ⴰⵙⵉⵡⴹ ⴼ ⵓⵙⴽⵔ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵓⵜⴳ ⵏ ⵜⵙⵔⵜⵉⵜ ⵜⴰⴳⴷⵓⴷⴰⵏⵜ ⴼ ⵓⵖⴰⵡⴰⵙ ⵏ ⵍⵎⵖⵔⵉⴱ ⴰⵣⴳⵣⴰⵡ
ⵙ ⵉⵎⵏⵏⵉⵜⵏ 70 ⴷ 101 ⵏ ⵓⴷⵓⵙⵜⵓⵔ ⴼ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⵍⵍⵉⵖ ⵉⵙⵔⵙ ⵓⵙⵉⵔⴰ ⵏ ⵓⵙⵇⵇⵉⵎ ⴰⵖⴰⵡⴰⵙ ⵏ ⵍⵎⵖⵔⵉⴱ ⴰⵣⴳⵣⴰⵡ ⴰⴷ ⵉⴳ ⵉⵎⵔⵙⵉ ⵏ ⵓⵣⵣⵔⴰⵢ ⴳ ⵓⵙⴳⴳⵯⴰⵙ ⴰⴷ ⴰⵣⵣⵔⴰⴼ, ⵜⵙⵏⵎⴰⵍⴰ ⵜⵔⴰⴱⴱⵓⵜ ⵜⴰⵙⴳⵓⵎⴰⵜ ⵉⵜⵜⵓⵙⵎⴰⴳⴰⵍⴰⵏ ⵙ ⵓⵙⵓⵜⴳ ⵏ ⵓⵖⴰⵡⴰⵙ ⵏ ⵍⵎⵖⵔⵉⴱ ⴰⵣⴳⵣⴰⵡ, ⵜⴰⵙⵎⵓⵏⵉ ⴰⵙⵙ ⵏ 9 ⵎⴰⵕⵚ 2022 ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴷ ⵜⵉⵍⵉⵜ ⵏ ⵉⴳⵎⴰⵎⵏ ⵏ ⵜⵔⴰⴱⴱⵓⵜ.
ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴼ ⵓⵙⵓⵜⴳ ⵉⴳⴰⵏ ⵜⴰⵡⵡⵓⵔⵉ ⵏ ⵓⴱⵕⵍⴰⵎⴰⵏ ⴷⴰⵜ ⵏ ⵓⵣⵣⵔⴰⴼ ⴷ ⵜⵉⴹⴰⴼ, ⴰⵢⵍⵍⵉ ⵔⴰⴷ ⵉⵙⴷⵓⵙ ⴰⴷⵖⴰⵔ ⵏ ⵜⵎⵔⵙⵍⵜ ⵜⴰⴱⵕⵍⴰⵎⴰⵏⵉⵜ ⴳ ⵓⵎⵏⵉⴷ ⵏ ⵓⵙⵓⵜⴳ ⵏ ⵜⵙⵔⵜⴰⵢ ⴷ ⵉⵖⴰⵡⴰⵙⵏ ⵉⴳⴷⵓⴷⴰⵏⵏ ⴱⴷⴷⵏⵉⵏ ⴼ ⵉⵙⵓⵖⴰⵍ ⴼⴰⵡⵏⵉⵏ ⴷ ⵜⵙⵓⵎⵔⵉⵏ ⵍⵍⵉ ⵔⴰⴷ ⵢⴰⵡⵙ ⴳ ⵓⵣⵣⵔⴰⵢ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ.
ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴼ ⵓⵖⴰⵡⴰⵙ ⵏ ⵍⵎⵖⵔⵉⴱ ⴰⵣⴳⵣⴰⵡ ⵍⵍⵉ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴳ ⵉⴱⵔⵉⵔ 2008, ⴰⵖⴰⵡⴰⵙ ⵉⵡⴰⵜⵜⵙⵏ ⴰⵙⵎⵖⵔ ⵏ ⵜⵢⵢⴰⴼⵓⵜ ⵜⴰⵏⴼⵍⴰⵃⵜ ⴷ ⵉⵚⵉⴼⵉⴹⵏ ⵉⵏⴼⵍⴰⵃⵏ ⴷ ⵓⵙⵡⵓⴷⴷⵓ ⵏ ⵉⵙⵓⴳⴰⵎ ⵏ ⵡⴰⵎⴰⵏ ⵙ ⵜⵖⴰⵔⴰⵙⵜ ⵉⵕⵡⴰⵏ.
ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵎⴰⵙ ⵉⴽⵛⵎ ⵓⵙⵜⴰⵢ ⵏ ⵓⵖⴰⵡⴰⵙ ⴰⴷ ⴳ ⵓⵙⵎⴰⵇⵇⵍ ⵏ ⵓⵙⵇⵇⵉⵎ ⵉ ⵓⵙⵎⵀⵍ ⵏ ⵡⴰⵏⴰⵡ ⵓⵏⴳⵉⵎ ⴰⵎⴰⵢⵏⵓ ⵙ ⵓⵙⵖⵓⴷⵓ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵜⵉⵎⵣⵡⵓⵔⴰ ⵍⵍⵉⵖ ⵉⴳⴰ ⵉⴳⵔ ⵏ ⵜⴼⵍⵍⴰⵃⵜ ⵉⴳⵔ ⵉⵣⴷⵉⵏ ⴷ ⵜⵏⴼⵔⵓⵜ ⵜⴰⴷⵎⵙⴰⵏⵜ ⵏ ⵉⵎⵖⵔⵉⴱⵉⵢⵏ.
ⵙⵎⵉⵎⵎⵔⵏ ⵉⵎⵓⵔ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴷ ⵓⵙⵉⵔⴰ ⴼ ⵓⵙⵜⴰⵢ ⴰⴷ ⵉⵙⵜⴰⵡⵀⵎⵎⴰⵏ ⵉⵣⴷⵉⵏ ⴷ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵓⵙⵎⵖⵔ ⵏ ⵢⵉⴳⵔ ⵏ ⵜⴼⵍⵍⴰⵃⵜ.
ⵙⴷⴷⵉⴷⵏ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⴼ ⵓⵎⵢⴰⵡⴰⵙ ⵉⵛⵛⴰⵔⵏ ⴳ ⵓⵙⴽⵔ ⵏ ⵜⵙⵎⵉⴳⵍⵜ ⴰⴷ, ⵙ ⵓⵙⵓⵊⴷ ⵏ ⵓⵏⵇⵇⵉⵙ ⵏⵏⵙ ⴼ ⵜⵙⵓⵖⴰⵍⴰ ⵍⵍⴰⵏⵉⵏ ⴷ ⵜⵉⴽⴽⵉ ⵏ ⵜⵙⵓⵎⵔⵉⵏ ⵉ ⵓⵣⵣⵔⴰⵢ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴳ ⵉⵎⴰⵍ.
ⵢⵉⵍⵉ ⵓⵙⵏⵎⴰⵍⴰ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵎⵓ ⵉⴳⴰ ⵓⵏⵙⵙⵉⵅⴼ ⵏⵏⵙ ⵎⴰⵙⵙ ⵏⵓⵔⴷⴷⵉⵏ ⵎⴹⵢⴰⵏ ⵙⴳ ⵜⵔⴰⴱⴱⵓⵜ ⵜⴰⵙⵉⵎⴰⵏⵜ ⵏ ⵜⵎⵓⵏⵉ ⴷ ⵢⵉⵙⴽⵉⵍ ⴷ ⵜⵎⴰⵔⵉⵜ ⵏⵏⵙ ⵎⴰⵙⵙⴰ ⴼⴰⵔⵉⴷⴰ ⵅⵏⵉⵜⵉ ⵙⴳ ⵜⵔⴰⴱⴱⵓⵜ ⵏ ⵡⴰⵍⴰⵢ ⴷ ⵜⵙⵔⵎⵓⵏⵜ, ⴷ ⵓⵎⵏⵇⵇⴰⵙ ⵎⴰⵙⵙ ⵄⴰⴱⴷⵚⵚⴰⵎⴰⴹ ⵃⵉⴽⵔ ⵙⴳ ⵜⴳⵔⵓⵎⵎⴰ ⵏ ⵜⵣⵔⴼⵜ ⴷ ⵜⴳⵎⵉ ⴷ ⵓⵎⴰⵔⵉ ⵏⵏⵙ ⵎⴰⵙⵙ ⵎⵓⵃⴰⵎⵎⴰⴷ ⵖⵉⵢⵢⴰⵜ ⵙⴳ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ.