵣⵔⴰⴼ ⵙⴳ ⵉⵏⵎⵓⵔⴰⵏ ⴷ ⵡⴰⵎⵓⵏ ⴰⵖⵔⵎⴰⵏ ⵙ ⵓⵙⵏⴼⵍ ⵏ ⵉⵙⵍⴳⵏⵏ ⵉⵎⴰⴷⴷⴰⵙⵏ ⵍⵍⴰⵏⵉⵏ ⵙ ⵓⵙⵖⵣⵏ ⴰⵍⵉⴽⵟⵕⵓⵏⵉ ⴷ ⵓⵙⵉⵜⵜⵉ ⵏ ⵓⵙⵎⵏⵉⴷ ⵏ ⵜⵓⵏⵖⵉⵍⵜ ⵏ ⵜⴽⵕⴹⴰ ⵜⴰⵏⴰⵎⵓⵔⵜ ⴷ ⵓⵙⵉⵣⴷⵔ ⵏ ⵉⵎⵣⵎⵎⵉⵎⵏ ⵙⴳ 25000 ⴰⵔ 20000 ⴳ ⵜⵓⵍⴽⵉⵎⵉⵏ ⴷ 5000 ⴰⵔ 4000 ⴳ ⵜⵓⵜⵔⴰⵡⵉⵏ, ⵉⵙⵏⵎⴰⵍⴰ ⵓⵙⵇⵇⵉⵎ ⵓⵍⴰ ⵢⴰⵜ ⵜⵉⵏⴰⵡⵜ ⴳ ⴱⵕⴰⵢⵕ 2020 ⴼ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ ⴳ ⵍⵎⵖⵔⵉⴱ ⵍⵍⵉ ⵉⴼⴼⵖⵏ ⵙ ⵓⵙⴽⵔ ⵏ ⵓⵥⵟⵟⴰ ⴰⴳⵔⴰⵖⵍⴰⵏ ⴼ ⵉⵎⴰⵙⵙⵏ ⵏ ⵜⵓⵍⴽⵉⵎⵉⵏ ⴷ ⵜⵓⵜⵔⴰⵡⵉⵏ.

ⵉⵙⵉⵙⴼⵉⵡ ⵎⴰⵙⵙ ⵓⵣⵣⵉⵏ ⵓⵍⴰ ⵎⴰⵙ ⵜⵜⵓⵙⴽⴰⵔ ⵙ ⵜⵡⵉⵣⵉ ⴷ ⵜⵏⴱⴰⴹⵜ ⵢⴰⵜ ⵜⵙⵉⵍⴰ ⵜⴰⵍⵉⴽⵟⵕⵓⵏⵉⵜ ⴼ ⵓⵙⵎⵏⵉⴷ ⵏ ⵜⵓⵍⴽⵉⵎⵉⵏ, ⵉⵥⴹⵉⵔⵏ ⵉⵏⵎⵓⵔⴰⵏ ⴰⴷ ⵏⵢⴰⵍⴽⴰⵎⵏ ⴷ ⵉⵙⵏⴼⴰⵔⵏ ⴷ ⵜⵙⵓⵎⵔⵉⵏ ⵏ ⵉⵙⵍⴳⵏⵏ ⴳ ⵓⵙⵉⵜ ⵏ ⵓⵙⵇⵇⵉⵎ. ⵢⵉⵏⵉ ⵎⴰⵙ ⴷ ⵜⵍⴽⵎ ⴰⵙⵇⵇⵉⵎ ⴳ ⵉⵏⵏⴰⵢⵔ 2021 ⵢⴰⵜ ⵜⵓⵍⴽⵉⵎⵜ ⴼ “ⵢⵉⵙⴽⵉⵍ ⵖⵉⵍⴰⴷ” ⵜⵔⴰ ⵉⵙⴽⵉⵍ ⴰⴷⵙⵜⴰⵔ ⴳ 2030.

ⵢⵉⵏⵉ ⵎⴰⵙⵙ ⵓⵣⵣⵉⵏ ⵎⴰⵙ ⴷ ⵉⵇⵇⴰⵏ ⵓⵙⵔⵅⵓ ⵏ ⵜⴱⵔⵉⴷⵉⵏ ⵃⵎⴰ ⴰⴷ ⵉⵥⴹⵉⵕⵏ ⵉⵏⵎⵓⵔⴰⵏ ⴰⵙⵓⵊⴷ ⵏ ⵜⵓⵜⵔⴰⵡⵉⵏ ⴳ ⵢⵉⴳⵔ ⵏ ⵓⵣⵣⵔⴰⴼ ⴷ ⵓⵙⵏⵎⴰⵍⴰ ⵏ ⵓⵙⵎⵓⵜⵜⴳ ⵉ ⵡⴰⵎⵓⵏ ⴰⵖⵔⵎⴰⵏ ⴷ ⵉⵏⵎⵓⵔⴰⵏ ⴷ ⵓⵙⵎⵀⵍ ⵏ ⵓⵣⵔⴼ ⴳ ⵜⵎⵓⵛⴰ ⴷ ⵓⵍⵜⴰⵖ ⴳ ⵓⵙⵡⵓⴷⴷⵓ ⵏ ⵜⵖⴰⵡⵙⴰ ⵜⴰⵎⴰⵜⴰⵢⵜ ⴷ ⵓⵙⴷⵓⵙ ⵏ ⵜⴷⵍⵙⴰ ⵏ ⵜⵎⵓⵔⵉ.