ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⵉⴷⵔⵓ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵖⵉⵎⵉⵜ ⵜⵉⵙ ⵜⵥⴰⵜ ⵏ ⵓⴱⵕⵍⴰⵎⴰⵏ ⴰⴳⵔⴰⵖⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ
ⵉⴷⵔⵓ ⵎⴰⵙⵙ ⵚⵚⴱⴱⴰⵕⵉ, ⴰⵎⴰⵔⵉ ⴰⵎⵣⵡⴰⵔⵓ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵉⵎⵉⵜ ⵜⵉⵙ ⵜⵥⴰⵜ ⵏ ⵓⴱⵕⵍⴰⵎⴰⵏ ⴰⴳⵔⴰⵖⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ ⵉⵍⵍⴰⵏ ⴳ ⵍⵉⵎⴰⵕⴰⵜ ⵎⵏ 26 ⴰⵔ 28 ⵎⴰⵕⵚ 2022.
ⵉⴷⵔ ⴳ ⵓⵏⵎⵓⵇⵇⴰⵔ ⴰⴷ 60 ⵏ ⵓⴱⵕⵍⴰⵎⴰⵏ, ⴳ ⵓⵙⵖⵉⵎ ⴰⵏⴰⵎⵓⵔ ⵏ ⵍⵉⵎⴰⵕⴰⵜ, ⵉⵙⵎⵏⵉⴷ ⵎⴰⵙⵙ ⵚⵚⴱⴱⴰⵕⵉ ⵜⴰⴳⵓⵔⵉ ⵖ ⵉⵙⴰⵡⵍ ⴼ ⵓⵎⵙⵓⵔⵓⴼ ⴷ ⵜⵎⵢⵉⴷⵉⵔⵜ ⴳ ⵜⵖⵔⵎⴰ ⵜⴰⵄⵔⴰⴱⵜ ⵜⵓⵙⵍⵉⵎⵜ, ⵉⵙⴰⵡⵍ ⵓⵍⴰ ⴼ ⵓⵏⴰⵎⴽ ⵏ ⵓⵎⵙⵓⵔⵓⴼ ⴳ ⵓⵚⴽⵓ ⵏ ⵉⵎⴰⵍ ⵉⵛⵛⴰⵔⵏ.
ⵉⵙⴷⴷⵉ ⵓⵎⴰⵔⵉ ⵏ ⵓⵏⵙⵙⵉⵅⴼ ⵎⴰⵙ ⵉⴱⴷⴷ ⵓⵎⴰⴹⴰⵍ ⵏ ⵖⵍⴰⴷ ⴼ ⵜⵏⴼⵔⵓⵜ ⴷ ⵓⵔⴳⴳⵉⴳ ⴷ ⵓⵎⵢⴰⵡⴰⵙ ⴷ ⵜⵡⵉⵣⵉ ⵊⴰⵔ ⵉⵎⴰⴷⴰⵏⵏ ⵏⵙⵙ, ⴷ ⵉⵙⵇⵇⴰⵏ ⴷ ⴰⴷ ⵜⵉⵍⵉ ⵜⵓⵡⵙⵙⵏⴰ ⵏ ⵓⵎⵙⵓⵔⵓⴼ ⵙ ⵎⴰⴷ ⵜⵙⴽⵔ ⵜⴼⴳⴰⵏⵉⵏ ⴳ ⵓⵎⵏⵉⴷ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴷⵉⵎⵓⵇⴰⵟⵉⵜ.
ⵉⵙⴷⴷⵉⴷ ⵎⴰⵙⵙ ⵚⵚⴱⴱⴰⵕⵉ ⴳ ⵜⴷⵔⴰⵡⵜ ⵏⵏⵙ ⴳ ⵜⵙⵎⵓⵏⵉ ⵏ ⵜⵙⵇⵇⵉⵎⵜ ⵏ ⵓⵣⵓⵣⵣⵔ ⵏ ⵓⴼⵔⴰ ⵏ ⵜⵎⴰⴷⴷⴰⵙⵜ ⴰⴷ ⵜⴰⴱⵕⵍⴰⵎⴰⵏⵉⵜ ⵎⴰⵙ ⵜⵣⵍⵉ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵓⵎⵏⵉⴷ ⵏ ⵜⵎⵢⵉⴷⵉⵔⵜ ⵊⴰⵔ ⵉⵙⴽⴷⵏ ⴷⵉⵡⴷⴰⵏ ⵎⴰⴷ ⵉⵍⴰ ⵓⵎⵣⵔⵓⵢ, ⵉⵙⴰⵡⵍ ⴼ ⵜⵉⵍⴰⵍⵜ ⵏ ⵓⵙⵙⵍⵎⴷ ⴷ ⵓⵙⵏⵖⵎⵙ ⴳ ⵓⵙⵏⴰⵍ ⴷ ⵓⵣⵓⵣⵣⵔ ⵏ ⵓⴼⵔⴰ ⴳ ⵓⵎⴰⴹⴰⵍ, ⵉⵇⵇⴰⵏ ⴷ ⵓⵍⴰ ⵓⵙⵎⵖⵔ ⵏ ⵜⴷⵍⵙⴰ ⵏ ⵓⴼⵔⴰ ⴷ ⵓⵎⵙⵓⵔⵓⴼ ⵙ ⵉⵎⴰⵙⵙⵏ ⵉⵍⵉⴽⵟⵕⵓⵏⵉⵢⵏ ⴷ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴷ ⵜⴻⵟⵟⵓⵕⴼⴰ.
ⴳ ⵓⵏⵎⵓⵇⵇⴰⵔ ⴰⴷ, ⵉⵎⴹⴽⴰⵕ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ ⴷ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵓⴼⵔⴰ ⴷ ⵜⵎⵢⵉⴷⵔⵜ ⵎⴰⵙⵙⴰ ⵎⴰⵔⴳⴰⵔⵉⵜ ⵔⵉⵙⵜⵔⵉⴱⵓ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⴽⵓⵍⵓⵎⴱⵢⴰ, ⴼ ⵜⵣⴷⴰⵢⵉⵏ ⵜⵉⵙⵏⵔⴰⵏⵉⵏ ⵊⴰⵔ ⵉⴱⵕⵍⴰⵎⴰⵏⵏ ⴷ ⵜⵏⴱⴰⴹⵉⵏ ⵏ ⵙⵏⴰⵜ ⵜⵎⵉⵣⴰⵔ, ⵉⵙⵓⵜⴳ ⵎⴰⵙⵙ ⵚⵚⴱⴱⴰⵕⵉ ⴰⴷⴷⴰⴷ ⵏ ⴽⵓⵍⵓⵎⴱⵢⴰ ⵅⴼ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ ⴷ ⵓⵙⵡⵉⵔ ⵉⵣⵉⵍⵏ ⵉⵍⵍⴰⵏ ⵊⴰⵔ ⵙⵏⴰⵜ ⵜⵎⵉⵣⴰⵔ.
ⵔⴰⴷ ⵉⴷⵔⵓ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ ⴳ ⵓⴳⵔⴰⵡ ⵏ ⵓⵎⵙⵓⵔⵓⴼ ⴷ ⵜⵎⵢⵉⴷⵉⵔⵜ ⵍⵍⵉ ⵉⵙⵏⵎⴰⵍⴰ ⵛⵛⵉⵅ ⵏⴰⵀⵢⴰⵏ ⴱⵏ ⵎⴱⴰⵔⴽ ⴰⵍ ⵏⴰⵀⵢⴰⵏ ⴰⵎⴰⵡⵙⴰⵙ ⵏ ⵓⵎⵙⵓⵔⵓⴼ ⴷ ⵜⵎⵢⵉⴷⵉⵔⵜ ⴳ ⵍⵉⵎⴰⵕⵜ ⵙ ⵜⴷⵔⴰⵡⵜ ⵏ ⴽⵉⴳⴰⵏ ⵏ ⵜⵎⴰⴷⴰⵙⵉⵏ ⵜⵉⵏⵎⵏⴰⴹⵉⵏ ⴷ ⵜⴳⵔⴰⵖⵍⴰⵏⵉⵏ.
ⵉⴳⴰ ⵓⵙⵇⵇⵉⵎ ⴰⵎⴰⴷⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ ⵢⴰⵜ ⵜⵎⴰⴷⴷⴰⵙⵜ ⵜⴰⵔⵓⵏⴱⵉⴹⵜ ⵉⵍⵍⴰⵏ ⴼ ⵓⵙⵙⵓⵕⵚⵓ ⵏ ⵡⴰⵜⵉⴳⵏ ⵏ ⵓⵎⵓⵙⵔⵓⴼ ⴷ ⵓⴼⵔⴰ ⵊⴰⵔ ⵉⵎⴰⴷⴰⵏⵏ ⵙ ⵉⵙⵡⴰⵍⵢⴰⵏ ⵏ ⵜⵎⵜⵜⴰ ⵎⵓⵏⵏⵉⵏ, ⵉⵙⵙⵉⵅⴼ ⵜ ⵎⴰⵙⵙ ⴰⵃⵎⴰⴷ ⴱⵏ ⵎⵓⵃⴰⵎⵎⴰⴷ ⵍⵊⴰⵔⵡⴰⵏ. ⵉⴳ ⵓⴱⵕⵍⴰⵎⴰⵏ ⴰⴳⵔⴰⵖⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ ⵜⴰⴳⵔⴰⵡ ⵏⵏⵙ ⵜⴰⵎⴰⵔⵉⵜ ⵎⵎⵉ ⵜⵙⵙⵉⵅⴼ ⵎⴰⵙⵙⴰ ⵔⵉⵙⵜⵔⵉⴱⵓ ⵙⴳ ⴽⵓⵍⵓⵎⴱⵢⴰ.