ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴽⴰⴱⴰⵕ ⴰⴱⵕⵍⴰⵎⴰⵏⵉ ⵙⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵍⴽⵓⵏⴳⵓ

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 7 ⵎⴰⵕⵚ 2022, ⴰⴽⴰⴱⴰⵕ ⴰⴱⵕⵍⴰⵎⴰⵏⵉ ⵙⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵜⴳⴷⵓⴷⴰⵏⵜ ⵏ ⵍⴽⵓⵏⴳⵓ  ⵙ ⵜⵏⵙⵙⵉⵅⴼⵜ ⵏ ⵜⵎⴰⵔⵉⵜ ⵎⴰⵙⵙⴰ ⵏⵜⵓⵏⴷⵓ ⴽⵓⵍⵉⵜ ⵜⵛⵄⵎⴱⴰ ⵜⴰⵎⴰⵔⵉⵜ ⵏ ⵓⵎⵖⵜⴰⵙ ⴳ ⵓⵙⵉⵔⴰ ⵏ ⵜⵎⵙⵎⵓⵏⵜ ⴷ ⵜⴳⵎⴰⵎⵜ ⵏ ⵜⵙⵇⵇⵉⵎⵜ ⵏ ⵓⵎⵣⴰⵖ ⴷ ⵜⵏⴼⵔⵓⵜ.

ⴳ ⵜⵣⵡⵉⵔⵉ, ⵉⵙⵓⵜⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵙⵡⵉⵔ ⵏ ⵜⵣⴷⴰⵢⵉⵏ ⵕⵡⴰⵏⵉⵏ ⵍⵍⴰⵏⵉⵏ ⵊⴰⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⴳⴷⵓⴷⴰⵏⵜ ⵏ ⵍⴽⵓⵏⴳⵓ ⵜⴰⴷⵉⵎⵓⵇⵔⴰⵟⵉⵜ ⵉⴳⴰⵏ ⵜⴰⵎⴰⵣⵉⵔⵜ ⵎⵇⵇⵓⵔⵏ ⴳ ⵉⴼⵔⵉⵇⵢⴰ, ⵉⵙⴷⴷⵉⴷ ⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⴰⴷ ⵉ ⵡⴰⵍⴰⵢ ⵏ ⵜⵏⴰⵥⴰⵕⵉⵏ ⵣⴷⵉⵏⵉⵏ ⴷ ⵜⴳⵎⵉ ⵜⴰⵙⵓⵍⴰⵏⵜ ⴷ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵓⵣⵡⴰⴳ ⴷ ⵉⵣⵔⴼⴰⵏ ⵏ ⵓⴼⴳⴰⵏ.

ⵉⵎⵍⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵜⴰⵢⵢⴰⴼⵓⵜ ⵏ ⵜⴳⵯⵏⵙⴰⵙⵜ ⵏ ⵜⵎⵖⴰⵔⵉⵏ ⴳ ⵓⴱⵕⵍⴰⵎⴰⵏ, ⵢⵉⵏⵉ ⵎⴰⵙ ⴳⴰⵏⵜ ⵜⵎⵖⴰⵔⵉⵏ ⴰⴼⴽⴽⵓⵥ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ, ⵢⵉⵏⵉ ⵎⴰⵙ ⵢⵓⵊⴰⴷ ⵓⵙⵇⵇⵉⵎ ⵏ ⵉⵎⵓⵔⴰ ⴰⴷ ⵉⴷⵔⵓ ⵜⵉⵔⵎⵉⵜ ⵏⵏⵙ ⴳ ⵓⵎⵏⵉⴷ ⴰⴷ.

ⵉⴹⴰⵍⴱ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴳ ⵜⵏⵙⵙⵉⵅⴼⵜ ⵏ ⵓⴽⴰⴱⴰⵕ ⴰⴷ ⵜⵉⵏⵉ ⵉ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵎⴰⵙⵙ ⴽⵔⵉⵙⵟⵓⴼ ⵎⴱⵓⵙⵓ ⴰⵙⵎⵀⵍ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴷ ⵓⵙⵎⵓⵙⵙⵓ ⵏⵏⵙ ⵉ ⵜⵡⴰⴼⵉⵜ ⵏ ⵉⴼⵙⵙⴰⵢⵏ ⵉ ⵜⵎⵓⴽⵔⵉⵙⵉⵏ ⵏ ⵉⴼⵔⵉⵇⵢⴰ.

ⵜⵙⵏⵉⵎⵎⵔ ⵜⵏⵙⵙⵉⵅⴼⵜ ⵏ ⵓⴽⴰⴱⴰⵕ ⵏ ⵍⴽⵓⵏⴳⵓ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴼ ⵓⵙⵏⵓⴱⴳ ⴰⴷ, ⵜⵉⵏⵉ ⵎⴰⵙ ⵉⴳⴰ ⵓⵔⵣⴰⴼ ⴰⴷ ⵡⵉⵏ ⵜⵣⴷⴰⵢⵉⵏ ⵥⵉⵍⵏⵉⵏ ⵍⵍⴰⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵜⵙⵙⵓⵙⵎ ⵜⵜ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵓⵎⵏⵉⴷ ⵏ ⵜⴳⵏⵙⴰⵙⵜ ⵏ ⵜⵎⵖⴰⵔⵉⵏ, ⵜⵉⵏⵉ ⵎⴰⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵓⵙⵏⵓⵃⵢⵓ ⵉⵕⵡⴰⵏ ⴳ ⵓⵙⵍⴳⵏ ⵏ ⵉⵙⵜⴰⵢⵏ  ⴷ ⵓⵎⵛⴰⵡⴰⵕ ⴰⴽⴷ ⵉⵎⵙⴽⴰⵔⵏ ⵉⵙⵔⵜⴰⵏⵏ ⴳ ⵍⴽⵓⵏⴳⵓ.

ⵜⴼⴽⴰ ⵎⴰⵙⵙⵙⴰ ⵏⵜⵓⵏⴷⵓ ⴽⵢⵍⵉⵜ ⵜⵛⵓⵎⴱⴰ ⵜⵓⵏⵖⵉⵍⵜ ⵏ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵍⴽⵓⵏⴳⵓ ⵜⴰⴷⵉⵎⵓⵇⵔⴰⵟⵉⵜ ⵉ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ.

ⵉⵙⵎⵓⵏ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵍⴽⵓⵏⴳⵓ ⵉⵍⵍⴰⵏ ⴳ ⵓⵔⵣⴰⴼ ⵙ ⵜⴳⵍⴷⵉⵜ ⴰⵔ 11 ⵎⴰⵕⵚ: ⵏⵜⵓⵏⴷⵓ ⴽⵓⵍⵉⵜ ⵜⵛⵓⵎⴱⴰ, ⵢⴰⵎⴰ ⵏⵣⴰⵍⴰⴱⴰⵔ, ⴳⴰⵎⵄⵜⵄ ⵎⴰⵜⵢⴰⵣ, ⵎⵡⴰⵎⴱⴰ ⴱⴰⵏⵣⴰ, ⵎⴰⵏⴳⴰⵢ ⵎⵓⵏⴼⵓⵏⴳⴰ.