ⵜⴰⴳⵓⵔⵉ ⵏ ⵎⴰⵙⵙⴰ ⵜⴰⵎⴰⵔⵉⵜ ⵅⴰⴷⵉⵊⴰ ⵣⵣⵓⵎⵉ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵕⵥⵥⵓⵎ ⵏ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⵏ ⵓⵎⵙⴰⵡⴰⵍ ⵊⴰⵔ ⵉⵙⵇⵇⵉⵎⵏ ⵏ ⵉⵎⵛⵛⵉⵡⴰⵕ ⴳ ⵉⴼⵔⵉⵇⵢⴰ ⴷ ⵜⵎⵉⵣⴰⵔ ⵏ ⵡⴰⵄⵕⴰⴱⵏ ⴷ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⴷ ⵍⴽⴰⵔⴰⵢⵉⴱ

ⵙ ⵉⵙⵎ ⵏ ⵕⴱⴱⵉ ⴷ ⵜⵥⴰⵍⵍⵉⵜ ⴷ ⵓⴼⵔⴰ ⴼ ⵓⵔⵇⵇⴰⵚ ⵏⵏⵙ ⵉⵜⵜⵓⵙⵜⴰⵢⵜⵏ

ⵎⴰⵙⵙ ⴰⵏⵙⵙⵉⵅⴼ ⵏⵏⵄⵎⴰ ⵎⵉⵢⵢⴰⵕⴰ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ,

ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵉⵣⵣⵔⴰⴼⵏ,

ⵜⵉⵏⴳⴳⵯ ⴷ ⵉⵏⴳⴳⵯⴰ ⵉⴱⵕⵍⴰⵎⴰⵏⵉⵢⵉⵏ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ.

ⵉⴳⴰ ⵢⵢⵉ ⴰⴷⴷⵓⵔ ⴰⴷ ⴷⵔⵓⵖ ⵙ ⵉⵙⵎ ⵏ ⵎⴰⵙⵙ ⵕⴰⵛⵉ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵍⵍⵉ ⵓⵔ ⵢⵓⴼⵉⵏ ⴰⴷ ⴷⵉⴷⵏⵖ ⵉⵃⴰⴹⵕ, ⴳ ⵓⵕⵥⵥⵓⵎ ⵏ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⵏ ⵓⵎⵙⴰⵡⴰⵍ ⵊⴰⵔ ⵉⵙⵇⵇⵉⵎⵏ ⵏ ⵉⵎⵛⵛⵉⵡⴰⵕ ⴳ ⴽⵕⴰⴹ ⵉⴷⵖⴰⵔⵏ ⵉⵊⵢⵓⵉⵙⵔⵜⴰⵏⵏ: ⵉⴼⵔⵉⵇⵢⴰ, ⵜⵉⵎⵉⵣⴰⵔ ⵏ ⵡⴰⵄⵕⴰⴱⵏ, ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⴷ ⵍⴽⴰⵕⴰⵢⵉⴱ, ⵉⴷⵖⴰⵔⵏ ⵍⵍⵉ ⴷ ⵏⴷⵔⵓ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵜⵉⵣⴷⴰⵢⵉⵏ ⴷ ⵜⵉⵍⵉⵜ ⴷ ⵜⴷⵍⵙⴰ ⴷ ⵜⵏⵓⴼⴰⴰ ⴷ ⵓⵎⵣⵔⵓⵢ ⴷ ⵜⵎⴰⵖⵜ ⵎⴳⴰⵍ ⵏ ⵓⵙⴷⴷⵓⵔⵉ.

ⵉⵖ ⵜⴻⵟⵟⴰⴼ ⵜⵉⵍⵉⵜ ⵏⵏⵖ ⵜⴰⴼⵔⵉⵇⵉⵜ ⴷ ⵜⴰⵄⵕⴰⴱⵜ ⵜⴰⴷ ⵉⵟⵟⴰⴼⵏ ⴰⵎⵣⵔⵓⵢ, ⵜⵙⴽⵔ ⴳⵉⴳⵏⵖ ⵜⵊⵢⵓⵖⵔⴰⴼⵉⵜ ⴰⵏⵎⵓⵇⵇⴰⵔ ⵏ ⵜⵖⵔⵎⵉⵡⵉⵏ ⵜⴰⵄⵕⴰⴱⵜ ⴷ ⵜⵓⵙⵍⵉⵎⵜ ⴷ ⵜⴼⵔⵉⵇⵉⵜ, ⵀⴰⵜⵉ ⵏⴷⵔⵓ ⴷ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⵢⴰⵏ ⵡⴰⵢⴷⴰ ⴰⵖⵔⵎⴰⵏ ⴷ ⵓⴷⵍⵙⴰⵏ ⵍⵍⵉ ⵢⵉⵡⵙⵏ ⴳ ⵜⵣⵣⵉⴳⵣⵜ ⵏ ⵓⴼⴳⴰⵏ, ⴰⵢⴷⴰ ⵉⴱⵔⵓ ⴰⵏⴷⴰⵍⵓⵙⵉ, ⴰⵢⵍⵍⵉ ⴰⵖ ⵉⵙⵔⵙⵏ ⴳ ⵉⵙⴰⵢⵔⴰⵔⵏ ⴰⴷ ⵉⵊⵓⵉⵙⵔⵜⴰⵏⵏ, ⵙ ⵓⵎⵣⵔⵓⵢ ⴷ ⵜⵊⵓⵖⵔⴰⴼⵉⵜ ⴷ ⵜⵖⵔⵎⴰ.

ⵙ ⵡⴰⵜⵉⴳⵏ ⵛⵛⴰⵔⵏⵉⵏ ⴷⵓⵙⵏⵉⵏ, ⵎⵎⴰⵖⵏ ⵉⵎⴰⴷⴰⵏⵏ ⵏ ⵉⴼⵔⵉⵇⵢⴰ ⴷ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⴷ ⵍⴽⴰⵔⴰⵢⵉⴱ ⴷ ⵜⵎⵉⵣⴰⵔ ⵏ ⵡⴰⵄⵕⴰⴱⵏ ⵜⴰⵎⴰⵖⵜ ⵏ ⵜⴳⵎⵉ, ⵉⵍⵉⵏⵜ ⵜⵏⴰⵥⴰⵕⵉⵏ ⵅⴰⵜⵔⵏⵉⵏ ⵛⵛⴰⵔⵏⵉⵏ, ⴳⴰⵏⵜ ⵜⴰⵢⵢⴰⴼⵓⵔ ⵏ ⵡⴰⵔⵜⴰⵣⵔⴼⵜ ⵜⴰⵎⵣⵔⴰⵢⵜ ⵓⵔ ⵉⵍⵍⵉⵏ, ⴷ ⵓⴱⵟⵟⵓ ⴰⴳⵔⴰⵖⵍⴰⵏ ⵡⴰⵔⵓⵔⵣⵉⴼ ⵉ ⵜⵡⵡⵓⵔⵉ, ⴷ ⵜⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ ⵓⵔ ⴳⴰⴷⴷⴰⵏⵉⵏ.

ⴷⴰ ⵜⵜⵡⴰⵙⵏ ⵉⵎⵏⴰⴹⵏ ⵉⵊⵢⵓⵉⵙⵔⵜⴰⵏⵏ ⵍⵍⴰⵏⵉⵏ ⴳ ⵜⵏⴰⵥⴰⵕⵉⵏ ⴰⴷ, ⴰⵔ ⴼⵔⵔⵓⵏ ⵉⵎⴰⴷⴰⵏⵏ ⵏ ⵜⵎⵉⵣⴰⵔ ⵏⵏⵖ ⴰⵜⵉⴳ ⵏⵏⵙⵏⵜ, ⴳ ⵡⴰⴽⵓⴷ ⴳ ⵓⵔ ⴷⴰⵔⵙ ⴽⵔⴰ ⵏ ⵜⵎⴰⵙⴰⵢⵜ ⴳ ⵎⴰⴷ ⵉⵍⵍⴰⵏ. ⵍⵍⵉⵖ ⵍⵍⴰⵏⵜ ⴳ ⵜⵎⵉⵣⴰⵔ ⵏⵏⵖ ⴳ ⵜⵎⵔⴰⵡⵉⵏ ⵣⵔⵉⵏⵉⵏ ⴽⵉⴳⴰⵏ ⵏ ⵜⵎⴰⵖⵉⵏ ⵜⵉⴳⵯⵏⵙⴰⵏⵉⵏ ⴷ ⵜⵉⴷ ⵣⵔⵉⵉ ⵉⵡⵜⵜⴰ, ⴷ ⵉⴷⵔⵉⵣⵏ ⵏ ⵉⴱⴰⵢⵢⵓⵕⵏ, ⴷ ⵓⵛⵃⵓ ⵏ ⵜⴳⵎⵉ, ⴷ ⵉⵣⵡⴰⴳⵏ, ⴷ ⵉⴷⵔⵉⵣⵏ ⵏ ⵓⵏⵣⵡⵉ, ⵀⴰ ⵜⵏⵜⵉⴷ ⴰⵔ ⴼⵔⵔⵓⵏⵜ ⴰⵙⵙ ⴰⴷ ⴰⵜⵉⴳ ⵏ ⵉⵎⵣⴰⵖⵏ ⵓⵔ ⵍⵍⵉⵏ ⴳ ⵉⴽⴰⵍⵉⵡⵏ ⵏⵏⵙⵏⵜ, ⴷ ⵡⴰⵜⵉⴳ ⵏ ⵜⵉⵍⵉⵜ ⵏ ⵢⴰ ⵜⵎⴷⵔⵓⵙⵜ ⵢⵓⵎⵥⵏ ⵉⴳⴰⴷⴰⵣⵏ ⴷ ⵜⴻⵜⵉⴽⵏⵓⵍⵓⵊⵉⵜ.

ⵜⵉⵏⴳⴳⵯⴰ ⴷ ⵉⵏⴳⴳⵯⴰ,

ⴳ ⵎⴰⴷ ⵉⵣⵔⵉⵏ ⴷ ⵉⵜⵜⵓⴼⴽⵉ ⵓⵙⵇⵙⵉ ⵉ ⵓⵏⴳⵔⴰⵡ ⴰⵎⴰⴹⵍⴰⵏ ⴷ ⵓⴼⵔⴰⴽ ⴰⵎⴰⴹⵍⴰⵏ ⴼ ⵜⵎⵙⴰⵔⵉⵏ ⴳ ⵜⵙⴳⴳⵉⵡⵉⵏ ⵏⵙ ⵜⵉⵊⵢⵓⵙⵔⵜⴰⵏⵉⵏ ⴳⴰⵏⵉⵏ ⴽⵕⴰⴹⵜ, ⵖ ⵉⵍⵍⴰ ⵓⵥⵍⴰⴹ ⴷ ⵡⴰⵔⵜⴰⵡⵓⵔⵉ ⴷ ⵍⴰⵥ ⴷⴰⵔ ⵉⵏⵎⵓⵔⴰⵏ ⵏⵏⵙⵏⵜ, ⴼ ⵡⴰⵎⵎⴰⴽ ⴷ ⵡⴰⵜⵉⴳ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴳ ⵓⵎⵏⴰⴹ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19, ⵜⵜⵓⵊⴰⵏⵜ ⵜⵎⵉⵣⴰⵔ ⵏ ⵉⴼⴼⵓⵙ ⵉ ⵓⵙⴱⴷⴷⵉ ⵏ ⵓⴱⴰⵢⵢⵓⵕ ⵙ ⵜⵥⴹⴰⵕⵉⵏ ⴷⵔⵓⵙⵏⵉⵏ ⴷ ⵜⵓⵚⴽⵉⵡⵉⵏ ⵜⵉⴷⵓⵙⴰⵏⵄⵏ ⵛⵃⴰⵏⵉⵏ, ⵢⵉⵍⵉ ⵓⵎⴰⴹⴰⵍ ⴷⴰⵜ ⵏ ⵉⵔⵉⵎ ⴳ ⵓⴼⴰⵔⵙ ⵏ ⵉⴳⵣⵣⴰⵢⵏ ⴷ ⵉⵙⴰⴼⴰⵔⵏ ⵏ ⴽⵓⴼⵉⴷ 19, ⴷ ⵓⴱⵟⵟⵓ ⴷ ⵓⵙⵎⵔⵙ, ⵏⵥⵕ ⵉⵙⵡⵉⵏⴳⵉⵎⵏ ⴳⴰⵏⵉⵏ ⵉⵏⴽⴽⵉⵏⵉⵏ ⴷ ⵉⵏⴰⵎⵓⵔⵏ ⵇⵇⵏⵏⵉⵏ, ⵍⵍⵄ ⵙⵉⵎⵥⵉⵏⵉⵏ ⵜⴰⵎⵢⵉⵎⴰⵏⵜ ⵏ ⵉⵏⵎⵓⵔⴰⵏ ⵏ ⵜⵎⵉⵣⴰⵔ ⵏ ⵉⴼⴼⵓⵙ ⴳ ⵡⴰⵜⵉⴳ ⴷ ⵡⴰⵎⵎⴰⴽ ⵏ ⵜⵡⵉⵣⵉ ⵜⴰⵎⴰⴹⵍⴰⵏⵜ ⴳ ⵓⵣⵎⵣ ⵏ ⵜⴰⵙⵙⴰⵙⵉⵏ.

ⵉⴷ ⵎⴰⵙⵙ ⵉⵏⵙⵙⵉⵅⴼⵏ

ⵜⵉⵏⴳⴳⵯⴰ ⴷ ⵉⵏⴳⴳⵯⴰ

ⵉⵖ ⵜⴳⴰ ⵜⴼⵔⴽⴰ ⴷⴼⴼⵉⵔ ⵏ ⵜⵎⴰⵖⵜ ⵜⴰⵎⴰⴹⵍⴰⵏⵜ ⵜⵉⵙ ⵙⵏⴰⵜ, ⴷ ⵓⵙⴱⴷⴷⵉ ⵏ ⵓⵙⴷⴷⵓⵔⵔⵉ ⴷ ⵉⵎⵓⵙⵙⵓⵜⵏ ⵏ ⵓⵙⵍⴻⵍⵍⵉ ⴰⵏⴰⵎⵓⵔ, ⵜⴰⵡⵙ ⴰⴷ ⵜⴼⵜⵓ ⵜⴳⵍⴷⴰⵙⵜ ⵜⴰⴱⵕⵕⴰⵏⵉⵜ ⴷ ⵜⵉⵍⵉⵜ ⵏ ⵓⵎⵓⵙⵙⵓ ⵏ ⵡⴰⵔ ⵜⵉⵍⵉⵜ, ⴰⵢⵍⵍⵉ ⵉⴳⴰⵏ ⴰⵡⵜⵜⴰⵙ ⴰⵙⵙ ⴰⴷ ⴰⴷ ⵢⵉⵍⵉ ⵢⴰⵏ ⵓⵏⵎⵓⵍⵍⴰⵉ ⴰⵊⵢⵓⴰⵙⵔⵜⴰⵏ ⵊⴰⵔ ⴽⵕⴰⴹⵜ ⵜⵔⵓⴱⴱⴰ ⵏⵏⵖ ⵜⵉⵊⵢⵓⵖⵔⴰⴼⵉⵢⵉⵏ, ⵉⴱⴷⴷⵏ ⴼ ⵜⵉⵕⵡⵉ ⴷ ⵜⵏⵓⴼⴰ ⵏ ⵉⵎⴰⴷⴰⵏⵏ ⵏⵏⵖ, ⵢⴰⵏ ⵓⵏⵎⵓⵍⵍⵉ ⵉⵙⵔⵙⵏ ⵜⵉⵎⵉⵜⴰⵔ ⵜⵉⵇⴱⵓⵔⵉⵏ, ⵉⴼⵜⵜⵜⵓⵏ ⵙ ⵉⵎⴰⵍ ⵃⵎⴰ ⴰⴷ ⵉⵙⴽⵔ ⵉⵡⵜⵜⴰⵙⵏ ⵥⵉⵍⵏⵉⵏ: ⵜⵉⴳⵎⵉ ⴷ ⵜⵣⵣⵉⴳⵣⵜ ⴷ ⵣⵣⵀⵔⵜ ⵉⵛⵛⴰⵔⵏ ⴷ ⵜⵡⵡⵓⵔⵉ ⵉ ⵉⵄⵔⵔⵉⵎⵏ ⵏⵏⵖ, ⴷ ⵜⴷⵓⵙⵉ ⴷ ⵓⵙⵙⵍⵎⴷ ⵉ ⵉⵎⴰⴷⴰⵏⵏ ⵏⵏⵖ, ⴷ ⵓⵎⴰⵡⴰ ⵏ ⵜⵎⵉⵣⴰⵔ ⵏⵏⵖ ⵙ ⵜⵓⵚⴽⵉⵡⵉⵏ ⵜⵉⵏⴰⴷⴷⵉⵡⵉⵏ ⵜⵉⵙⵜⵔⴰⵜⵉⵊⵉⵢⵏ ⵙ ⵓⵡⵇⵇⵔ ⵏ ⵜⵅⵅⵓⵜⵔⴰ ⵏ ⵉⵡⴰⵏⴽⵏ ⴷ ⵜⵢⴰⵏⵜ ⵏⵏⵖ ⵜⴰⵏⴰⴽⴰⵍⵜ.

ⵉⵇⵇⴰⵏ ⴰⵖ ⴷ ⴰⴷ ⵏⵙⴼⵍ ⵎⴰⴷ ⵏⵟⵟⴰⴼ ⵙ ⵜⵥⴹⵕⵉⵏ, ⵏⴷⵔⵓ ⴰⵏⵏⴰⵥⵏ ⵍⵍⵉ ⴼ ⵙⵡⵓⵔⵉⵏ ⵉⵙⵓⴳⴰⵎ ⵏⵏⵖ ⵉⵏⴼⴳⴰⵏⵏ ⴳⴰⵏⵉⵏ ⵉⵄⵔⵔⵉⵎⵏ, ⴷ ⵓⵙⵙⴰⵔⵓ ⴳ ⵜⵎⵜⵜⵉⵡⵉⵏ ⵜⵉⵎⵣⵡⴰⵔⴰ ⵍⵍⵉ ⵟⵟⴰⴼⵏⵜ ⵜⵎⵉⵣⴰⵔ ⵏⵏⵖ ⵉ ⵜⴳⵎⵉ ⴷ ⵓⵙⴽⵔ ⵏ ⵉⵙⵎⴰⵜⵜⴰⵢⵏ ⵓⵛⵛⵉⵍⵏ ⴳ ⵉⴳⵔⴰⵏ ⵏ ⵓⴼⴰⵔⵙ ⴷ ⵜⵏⵓⴼⴰ ⵉ ⵚⴰⵃⴰ ⵏ ⵜⵎⵉⵣⴰⵔ ⵏⵏⵖ.

ⵜⵉⵏⴳⴳⵯⴰ ⴷ ⵉⵏⴳⴳⵯⴰ, ⵏⵟⵟⴰⴼ ⴰⴳⴰⴷⴰⵣ ⴳ ⵍⵍⴰⵏ ⵙⵉⵏ ⵉⴷ ⵎⵍⵢⴰⵕ ⵏ ⵓⵏⵔⵓⵎⵙ, ⴷ ⵡⴰⴽⴰⵍ ⵉⴳⴳⵓⵜⵏ ⵉ ⵜⵊ=ⴽⵔⵣⴰ, ⵖⴰⵙ ⵉⴼⵔⵉⵇⵢⴰ ⴷⴰⵔⵙ 60% ⵏ ⵉⴽⴰⵍⵉⵡⵏ ⴳⴰⵏⵉⵏ ⵡⵉⵏ ⵜⴽⵔⵣⴰ ⴳ ⵓⵎⴰⴹⴰⵍ. ⵏⵟⵟⴰⴼ ⵉⵣⵓⵖⴰⵣ ⴷ ⵜⵥⴹⴰⵕⵉⵏ  ⵜⵓⵛⵛⵉⵍⵉⵏ ⵉ ⵓⵙⵎⵓⵙⵙⵓ ⵏ ⵜⴷⵎⵙⴰ ⵜⴰⵎⴰⴹⵍⴰⵏⵜ, ⵜⴰⵎⴰⵣⵉⵔⵜ ⵏⵏⵖ ⵜⴻⵟⵟⴰⴼ ⴽⵕⴰⴹ ⵉⴳⵔⴰⵡⵏ ⵏ ⵡⴰⵎⴰⵏ ⴷ ⴽⵕⴰⴹ ⵢⵉⵍⵏ, ⵔⴰⴷ ⴰⵡⵙⵏ ⴳ ⵓⵙⵎⵖⵔ ⵏ ⵓⵙⵖⵏⵣⵉ ⴰⵎⴰⴹⵍⴰⵏ. ⴳⵉⵏ ⵜⵉⵖⴰⵡⵙⵉⵡⵉⵏ ⵍⵍⵉ ⵔⴰⴷ ⵢⴰⵡⵙ ⴰⴷ ⵜⵉⵍⵉ ⵜⵙⴳⴰ ⵏ ⵓⵙⵎⵖⵔ ⵏ ⵓⵙⵖⵏⵣⵉ ⴷ ⵉⵙⵏⴼⵍⵏ ⵉⴼⴼⵓⵙ-ⵉⴼⴼⵓⵙ ⵕⵣⵎⵏⵉⵏ ⴼ ⵢⴰⵏ ⵓⵎⴰⴹⴰⵍ ⵉⴱⴷⴷⵏ ⴼ ⵜⵥⴹⴰⵕⵜ ⴷ ⵓⵙⵖⵏⵣⵉ ⴷ ⵜⴻⵜⵉⴽⵏⵓⵍⵓⵊⵉⵜ.

ⵔⴰⴷ ⵉⴳ ⵓⵎⵓⵍⵍⵉ ⵉⴱⴷⴷⵏ ⴼ ⵓⴱⵓⵔⵣ ⴷ ⵜⵏⴼⴳⴰⵏⵉⵜ ⴷ ⵓⴼⵔⴰ ⴷ ⵜⴷⵉⵎⵓⵇⵔⴰⵟⵉⵜ ⴷ ⵓⴷⵔⴰⵡ ⵏ ⵉⴼⵓⴽⵍⴽⵉⵜⵏ, ⵎⴳⴰⵍ ⵏ ⵜⵙⵔⵜⵉⵜ ⵏ ⵉⵎⵓⵍⵍⵉⵜⵏ ⵉⵇⴱⵓⵔⵏ ⵍⵍⵉ ⵙⴽⴰⵔⵏⵉⵏ ⵉⵏⴰⵡⵏ ⵣⵔⵉⵏⵉ ⵍⵍⵉ ⵓⵔ ⵓⵊⵊⵉⵏ ⵉⵎⴰⴷⴰⵏⵏ ⵏⵏⵖ ⴰⴷ ⵉⵎⵖⵓⵔⵏ ⵎⵓⵏⵏ  ⵉ ⵜⴳⵎⵉ ⴷ ⵓⵔⴳⴳⵉⴳ.

ⵙⵙⵕⵎⵉⵏⵜ ⵜⴰⵙⵙⴰⵙⵉⵏ ⴷ ⵉⵎⴰⵖⵏ ⵉⵎⴰⴷⴰⵏⵏ ⵏⵏⵖ, ⵉⵙⵙⵔⵎⵉ ⵜⵏ ⴰⴷ ⵥⵥⵕⵕⴰⵏⵜ ⵜⵉⵎⵉⵣⴰⵔ ⴷ ⵉⴼⵓⵍⴽⵉⵜⵏ ⵏⵏⵙ ⴳⴰⵏ ⵉⵎⵔⵙⵉ ⵏ ⵓⵎⵃⵉⵣⵡⴰⵔ ⴰⴳⵔⴰⵖⵍⴰⵏ. ⵓⵔ ⵙⵓⵍ ⵜⵔⵉ ⵉⵏⴰⵡⵏ ⵉⵇⴱⵓⵔⵏ ⵏ ⵓⵙⵏⴰⵍ ⴷ ⵜⵡⵉⵣⵉ. ⴰⵔ ⴰⵖ ⵉⵜⵜⴰⵡⵙ ⵓⴼⵔⴰⴽ ⵉⵣⵣⵉⴳⵣⵏ ⵏ ⵉⵎⴰⴷⴰⵏⵏ ⵏⵏⵖ ⵙ ⵜⵏⵓⴼⴰ ⵏⵏⵙ ⴷ ⵡⴰⵜⵉⴳ ⵏ ⵓⴷⵔⴰⵡ ⴳ ⵓⵙⵡⵓⴷⴷⵓ ⵏ ⵜⵖⴰⵡⵙⴰ ⵜⴰⵎⴰⵜⴰⵢⵜ, ⴷ ⵓⵡⴰⵏⴽ ⵏ ⵜⵎⵔⵙⴰⵍ ⴷ ⵓⵙⵍⴳⵏ ⴷ ⵜⴷⵉⵎⵓⵇⵔⴰⵟⵉⵜ  ⵉ ⵓⵙⴽⵔ ⵏ ⵜⵙⵔⵜⴰⵢ  ⵏ ⵜⴷⵔⴰⵡⵜ ⵉⴳⴰⵏ ⵖ ⵚⴰⵃⴰ ⵏ ⴽⵓⵢⴰⵏ, ⵢⵓⵙⵉⵏ ⵜⵉⵍⵉⵜ ⴷ ⵉⵎⴰⵍ ⵏ ⵜⵏⴼⴳⴰⵏⵉⵜ: ⴰⴷ ⵜⵉⵍⵉ ⵜⵉⵔⵎⵜ  ⵍⵍⵉ ⵜⴻⵟⵟⴰⴼ ⵜⵎⵉⵣⴰⵔ ⵏⵏⵖ ⵙ ⴽⵉⴳⴰⵏ, ⴰⵢⵍⵍⵉ ⵔⴰⴷ ⵉⵙⵓⵊⵉⴷ ⵜⵉⵔⵎⵜ ⵉ ⴽⵓ ⵉⵎⵣⴷⴰⵖⵏ ⵏ ⵡⴰⴽⴰⵍ, ⴷ ⵉⵙⵓⴳⴰⴰⵎ ⵉⵏⴼⴳⴰⵏⵏ, ⵍⵍⵉⵖ ⵏⵟⵟⴰⴼ ⵜⵉⵥⴹⴰⵕⵉⵏ ⵜⵉⵄⵔⵔⵉⵎⵉⵏ, ⴷ ⵜⵥⴹⴰⵕⵉⵏ ⵏ ⵉⵎⴰⵍ ⵍⵍⵉ ⵏⵟⵟⴰⴼ ⵙ ⴽⵉⴳⴰⵏ, ⴷ ⵜⴷⵎⵙⴰ ⵜⴰⵣⴳⵣⴰⵡⵜ ⵍⵍⵉ ⵎⵓ ⵜⵉⵡⵙ ⵜⵎⵏⵏⴰⵡⵜ ⵏ ⵜⵊⵓⵖⵔⴰⴼⵉⵜ ⵏ ⵜⵔⵓⴱⴱⴰ ⵏⵏⵖ ⵜⵉⵊⵢⵓⵙⵔⵜⴰⵏⵉⵏ ⴳⴰⵏⵉⵏ ⴽⵕⴰⴹⵜ.

ⵏⵙⵖⴰⵡⵙⴰ ⵙ ⵜⴻⵜⵉⴽⵏⵓⵍⵓⵊⵉⵜ ⴷ ⵜⵙⵓⴳⴰⵔ ⴷ ⵜⵓⵚⴽⵉⵉⵏ ⵜⵉⵙⵉⵍⴰⵏⵉⵏ, ⴰⵔ ⵜⵜⵉⵏⵉⵏ ⵉⵏⴰⵡⵏ ⵏ ⵓⵎⵓⵔⵙ ⵍⵍⴰⵏⵉⵏ  ⵙⴳ ⵜⵎⵉⵣⴰⵔ ⵏⵏⵖ ⵎⴰⵙ ⵉⵜⵜⵎⴽⵏ ⵎⴰⵢⴰⴷ. ⵉⵇⵇⴰⵏ ⴷ ⴰⴷ ⵏⵟⵟⴼ ⵜⵉⵔⴰⵜ ⵜⴰⵙⵔⵜⴰⵏⵜ ⴷ ⵜⵉⵔⴰⵜ ⵏ ⵜⵓⴼⵔⵉⵢⵉⵏ ⴷ ⵓⵙⵎⵓⵙⵙⵓ ⵏ ⵉⵎⴰⴷⴰⵏⵏ. ⵏⵙⵖⴰⵡⵙⴰ ⵙ ⵉⴱⵕⵍⴰⵎⴰⵏⵏ ⴳ ⵓⵙⵎⵓⵙⵙ, ⴷ ⵓⵙⵎⵀⵍ ⵏ ⵉⵙⵏⴼⴰⵔⵏ ⴰⴷ ⵖ ⵉⴽⵛⵎ ⵓⵏⵎⵓⵇⵇⴰⵔ ⴰⴷ ⵏⵏⵓⵏ. ⵙ ⵜⵓⵜⵍⴰⵢⵜ ⵏ ⵓⵟⵟⵓⵏⵏ, ⴳⴰⵏⵜ ⵎⵉⵣⴰⵔ ⵏⵏⵖ ⴰⵣⴳⵏ ⵏ ⵉⴳⵎⴰⵎⵏ ⵏ ⵜⵎⵜⵜⴰ ⵎⵓⵏⵏⵉⵏ. ⵏⵥⴹⴰⵕ ⴰⴷ ⵏⵙⵎⵓⵏ ⵜⵉⵥⴹⴰⵕⵉⵏ ⴰⴷ ⴳⵉⵏⵜ ⵜⵎⵉⵣⴰⵔ ⵏⵏⵖ ⵢⴰⵜ ⵜⴷⵓⵙⵉ ⵜⴰⵊⵓⵙⵔⵜⴰⵏⵜ  ⵉⵟⵟⴰⴼⵏ ⴰⴷⵖⴰⵔ ⵏⵏⵙ ⴳ ⵜⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵓⵏⴳⵔⴰⵡ ⴰⵎⴰⴹⵍⴰⵏ ⴷ ⵜⵖⵜⴰⵙⵜ ⵜⴰⵎⴰⴹⵍⴰⵏⵜ.

ⵜⵉⵏⴳⴳⵯⴰ ⴷ ⵉⵏⴳⴳⵯⴰ

ⴳ ⵓⵎⵏⵉⴷ ⴰⴷ, ⵉ ⵉⵡⵜⵜⴰⵙ ⴰⴷ, ⴰⵔ ⵜⵣⵣⵉⴳⵉⵣ ⵜⵙⵔⵜⵉⵜ ⵜⴰⴼⵔⵉⵇⵉⵜ ⵏ ⵍⵎⵖⵔⵉⴱ ⵙ ⵉⵡⵉⵣ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵄⵣⵣⵓ ⵕⴱⴱⵉ, ⵜⴰⵙⵔⵜⵉⵜ ⵉⴱⴷⴷⵏ ⴼ ⵚⴰⵃⴰ ⵉⵛⵛⴰⵔⵏ ⴷ ⵜⵎⴷⵔⴰⵡⵜ ⴷ ⵓⵙⵎⵔⵙⵍ, ⵉⵙⵔⵙⵏ ⴰⴼⴳⴰⵏ ⴰⴼⵔⵉⵇⵉ ⴳ ⵓⴳⵯⵏⵙ ⵏⵏⵙ, ⵖⵎⴽ ⴰⵏⵏ ⴰⴼ ⵉⵎⵎⴰⵖ ⵍⵎⵖⵔⵉⴱ ⴰⴷ ⵜⵉⵍⵉ ⵜⵣⵔⴼⵜ ⵏ ⵓⵏⵣⵡⵉ ⵉ ⵉⴼⵔⵉⵇⵢⴰ, ⵉ ⵜⵎⵢⴰⴷⴰⵙⵜ ⵜⴰⵏⴼⴳⴰⵏⵜ ⵉⵕⵡⴰⵏ ⵉ ⵉⵣⵡⴰⴳⵏ, ⴳ ⵓⴳⵯⵏⵙ ⵏ ⵜⵙⵔⵜⵉⵜ ⵏⵏⵙ ⵏ ⴱⵕⵕⴰ. ⴼ ⵜⵔⵙⵍⵜ ⴰⴷ, ⵉⵙⴽⵔ ⵍⵎⵖⵔⵉⴱ ⵜⵉⵣⴷⴰⵢⵉⵏ ⴷⵓⵙⵏⵉⵏ ⴱⴷⴷⵏⵉⵏ ⴼ ⵜⵎⴰⴼⴰⵡⵜ ⴷ ⵜⵡⵉⵣⵉ ⴰⴽⴷ ⵜⵉⵎⵉⵣⴰⵔ ⵏ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⴷ ⵍⴽⴰⵔⴰⵢⵉⴱ, ⴷ ⵜⵉⵍⵉⵜ ⵏⵏⵙ ⴳ ⵓⵙⴰⵜⵉ ⵏⵏⵙ ⴰⵄⵕⴰⴱ, ⵉⵙⴷⵓⵙ ⵜⵉⵣⴷⴰⵢⵉⵏ ⵜⵉⵙⵜⵔⴰⵜⵉⵊⵉⵢⵉⵏ ⴷ ⵜⵓⴳⵜ ⵏ ⵉⵎⴷⴷⵓⴽⴽⴰⵍ ⴳ ⵜⵎⵉⵣⴰⵔ ⵏ ⵡⴰⵄⵕⴰⴱⵏ ⵉⵎⵎⴰⵖ ⴼ ⵓⵔⴳⴳⵉⴳ ⴷ ⵜⴰⴳⵯⵉⵜ ⵏ ⵉⴽⵛⵛⵓⵎⵏ ⵏ ⴰⵢⵜ ⴱⵕⵕⴰ ⴷ ⵓⴱⴷⴷⴰⴷ ⴰⴽⴷ ⴰⵎⴰⴷⴰⵏ ⴰⴼⵉⵍⵉⵙⵟⵉⵏⵉ ⵃⵎⴰ ⴰⴷ ⵉⵟⵟⴼ ⵉⵣⵔⴼⴰⵏ ⵏⵏ ⵓⵍⴳⵉⵏⵏ ⴳ ⵜⵙⵉⵎⴰⵏⵏⵜ, ⴷ ⵜⵉⵍⵉⵜ ⵏ ⵓⵡⴰⵏⴽ ⵏⵏⵙ ⴰⵏⵙⵉⵎⴰⵏ  ⵙ ⵜⵎⴰⵥⵓⵏⵜ ⵏⵏⵙ ⵍⵇⵓⴷⵙ.

ⵜⴰⵎⴰⵣⵉⵔⵜ ⵏⵏⵖ ⴰⵔ ⵜⵣⵣⵉⴳⵉⵣ ⴳ ⵓⴱⵔⵉⴷ ⴰⴷ, ⵙ ⵜⵖⵜⴰⵙⵉⵏ ⴷ ⵉⵙⵜⴰⵢⵏ ⵏⵏⵙ ⵉⵏⵙⵉⵎⴰⵏⵏ, ⴷ ⵓⵙⵓⵜⴳ ⵏ ⵜⵎⴰⵙⴰⵢⵉⵏ ⵏⵏⵙ ⵍⵍⵉⵖ ⵜⴳⴰ ⴰⵡⴰⵏⴽ ⵉⴳⴰⵏ ⴱⴰⵀⵔ ⴰⵇⴱⵓⵔ.