ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴳ ⵏ ⵓⴱⵕⵍⴰⵎⴰⵏ ⴰⵄⵕⴰⴱ

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 3 ⵎⴰⵕⵚ 2022, ⵎⴰⵙⵙ ⵄⴰⴷⵉⵍ ⴱⵏ ⵄⴰⴱⴷⵕⵕⴰⵃⵎⴰⵏ ⵍⵄⵙⵓⵎⵉ ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⴷ ⵓⴽⴰⴱⴰⵕ ⵏⵏⵙ, ⵍⵍⵉ ⴷ ⵢⵓⵛⴽⴰⵏ ⵙ ⵓⵙⵇⵇⵉⵎ ⵏ ⵉⵎⵓⵔⴰ ⵖ ⵉⵍⵍⴰ ⵓⴳⵔⴰⵡ ⵡⵉⵙ 11 ⵏ ⵜⵣⵍⵖⴰ ⵏ ⵉⵙⵇⵇⵉⵎⵏ ⵏ ⵉⵎⵛⵛⵉⵡⴰⵕ ⴳ ⵉⴼⵔⵉⵇⵢⴰ ⴷ ⵜⵎⵉⵣⴰⵔ ⵏ ⵡⴰⵄⵕⴰⴱⵏ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ.

ⵉⵙⵓⵜⴳ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⵜⵉⵍⴰⵍⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴳ ⵓⵎⵣⴰⵖ ⵏ ⵜⵎⵙⴰⵔⵉⵏ ⵏ ⵡⴰⵄⵕⴰⴱⵏ, ⵉⵙⴰⵡⴰⵍ ⵓⵍⴰ ⴼ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴰⴷ ⴳ ⵓⵎⵣⴰⵖ ⵏ ⵜⵎⵙⴰⵔⵉⵏ ⵜⴰⵄⵕⴰⴱⵉⵏ ⴰⵎ ⵜⵉⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⴷ ⵡⴰⴷⴷⴰⴷ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⴳ ⵜⵅⵅⵓⵜⵔⴰ ⵏ ⵍⵎⵖⵔⵉⴱ ⴳ ⵡⴰⴽⴰⵍ ⵏⵏⵙ, ⵖⵎⴽⴰⵏ ⴷ ⵓⵎⵢⴰⵡⴰⵙ ⵊⴰⵔ  ⵜⵉⵎⵔⵙⴰⵍ ⵏ ⵓⵣⵣⵔⴰⴼ.

ⵉⴱⴷⴷ ⵎⴰⵙⵙ ⵄⴰⴷⵉⵍ ⴱⵏ ⵄⴰⴱⴷⵕⵕⴰⵃⵎⴰⵏ ⵍⵄⵙⵓⵎⵉ ⴼ ⵜⵓⴳⴳⴰⵙ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⴳ ⵓⵙⵏⴰⵍ ⵏ ⵉⵎⴰⴷⴰⵏⵏ ⴷ ⵜⵏⵓⴼⴰ ⵏ ⵡⴰⵄⵕⴰⴱⵏ, ⵉⵙⵓⵜⴳ ⴰⵙⵎⵓⵙⵙⵓ ⵏ ⵉⴱⵕⵍⴰⵎⴰⵏⵉⵢⵏ ⵉⵎⵖⵔⵉⴱⵉⵢⵏ, ⵉⵖⵔ ⵉ ⵓⵙⵓⵜⴳ ⵏ ⵜⵓⴳⴳⴰⵙ ⴷ ⵓⵎⵢⴰⵡⴰⵙ ⴷ ⵓⵣⴷⴷⵓⵢ ⵊⴰⵔ ⵜⵉⵎⵔⵙⴰⵍ.

ⴳ ⵓⵎⵏⵉⴷ ⵏⵏⵙ, ⵉⵙⴱⵔⵔⴽ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵙ ⵎⴰⵙⵙ ⵄⴰⴷⵉⵍ ⴱⵏ ⵄⴰⴱⴷⵕⵕⴰⵃⵎⴰⵏ ⵍⵄⵙⵓⵎⵉ ⴷ ⵉⴳⵏⵙⴰⵙⵏ ⵏ ⵓⴱⵕⵍⴰⵎⴰⵏ ⴰⵄⵕⴰⴱ, ⵉⵙⵏⵉⵎⵎⵉⵔ ⵜ ⴼ ⵜⵓⴳⴳⴰⵙ ⴷ ⵡⴰⴷⴷⴰⴷⵏ ⵏ ⵓⵎⵣⴰⵖ ⵏ ⵜⵢⴰⵏⵜ ⵜⴰⵏⴰⴽⴰⵍⵢ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⵉⵖⵔ ⵉ ⵓⵙⵏⵎⴰⵍⴰ ⵏ ⵜⵙⵓⵜⵍⵜ ⴷ ⵢⵓⵛⴽⴰⵏ ⵏ ⵓⴱⵕⵍⴰⵎⴰⵏ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ.

ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⵙⵇⵉⵎ ⵏ ⵉⵎⵓⵔⴰ ⴼ ⵓⵍⵜⴰⵖ ⵏ ⵉⴱⵕⵍⴰⵎⴰⵏⵉⵢⵏ ⵉⵎⵖⵔⵉⴱⵉⵢⵏ  ⴳ ⵓⵎⵣⴰⵖ ⵏ ⵜⵎⵙⴰⵔⵉⵏ ⴷ ⵜⵏⵓⴼⴰ ⵏ ⵡⴰⵄⵕⴰⴱⵏ, ⴳ ⵓⵎⵏⴰⴹ ⴳ ⵍⵍⴰⵏⵜ ⵛⵉⴳⴰⵏ ⵏ ⵜⵏⴰⵥⴰⵕⵉⵏ ⵜⵉⴷⵓⵙⴰⵏⵉⵏ ⴷ ⵜⵏⴰⵎⵓⵏⵉⵏ ⴷ ⵜⴷⵎⵙⴰⵏⵉⵏ ⵣⴷⵉⵏⵉⵏ ⴷ ⴽⵓⴼⵉⴷ 19, ⴰⵢⵍⵍⵉ ⵉⵙⵖⴰⵡⴰⵙⴰⵏ ⴰⵙⵎⵓⵏ ⵏ ⵜⴰⵏⵏⴰⵢⵢⵉⵏ.

ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴳ ⵉⴳⵔ ⵏ ⵉⵣⵔⴼⴰⵏ ⵏ ⵏⵓⴼⴳⴰⵏ ⴷ ⵜⵉⵔⵎⵉⵜⵉⵏ ⵏ ⵓⵣⵣⵔⴰⴼ ⴷ ⵓⵙⵉⴷⴼ ⵏ ⵜⵎⵖⴰⵣⵔⵜ ⴳ ⵢⵉⴳⵔ ⴰⵙⵔⵜⴰⵏ ⴷ ⵜⵎⵙⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵛⵛⴰⵔⵏⵉⵏ.