ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴳ ⵜⵙⵎⵓⵏⴰⵢ ⵏ ⵜⵔⵓⴱⴱⴰ ⵜⵉⵊⵢⵓⵙⵔⵜⴰⵏⵉⵏ ⴳ ⵉⵏⴷⵓⵏⵉⵙⵢⴰ

ⵉⵍⴽⵎ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⴳⵎⴰⵎⵏ ⵏ ⵜⴰⵢⵢⴰⵡⵜ ⵜⴰⵏⴰⵎⵓⵔⵜ ⴳ ⵜⴰⵎⵓⵏⵜ ⵜⴰⴱⵕⵍⴰⵎⵏⵉⵜ ⵜⴰⴳⵔⴰⵖⵍⴰⵏⵜ, ⴰⵙⵉⵎⵡⴰⵙ 18 ⵎⴰⵕⵚ 2022 ⵏⵓⵙⴰ ⴷⵡⴰ ⴳ ⵉⵏⴷⵓⵏⵉⵙⵢⴰ, ⵉⵙⵏⵓⴱⴳ ⵜⵏ ⵎⴰⵙⵙ ⵡⴰⴷⵉⵄ ⴱⵏⵄⴰⴱⴷⵓⵍⵍⴰⵀ ⵓⵎⵙⵇⵇⴰⴷ ⵏ ⴱⴰⴱ ⵏ ⵡⴰⴷⵓⵔ ⴳ ⵉⵏⴷⵓⵏⵉⵙⵢⴰ ⴷ ⵙⴰⵏⵖⴰⴼⵓⵕⴰ.

ⵔⴰⴷ ⵉⴷⵔⵓ ⵓⴽⴰⴱⴰⵕ ⴰⴷ ⴳ ⵓⴳⵔⴰⵡ ⴰⵎⴰⵜⴰⵢ ⵡⵉⵙ 144 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ  ⴷ ⵜⵙⵓⵜⵍⵜ ⵜⵉⵙ 209 ⵏ ⵓⵏⴳⵔⴰⵡ ⵓⵏⴱⵉⴹ ⵏ ⵜⴰⵎⵓⵏⵜ, ⵙ ⵓⵙⵏⵓⴱⴳ ⵏ ⵓⴱⵕⵍⴰⵎⴰⵏ ⵏ ⵉⵏⵓⴷⵉⵙⵢⴰ ⵙⴳ 20 ⴰⵔ 24 ⵎⴰⵕⵚ 2022.

ⵔⴰⴷ ⵜⴷⵔⵓ ⵜⴰⵢⵢⴰⵡⵜ ⵜⴰⵏⴰⵎⵓⵔⵜ ⴳ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴳ ⵜⵙⵎⵓⵏⴰⵢ ⵏ ⵜⵔⴰⴱⴱⵓⵜ ⵜⴰⵙⵔⵜⴰⵏⵜ ⵜⴰⵄⵕⴰⴱⵜ ⵜⴰⴼⵔⵉⵇⵉⵜ ⵜⵓⵙⵍⵉⵎⵜ ⵓⵙⵙⴰⵏ ⵏ 19 ⴷ 20 ⵎⴰⵕⵚ 2022, ⵔⴰⴷ ⵢⵉⵍⵉ ⵓⵎⴹⴰⴽⴰⵔ ⴼ ⵓⵏⵣⵡⵉ ⴷ ⵓⴼⵔⴰ ⴷ ⵜⴻⵜⵉⴽⵏⵓⵍⵓⵊⵉⵜ ⵏ ⵓⵙⵏⵖⵎⵙ ⴷ ⵓⵎⵢⴰⵡⴰⴹ  ⴷ ⵓⵙⵙⵍⵎⴷ.

ⵔⴰⴷ ⵉⵙⴽⵔ ⵓⴽⴰⴱⴰⵔ ⵓⵍⴰ ⵉⵎⵙⴰⵡⴰⵍⵏ ⵏ ⵉⵏⵙⵙⵉⵅⴼⵏ ⴷ ⵉⴽⴰⴱⴰⵕⵏ ⴷⵔⵓⵏⵉⵏ ⴳ ⵜⵙⵓⵜⵍⵜ ⴰⴷ ⵜⵉⵙ 144, ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴰⴳⵔⴰⵖⵍⴰⵏ.

ⵜⵓⵎⴰ ⵜⴰⵢⵢⴰⵡⵜ ⵜⴰⵏⴰⵎⵓⵔⵜ  ⴳ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ:

-          ⵎⴰⵙⵙ ⴰⵎⴰⵔⵉ ⴰⵃⵎⴰⴷ ⵜⵡⵉⵣⵉ, ⵜⴰⵔⴰⴱⴱⵓⵜ ⵏ ⵜⵥⵖⵔⵜ ⴷ ⵜⵎⴰⵜⵔⴰⵔⵜ.

-          ⵎⴰⵙⵙⴰ ⵜⴰⵎⴰⵔⵉⵜ ⵅⴷⴷⵓⵊ ⵙⵙⵍⴰⵙⵉ, ⵜⴰⵔⴰⴱⴱⵓⵜ ⵜⴰⵙⵔⵎⵓⵏⵜ.

-          ⵎⴰⵙⵙ ⴰⵎⵛⵛⵉⵡⵕ ⴽⴰⵎⴰⵍ ⴰⵢⵜ ⵎⵉⴽ, ⵜⴰⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ.

-          ⵎⴰⵙⵙ ⴰⵎⵛⵛⵉⵡⵕ ⵃⴰⵙⴰⵏ ⵛⴰⵎⵉⵙ, ⵜⴰⵔⴰⴱⴱⵓⵜ ⵏ ⵜⵥⵖⵔⵜ ⴷ ⵜⵎⴰⵜⵔⴰⵔⵜ.