ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵛⵛⵓⵕⴰ ⴳ ⵄⵓⵎⴰⵏ ⵍⴱⴰⵃⵕⴰⵢⵏ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 3 ⵎⴰⵕⵚ 2022, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵛⵛⵓⵕⴰ ⴳ ⵍⴱⴰⵃⵕⴰⵢⵏ ⵎⴰⵙⵙ ⵄⴰⵍⵉ ⴱⵏ ⵚⴰⵍⵉⵃ ⴰⵚⵚⴰⵍⵉⵃ ⴷ ⵓⴽⴰⴱⴰⵕ ⵏⵏⵙ, ⵍⵍⵉⵖ ⵜⴷⵔⵓ ⵍⴱⴰⵃⵕⴰⵢⵏ ⴳ ⵓⴳⵔⴰⵡ ⵡⵉⵙ ⵢⴰⵏ ⴷ ⵎⵔⴰⵡ ⵏ ⵜⵣⵍⵖⴰ ⵏ ⵉⵙⵇⵇⵉⵎⵏ ⵏ ⵉⵎⵛⵛⵉⵡⴰⵕ ⴷ ⵛⵛⵓⵕⴰ ⴳ ⵉⴼⵔⵉⵇⵢⴰ ⴷ ⵜⵎⵉⵣⴰⵔ ⵏ ⵡⴰⵄⵕⴰⴱⵏ ⵍⵍⵉ ⵜⵙⵏⵎⴰⵍⴰ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ.
ⴳ ⵜⵣⵡⵉⵔⵉ, ⵉⵙⵓⵜⴳ ⵎⴰⵙⵙ ⵄⴰⵍⵉ ⴱⵏ ⵚⴰⵍⵉⵃ ⵜⵉⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⵍⴱⴰⵃⵕⴰⵢⵏ ⵍⵍⵉ ⴱⴰⵀⵔⴰ ⵅⴰⵜⵔⵏⵉⵏ, ⵢⵉⵏⵉ ⵎⴰⵙ ⴱⴷⴷⵏⵜ ⴼ ⵓⵎⵢⴰⵡⴰⵙ ⵊⴰⵔ ⵉⵅⴰⵜⴰⵔⵏ ⵏ ⵙⵏⴰⵜ ⵜⵎⵉⵣⴰⵔ, ⵢⵉⵏⵉ ⵓⵍⴰ ⵎⴰⵙ ⴷ ⵉⵇⵇⴰⵏ ⵓⵙⵎⵖⵔ ⵏⵏⵙⵏⵜ ⵉ ⵓⵙⴱⴷⴷⵉ ⵏ ⵜⵏⴰⵥⵕⵉⵏ.
ⴳ ⵓⵎⵏⵉⴷ ⵏⵏⵙ, ⵉⵙⴱⵔⵔⴽ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵎⴰⵙⵙ ⵄⴰⵍⵉ ⴱⵏ ⵚⴰⵍⵉⵃ ⴰⵚⵚⴰⵍⵉⵃ ⴷ ⵓⴽⴰⴱⴰⵕ ⵏⵏⵙ, ⵉⵙⵓⵜⴳ ⵜⵉⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⵍⴱⴰⵃⵕⴰⵢⵏ ⵙ ⵜⵏⴰⵔⴰ ⵏ ⵉⵅⴰⵜⴰⵔⵏ ⵏ ⵙⵏⴰⵜ ⵜⵎⵉⵣⴰⵔ, ⵉⵙⴰⵡⵍ ⵓⵍⴰ ⴼ ⵓⵛⵛⵉⵍ ⵏ ⵓⵎⵢⴰⵡⴰⵙ ⵉ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵍⵍⵉⵏ ⴳ ⵉⵙⵡⵉⵔⵏ ⴰⴷⵓⵙⴰⵏ ⴷ ⵓⴷⵎⵙⴰⵏ ⴷ ⵓⵙⵔⵜⴰⵏ ⴷ ⵓⵏⴰⵎⵓⵏ.
ⵉⵙⴰⵡⵍ ⵎⴰⵙⵙ ⵄⴰⵍⵉ ⴱⵏ ⵚⴰⵍⵉⵃ ⴰⵚⵚⴰⵍⵉⵃ ⴼ ⵓⵎⵢⴰⵡⴰⵙ ⴷ ⵓⵣⴷⴷⵓⵢ ⵉⵙⵓⵍⴰⵏ, ⵉⵙⵎⴰⵢⵏⵓ ⴰⵙⵏⴰⵍ ⵏ ⵜⵎⴰⵣⵉⵔⵜ ⵏⵏⵙ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵉⵙⵓⵜⴳ ⴰⵔⴳⴳⵉⴳ ⵏ ⵍⵎⵖⵔⵉⴱ ⴷⴷⵓ ⵜⵏⴰⵔⴰ ⵜⵓⵏⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.
ⴳ ⵜⴳⵉⵔⴰ ⵏ ⵓⵏⵎⵓⵇⵇⴰⵔ ⵍⵍⴰⵏⵉⵏ ⴼ ⵜⵎⵙⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵛⵛⴰⵔⵏⵉⵏ, ⵖⵔⴰⵏ ⵉⵎⵙⵜⴳⴳⴰⵔⵏ ⴰⵎⵖⵔⵉⴱⵉ ⵓⴱⴰⵃⵔⵉⵏⵉ ⵉ ⵓⵙⵎⵓⵏ ⵏ ⵜⵓⴳⴳⵯⴰⵙ ⴷ ⵓⵙⴽⵔ ⵏ ⵜⵥⵍⴰⵢⵉⵏ ⵜⵉⴷⵙⵜⴰⵔⵉⵏ ⵉ ⴽⵉⴳⴰⵏ ⵏ ⵓⵎⵢⴰⵙ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ.