ⴰⵏⵎⵓⵇⵇⴰⵔ ⴼ ⵓⵖⴰⵡⴰⵙ ⵏ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ
ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵙ ⵏ ⵓⵙⵉⵎⵡⴰⵙ ⴳ ⵕⵕⴱⴰⵟ ⴰⵏⵎⵓⵇⵇⴰⵔ ⴼ ⵓⵖⴰⵡⴰⵙ ⵏ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ ⵙ ⵜⵙⵏⵜⴰⵢⵜ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵣⵣⵔⴰⵢ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ 2018-2021.
ⵉⴷⵔⵓ ⴳ ⵓⵏⵎⵓⵇⵇⴰⵔ ⵎⵏⵏⴰⵡ ⵉⵎⵙⵜⴳⴳⴰⵔⵏ ⴷ ⵉⴽⴰⴷⵉⵎⵉⵢⵏ ⴷ ⵉⵎⵔⵣⵓⵜⵏ, ⵢⵉⵍⵉ ⵓⵙⵏⴼⵍ ⵏ ⵉⵙⵡⵉⵏⴳⵉⵎⵏ ⴼ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ ⵉⵍⵍⴰⵏ ⴳ ⵓⴷⵖⴰⵔ ⵏ ⵉⵎⵓⴽⵏ ⵉⵏⴰⵎⵎⴰⵙⵏ ⵉⵏⴰⵎⵓⵔⵏ.
ⴳ ⵜⴳⵓⵔⵉ ⵏⵏⵙ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⴰⴷ ⵜⴰⵙⵓⵎⴰⵏⵜ ⵎⴰⵙⵙ ⵃⴰⴼⵉⴹ ⵡⴰⵛⴰⴽ ⴼ ⵡⴰⵜⵉⴳ ⵏ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ ⴷⴰⵔ ⵓⵙⵇⵇⵉⵎ ⵏ ⵉⵎⵓⵔⴰ, ⵉⴳ ⵢⴰⵏ ⴳ ⵉⵙⵜⴰⵢⵏ ⵏ ⵓⵙⴽⵓ ⵏ ⵍⵎⵖⵔⵉⴱ ⵏ ⵜⴰⵙⵓⵜ ⵜⵉⵙ 21, ⵉⴳ ⴳ ⵜⵎⵥⵍⴰⵢ ⵏⵏⵙ ⵣⴷⵉⵏⵉⵏ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ.
ⵉⵙⴷⴷⵉⴷ ⵎⴰⵙⵙ ⵡⴰⵛⴰⴽ ⵎⴰⵙ ⴷ ⵉⵇⵇⴰⵏ ⵓⴹⴼⵕ ⵏ ⵉⵙⵏⴼⵍⵏ ⵏ ⵜⵎⴰⵣⵉⵔⵜ ⵏⵏⵖ ⴳ ⵓⵙⵕⵚⵓ ⵏ ⵜⵔⵙⴰⵍ ⵏ ⵜⵎⵙⵙⵓⴳⵓⵔⵜ ⵜⴰⵎⴰⵢⵏⵓⵜ ⵎⴽ ⵉⵜⵜⵓⴱⴷⴰⵔⵏ ⴳ ⵜⴱⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵉ ⵓⵏⵎⵓⵇⵇⴰⵔ ⴰⵏⴰⵎⵓⵔ ⵉ ⵜⵎⵙⵜⴳⴳⴰⵔⵜ ⵜⴰⴳⴷⵓⴷⴰⵏⵜ ⵜⴰⵎⴰⵜⵜⵓⵢⵜ ⴳ 27 ⴱⵕⴰⵢⵕ 2018.
ⵉⵙⴷⴷⵉⴷ ⵎⴰⵙⵙ ⴰⵃⵎⴰⴷ ⵍⵄⵎⵓⵎⵔⵉ, ⴰⵎⴰⵔⴰ ⴰⵎⴰⵜⴰⵢ ⵏ ⵜⵎⴰⵡⵙⴰⵙⵜ ⵏ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ ⵎⴰⵙ ⵉⴳⴰ ⵓⵎⵓⴽⵏ ⴰⵎⵙⵙⵓⴳⵓⵔ ⵢⴰⵜ ⵜⵓⵜⵔⴰ ⵜⴰⵖⴰⵡⵍⴰⵏⵜ ⵍⵍⵉⵖ ⵍⵍⴰⵏ ⵉⵙⵏⴼⵍⵏ ⵉⵎⵓⵟⵟⵓⵏ ⴳ ⵓⵎⴰⴹⴰⵍ, ⵉⵙⵎⵏⵉⴷ ⵓⵍⴰ ⴰⵖⴰⵡⴰⵙ ⴰⴷ ⵏ 2018-2021 ⵖ ⵍⵍⴰⵏ 24 ⵏ ⵓⵙⵏⴼⴰⵔ ⴱⴹⴰⵏⵉⵏ ⴼ 4 ⵉⵙⵏⴼⵍⵏ ⵉⵅⴰⵜⴰⵔⵏ.
ⵉⵙⴰⵡⵍ ⵎⴰⵙⵙ ⵍⴰⵃⵙⵏ ⵍⵄⵙⵉⴱⵉ, ⴰⴳⵎⴰⵎⵏ ⵏ ⵏ ⵜⵙⵇⵇⵉⵎⵜ ⵏ ⵓⵣⵔⴼ ⴳ ⵓⵍⴽⴰⵎ ⵉ ⵜⵎⵓⵛⴰ, ⵎⴰⵙ ⵉⴱⴷⵔ ⵓⴷⵓⵙⵜⵓⵔ ⵏ 2011 ⴰⵣⵔⴼ ⵉⴳⴰⵏ ⴰⵙⵉⵍⴰⵏ ⴳ ⵓⵎⵓⴽⵏ ⴰⵎⵙⵙⵓⴳⵓⵔ ⴳ ⵜⵎⴰⵣⵉⵔⵜ ⵏⵏⵖ. ⵉⵙⴰⵡⵍⴼ ⵓⵙⵍⴳⵏ 31.13 ⴷ ⵓⵙⵏⴼⴰⵔ 23 ⵉⵙⴰⵡⵍⵏ ⴼ ⵓⵖⴰⵡⴰⵙ ⴰⴷ. ⵢⵉⵏⵉ ⵎⴰⵙ ⵉⵡⵙⵏⵜ ⴽⵓ ⵜⵉⵎⵙⵙⵓⴳⴰⵔ ⴳ ⵓⵙⵎⵀⵍ ⵏ ⵓⵙⵍⴳⵏ 31.13.
ⴳ ⵓⵎⵏⵉⴷ ⵏⵏⵙ, ⵉⵙⴰⵡⵍ ⵎⴰⵙⵙ ⵎⵓⵃⴰⵎⵎⴰⴷ ⵍⵉⴷⵉⴷⵉ, ⴰⵎⴰⵔⴰ ⴰⵎⴰⵜⴰⵢ ⵏ ⵜⵎⵔⵙⵍⵜ ⵏ ⵍⵡⴰⵚⵉⵟ, ⴼ ⵜⵉⵍⴰⵍⵜ ⵏ ⵜⵎⵔⵙⵍⵜ ⴰⴷ ⴳ ⵓⵙⴷⵓⵙ ⵏ ⵜⴷⵍⵙⴰ ⵏ ⵜⵏⵓⴼⴰ ⵜⴰⴳⴷⵓⴷⴰⵏⵜ ⴳ ⵍⵎⵖⵔⵉⴱ, ⵜⴳ ⵉⵎⵉⵙⵙ ⵏ ⵓⵙⴱⴷⴷⵉ ⵏ ⵉⵎⴰⵣⵖ ⵊⴰⵔ ⵉⵏⵎⵓⵔⴰⵏ ⴷ ⵜⵎⵙⵙⵓⴳⵓⵔⵜ.
ⵉⵙⵎⵏⵉⴷ ⵎⴰⵙⵙ ⵃⴰⴼⵉⴹ ⵛⵓⴽⵔⵉ, ⴰⵎⵏⵀⴰⵍ ⵏ ⵓⵣⴷⴷⵓⵢ ⴳ ⵜⵎⴰⵡⴰⵙⵜ ⵏ ⵜⵎⴳⵓⵔⵉ, ⴷ ⵎⴰⵙⵙ ⵃⴰⵙⴰⵏ ⵍⵎⵙⵄⵓⴷⵉ ⴰⵎⵏⵀⴰⵍ ⵏ ⵉⵙⵓⴳⴰⵎ ⵉⵏⴼⴳⴰⵏⵏ ⴷ ⵜⵎⵙⴰⵙⵜⵍⵜ ⴷ ⵉⵏⴳⵔⴰⵡⵏ ⵏ ⵜⵎⵓⵛⴰ ⴷ ⵜⵖⴰⵡⵙⵉⵡⵉⵏ ⵜⵉⵎⴰⵜⴰⵢⵉⵏ ⵜⵉⵎⵙⴽⴰⵔ ⵏ ⵜⵎⴰⵡⴰⵙⵜ ⴰⴷ ⴳ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ ⴷ ⵓⵍⵜⴰⵖ ⵏⵏⵙ ⵉ ⵉⵙⵎⵖⵔ ⵏ ⵜⵣⴷⴰⵢⵉⵏ ⵏⵏⵙ ⴰⴽⴷ ⵉⵏⵎⵓⵔⴰⵏ.