ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵎⵙⴰⵙⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵉⵙⵉⵙⴽⵓ ⴼ ⵓⵙⵎⵔⵙⵍ ⵏ ⵜⵎⴷⵔⴰⵡⵜ ⴷ ⵓⵣⴷⴷⵓⵢ ⴳ ⵓⵎⵢⴰⵡⴰⵙ ⴳ ⵓⵙⴳⵎⵉ ⴷ ⵜⵎⴰⵙⵙⴰⵏⵉⵏ ⴷ ⵜⴷⵍⵙⴰ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵎⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 15 ⵎⴰⵕⵙ 2022 ⴳ ⵕⵕⴱⴰⵟ, ⵎⴰⵙⵙ ⵙⴰⵍⵉⵎ ⵎⵓⵃⴰⵎⵎⴰⴷ ⵍⵎⴰⵍⵉⴽ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵎⴰⴷⴰⵙⵜ ⵏ ⵓⵎⴰⴹⴰⵍ ⵓⵙⵍⵉⵎ ⵉ ⵓⵙⴳⵎⵉ ⴷ ⵜⵎⴰⵙⵙⴰⵏⵉⵏ ⴷ ⵜⴷⵍⵙⴰ, ⵍⵍⵉ ⵉⵎⵓⵏⵏ ⴷ ⵎⴰⵙⵙ ⵄⴰⴱⵉⵍⴰⵀ ⴱⵏⵄⵔⴼⴰ ⴰⵎⴰⵔⵉ ⵏ ⵓⵏⵎⵀⴰⵍ ⴰⵎⴰⵜⴰⵢ, ⵎⴰⵙⵙⴰ ⴰⵎⵉⵔⴰ ⵍⴼⴰⴷⵉⵍ ⵜⴰⵎⵏⵀⴰⵍⵜ ⵏ ⵢⵉⴳⵔ ⵏ ⵜⴷⵔⴰⵡⵉⵏ ⴷ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ, ⵎⴰⵙⵙ ⵎⵓⵃⴰⵎⵎⴰⴷ ⵍⵀⴰⴷⵉ ⵙⵙⵀⵉⵍⵉ, ⴰⵎⵏⵀⴰⵍ ⵏ ⵜⵖⴰⵡⵙⵉⵡⵉⵏ ⵜⵉⵣⵔⴼⴰⵏⵉⵏ ⴷ ⵉⵙⵖⴰⵍⵏ ⵉⴳⵔⴰⵖⵍⴰⵏⵏ.
ⴳ ⵜⵣⵡⵉⵔⵉ, ⵉⵙⵏⵉⵎⵎⵔ ⵎⴰⵙⵙ ⵙⴰⵍⵉⵎ ⵎⵓⵃⵎⵎⴰⴷ ⵍⵎⴰⵍⵉⴽ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴼ ⵓⵙⵓⵜⴳ ⵉⴼⵓⵍⴽⵉⵏ, ⵉⵙⵓⵜⴳ ⴰⵏⵎⵓⵇⵇⴰⵔ ⴰⴷ ⵍⵍⵉ ⵔⴰⴷ ⵉⵙⴷⵓⵙ ⵜⵉⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵔⵙⴰⵍ ⴷ ⵓⵙⵉⵙⵙⵏ ⵉⵜⵜⵓⵙⵏⴼⴰⵍⵏ ⵙ ⵜⵉⵍⴰⵍⵜ ⵏⵏⵙⵏⵜ, ⵉ ⴽⵉⴳⴰⵏ ⵏ ⵓⵣⴷⴷⵓⵢ ⴷ ⵓⵎⵢⴰⵡⴰⵙ.
ⵉⵙⴰⵡⵍ ⵓⵏⵎⵀⴰⵍ ⵏ ⵉⵙⵉⵙⴽⵓ ⴼ ⵓⵙⵎⴰⵇⵇⵍ ⴰⵎⴰⵢⵏⵓ ⵏ ⵉⵙⵉⵙⴽⵓ, ⴷ ⵉⵡⵜⵜⴰⵙⵏ ⵏⵏⵙ ⴷ ⵜⵎⵙⴽⴰⵔ ⵏⵏⵙ ⴼ ⵜⵙⵏⵜⴰⵢⵉⵏ ⴷ ⵜⵉⵍⴰⵍ ⵍⵍⵉ ⵜⵙⴽⴰⵔ ⴳ ⵉⴳⵔⴰⵏ ⵏ ⵓⵙⴳⵎⵉ ⴷ ⵜⵎⴰⵙⵙⴰⵏⵉⵏ ⴷ ⵜⴷⵍⵙⴰ, ⴷ ⵜⵎⵙⴰⵔⵉⵏ ⵣⴷⵉⵏⵉⵏ ⴷ ⵉⵄⵔⵔⵉⵎⵏ ⴷ ⵜⵎⵖⴰⵔⵜ ⴷ ⵓⵙⵏⴼⵍⵓⵍ ⴷ ⵓⴼⵓⴽⵙ ⵏ ⵜⵎⴳⵓⵔⵉ ⴷ ⵜⵓⵏⵏⵓⵏⵜ ⴷ ⵜⵎⴰⵙⵙⴰⵏⵉⵏ ⵏ ⵓⵙⴰⵢⵔⵓⵔ ⴷ ⵓⵙⵏⵖⵎⵙ ⴷ ⵡⴰⵡⵏⴰⴷ ⴷ ⵜⴷⵍⵙⴰ ⴷ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴳⴰⵏⵉⵏ ⵉⵅⵎⵎⵉⵎⵏ ⵏ ⵉⵎⵓⵔⴰ ⴳ ⵓⵙⵇⵇⵉⵎ.
ⵉⴱⴷⴷ ⵎⴰⵙⵙ ⵙⴰⵍⵉⵎ ⵎⵓⵃⴰⵎⵎⴰⴷ ⵍⵎⴰⵍⵉⴽ ⴼ ⵉⵙⴼⵓⴳⵍⵓⵜⵏ ⵍⵍⴰⵏⵉⵏ ⴳ ⵕⵕⴱⴰⵟ ⵙ ⵜⵎⵍⴷⴰ ⵖ ⵜⴳⴰ ⵜⴰⵎⴰⵥⵓⵏⵜ ⵏ ⵜⴷⵍⵙⴰ ⴳ ⵓⵎⴰⴹⴰⵍ ⵓⵙⵍⵉⵎ ⴼ ⵜⵉⵍⴰⵍ ⵏ ⵜⵎⴰⴷⴷⴰⵙⵜ ⵏ ⵉⵙⵉⵙⵉⴽⵓ ⵍⵍⵉ ⵉⵔⴰⵏ ⴰⴷ ⵜⵉⵍⵉ ⵜⵎⴷⵔⴰⵡⵜ ⴰⴽⴷ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⴽⵉⴳⴰⵏ ⵏ ⵓⵣⴷⴷⵓⵢ ⴼ ⵉⵙⴼⵓⴳⵍⵓⵜⵏ ⴰⴷ ⴷ ⵉⵎⵙⴽⴰⵔⵏ ⵢⴰⴹⵏⵉⵏ.
ⵢⵉⵏⵉ ⵓⵏⵎⵀⴰⵍⴰ ⵎⴰⵜⴰⵢ ⵏ ⵉⵙⵉⵙⴽⵓ ⵎⴰⵙ ⵜⵙⵙⵏⵜⵉ ⵜⵎⴰⴷⴷⴰⵙⵜ ⵙ ⵜⵡⵉⵙⵉ ⴷ ⵜⵣⵍⵖⴰ ⵏ ⵓⵎⴰⴹⴰⵍ ⵓⵙⵍⵉⵎ ⴷ ⵜⵣⵍⵖⴰ ⵜⴰⵎⵓⵃⵎⵎⴰⴷⵉⵜ ⵏ ⵉⵎⴰⵙⵙⴰⵏⵏ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⴳ ⵓⵎⴰⵡⴰ ⵏ ⵓⵙⵏⵓⴱⴳ ⵏ ⵓⵙⵏⴼⵍ ⴷ ⵜⵙⵏⵏⵉⵖⵜ ⵜⴰⴳⵔⴰⵖⵍⴰⵏⵜ ⵏ ⵜⵓⴷⵔⵜ ⵏ ⵓⵔⵇⵇⴰⵚ ⴷ ⵜⵖⵔⵎⴰ ⵜⵓⵙⵍⵉⵎⵜ, ⵉⵍⵍⴰⵏ ⴳ ⵍⵎⴷⵉⵏⴰ ⵍⵎⵓⵏⵏⴰⵡⵔⴰ ⴷ ⵎⴰⴽⴽⴰ ⵍⵎⴽⵓⵕⵕⴰⵎⴰ ⴳ ⵓⵙⵖⵉⵎ ⵏ ⵉⵙⵉⵙⴽⵓ ⵙ ⵉⵡⵉⵣ ⴰⵎⴰⵜⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵙ ⵜⵎⵍⴷⴰ ⵏ ⵓⵙⴼⵓⴳⵍⵓ ⵉⵍⵍⴰⵏ ⴳ ⵕⵕⴱⴰⵟ ⴳ 2022.
ⴳ ⵓⵎⵏⵉⴷ ⵏⵏⵙ, ⵉⵙⵏⵉⵎⵎⵔ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⵍⴰⵎⵉ,ⴰ ⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙⵙ ⵙⴰⵍⵉⵎ ⵎⵓⵃⴰⵎⵎⴰⴷ ⵍⵎⴰⵍⵉⴽ ⴷ ⵓⴽⴰⴱⴰⵕ ⴼ ⵜⵉⵍⴰⵍ ⴷ ⵜⵎⵓⵛⴰ ⵜⵜⵓⵙⵏⴼⴰⵍⵏⵉⵏ ⴳ ⵓⵏⵎⵓⵇⵇⴰⵔ ⴰⴷ, ⵉⵙⴷⴷⵉⴷ ⴼ ⵓⵏⵏⵓⵕⵥⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵜⵎⴷⵔⴰⵡ ⴰⴽⴷ ⵜⵎⴰⴷⴷⴰⵙⵜ ⵏ ⵉⵙⵉⵙⴽⵓ ⴷ ⵓⵍⵜⴰⵖ ⵏ ⵓⵙⵇⵇⵉⵎ ⴳ ⵓⵙⴼⵓⴳⵍ ⵏ ⵕⵕⴱⴰⵟ ⴷ ⵜⵎⴰⵥⵓⵏⵜ ⵏ ⵜⴷⵍⵙⴰ ⴳ ⵓⵎⴰⴹⴰⵍ ⵓⵙⵍⵉⵎ.
ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⵙⵎⵔⵙⵍ ⵏ ⵜⵣⴷⴰⵢⵉⵏ ⵊⴰⵔ ⵓⵙⵇⵇⵉⵎ ⵏⵉⵎⵓⵔⴰ ⴷ ⵉⵙⵉⵙⴽⵓ ⵙ ⵜⵎⵢⴰⵇⵇⴰⵏⵜ ⵏ ⵜⴷⵔⴰⵡⵜ ⴷ ⵓⵏⵎⵓⵇⵇⴰⵔⵏ ⵛⵛⴰⵔⵏⵉⵏ ⴼ ⵜⴷⵍⵙⴰ ⴷ ⵓⵙⴳⵎⵉ ⴷ ⵓⵙⵎⵖⵔ ⴰⵏⴰⵎⵓⵏ ⴷ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴷ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵜⵎⴰⵙⵙⴰⵏⵉⵏ ⴳⴰⵏⵉⵏ ⴰⵅⵎⵎⴻⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵙⵇⵇⵉⵎⵉⵏ ⵏⵏⵙ ⵜⵉⵎⵖⵍⴰⵍⵉⵏ ⵖⵎⴽ ⴰⵏⵏ ⴷ ⵜⵎⴰⴷⴷⴰⵙⵜ ⵏ ⵢⵓⵏⵉⵙⴽⵓ.
ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⴳ ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵢⵢⴰⴼⵓⵜ ⴷ ⵜⴷⵉⵏⴰⵎⵉⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⵍⵍⴰⵏ ⴳ ⵓⴷⵖⴰⵔ ⵉⵥⵉⵍⵏ ⴳ ⵓⵙⵡⵉⵔ ⴰⵏⴰⵎⵓⵔ ⴷⴰⵔ ⴽⵉⴳⴰⵏ ⵏ ⵜⴳⵔⴰⵡⵉⵏ ⴷ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ.