ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴳ ⵓⵏⵎⵓⵇⵇⴰⵔ ⵏ ⴼⵓⴱⵔⵉⵍ ⴳ ⵍⵎⵉⴽⵙⵉⴽ
ⵉⵎⴹⴰⴽⴰⵕ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ, ⴰⵙⵙ ⵏ ⵓⵙⵉⵎⵡⴰⵙ ⴳ ⵎⵉⴽⵙⵉⴽⵓ, ⴷ ⵉⵎⵙⵜⴳⴳⴰⵔⵏ ⵉⴱⵕⵍⵎⴰⵎⴰⵏⵉⵢⵏ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴷ ⵜⵎⵙⴰⵔⵉⵏ ⵛⵛⴰⵔⵏⵉⵏ, ⵍⵍⵉⵖ ⵉⴷⵔⵓ ⴳ ⵜⵙⵓⵜⵍⵜ ⵜⵉⵙ 40 ⵏ ⵓⵏⵎⵓⵇⵇⴰⵔ ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵏ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴷ ⵍⴽⴰⵕⴰⵢⵉⴱ “ⴼⵓⴱⵔⵉⵍ”.
ⵉⵙⴽⴰⵔ ⵎⴰⵙⵙ ⴰⵃⵎⴰⴷ ⵅⵛⵉⵛⵏ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵉⵡⴰⵕ, ⴷ ⵎⴰⵙⵙ ⵃⴰⵙⴰⵏ ⴱⵏⵄⵓⵎⴰⵔ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵙ ⵜⵉⵍⵉⵜ ⵏ ⵎⴰⵙⵙ ⵄⴰⴱⴷⵍⴼⵜⵜⴰⵃ ⵍⵍⴱⴱⴰⵕ, ⴰⵎⵙⵇⵇⴰⴷ ⵏ ⵍⵎⵖⵔⵉⴱ ⴳ ⵍⵎⵉⴽⵙⵉⴽ, ⴰⵏⵎⵓⵇⵇⴰⵔ ⴷ ⵎⴰⵙⵙ ⵉⵔⵏⵉⵙⵜⵓ ⴰⵍⴼⵔⵉⴷⵓ ⴽⴰⵙⵜⵔⵓ ⴰⵍⴷⴰⵏⴰ, ⴰⵏⵏⵙⵉⵅⴼ ⴰⵎⴰⵢⵏⵓ ⵏ ⴼⵔⵓⴱⵉⵍ ⴷ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⵣⵣⵔⴰⴼⵜ ⵏ ⵙⴰⵍⴼⴰⴹⵓⵕ.
ⵉⵙⵓⵜⴳ ⵎⴰⵙⵙ ⴰⵅⵛⵉⵛⵏ ⴰⵙⵡⵉⵔ ⵏ ⵓⵎⵢⴰⵡⴰⵙ ⵉⵍⵍⴰⵏ ⵊⴰⵔ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴷ ⵉⴱⵕⵍⴰⵎⴰⵏⵏ ⵏ ⴼⵓⴱⵔⵉⵍ, ⴳ ⵜⵍⵍⴰ ⵜⴷⵉⴰⵏⵎⵉⵜ ⵉⵥⵉⵍⵏ ⴳ ⵉⵙⴳⴳⵯⴰⵙⵏ ⵣⵔⵉⵏⵉⵏ, ⵢⵉⵏⵉ ⵎⴰⵙ ⵉⴳⴰ ⵓⵎⵢⴰⵡⴰⵙ ⴰⴷ ⴰⵙⵜⴰⵢ ⴰⵙⵜⵔⴰⵜⵉⵊⵉ ⴷⴰⵔ ⵍⵎⵖⵔⵉⴱ ⵉ ⵓⵙⵎⵖⵔ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ.
ⴳ ⵓⵎⵏⵉⴷ ⵏⵏⵙ, ⵉⵖⵔⴰ ⵎⴰⵙⵙ ⵃⴰⵙⴰⵏ ⴱⵏⵄⵓⵎⴰⵔ ⵉ ⵓⵙⴷⵓⵙ ⵏ ⵜⴷⵉⵏⴰⵎⵉⵜ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵊⴰⵔ ⵍⵎⵖⵔⵉⴱ ⴷ ⵜⵎⵉⵣⴰⵔ ⵏ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⵙ ⵉⵙⵡⵓⴷⴷⵓⵜⵏ ⴷ ⵜⵙⵏⵜⴰⵢⵉⵏ ⴳⴳⵓⵜⵏⵉⵏ, ⵍⵍⵉⵖ ⵉⵟⵟⴰⴼ ⴰⴷⵖⴰⵔ ⴰⵙⵜⵔⴰⵜⵉⵊⵉ ⵊⴰⵔ ⵉⴼⵔⵉⵇⵢⴰ ⴷ ⵜⵙⴳⴰ.
ⵉⵙⴰⵡⴰⵍ ⵓⵏⵙⵙⵉⵅⴼ ⴰⵎⴰⵢⵏⵓ ⵏ ⴼⵓⴱⵔⵉⵍ ⴼ ⵜⵉⵔⴰⵜ ⵏⵏⵙ ⵉⴷⵓⵙⵏ ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⴰⴽⴷ ⵍⵎⵖⵔⵉⴱ ⵙ ⵉⵙⵏⴼⴰⵔⵏ ⵍⵍⴰⵏⵉⵏ ⴳ ⴽⵓ ⵉⴳⵔⴰⵏ ⵛⵛⴰⵔⵏⵉⵏ. ⵢⵉⵏⵉ ⵎⴰⵙ ⵜⵉⵡⵙ ⵜⴷⵔⴰⵡⵜ ⵏ ⵍⵎⵖⵔⵉⴱ ⴳ ⵜⵓⵙⵙⵏⴰ ⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ ⴰⵎ ⴰⵣⵡⴰⴳ ⴷ ⵓⵙⴱⴷⴷⵉ ⵏ ⵓⵙⵏⴼⵍ ⵏ ⵓⵏⵣⵡⵉ.
ⵖⵎⴽⵍⵍⵉ ⵉⵎⴹⴰⴽⴰⵕ ⵓⴽⴰⴱⴰⵕ ⴰⵎⵖⵔⵉⴱⵉ ⴷ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵣⴷⴰⵢⵉⵏ ⵏ ⴱⵕⵕⴰ ⴳ ⵓⴽⵓⵏⴳⵕⵉⵚ ⵏ ⵉⵅⴰⵜⴰⵔⵏ ⴰⵎⵉⴽⵙⵉⴽⵉ, ⵀⵉⴽⵜⵓⵕ ⴼⴰⵙⴽⵓⵏⵙⵉⵍⵓⵙ, ⵉⵙⴰⵡⵍ ⴼ ⵜⵉⵔⴰⵜ ⵏ ⵜⵎⴰⵣⵉⵔⵜ ⵏⵏⵙ ⴳ ⵓⵙⵏⴼⵍ ⵏ ⵜⵎⵓⵓⵣⴰⵢⵉⵏ ⴳ ⵉⴳⵔⴰⵏ ⵏ ⵓⵣⵡⴰⴳ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵓⵙⵎⵔⵙ ⵏ ⵍⴽⵉⴼ.
ⵙⴷⴷⵉⴷⵏ ⵎⴰⵙ ⴷ ⵍⵎⵖⵔⵉⴱ ⴷ ⵍⵎⵉⴽⵙⵉⴽ ⵥⴹⴰⵕⵏ ⴰⴷ ⵎⵢⵉⵡⵉⵙⵏ ⵅⴼ ⵜⵙⴰⵔⵉⵏ ⵛⵛⴰⵔⵏⵉⵏ ⴳ ⵉⴳⵔⴰⵡⵏ ⵉⴳⵔⴰⵖⵍⴰⵏⵏ ⵉ ⵜⵡⴰⴼⵉⵜ ⵏ ⵉⴼⵙⵙⴰⵢⵏ.
ⵉⴷⵔⵓ ⵓⴽⴰⴱⴰⵕ ⴰⵎⵖⵔⵉⴱⵉ ⴳ ⵜⵙⵓⵜⵍⵜ ⵜⵉⵙ 40 ⵏ ⵏ ⴼⵓⴱⵔⵉⵍ ⵍⵍⵉ ⵙ ⵉⴽⵛⵎ ⴳ 2014 ⴷ ⵉⵎⵥⵕⵉ.