ⵉⴷⵔⵓ ⵓⴽⴰⴱⴰⵕ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵏⵎⵓⵇⵇⴰⵔ ⴰⴳⵔⴰⵖⵍⴰⵏ ⴼ ⵡⴰⵎⴰⵏ ⴳ ⴹⴰⴽⴰⵕ

ⵜⵍⵍⴰ ⵜⵙⵓⵜⵍⵜ ⵜⵉⵙ ⵜⵣⴰⵜ ⵏ ⵓⵏⵎⵓⵇⵇⴰⵔ ⴰⴳⵔⴰⵖⵍⴰⵏ ⵏ ⵡⴰⵎⴰⵏ ⴳ 21 ⴰⵔ 26 ⵎⴰⵕⵚ ⴳ ⴷⵢⴰⵎⵏⵉⴷⵓ ⵜⴰⵎⴰ ⵏ ⴹⴽⴰⵕ ⵙ 30 ⴽⵍⵎ, ⴷⴷⵓ ⵜⵎⴰⵜⴰⵔⵜ: ⵜⴰⵏⴼⵔⵓⵜ ⵏ ⵡⴰⵎⴰⵏ ⵉ ⵓⴼⵔⴰ ⴷ ⵜⴳⵎⵉ, ⴳ ⴷⵔⵓⵏ ⴽⵉⴳⵏⴰ ⵏ ⵉⵡⴰⵏⴽⵏ ⴳ ⵉⵍⵍⴰ ⵍⵎⵖⵔⵉⴱ.

ⵍⵍⴰⵏ ⴳ ⵓⵏⵎⵓⵇⵇⴰⵔ ⴰⴷ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵏ ⵜⵓⵚⴽⵉⵡⵉⵏ ⵜⵉⵏⴰⴷⴷⵉⵡⵉⵏ ⴷ ⵜⵥⴹⴰⵕⵜ ⴷ ⵉⵣⵓⵖⴰⵣ ⴷ ⵡⴰⵡⵏⴰⴹ, ⴳⵉⵙⵏ:

- ⵎⴰⵙⵙ  ⵙⵉⴷⵉ ⴱⵕⴰⵀⵉⵎ ⵅⴰⵢ, ⴰⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ;

- ⵎⴰⵙⵙ ⵃⴰⵙⴰⵏ ⵜⵜⴰⴱⵉ, ⵜⴰⵥⵖⵕⵜ ⴷ ⵜⵎⴰⵜⵔⴰⵔⵜ;

- ⵎⴰⵙⵙ ⵉⵙⵎⴰⵄⵉⵍ ⵍⴱⵇⵇⴰⵍⵉ, ⵜⴰⵏⵙⵉⵎⴰⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ;

- ⵎⴰⵙⵙ ⵎⵓⵃⴰⵎⵎⴰⴷ ⵍⴱⵓⵄⵎⵔⵉ, ⵜⴰⵙⵔⵎⵓⵏⵜ;

- ⵎⴰⵙⵙ ⵄⵓⵎⴰⵕ ⵍⴱⴰⵣ, ⵜⴰⵃⴰⵔⴰⴽⵉⵜ;

- ⵄⴰⴱⴷⵚⵚⵎⴰⴷ ⵅⵏⴰⵏⵉ, ⴰⵍⴰⵢ ⴷ ⵢⵉⵙⴽⵉⵍ.

ⵉⵃⴰⴹⵕ ⵓⴽⴰⴱⴰⵕ ⴰⵎⵖⵔⵉⴱⵉ ⴳ ⵜⴼⵓⴳⵍⴰ ⵏ ⵓⵕⵥⵥⵓⵎ ⵍⵍⵉ ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵙⵙⵉⵏⵉⴳⴰⵍ ⵎⴰⴽⵉ ⵙⴰⵍ, ⵉⴳ ⵓⵎⴰⵡⵙⴰⵙ ⵏ ⵓⵎⴰⵡⴰ ⴷ ⵡⴰⵎⴰⵏ ⵎⴰⵙⵙ ⵏⵉⵥⴰⵕ ⴱⴰⵕⴰⴽ ⴰⴳⵏⵙⴰⵏ ⵏ ⵍⵎⵖⵔⵉⴱ. ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⵅⴼ ⵜⵎⵙⴰⵔⵉⵏ ⵏ ⵡⴰⵎⴰⵏ ⴳ ⵓⵏⵎⵓⵇⵇⴰⵔ ⴰⴷ.

ⴷⵔⵓⵏ ⵉⵎⵓⵔⴰ ⵖ ⵜⵉⴽⴽⵉ ⵏ ⵜⵙⵎⵖⵓⵔⵜ ⵏ ⵃⴰⵙⴰⵏ ⵡⵉⵙ ⵙⵉⵏ ⵉ ⵡⴰⵎⴰⵏ ⴳ ⵜⵙⵓⵜⵍⵜ ⵏⵏⵙ ⵜⵉⵙ ⵙⴰⵜ, ⵍⵍⵉ ⵜⵜⵓⵙⴽⴰⵔ ⵉ ⵓⵙⵎⵖⵔ ⵏ ⵓⴳⵍⵍⵉⴷ ⴰⴷ ⴳ ⵜⵓⴳⴳⴰⵙ ⵏⵏⵙ ⴳ ⵓⵙⵡⵓⴷⴷⴷⵓ ⵏ ⵡⴰⵎⴰⵏ.

ⵉⵍⵍⴰ ⵓⵙⴼⵙⵔ ⵏ ⵍⵎⵖⵔⵉⴱ ⴳ ⵡⴰⵎⵎⴰⵏ ⵏ ⵄⴰⴱⴷⵓ ⴹⵢⵓⴼ, ⵉⵙⴰⵡⴰⵍⵏ ⴼ ⵜⵉⵔⵎⵉⵜ ⵏ ⵎⵖⵔⵉⴱ ⴳ ⵓⵙⵡⵓⴷⴷⵓ ⵏ ⵢⵉⴳⵔ ⵏ ⵡⴰⵎⴰⵏ ⴷ ⵓⵙⵎⵏⵉⴷ ⵏ ⵓⵙⴰⵔⵓ ⵜ ⵜⵙⵔⵜⴰⵜⵉⵊⵉⵜ ⵏ ⵜⴳⵍⴷⵉⵜ ⴳ ⵓⵎⵏⵉⴷ ⴰⴷ.

ⴳ ⵡⴰⵙ ⵡⵉⵙ ⵙⵉⵏ, ⵉⴷⵔⵓ ⵓⴽⴰⴱⴰⵕ ⵖ ⵓⵏⵎⵓⵇⵇⴰⵔ ⵉⵥⵍⵉⵏ ⵙ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏ ⴳ ⵓⴼⵔⴰⴳ ⵏ ⵡⴰⵎⴰⵏ ⴷ ⵓⵙⵎⵓⵙⵙ ⵏ ⵡⴰⵎⵓⵏ ⴰⵖⵔⵎⴰⵏ ⵅⴼ ⵜⵎⵙⴰⵔⵉⵏ ⵏⵏⵙ ⴷ ⵡⴰⵍⴰⵢ ⵏ ⵜⵏⴰⵥⴰⵕⵉⵏ ⴷⴰⵜ ⵏ ⵓⵎⴰⴹⴰⵍ.

ⵉⵙⴰⵡⴰⵍ ⵓⵎⴰⵔⵉ ⵎⴰⵙⵙ ⴱⵕⴰⵀⵉⵎ ⵅⴰⵢ ⴳ ⵜⴽⵛⵛⵓⵎⵜ ⵏⵏⵙ ⴼ ⵓⵙⴷⵓⵙ ⵏ ⵜⴷⵔⴰⵡⵜ ⵏ ⵜⵎⵙⵎⵓⵏⵉⵏ ⵜⵉⴷⵖⴰⵔⴰⵏⵉⵏ ⴳ ⵓⵙⴽⵔ ⵏ ⵜⵖⵜⴰⵙⵜ ⴳ ⵓⵎⵏⵉⴷ ⵏ ⵡⴰⵎⴰⵏ ⴷ ⵓⵙⵡⵓⴷⴷⵓ ⵏⵏⵙ ⴳ ⵍⵎⵖⵔⵉⴱ.